بسم الله الرحمن الرحيم ازيكم وحشنتونى ومبسوطه جدا ان النت لسه موجود وانى ااقدر اتكلم معاكم
بجد انتم فين بشكر قوى اخويا الطائر الحزين لانه سئل عليا وكان نفسى يقولى اخباره ايه يا رب يكون بخير وكمان بسئل فين بقية اخواتى وولادى وبعتذر والله جدا ليكم كلكم انا ماكنتش اقصد انى خلاص بقول وداعا انا كنت اقصد ان النت كان بيقطع لفترات طويله
ودا كان مخوفنى انى معرفش التقى بيكم تانى فقلت اسلم عليكم بدرى بدرى لاحسن ماشفكوش تانى بس خلاص .
المهم بقى موضوعنا النهارده تاعبنى قوى تعالوا احكموا معايا: انا وانت وغيرنا الناس الطيبه يسامحوا لغاية فين؟
انا عن نفسى ووالله مش بشكر فى نفسىبحب انى اسامح وخصوصا مع اللى بحبهم )ماهو مابعرفش اعيش من غير حبهم يبقى ليه اشيل منهم( ( طبعا هما هنا بيطمعوا فينا اكتر وساعات مابيهموهمش زعلنا من فرحنا ! طيب لما الموضوع يزيد عن حده والزعل يكون كبير شويه
نعمل ايه نسامح برضه
عارفين الحقيقه انى ماسامحتش وكانت النتيجه ان معدتى بعيد عن القارىء اصبحت ملعبا للغثيان والالام ولا عارفه انام ولا اصحى واكتئاب فظيع والاكل ماكنش بيدخل معدتى باليومين والتلاته وان اكلت فيدوبك ملعقة ارز وطبعا لم تتحسن حالتى الا بقراءة القرءان
واية الكرسى واناللى مزعلنى مايقصدش واكيد هايتاسفلى واننا مش واخدين من الدنيا حاجه الا الكلمه الحلوه وبخت من سامح وكلام من
دا كتير بقوله لنفسى طبعا بس على مين معدتى حالفه مية حلفان ابدا لاتراجع ولا استسلام والشيطان حسبى الله ونعم الوكيل
مش عايز يبعد عنى
اعمل ايه هو انا اتغيرت؟ يعنى بقيت شريره؟! ولا ايه اللى حصل؟ بجد نفسى اعيش الهدوء النفسى والطمئنينه الروحيه
نفسى ارجع اعيش فى سلام دائم مع معدتى ومع من احبهم ولا استطيع العيش بدونهم
قولولى تعملوا ايه لو كنتم مكانى بعد الشر عنكم

السلام عليكم
بجد وحشتونى قوى النت قطع من عندى طول الشهر والنهارده جاى مفاجاه قلت اجرى بسرعه اكتبلكم وحشتونى ولو حصل ده تانى هاتوحشونى اكتر واكتر
مش عارفه ليه كل ماحب حاجه بتضيع منى انا اصبحت اؤمن بقدرى انى مش مكتوب لى احتفظ باحبائى
ودا مش اعتراض على قدر الله بقدر ماهو ايمان بالقدر خيره وشره
حقيقى بحبكم فى الله وبرضه بحب ربنا فوق ماتتصوروا لدرجة انى اصبحت احب لقاء الله فالله هو الباقى هو الموجود هو الدائم
احيانا بيجيلى تصور انى فى لحظات الموت وانى اعيش اخر لحظات حياتى وحواليا بناتى واخواتى وانا بقول انا مش عايزه حد غير ربنا
ياااااااااااااااااه شفتوا كل ده حسيت بيه لمجرد النت قطع ومنعنى عن الكلام معاكم
بس برجوكوا افتكرونى بالخير لو مالقتنونيش معاكم تانى وكل املى انكم تكونوا بخير وفى اسعد اوقاتكم وحياتكم
ولازم تتاكدوا ان مايمنعنيش عنكم الا القدر المكتوب علينا وهى الحياه كدا لقاء وفراق
ولكن اتمنى من الله ان نلتقى دائما على خير وموده وحب لانى احبكم سواء كنتم تعرفونى ام لا
لانى ببساطه احب الناس الطيبه واحب الحياه واحباحلى الاوقات معاكم
سلام عليكم والى اللقاء

