الثلاثاء، 12 أبريل، 2011

ها يأكلونا الاونطه

بسم الله الرحمن الرحيم

استنى لما سمع كلمة السر ثم اتنطط واتشقلب ومثل الغيظ وانفجر فى وشنا
وقـــــــــــــــــــــــــــــــال :
هاتولى حسنى مبارك الكداب

هاهاهاهاهاهاهاهاهاهاهاهاها

دلوقتى افتكرت
قصدى دلوقتى بقا حسنى كداب ونقل ثروته وغيرها بالدهب

طيب ماعنده الدهب ال5 كيلو اللى واخدها من ارضنا هدية من سامح فهمى
طيب ماعنده العمولات اللى باع بيها مصانعنا وشاركتنا

ياراجل حرام عليك
مشارك معاه فى التمثيلية.........وجاى تلعب معانا
منه لله كل واحد ساعده وبساعده
هايروحوا من ربنا فين
اااااااااااااااه نسيت
دول اصلا مايعرفوش ربنا ولا يعرفوا اّخرة
"("(نسوا الله فانساهم انفسهم))

ليك يوم يا ظالم....تترد فيه المظالم
قريب او بعيد
هانتقابل يوم الوعيد....وخلى الحرام ينفعكوا
يا نائب جهنم....ياريس الحرامية....يا وريث

هاقول ايه!!!!!!!!!!!!!!!!!!!
وجعوا قلبنا............الهى يوجع قلبهم على عزيز غالى
وزى ماريحيين يصرفوا اللى نهبوه على محاميين بريطانيين
برضه يصرفوه على مرض مش بأيدهم ...ولقمة توجعهم...ونومة تقلقهم....وامان يقرفهم

هاعمل ايه ...خلاص تعبت من الاستهبال
قال ايه ....اول ماسمع كلمه اتغاظ وقال :هاتوه نحاسبه

فكرها خالت علينا
ودا برضه من ذنوب عصام شرف
انه مغيرش النائب العام

حسبى الله ونعم الوكيل


هناك 11 تعليقًا:

غير معرف يقول...

هقول اية مش هقول غير ان ربنا هو اللى يعلم واحنا لاء
سبحان الله اللى فى علمه وفى مقدرة هو اللى هيبان وساعتها هنعرف منين اللى ظالم من مين المظلوم وهل الرجل دا فعلا ظلم ولا ظالم
ولو ربنا مش بيحبة هل كان ابتلاة بموت حفيدة وبالمرض وبزوال حكمه
ولا كان اخده بغاته على ظلمة اكيد هيبان مع الايام ياامى

الفراغ يقول...

غير معرف
اهلا بيك
انت عايز تفهمنى اننا احنا اللى ظالمين الراجل ده
احنا اللى اكلنا البلد لحم ورميناها عضم
احنا اللى عملنا وعملنا وعملنا..........
عموما ليس بيدنا حيلة الا الانتظار
وشكرا

غير معرف يقول...

ههههههههههههههههههه
العلم عند الله عز وجل
وبعدين ربنا قال فى محكم التنزيل
بسم الله الرحمن الرحيم

"وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وانتم لا تعلمون "

النقطة التانية حضريتك اكيد عارفة قصة الرجل اللى قتل ميت نفس ودخل الجنة اكيد الابتلاء من الله ليه دلالة والا كان اخذه بغته بظلمة

ثالثا ياامى اعطينى دليل مؤكد بوثيقة واحدة على ثروة مبارك غير الاخبار المتضاربة بين الجرائد والمواقع

النقطة الرابعة
لية مفكرناش لغايط دلوقتى فى مصلحة الجزيرة واية اهدافها وسرعة نقلها للمعلومات وتحفيذ الشعب وحرق دمهم بمبالغ وهمية لسرعة الانقضاض على السلطة وتحركاتهم اللى بعد كدا فى المنطقة + اللى بيحصل على الحدود بتعتنا من غرب وشرق وجنوب طيب واية اللى كان موقف امريكا على رجل فى اللى بيحصل فى مصر


خامسا انا مبنكرش انه كان فى كم فساد لا يطاق لكن كل مقصدى اننا نسكت على الموضوع دا ونتركه للقضاء علشان منترماش بظن وسواء وناخد اوزاره لانه لا يعلم الحقيقة غير الله عز وجل

الفراغ يقول...

