الاثنين، 2 مارس، 2009

ولد الهدى فالكائنات ضياء

السلام عليكم ورحمة الله وبركاته
حبايبى الصغيرين والكبار
اولادى واخواتى
كل عام وانتم بخير: بمناسبى مولد الهدى ...مولد سيد بنى ادم... مولد الحبيب :صلى الله عليه وسلم
ولد الهدى فالكائنات ضياء ..... وفم الزمان تبسم وثناء

لما بقعد اقرأ فى سيرة الحبيب صلى الله عليه وسلم الاقى حب يغمرنى له بالبلدى كدا ياخد روحى الاقى انى اااقول واتمنى انى ابقى معاه انى عايزه اكون من اللى هيسقيهم بايده الشريفه يوم الحر الشديد يوم لا ظل الا ظل العزيز الكريم الرحيم
صحيح واكيد كلنا بنتمنى ده لكن هل انا فعلا استحق ده وانا اشعر بانى ضعيفه لم افعل لحبيبى المصطفى اى شيء لنصرته
هو مش محتاج منا نصر ولقد قال الله جل وعلى (صلوا عليه وسلموا تسليما) اللهم صلى وسلم عليك يا حبيبى يارسول الانسانيه والمحبه والهدى........
شهر مولدك يوم مولدك كل ايامنا بقولك يا حبيبى سامحنى لم افعل شيء غير المقاطعه لبضائعهم التى والحمد لله لاتهمنى فى شيء اصلا ولقد كنت اتمنى ان مقاطعتها ستؤثر عليا حتى اشعر بانى قد فعلت شيء فى سبيل رضاك عنى وافتكرتك حبيبى وانت تأكل انت والصحابه اوراق الشجر عند مقاطعة مكه لكم
اه يا حبيبى يا رسول الله اتمنى ان تشعر بحبى لك فبعزة الله انى احبك واتمنى ان القاك على الحوض وانت راضيا عنى فكل ما املكه هو حبى لك
وسامحنى يا حبيبى صلى الله عليك وسلم عند شرائى لحلوى مولدك فانى اشتريها بنية فرحتى بانك قد بعثت الينا خاصة وللعالم عامة فوجودك عندنا هو من اعطانا صفة المسلمين.. المسّلمين لله
انى اتذكرك دائما يا حبيبى صلى الله عليك وسلم فالصلاة عليك رحمة لنا اتذكرك وافرح بانى والحمد لله قد ولدت مسلمه فلله الحمد والمنه

انت يا حبيبى نور بين ايدينا .. انت الرحمة المهداه .. انت الحبيب واصحابك رضوان الله عليهم لاننساهم
فانا بحبك احب الصديق.. واحب عمر .. واحب عثمان. .و احب على رضى الله عنهم وارضاهم
وكنت اتمنى ان ارزق اولادا فاسميهم باسماء الصحابه ولكن الرزق بيد الله
صلى الله عليك يا حبيبى يا رسول الله

لقد اخذت عنوان مدونتى عن حديث لك فارجو ان يكون مقبولا عند الله حبا فيك يا حبيبى يا رسول الحب والسلام الف صلاة وسلام عليك

عن ابن عباس رضى الله عنه قال: قال رسول الله صلى الله عليه وسلم : نعمتان مغبون فيهما كثير من الناس الصحة والفراغ
وقلت يا حبيبى: اغتنم خمسا قبل خمس: شبابك قبل هرمك؛ وصحتك قبل سقمك ؛ وغناك قبل فقرك ؛ وفراغك قبل شغلك ؛ وحياتك قبل موتك . صدقت يا حبيبى يا شفيعى وصلى الله عليك الف صلاة والف سلام

وعن الحسن رضى الله عنه قال: قال رسول الله صلى الله عليه وسلم لاصحابه: اكلكم يحب ان يدخل الجنه ؟ قالو نعم يا رسول الله ... قال الحبيب قصروا الامل ؛ وثبتوا اجالكم بين ابصاركم ؛ واستحيوا من الله حق حيائه

حبيبى يا محمد يا رسول الله لا املك الا الصلاة عليك واتباع سنتك
ولقد كان مقصدى ان انشر وصيتك لنا ولان العمر يتسرب منا فاردت ان اقول لنفسى وغيرى فلنلحق بالاخره فلنلحق ميزان الحسنات
واقول لاحبائى كما قال حبيبى وامير المؤمنين عمر ابن الخطاب رحم الله امرؤ اهدانى عيوبى
وهذه وصية منى الى احبائى واصحابى فى الله
اعينونى على تقوى الله مادمت بينكم فان احسنت فمن الله وان اسأت فمن نفسى
وانى اعتبركم مرآة لى ودمتم لى اخاء وحب فى الله

اللهم ارزقنى حبك وحب نبيك وحب القرآن
واعنى على ذكرك وشكرك وحسن عبادتك
وصلى الله عليك وسلم يا حبيبى يا رسول الله عدد حبات الرمال والحصى
عدد قطرات ماء البحور والندى
عدد من مات ومن كان حيا الى يوم الملتقى من المسلمين والمؤمنين ومن اهتدى
اللهم اميـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــن


هناك 13 تعليقًا:

thunder يقول...

