الأحد، 3 أغسطس، 2008

بسم الله الرحمن الرحيم ازيكم وحشنتونى ومبسوطه جدا ان النت لسه موجود وانى ااقدر اتكلم معاكم
بجد انتم فين بشكر قوى اخويا الطائر الحزين لانه سئل عليا وكان نفسى يقولى اخباره ايه يا رب يكون بخير وكمان بسئل فين بقية اخواتى وولادى وبعتذر والله جدا ليكم كلكم انا ماكنتش اقصد انى خلاص بقول وداعا انا كنت اقصد ان النت كان بيقطع لفترات طويله
ودا كان مخوفنى انى معرفش التقى بيكم تانى فقلت اسلم عليكم بدرى بدرى لاحسن ماشفكوش تانى بس خلاص .
المهم بقى موضوعنا النهارده تاعبنى قوى تعالوا احكموا معايا: انا وانت وغيرنا الناس الطيبه يسامحوا لغاية فين؟
انا عن نفسى ووالله مش بشكر فى نفسىبحب انى اسامح وخصوصا مع اللى بحبهم )ماهو مابعرفش اعيش من غير حبهم يبقى ليه اشيل منهم( ( طبعا هما هنا بيطمعوا فينا اكتر وساعات مابيهموهمش زعلنا من فرحنا ! طيب لما الموضوع يزيد عن حده والزعل يكون كبير شويه
نعمل ايه نسامح برضه
عارفين الحقيقه انى ماسامحتش وكانت النتيجه ان معدتى بعيد عن القارىء اصبحت ملعبا للغثيان والالام ولا عارفه انام ولا اصحى واكتئاب فظيع والاكل ماكنش بيدخل معدتى باليومين والتلاته وان اكلت فيدوبك ملعقة ارز وطبعا لم تتحسن حالتى الا بقراءة القرءان
واية الكرسى واناللى مزعلنى مايقصدش واكيد هايتاسفلى واننا مش واخدين من الدنيا حاجه الا الكلمه الحلوه وبخت من سامح وكلام من
دا كتير بقوله لنفسى طبعا بس على مين معدتى حالفه مية حلفان ابدا لاتراجع ولا استسلام والشيطان حسبى الله ونعم الوكيل
مش عايز يبعد عنى
اعمل ايه هو انا اتغيرت؟ يعنى بقيت شريره؟! ولا ايه اللى حصل؟ بجد نفسى اعيش الهدوء النفسى والطمئنينه الروحيه
نفسى ارجع اعيش فى سلام دائم مع معدتى ومع من احبهم ولا استطيع العيش بدونهم
قولولى تعملوا ايه لو كنتم مكانى بعد الشر عنكم

هناك 3 تعليقات:

الطائر الحزين يقول...

جميل التسامح لكن فى موقفة
انا نفسى نتدرب على الوسطية فى كل شىء حتى لا نحزن اوى أو نفرح أوى
نضع دوما احتمال للشىء النقيض
=========
التسامح مطلوب فى وقته وحينه وليس على طول الخط

هناك اشياء لابد لها من وقفات

الفقيرة إلى الله أم البنات يقول...

اختى
اظن هناك فارق كبير بين التسامح والتساهل
اوقات لا ينفع تسامح لانه بيكون تساهل فى حقوق
والمؤمن القوى احب وافضل عند الله من المؤمن الضعيف
لاتتهاونى فى حقك ولا تتسهلى
دمتى بخير وفهم على الله

الفراغ يقول...

اخى الطائر الحزين
اختى الفقيره الى الله
ربنا يبارك فيكم
شكرا على تواصلكم معى
وفعلا لابد للانسان ان يحافظ على كرامته
واكيد فى يوم هاتعلمان معدتى مالهاش دعوه بالزعل