السبت، 21 فبراير، 2009

وإذ رأيت ثم رأيت نعيما وملكا كبيرا

ياااااااااااااااااااااااااااااجنّه
انتى فين...........وامتى اوصلك
الدنيا بقت نار...........وانا فى النار بشتقلك
عايشه العذاب كل يوم....وبحاول انسى...الاقينى بفتكرك
خوف ومرض وآآآهات وحنين.........صدقينى بحبك
حرمان وخلاف والم وفراق ........تعبت.....بندهلك
غباء وعداء وقطيعه ونم وزم وكمان غم ماهى دنيا.....لكن انتى برتحالك
عايشه الحياه مفروضه عليا..........ونفسى اروحلك
بقطع اوراق النتيجه....قبل اليوم مايعدى.....قبل الشهر مايعدى.....تخلص ...ولسه بندهلك
منايا ارحل من دنيا العذاب......يا حبيبتى....دا التمن قربك
صدقينى يا جنتى .....دا مش هروب....دا كل الحبايب عندك
فراق يا دنيا العذاب
نفسى اجرب بعدك
ماليش فيكى حبيب........وحتى لو ليا.........آآآآآآه آآآآهين من غدرك
فى لحظه ضاع الحبيب.......وفى ثانيه سقيتينى كاس صبرك
مالكيش امان.......ودقت السم فى شهدك
يااااااااااااااااااااااااااااااارب
ماليش غير رحمتك.......دانا عبدك
هاين على ناسى
قليل الحيله
ضعيف............ومحتاجلك
عذابى طال.............وبقول من الالم آهات
يااااااااااااااااااارب فين جنتك...........قلبى اتفلق نصين
ارحمنى.......دانا آمتك

هناك 10 تعليقات:

mohamed ghalia يقول...

اللهم أمين
رائعة مناجاتك
غفر الله لنا جميا يا أمى
دمتى بكل الود

همس الاحباب يقول...

تسلم ايديكى بجد
كلمات صادقة ونابعة من قلب خاشع
وروح شفتفة محبة لعمل الخير
والتمسك به للفوز بالجنة
وما اعظمها واجملها من غاية يا امااااه
تحياتى وتقديرى

المعتصم يقول...

بسم الله الرحمن الرحيم
السلام عليكم ورحمة الله وبركاته
أمنا الغاليه
تحياتى
مين اللى مضايقك ؟؟؟ وايه اللى مزعلك ؟؟
قوليلى عليه بس وانا اجى اطخهولك عيارين
كلنا فى اشتياق الى جنة الخلد التى فيها مالا عين رأت ولا خطر على قلب بشر كرهنا الدنيا لما بها من حقد وحسد وكراهيه وتعب والم وفراق وعذاب
ولكن لنا ميعاد معلوم ومهما قلنا وناجينا لن نستطيع الذها بالا فى موعدنا المحدد
خواطرك جميلة ياست الكل بس انا شايف فيها بعض الحزن
ياريت تقوليلى انى غلطان
تحياتى ودمتى بكل خير وود وسعاده
والسلام عليكم ورحمة الله وبركاته

يوميات نائمة في الأرياف يقول...

عزيزتي
انتي كمان وحشتيني جدا جدا بس انا الفترة اللي فاتت كنت مقطوعة عن التدوين عشان وفاة محمد
........................
هي اغنية جميلة او يمكن مناجاه زي ما محمد غالي بيسميها
تحياتي ليكي ويارب تكوني دايما بألف خير
رنا

thunder يقول...

امى العزيزة طبعا من الرائع ان نحب الجنة لانها الامان لينا والرحة لكن انا مش هتكلم لانه مش هنوصلها الا بحب الله وميقاته اللى هو فى عالم الغيب عنده ايوا الكلمات توصل الى القلب وتتعبة لانها ياامى بتوضح انتى بتفكرى ازى... بجد يامى والله على قد ما كنت مستنى البوست اوى وعلى الرغم من حلوة كلماته الاانها وجعتنى لانى افتكرت اعادة التفكير وعلم امى اننا كلنا حواليها كان هيفرق للكن خاب ظنى مش عرف هو وصلنى احساسة غلط ولا صح

علياء يقول...

وحشانى يا أمى
أتمنى تكونى بألف خير
وأتمنى تكونى في أحسن حال

الفراغ يقول...

السلام عليكم
محمد ....ربنا يتقبل وينفعنا بما علمنا
..........
همس ....كلماتك تفرح ويارب نبقى ايدنا فى ايد بعض واحنا داخلين الجنه
......
المعتصم....والله يا معتصم ماقدرش اقول انك غلطان بس كان زعل وراح لحاله اشكرك على جميل احساسك
..........
نائمه فى الارياف
نورتى وربنا مايجبش حاجه وحشه تانى
هى مناجاه فعلا او ممكن تعتبريه حب فى الله
..............
نيجى بقه لابنى وحبيبى ثندر
وجودكم بجوارى فرق فعلا معايا
وعلشان كدا عرفت ايه سبب حزنى وعرفت اخرجه بره نفسى على الورق
ااقولك سر
اصله ميعاد وفاة زوجى الله يرحمه ويجمعنى معاه فى الجنه يارب
بس يا سيدى....بس انا زى الفل بيكم وانتم حواليا ولو هاتفضل زعلان ...اشيل البوست خالص ولا يمكن ازعلك
...........
عليــــــــــــــــــــــاء
عندنا يا مرحبا يا مرحبا
انا بخير اطمنى ورايحه عندك اهو دلوقتى

ايوشة يقول...

كلمات جميلة واحساس اجل ربنا يكرمك يارب
بس مش لازم نهرب من الواقع ونتمنى فراق الدنيا
ليه مش نقدر نغير دنيتنا بايدينا

thunder يقول...

اسف يا امى وربنا وتعيش ياااارب وتفتكرى والله معرف ايوا كنت زعلان لزعلك وشعورك بى الحزن والله لكن بعد معرفت السبب انا اااااااااااا سف ليكى ويااااااااااارب يجعل مثواة الجنة ويغفر ليه يااااااااااارب ويجمعنا بيه على حوض خير المرسلين ومتزعليش منى لان والله زعلان لزعلك ومكنتش اعرف اااااااسف مرة تانية يا امى

اقصوصه يقول...

الله يرحمنا برحمته

ويحسن عاقبتنا

فعلا الحياه صارت صعبه

صعبه وقاسيه جدا

الله يعيننا عليها