أووووووووووووول تعليق محجوز ليااااااااااااااااا اروح اقراء بقة وارجع اعلق

thunder يقول...

اولا كل سنة وحضريتك طيبة بمناسبة المولد النبوى الشريف يارب ربنا يتقابل مننا صيامة اليوم دا باذن الله وفعلا يا امى لو احنا بنحبة مش هقول زى الصحابة والتابعين بس لو بنحبه على الاقل زى ((قولة تعالى فيما معنى : كحبكم لاابئكم او اشد حبا ) كان الحال فى الامة الاسلامية اتغير كتير على الاقل القناة العاشرة الاسرائلية من اسبوع او اقل سبت الرسول والعالم الاسلامى فى غيابات الجب نايم ولما قبل سب الرسول بيوم سبوا سيدنا عيسى علية وعلى رسولنا الصلاة والسلام بابا الفاتيكان خرج وخالهم اعتزاروا لكن احنا مازلنا فى نوم عميق عجبنى اوى يا امى الدعاء
اللهم ارزقنى حبك وحب نبيك وحب القرآن
واعنى على ذكرك وشكرك وحسن عبادتك
وصلى الله عليك وسلم يا حبيبى يا رسول الله عدد حبات الرمال والحصى
عدد قطرات ماء البحور والندى
عدد من مات ومن كان حيا الى يوم الملتقى من المسلمين والمؤمنين ومن اهتدى
اللهم اميـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــن ربنا يتقابلة منك يارب ومننا اجميعين ويجعل ثوابة فى ميزان حشانتك ان شاء الله يارب

Bondoka يقول...

كل سنه وحضرتك بالف خير وسلامه

جميل اوى احساسك بالحب للنبى عليه افضل صلاه وسلام
انا حسيت بحبك من الكلام

وبالهنا والشفا الحلويات انا رغم انى بحبها بس مش حاسه انى عايزاها السنادى مش عارفه ليه

واذا كان يا امى على المقاطعه فجزاك الله خير على نيتك وتقبل منك

وكل سنه وانت طيبه

thunder يقول...

طبعا يا امى سبقتينى وكانت هنزل قصيدة الامام البوصيرى
طبعا يا امى سبقتينى وكانت هنزل قصيدة الامام البوصيرى
مولاى صلى وسلم دائما ابدا
على حبيبك خير الخلق كلهم
ظلمت سنة من احيا الظلام الى
ان اشكت قدماه الضر من ورم
وشد من سغب احشاءة وطوى
تحت الحجارة كشحا مترف الأدم
وراودتة الجبال الشم من ذهب
عن نفسة فارهم ايما شمم
واكدت زهده فيها ضروته
ان الضرورة لا تعدوا على العصم
وكيف تدعو الى الدنيا ضرورة من
لولاه لم تخرج الدنيا من العدم
محمد سيد الكونين والثقلين
دوالفريقين من عرب ومن عجم
نبينا
الآمر الناهى فلا احد
ابر فى قول لا منه ولا نعم
هو الحبيب الذى ترجى شفاعته
لكل هول من الاهوال مقتحم
دعا الى الله فالمستمسكون به
مستمسكون بحبل غير منفصم
فاق النبيين فى خلق وفى خلق
ولم يدانوه فى علم ولا كرم
وكلهم من رسول الله ملتمس
غرفا من البحر او رشفا من الديم
وواقفون لديه عند حدهم
من نقطة العلم او من شكلة الحكم
فهو الذى تم معناه وصورته
ثم اصطفاه حبيبا بارئ النسم
منزه عم شريك فى محاسنة
فجوهر الحسن فية غير منقسم
دع ما ادعته النصارى فى نبيهم
واحكم بما شئت من شرف
وانسب الى قدره ما شئت من عظم
فإن فضل رسول الله ليس له
حد فيعرب عنه ناطق بفم
لو ناسبت قدرة اياتة عظما
احيا اسمه حين يدعى دارس الرمم
لم يمتحنا بما تعيا العقول به
حرصا علينا فلم نرتب ولم نهم
اعيا الورى فهم معناه فليس يرى
فى القرب ةالبعد فية غير منفحم
كالشمس تظهر للعينين من بعد
صغيرة وتكل الطرف من امم
وكيف يدرك فى الدنيا حقيقته
قوم نيام تسلوا عنه بالحلم
فمبلغ العلم فية انه بشر
وانه خير خلق الله كلهم
وكل آى اتى الرسل الكرام بها
فانما اتصلت من نورة بهم
فانه شمس فضل هم كواكبها
يظهرن انوارها للناس فى الظلم
اكرم بخلق نبى زانه خلق
بالحسن مشتمل بالبشر متسم
كالزهر فى ترف والبدر فى شرف
والبحر فى كرم والدهر فى همم
كانه وهو فرد من جلالته
فى عسكر حين تلقاه وفى حشم
كانما الؤلؤ المكنون فى صدف
من معدنى منطق منه ومبتسم
لاطيب يعدل تربا ضم اعظمه
طوبى لمنتشق منه وملتثم

