الأحد، 29 يونيو، 2008

نفسى فى فرخه مشويه كل يوم

بسم الله الرحمن الرحيم
فى حاجه بتحصل دايما علطول فى كل وقت وفى كل مكان ومع كل الناس ومعايا انا كتير قوى الحمد لله
هاتستغربوا لما تعرفوها وتعرفوا انى بحمد ربنا عليها
انا متعلمتهاش بالساهل لكن نفسى كل الناس تعرفها منى اكيد ناس برضه كتير عارفاها طولت عليكم هاقولها اهو
لما تكون فى شغلك وتعبان وهمدان وزهقان وطهقان(ههههههههه)ونفسك تاخد اذن زتمشى ماوراكش حاجه مش دى المشكله المهم انك من حقك تاخد اذن تروح لمديرك يكدرك بكلمتين ويقولك روح شوف شغلك يا استاذ ازوناتك كترت قاوى تروح على مكتبك تجر ازيال الحسره والند امه دا كل اللى بينى وبينه مايجيش خمس سنين هو بيعمل كدا ليه مش فاكر لما كان زميلنا وناكل ونشرب سوى وناخد اذن نروح نلف فى الشوارع ونتفرج على البتارين والناس الحلوه الفاضيه اللى ماليه الشوارع طبعا نسى اللى على على... داحتى بنتى وابنه قد بعض ووعملنا سبوعهم سوى فى الشركه مش سبوع قوى يعنى لكن جيبنا لزمايلنا الحاجه السا قعه سوى فى يوم واحد واتعاهدنا نجوزهم لبعض ياااااااااااااااااه زكريات جميله لكن يظهر انا لاشيء يدوم الا نعمة ربنا
وشويه تلاقيك تفوق من الذكريات على برفان يجنن او دقة كعب الله عليها تقول موسيقى (مديرى ده يعرف ربنا وبيحب مراته جدا) بس اذا كنت انا اللى واحده ست البرفان عاجبنى هو هايعمل ايه ماعلينا ولا مثلا يعدى قدامك كرافته رجالى انما ايه وارد فرنسا عدل (بكره نشوفها فى رقبة المدير منوره) ماعلينا شويه تلاقى اللى خرج خرج واللى خد اذن خد ولا حتى من غير اذن وانا مالى بحشر نفسى فى اللى ماليش فيه ليه انا موظفه وبس... تتغاظ طيب ماطق ...يتحرق دمك وماله
تعالى بقا شوف لما تروح تلاقى ايه بنتك وحبيبتك ولا ممكن لو انت موظف تلاقى مراتك رجعت من كليتها وعملتلك مفاجاه فرخه مشويه لذيذه تاكلها بالهنا والشفا وانت اخر سعاده وتلاقيك نسيت تعب الشغل والانتهاكات النفسيه اللى بتحصل فيه وتلاقى حد من عيالك جاى يقولك يابابا انا طلعت الاول على الفصل ولا تلاقى بنتك التعبانه قامت بالسلامه ولا تلاقى جوزك وحبيبك قام يغسل المواعين سبحان الله من نفسه كدا من غير محايله لا وايه جايب الشاى لغاية عندك واشربى معايا يا اميرتى وست الكل
الله على كدا يارب ديم نعمتك علينا وتنام قرير العين بنعمته وفضله
تروح الشغل تانى يوم سعيد مبسوط ومسامح الكل تتلاقى مديرك زقنه طويله مترين وحاله يغم ايه يا ولاد ويتسرب النباء(اللهم لاشماته) المدير ابنه تعبان وفى المستشفى المدير او مراته بهدلته وبيتته عند اخته ولا امه او المدير عربيته اتخبطط فى عربية جيرانه وياعينى هايدفع دم قلبه تصليح هو مش بالضروره يحصل كل ده لكن المهم انت عايش جو من السعاده اللى ماحدش جربها زيك
والله بيحصل ده كتير
انا من وجهة نظرى ان ربنا مع المساكين جابر وربنا معوض مخلف وميزان العدل مش ممكن يمسكه انسان
العدل بايد ربنا العدل مش انى ادعى على حد العدل مش انى الاقى اللى انا عايزاها بيتحقق
العدل فى راحة القلب العدل فى كلمه حلوه تنزل على قلبك تسعده وانك تلاقى بيتك منور باتوفيق من ربنا العدل من العادل الكبير اللى لا بيغفل ولا بينام
اللهم ديم علينا عفوك وعدلك ولا تسلط علينا بذنوبنا من لايخافك ولا يخشاك واهدى قلوبنا للخير (اللهم امين)


هناك 5 تعليقات:

أيامنا الحلوة يقول...

مبروك على مدونتك اللي شكلها كده هتكون حاجة جامدة اوي ومفيدة كمان ربنا يكرمك ويبعد عننا جميعا الفراغ ويوعدنا بفرخة مشوية كل يوم قولي اميييييييييييييين

تحياتي

الطائر الحزين يقول...

يارب
اجعلنا ممن قلت فيهم كنت سمعه الذى يسمع به وعينة التى يبصر بها

اللهم وفقنا لمعيتك

يغور الإذن فى مقابل البرفان او الكرافت

الفراغ يقول...

سلام عليكم
ايامنا الحلوه
منوره عندىويارب يجعل كل ايامنا حلوه
داكفايه الاشراق والامل اللى فى اسمك
ادعيلك بفرخه مشويه بس استحملى بقا انك تمشى اخر واحده من الشغل
ربنا يسعدك والى لقاء دائم
اخى الطائر الحزين
شكرالك وربنا يتقبل الدعاء
ودايما منور عندى

Tarkieb يقول...

شدني العنوان وقلت مين ده اللي همه على بطنه؟ بس لما قريت لقيت فكر ورا الكلام مش الطعام.....كلام جميل ...بس على فكرة
عارفة لو اكلتي كل يوم فرخة بعدها ح تقولي نفسي في الفول.....احنا في مصر مش بنعرف ناكل ...الفرخة مش اكل دي جذء منه....بس احنا اتربينا على سياسة الحرمان واغني الاغنياء هم اول من بيهجمو على ديوك الرومي في الافراح...

safa7_karmooz يقول...

والله العظيم حضرتك جوعتينى جداااااااا

ههههههههههههههههههههههه

بالهنا والشفا مقدما ^_^