غير معرف
والله ليك حق
ونعم بالله
صحيح مافيش دليل مادى فى ايدى
بس لينا عقل نفكر بيه
مش ننكن يكون كبار حكومته نهبوا ارض مصر طولا وعرضا بملاليم وهو معملش زيهم او اداهم اشاره خضراء بالمرور
وعلى فكرة انا ماباخدش معلوماتى من الجزيرة
انا بقرأ الصحف المصريه وبسمع رجالات مصر الشرفاءفى الحياة والفراعين امثال ابراهيم عيسى وماشابه
وعموما انا ليا نظرتى وتصورى وفكرى
وكنت شايفه مصر بتتخرب بايد عز وجمال
وكنت بقثول مصر بتتحول من جديد الى بشوات وعبيد
وطبعا انت عارف مين العبيد ومن كان بشوات مصر...الله لا يرحمهم
وودعوة المظلوم مقبوله من فوق سبع سموات...نحن لا نظلم...ولكن ظلمنا
واشكرك من كل قلبى على التواصل
وياريت يكونلك مدونه نقرأفيها افكارك
وبرضه بغير معرف ..مش مشكلة
نورتنى

غير معرف يقول...

متزعليش هخنلف مع حضريتك بردوا فى اطلاقاء لفظ الشرفاء رغم كونى مش بنكره على البعض لكن هتحافظ انه يطلق فى التوقيت دا لان الملاحظ ان الجميع بيخلط بين الامور وواخدها حسابات وتصفية وبعيد كل البعد عن الحقيقة سواء ابراهيم عيس او مصطفى بكرى او الاسوانى لان ان مكانش الاغلب فيهم بيصفى حسابات شخصية مع اسم حسنى مبارك فبيدعم العلمانية والمناداة بيها على فكرة لانى بتابع الموقف وبدقة نوعا ما اكد اقسم بالله ان الجميع مبيحسش بينا الافراد العاديين وكل شخص بيدور لنفسه على مصلحة خاصة بيه كاننا كورة بيتحدف من شخص لشخص دون اعتبار ولاننا مغيبين او الجميع طبعا وملهين فى حاجات مختلفة فلاقين ناس بتتكلم بدون وجهة حق ومحدش على الاقل نفس معطتهمش توكيل سعد زغلول بنيابة عنى علشان يتشدق بالكلام
اللى حاولت اقوله انه فى لازم نقطة استيقاف وبعديها مراجعة سريعة للموقف وبعدين تحديد اولويات مرحلة قادمة لكن اللى بيحصل صورة من صور الثورة الفرنسية ام معايا او ضددى وتصفية حسبات وفيها تشفى وغفلة بدون رؤية منا لاهداف ومصالح ناس مدعية وطنية تعرفى ياامى نفسى والله كل فرد يجيب ورقة وقلم ويقيس الموقف ويجيب وجهة النظر الطرفين ويشوف مصالحة دا ودا وبعدين يقرر اى الطرفين فعلا كان احق وايهم افيد ولا بدائلهم اية
ربنا يكفى مصر شر ابنائها ويكفيها السوء ويفرج الكرب عن قريب

كلمات من نور يقول...

كل واحد افتكر نفسه قوي حيروح من الله القوي ازاي؟؟؟؟؟؟؟؟؟؟؟؟؟؟؟؟؟

الفراغ يقول...

عمرى ماهزعل معاك طول ماحنا بنختلف باحترام
برضه انا بختلف معاك
مش كل الناس بتصفى خلافات
ابراهيم عيسى مش مترشح لانتخابات
وطول عمرى وانا بشوفه رجل يبحث عن الافضل ومش عيب انه ينادى بالافضل لمصر
وانا متفقه معاه وهل بذلكانا كمان ابقى بصفى حسابات مع مبارك
كل الحكاية انى زى بقية المعارضين لان ببص للااحسن لبلدى وولادى قصدى احفادى ...لانى مش هاكون عايشه وقتها
وبعدين انت بتقول ان كل واحد يجيب ورقه وقلم ويشوف اى الوقت افضل

طبعا دلوقتى افضل
ولا انت كنت عايز مصر تتفضل تتنهب الى اخر قطرة
وساعتها ماكنش هاينفع نحترم نفسنا
وماحدش كان هايزعل علينا
عارف الايه اللى بتقول عن فرعون
((استخف قومه فاطاعوه ))
فعلا كنا فى خوف ورعب
بس الحمد لله ربنا معانا بأزنه وحده

منتظرة الرد

الفراغ يقول...

كلمات من نور

كلنا هانروح من ربنا فين؟
لكل اجل كتاب
وربنا يعيننا على اتباع الحق

غير معرف يقول...

