الجمعة، 9 يوليو، 2010

الوقت كالسيف ان لم تقطعه .......قطعك

بجد مش عارفه اعمل ايه
الوقت بيضيع من بين ايديا
بفكر كتير ................لكن التنفيذ صعب
عايزه اعمل واعمل واعمل
لكن فين الوقت لكل دا
عايزه اقرا الجرايد ....مافيش وقت
عندى كتب كتيرنفسى أقرئها....لكن مافيش وقت
عايزه اكمل خياطة عبايات مركونه بقالها سنتين واكتر ....بس مافيش حيل ولا عين ولاوقت
عايزه اصوم.........ههههههههههههههههه
انا بعتبرها نكته
لانى السنه اللى فاتت كنت بشجع على الصيام
لكن السنه دى....مافيش قدره خالص ولا تحمل........امال هعمل ايه فى رمضان؟؟؟؟!!!!!
ساعدنى يا رب
ياترى كل اللى نفسى فيه ومش قادره اعمله....
دا من ايه
اكيد الشيطان بيضحك عليا
ومضيع وقتى ...فى ؟؟؟....مش عارفه
فى كلام فاضى
شويه تلفزيون......لا مش شويه ...دا كتيييييييييييييييييير
ومع التلفزيون بتضيع بركة اليوم
ومع الحر وزهقه بتضيع البقيه الباقيه...
طيب اعمل ايه؟؟؟؟؟؟؟؟؟؟؟
ماهو مافيش نفس ولا قوه
زهق وبس
ولا حول ولا قوة الا بالله

سلام عليكم


هناك 23 تعليقًا:

د/على خميس يقول...

السلام عليكم و رحمة الله و بركاته
الحال من بعضه يا فندم و دى حاجة فعلا مضايقانى و معكننة على حياتى ...
اعتقد الموضوع محتاج مننا دعاء و علو همة و ربنا يقوينا
بارك الله فيك
تحياتى

Abd Al-Rahman يقول...

يااااه
حضرتك جيتى على الجرح ..
أنا من حوالى 3 شهور كده كان المفروض ان ورايا مذاكرة كتير جدا ، لكن كنت بلاقى نفسى قاعد قدام التليفزيون ، طول اليوم .. فالحل كان إنى جيت فى يوم ورحت داخل مجهز شنطة السفر ولميت كل كتبى وهدومى ، ومسافر على طنطا ، هناك لا فى تليفزيون ولا نت ولا حتى راديو ، ههههههههه
والحمد لله ربنا كرمنى فى المذاكرة على الآخر ...
برضه فى واحد صاحبى كان واقع فى نفس المشكلة ، قام جه فى يوم وراح شايل سلك التليفزيون ونزل رماه فى أراضى زراعية قريبة من بيتهم ...
اللى عايز أقوله ، إن الحل عادة بيبقى فى القرارات المفاجئة اللى بتحمل كتير من التضحية ، لكن نتايجها بتكون هايلة ..
*********
ربنا يرزقنا حسن إستغلال الوقت
وربنا يبلغ حضرتك رمضان
سلاماتى

مسرور يقول...

الكسل حين يصبح مرضاً يصعب
الشفاء منه

لابد من الحزم والحسم والا فلا خلاص

تحياتي لك

♥♥ شذا ♥ الروح ♥♥ يقول...

أزيك حبيبتى

وحشتينى كتير ومتفقه جدآ مع كلامك ميه بالميه
أنا كل يوم أقول هصوم انهاردا لاء بكره والوقت بيسرقنى وبيجرى بسرعه

كل اللى بتمناه ربنا يرحمنا برحمته التى وسعت كل شىء ويسمحنا ويغفر لنا

ربنا يعزك ويشفيكى يقرب ويقدم ليكى كل الخير
أحبك فى الله
إيناس

غير معرف يقول...

قدرا بقرا رد حضرتك لعى التعليق لاقيتك كاتبه انك عايزه الققصص
وانا منزلاها قبل مااقرا كلام حضرتك

على فكره دى شفافيه اللى حضرتك كنتى عايزاه ربنا سخرنى انى انزلهولك


ربنا يعزك ويرضى عننا جميعا

جيجي والعالم

كلمات من نور يقول...

عليكي بكتاب الله عز وجل ابداي يلا الوقت حان وخاصة إننا قربنا من شهر شعبان و التزمي القراءة اليومية اكتر من مرة وحتلاقي نفسك بتعودي لباب الله عز وجل ولا تهتمي بسواه ........اللهم بلغنا رمضان

HaMaDa 3aFshA يقول...

امي العزيزة
حمدالله على سلامتك وعودتك لست منقطع ولكنني متابع باستمرار ولكني لم استطع ان اكتب سابقا.
لا تعلمين مدي قلقي لغيابك ومدي فرحتي بعودتك.
امي اعتبرك هذا الصوت الحاني من بعيد الداعي فى ظلمات ليل مخيف لابناء لم يجمعها بهم سوي الحب فى الله وما اصدق هذا الدعاء وما اوثق هذه العلاقة.
امي ارجو ان تكثري لي الدعاء في هذه الايام وارجو ان لو استطعت ان تحددي لي موعد اخاطبك فيه على الميل ان امكن فاني حقا احتاج الي كلام مع شخص حكيم وحنون وقريب الي قلبي مثلك امي واحتاج النصح والنصيحة فقد ضاقت واستحكمت ولا ادري مخرجا عله يكون قريب
حبي ومودتى وتحياتى...ابنك احمد

دموع القمر يقول...