نفسى فى فرخه مشويه كل يوم

بسم الله الرحمن الرحيم
فى حاجه بتحصل دايما علطول فى كل وقت وفى كل مكان ومع كل الناس ومعايا انا كتير قوى الحمد لله
هاتستغربوا لما تعرفوها وتعرفوا انى بحمد ربنا عليها
انا متعلمتهاش بالساهل لكن نفسى كل الناس تعرفها منى اكيد ناس برضه كتير عارفاها طولت عليكم هاقولها اهو
لما تكون فى شغلك وتعبان وهمدان وزهقان وطهقان(ههههههههه)ونفسك تاخد اذن زتمشى ماوراكش حاجه مش دى المشكله المهم انك من حقك تاخد اذن تروح لمديرك يكدرك بكلمتين ويقولك روح شوف شغلك يا استاذ ازوناتك كترت قاوى تروح على مكتبك تجر ازيال الحسره والند امه دا كل اللى بينى وبينه مايجيش خمس سنين هو بيعمل كدا ليه مش فاكر لما كان زميلنا وناكل ونشرب سوى وناخد اذن نروح نلف فى الشوارع ونتفرج على البتارين والناس الحلوه الفاضيه اللى ماليه الشوارع طبعا نسى اللى على على... داحتى بنتى وابنه قد بعض ووعملنا سبوعهم سوى فى الشركه مش سبوع قوى يعنى لكن جيبنا لزمايلنا الحاجه السا قعه سوى فى يوم واحد واتعاهدنا نجوزهم لبعض ياااااااااااااااااه زكريات جميله لكن يظهر انا لاشيء يدوم الا نعمة ربنا
وشويه تلاقيك تفوق من الذكريات على برفان يجنن او دقة كعب الله عليها تقول موسيقى (مديرى ده يعرف ربنا وبيحب مراته جدا) بس اذا كنت انا اللى واحده ست البرفان عاجبنى هو هايعمل ايه ماعلينا ولا مثلا يعدى قدامك كرافته رجالى انما ايه وارد فرنسا عدل (بكره نشوفها فى رقبة المدير منوره) ماعلينا شويه تلاقى اللى خرج خرج واللى خد اذن خد ولا حتى من غير اذن وانا مالى بحشر نفسى فى اللى ماليش فيه ليه انا موظفه وبس... تتغاظ طيب ماطق ...يتحرق دمك وماله
تعالى بقا شوف لما تروح تلاقى ايه بنتك وحبيبتك ولا ممكن لو انت موظف تلاقى مراتك رجعت من كليتها وعملتلك مفاجاه فرخه مشويه لذيذه تاكلها بالهنا والشفا وانت اخر سعاده وتلاقيك نسيت تعب الشغل والانتهاكات النفسيه اللى بتحصل فيه وتلاقى حد من عيالك جاى يقولك يابابا انا طلعت الاول على الفصل ولا تلاقى بنتك التعبانه قامت بالسلامه ولا تلاقى جوزك وحبيبك قام يغسل المواعين سبحان الله من نفسه كدا من غير محايله لا وايه جايب الشاى لغاية عندك واشربى معايا يا اميرتى وست الكل
الله على كدا يارب ديم نعمتك علينا وتنام قرير العين بنعمته وفضله
تروح الشغل تانى يوم سعيد مبسوط ومسامح الكل تتلاقى مديرك زقنه طويله مترين وحاله يغم ايه يا ولاد ويتسرب النباء(اللهم لاشماته) المدير ابنه تعبان وفى المستشفى المدير او مراته بهدلته وبيتته عند اخته ولا امه او المدير عربيته اتخبطط فى عربية جيرانه وياعينى هايدفع دم قلبه تصليح هو مش بالضروره يحصل كل ده لكن المهم انت عايش جو من السعاده اللى ماحدش جربها زيك
والله بيحصل ده كتير
انا من وجهة نظرى ان ربنا مع المساكين جابر وربنا معوض مخلف وميزان العدل مش ممكن يمسكه انسان
العدل بايد ربنا العدل مش انى ادعى على حد العدل مش انى الاقى اللى انا عايزاها بيتحقق
العدل فى راحة القلب العدل فى كلمه حلوه تنزل على قلبك تسعده وانك تلاقى بيتك منور باتوفيق من ربنا العدل من العادل الكبير اللى لا بيغفل ولا بينام
اللهم ديم علينا عفوك وعدلك ولا تسلط علينا بذنوبنا من لايخافك ولا يخشاك واهدى قلوبنا للخير (اللهم امين)

دعوة خير

بسم الله الرحمن الرحيم
هذا يوم سعيد بالنسبة لى اذ اننى اول يوم انشىء المدونه الخاصه بى
انشأتها بالتعاون مع ابنتى وهى صاحبة الفكره لانى اعانى من الفراغ والوحده رغم انى سيده عامله
ولكنى لا اجد من اتحدث اليه او يملا الفراغ الذى اعيش فيه
فقد تزوجت احدى بناتى والثانيه مشغوله بدراستها ومع انى اقدم الحب لهما الا انهما مشغولين عنى بحياتهما
فقد فكرنا ان اكون اما للجميع
فان روحى شابه فى جسد مرهق ولكن لى قلب كبير
اتمنى للجميع السعاده
فهل اجد من يريد اما او من يريد اختا او صديقه فى الله
شكرا لكم