هختلف مع حضريتك فى نظرية الفرعون والعبيد لان فرعون نفسه كان بييتشاور مع الملاء من العامة لما اجتمع بيهم ليروا امر موسى ودا موضوح فى اكتر من اية قرائنية وانا مش هقول لحضريتك لانه اكتر حد بيقراء فى المصحف الشريف ولا انا عن شخصى المتوضع من عبيد الرئيس السابق لكن بحترم فية شئ قدمه قبل زلة وخطيئة فى حقى لانى والدى ربانى على كدا ...
وابراهيم عيس انا بشوفه متناقض رغم مناوشات قديمة ليه مع النظام وافراج مبارك عنه قبل حبسة وتهليل وتعظيم ابراهيم عيس لمبارك بعد كدا لكن اللى حضريتك مش شايفه ان ابراهيم عيسى بيصفى حسابة ودا نتيجة لانه تم اقالته من رئيسة تحرير جريدة الدستور اللى بيرئاسها السيد بدوى رئيس حزب الوفد حاليا واللى صدق على قرار اقالته بحفاوة وان كان ابراهيم مش بيطمح للرئاسة فاكد اجزم انها بيطمح لمنصب مامن خلال دعمه لمرشح رئاسى وهيكون صحفى او اعلامى والايام بيننا
النقطة اللى حضريتك مش مستشفها من كلامى انى وان كنت متفق مع اول ما حدث فى الثورة قد ما مختلف مع تبعات الموقف بعد كدا ودا ناتج عن تلبية من النظام القديم واحساس بالقوة منا فاعمنا اننا بناذى انفسنا فى كل شئ و بنملك من لايستحق علينا وبنسوع الطريق لمن ليس لهم مصالحة الا تحويلنا لدولة علمانية بكل معنى الكلمة او تحويلنا لدولة دينية متشددة
لو حضريتك شوفتى فيديو الاستاذ عصام سلطان واللى بيسرد فيه دعوة لحضور ندوة قبل الاستفتاء على التعديلات واذا بكم هائل من اصحاب العقول النيرة واصحاب المبداء و . و.. ليتفاجئ ان كل داوهم وعلى فكرة الرجل ذكر اسماء الحضور وقال مصدر الدعم للندوة اللى ظهر بعد كدا انها مكانتش ندوة ......ادعوكى للبحث عنه ومشاهدته ....لان دا هياكد لحضريتك معنى كتيرة جدا واشياء اكتر مخيفة ... ملخص قولى ياامى احنا كورة بيتعلب بيها وبمشاعرها اسف فى التعبير دا لكن فعلا دا حالنا احنا بنعيش على ثقافة القطيع بمعنى واحد يصدر فعل فكل بيندفع وارهاوخلاص وهكذا ....
كمان انا مش مختلف على ازالة النظام لكن لازم فى نقطة كانت من بدرى ومن فترة نقف ونعيد الترتيب والرؤى علشان نعرف احنا فين .....
ملاحظة ودا احساسى الشخصى
انا بتكلم لانى شايف نبرة من كل الناس بتتشفى فى الرجل من خلال مرضة
( السرطان والقلب) وازمته عاوز اقولهم لحظوا ان المرض شئ الهى وان الرجل بيشوف اسرته بتتدمر فان كنا اهل دين كان لازم نحترم ادميته ومشاعره ونترك اهل القانون لتوضيح موقفة وهو اسرته مش ننصب 85 مليون محلل سياسى وكمان 85 مليون قاضى
وبنحكم ونتحاكم فيما بيننا وبقينا بنفتى فى كل شئ رغم انها كانت آفة الامم السابقة

غير معرف يقول...

