الثلاثاء، 13 يناير، 2009

زهق

مش عارفه مالى زهقانه ليه سؤال غريب صح قولى ايه اللى مايزهقش الضرب اللى فى غزه والعراق افغانستان هو اشمعنى المسلمين واللى يزهق ويغيظ اكتر اننا مستسلمين وساكتين ومستحملين حاجه غريبه طيب تعالى نشوف عندنا احنا اللى يزهق ويغيظ ان فاتورة الكهربا غليت ولما تسئل وزير الكهربا يقولك علشان الناس ماتستهلكش كتير ويوفروا كهربا احترت واحتار دليلى هى دى حجه برضه طيب قول كلام نصدقه هو احنا خلاص انكتب علي وشنا العبط والهبل فكرونى بفيلم نجيب الريحانى لما كان بيحاسب صاحب العزبه على تمن الخروف حاجه تجنن تعالى كمان نشوف وسبحانه من ابدع وانشا هذه العبقريه الفذه دوروا ياخدوا فلوس من جيب الشعب المسكين ازاى قاموا طلعوا بفكره جهنميه ال ايه تجديد البطاقه كل 7 سنين غصب عنك رضيت ام لم ترضى بيناتك اتغيرت او لا هاتغيرها هاتغيرها ربنا يبارك فيك ياصاحب العقل الفذ والعبقريه اللى مش على حد ويخليك لمصر دا طبعا من ضمن ولاد الراجل اللى برضه دفعنا فلوس القمامه على فاتورة الكهربا واللى زود فاتورة التليفون واللى جابلنا اتوبيسات بصفين كراسى علشان الناس ماتقفش وقال عليها مميزه طبعا مميزه لانها معموله للتحرش الاجبارى ورحم الله الازهر والحياء والاحترام ورحم هذا الاب بابنائه الكمل اللى واخدين بالهم من اخواتهم وجيرانهم اصل قبل مايموت جمع ولاده وقالهم هاقلوكوا على سر يا ولاد ايه يا بابا انتوا عارفين مصر دى مش بلد المصريين دى بلدكم انتم والشعب دا كله خدامكم ليه يابابا اصل يا ولاد انا الحلوانى اللى بناها واللى بنى مصر كان فى الاصل ايه...........................حلوانى

هناك تعليقان (2):

Bondoka يقول...

يااااااااااااه كل ده زهق
ليه كده
ده حتى الحياه لونها بمبىىىىىىىى

مهو اصلك مش واخده بالك ... هما بيعرضوا اخبار غزه ليه فى التليفزيون ليل نهار!!!!!!!!!
عشان الى يشوف بلوة غيره تهون عليه بلوته
تحياتى فى اول زياره للمدونه
فى انتظار بوست مش زهقان
:)

الفراغ يقول...

حبيبتى بندقه
ربنا يخليكى
بجد ضحكتينى وخلاص الزهق راح بعد ماقرات تعليقك
يظهر انى بدلع شويه
حقيقى من شاف بلوة غيره هانت عليه بلوته
دمتى فى سعاده