جيتى على الوجيعه :):)

ازيك ياماما
اخبااااارك ايه
انا اول مارجعت قولت لازم اجى اسلم على حبايبى
مش عارفة فاكرانى ولا ايه :)
بس انتوا كلكم مرحتوش عن بالى
تحياتى لكى
ربنا يعينك ويوفقك لما فيه رضاه

أم الخــلـود يقول...

اصحى يا نايم ووحد الدايم

(حملة الجسد الواحد)

أرجوا من المدونين الموقرين أن يضعوا شعار الحملة واسمها فقط فوقها (حملة الجسد الواحد) في الشريط الجانبي لمدوناتهم كدلالة على وحدة صف أمة محمد، ومن أجل قيام الولايات المتحدة الإسلامية.

لمزيد من المعلومات

http://dndanh111.blogspot.com/2010/06/blog-post_14.html

جعله الله في ميزان حسناتكم .. آمين

محمود(باحث عن حب) يقول...

السلام عليكم
مدونه فوق الرائعه وافكارها
جميله جدا جدا
ايه الجمال والعسل ده كله
بالفعل مشكله
كبيره جدا جدا
احنا تلوقتى
كل ما نكبر (بالنسبه لى )
مشاغلنا بتكتر
ووقتنا بينقص
بيكون عندنا
حاجات كتير عاوزين ننجزها
بس
الشيطان
واعوانه

والنفس والدنيا
والهوى
الواحد عنده امانى كتيره بس العمل ايه
الدنيا هكذا
جهاد دائم
لو صدقنا(بالنسبه لى ) فى نيتنا فى عمل شىء يرضى الله
لسهلت لنا الامور
ولكن اين تلك البركه
انها تضيع من بين ايدينا مثل تسرب الماء من كف اليد
صدق دعاء همه
ويقين
هما مثلث القوى
( بالنسبه لى )
للانجاز اى شىء
اعاننا الله واياكى

الفقيرة إلى الله أم البنات يقول...

انا هاحاذى فى الصف ...وارفع ايدى ادعى ربنا ييسسر لنا جميعا
وحشتينى قوى

الفراغ يقول...

دكتور على
وعليكم السلام ورحمة الله وبركاته
اعتذر عن تاخير الرد
لظروف مرضيه
وكمان تغيير فى طريقة التفكير
وربنا يقدم اللى فيه الخير

الفراغ يقول...

دكتور عبد الرحمن
الف مبروك نجاحك
وفعلا الموضوع محتاج تضحيه
واعتقد ان قرب رمضان فيه الحل ان شاء الله

الفراغ يقول...

مسرور
اسمك جميل
يجب الحسم
ان شاء الله الحسم فى الطريق

الفراغ يقول...

ايناس .....وحشتينى
تقريبا ياايناس الطريق واضح قدامى
بس هى طبيعة البشر التسويف
ان شاء الله الحل جاى فى الطريق

الفراغ يقول...

جيجى
ربنا يعزك ويسعدك
انا متابعه جيده لكى
حتى وان لم اظهر فى التعليقات

الفراغ يقول...

اختى الغاليه
كلمات من نور
والله هو دا اللى انا فعلا محتجاه
كلامك نزل على قلبى بردا وسلاما
ربنا يبارك فيكى
وفعلا بدات اختى الصوم
اعزك الله واسعدك

الفراغ يقول...

ابنى ... حماده
انا اسفه جدا على تاخير الرد
وادعوا لك باليسر وراحة البال
وان شاء الله موضوعى القادم هايرد عليك

الفراغ يقول...

بنتى دموع القمر
انا اسفه حقيقى مش فاكراكى
بس انا بحبكم كلكم
واشكرك على دعائك وحمدا لله على عودتك

الفراغ يقول...

ام الخلود
حاضر.....
باذن الله سا اضع الشعار

الفراغ يقول...

محمود...باحث عن حب

اشعر بانك انسان فوق العاده
انت تنصحنى بكل زوق
فعلا(صدق_دعاء_همه )
هما مثلث القوى لفعل كل شيء
وصدق النيه
لك ولى وللجميع
اشكر تواضعك فى ابداء النصيحه
اشكرك ولك كل تحياتى

الفراغ يقول...

اختى الحبيبه
الفقيره الى الله
انتى زى العسل
كلنا والله واقفين فى الصف
ربنا يعيننا جميعا

thunder يقول...

هقولك ياامى ربنا المعين فى كل حاجة وتخيالى بقى لو كنا احنا بنعيش فى دولة زى الصومال ولا غيرها كنا هنصوم ازاى اللى قدر المسلمين هناك على الصوم اكيد هيقدرنا على الصايم وغيره العيب مش فى الكسل العيب فى عدم تنظمينا لحياتنا لو قتنا الرسول صلى الله علية وسلم قال اعمل لدنياك كانك تعيش ابدا واعمل لاخرتك كانك تموت غدا وطبعا الحكم والامثال كتيرة فى الموضوع دا لكن المشكلة اننا اتعود ع نظام معين فى المجتمع العربى ع العموم بقى شبه عقيدة ومع مرور الزمان بقى عادة ومش قادرين نغيرها وهى ان الوقت مهدر وبنقول بكرة مش مهم النهاردا يعنى لو قيسنا كل جوانب حياتنا هنلاقينا معظم الوقت ضايع فى نوم واشياء شبة معدومة الفايدة وهنلاقى جزء بسيط جدا هو المستغل باتقان ....
ربنا ياامى يرزقك الخير اينما وجد ويرزقك حسن الطاعة والدوام عليه ياااااااااارب ويقدرك على ما تحبى ويرزقك متعته وخيره ان شاء الله يارب