هختلف مع حضريتك فى نظرية الفرعون والعبيد لان فرعون نفسه كان بييتشاور مع الملاء من العامة لما اجتمع بيهم ليروا امر موسى ودا موضوح فى اكتر من اية قرائنية وانا مش هقول لحضريتك لانه حضريتك اكتر حد بيقراء فى المصحف الشريف
ولا انا عن شخصى المتوضع من عبيد الرئيس السابق لكن بحترم فية كبره وشيبته وضعفة الحالى وشئ قدمه قبل زلة وخطيئة فى حقى لانى والدى ربانى على كدا ...
وابراهيم عيس انا بشوفه متناقض رغم مناوشات قديمة ليه مع النظام وافراج مبارك عنه قبل حبسة وتهليل وتعظيم ابراهيم عيس لمبارك بعد كدا لكن اللى حضريتك مش شايفه ان ابراهيم عيسى بيصفى حسابة ودا نتيجة لانه تم اقالته من رئيسة تحرير جريدة الدستور اللى بيرئاسها السيد بدوى رئيس حزب الوفد حاليا واللى صدق على قرار اقالته بحفاوة وان كان ابراهيم مش بيطمح للرئاسة فاكد اجزم انها بيطمح لمنصب مامن خلال دعمه لمرشح رئاسى وهيكون صحفى او اعلامى والايام بيننا
النقطة اللى حضريتك مش مستشفها من كلامى انى وان كنت متفق مع اول ما حدث فى الثورة قد ما مختلف مع تبعات الموقف بعد كدا ودا ناتج عن تلبية من النظام القديم واحساس بالقوة منا فاعمنا اننا بناذى انفسنا فى كل شئ و بنملك من لايستحق علينا وبنسوع الطريق لمن ليس لهم مصالحة الا تحويلنا لدولة علمانية بكل معنى الكلمة او تحويلنا لدولة دينية متشددة
لو حضريتك شوفتى فيديو الاستاذ عصام سلطان واللى بيسرد فيه دعوة لحضور ندوة قبل الاستفتاء على التعديلات واذا بكم هائل من اصحاب العقول النيرة واصحاب المبداء و . و.. ليتفاجئ ان كل داوهم وعلى فكرة الرجل ذكر اسماء الحضور وقال مصدر الدعم للندوة اللى ظهر بعد كدا انها مكانتش ندوة ......ادعوكى للبحث عنه ومشاهدته ....لان دا هياكد لحضريتك معنى كتيرة جدا واشياء اكتر مخيفة ... ملخص قولى ياامى احنا كورة بيتعلب بيها وبمشاعرها اسف فى التعبير دا لكن فعلا دا حالنا احنا بنعيش على ثقافة القطيع بمعنى واحد يصدر فعل فكل بيندفع وارهاوخلاص وهكذا ....
كمان انا مش مختلف على ازالة النظام لكن لازم فى نقطة كانت من بدرى ومن فترة نقف ونعيد الترتيب والرؤى علشان نعرف احنا فين .....
ملاحظة ودا احساسى الشخصى
انا بتكلم لانى شايف نبرة من كل الناس بتتشفى فى الرجل من خلال مرضة
( السرطان والقلب) وازمته عاوز اقولهم لحظوا ان المرض شئ الهى وان الرجل بيشوف اسرته بتتدمر فان كنا اهل دين كان لازم نحترم ادميته ومشاعره ونترك اهل القانون لتوضيح موقفة وهو اسرته مش ننصب 85 مليون محلل سياسى وكمان 85 مليون قاضى
وبنحكم ونتحاكم فيما بيننا وبقينا بنفتى فى كل شئ رغم انها كانت آفة الامم السابقة

الفراغ يقول...

غير معرف
يا سيدى لا تشفى ولا يحزنون
ولا حتى فرح وامان
دا اتعاظ ونظرة لبعيد او حتى قريب
والراجل طلع لا عنده سرطان ولا حاجه
وقلبه بتقرير الاطباء قلب شاب فى الثلاثين
وبعدين ماحدش بيحكم على حد
دى مطالب وربك يؤيد من ينفذها
وبعدين انا عايزه افهم ..لما ماحدش عاجبك من اللى عايزين يحكموا مصر
..طيب قولى نجيب حد من بره يعنى
ولما ابناء مصر مايحكموهاش مين يحكمها
ولاحظ ان دا هايكون بالانتخاب يعمى مش تعيين
وهو عيب ان الناس تعلن عن ترشيحها
ولا كان الاحسن الوريث
صدقنى اللى بيحصل دا كله من الفرحه بالحرية الحقيقيه اللى الناس حاسه بيها مش حرية قول وانا هاعمل اللى انا عايزه(ديمقراطية فرعون )
وعلى فكرة بقا انا مش مقتنعه باللى بيحصل وحاسه انها تمثيليه
واقسم بانى بعيده تماما عن التشفى فى اى حد ولكن
اتمنى ان يعاملوا داخل السجون كاى حد خان البلد
وانت نفسك لو كان ليك اخ او جار او حتى واحدمصرى تعرفه مجرد المعرفه وشفته مات قدامك ولا عنيه اتفقعت ولا الجنزير فصل رجله عن جسمه
كان زمانك اول واحد تنادى بالقصاص
وشكرا