الجمعة، 9 يناير، 2009

اخوه يا عرب

سلام عليكم بجد وحشتونى نفسى اكلمكم تانى ونتواصل من جديد على فكره لسه النت داخل جديدالنهارده المهم كل عام وانتم بخير بمناسبة العام الجديد الهجرى والميلادى
وطبعا عمرنا ماننسى فى الوقت الحالى اننا ندعى لاخواتنا الغزاويين والفلسطينيين عموما بان ربنا ينصرهم ويرفع راية الاسلام على ايدهم ويعنيهم ويصبر الثكالى منهم ويقوى رجالهم ويرحم شهدائهم ويجعل مثواهم الجنه
بس احب اعرف اهلنا فى فلسطين انهم مايهاجموناش عمال على بطال احنا برضه اخواتهم اللى طول عمرنا معاهم ومصر ادت كتير طول عمرها رغم اننا نعتبر افقر بلد فى العرب بس عمرنا ما مدينا ايدينا لحد
ونفسى ااقول لكل اللى بيهاجم مصر تقدروا تقولولى ليه مابتهاجموش مثلا السعوديه قلب العرب واكتربقعه بنحبها فى الدنيا كلها عملت ايه السعوديه مثلا جت قدمت كام مليار لمصر اللى بتقولولها حاربى معانا فين دنانير الكويت ولا مصر دايما اللى مكتوب عليها الغلب ولازم نفضل محتاجين وفقرانين وهما عايشين بيلعبوا بالفلوس لعب وعند الفقير فى بلدهم بدل العربيه اتنين والله مش بحسدهم
لكن احنا دفعنا كتير من حياتنا ومن ولادنا وشبابنا واخواتنا وابائنا فى كل الحروب اللى فاتت
يا عرب احنا مش الحيطه المايله ليكم احنا هانفضل طول عمرنا احسن ناس ان شاء الله
واخر كلمه هاقولها ومن غير زعل انتو بتهجمونا علشان مابنديش ريالات لكن عندنا احسن رجالات واذا كنا اخوه وعرب صحيح يبقى لازم اللى يقدم حياته اخوه يدفع تمن سلاحه ولا اييييييييييييييييييييييييه

هناك تعليقان (2):

اللؤلؤة يقول...

السلام عليكم
معلمتى العزيزة:أى نعم أنا تعليقى جاء متأخرا وأنا أعتذر لك عن ذلك وكل شىء إنتهى وانتصرت غزة بحمد الله ولكنى أختلف معك بتبريرك بأن مصر لاتستيع عمل شىء ولكنى أقول لك أن مصر تستطيع عمل أشياء غير الحرب مثل سحب السفير ولو مؤقتا وتعليق المبادرة العربيةوحضور مؤتمر الدوحةوفتح معبر رفح وغيرها الكثير والكثير

مع تحيات اللؤلؤة
وارجو مواصلة التواصل

الفراغ يقول...

ابنى العزيز
جزاك الله كل خير
مصر ممكن تقدم الكتير والكتير وانا معاك فعلا فى ده
بس عارف لما تتعض الايد اللى قدمت كتير
احيانا بتيجى النتيجه عكسيه
وطبعا انت عارف ان النظام المصرى لا هو ايام الرسول ولا ايام ابو بكر الصديق
احنا بقينا فى زمن هات وخد
ربنا ينصرنا جميعا ويصبر اهل الشهداء