mohamed ghalia يقول...

اللهم ارزقنى حبك وحب نبيك وحب القرآن
واعنى على ذكرك وشكرك وحسن عبادتك
وصلى الله عليك وسلم يا حبيبى يا رسول الله عدد حبات الرمال والحصى
عدد قطرات ماء البحور والندى
عدد من مات ومن كان حيا الى يوم الملتقى من المسلمين والمؤمنين ومن اهتدى
اللهم اميــــن
دمتى فى سعادة

ادم المصرى يقول...

كل سنه وحضرتك بخير

ويارب السنه القادمه تكونى فى الحرم

وتشوفى قير نبينا عليه الصلاه والسلام

تقبل الله منا ومنك

موناليزا يقول...

اللهم صلى على محمد فى الاولين وصلى عليه عليه فى الاخرين وصلى عليه فى الملأ الاعلى الى يوم الدين
اللهم صلى على محمد صلاة تنجينا فيها من جميع الافات والائام وتنجينا بها من جميع مصائب الدهر والايام اللهم امين

ربنا يكرمك يارب

ايوشة يقول...

كل سنة وحضرتك طيبة ياريت الناس فعلا تفكر فى المولد النبوى انه مش اكتر من حلويات وعرايس فى الشوارع

المعتصم يقول...

بسم الله الرحمن الرحيم
السلام عليكم ورحمة الله وبركاته
ست الكل
كل سنة وانتى طيبه
وكل امتنا الاسلاميه طيبه وبخير وان شاء الله تكون فى حال احسن من الحال
البوست هايل ياست الكل ربنا يكرمك ويجازيكى كل خير يارب
والدعاء جميل جدا
بس على فكرة بقى انا كتبت عن الحلاوة قبلك فى بوست مخصوص ههههههههههههه
ان شاء الله السنة الجاية نكون بنعمل عمرة المولد بإذن الله
تحياتى ودمتى بكل خير وود
والسلام عليكم ورحمة الله وبركاته

الفقيرة إلى الله أم البنات يقول...

كل سنه وكل امة الاسلام بخير
اللهم شفعه فينا يا ارحم الراحمين
كل سنه وحضرتك طيبه

نعكشة يقول...

:)

عليه افضل الصلاة و السلام
جوايا احساس كدة ان فيه حاجة جوايا هتتغير في يوم من الايام
اني هبقى احسن
اني مش هوه دة الصح و اني هقدر امشي علي الصح بعدين
اني هلاقي الشيخة اللي نفسي فيها و افضل اسئلها في كل امور حياتي من غير ما استحيي و تقولي لأ دة غلط و كدة صح
و استفتيها في اموري
نظرا لإن زمان كان فيه لمعظم العلماء شيوخ بيرجعولهم

نفسي ألاقي واحدة كدة

لإن للأسف ضميري خذلني كتير في موضوع استفت قلبك دية

بس قريت الحديث اللي حضرتك كتبتيه

عن الحسن رضي الله عنه قال: قال رسول الله صلى الله عليه و سلم :أكلكم يحب أن يدخل الجنة ؟ قالوا نعم يا رسول الله.. قال الحبيب قصروا الأمل و و ثبتوا اجالكم بين ابصاركم و استحيوا من الله حق حيائه

حسيت بخوف

واني بعمل زي اللي بيقول
ربنا يهديني و خلاص كدة
وهوه ماشي غلط

هحاول احفظ الحديث دة
طبعا مش هطبقوا جامد بس هحاول قد ما اقدر
عشان ابقى عمل حاجة عقبال ما اتغير

عشان لو مًت قبل ماتغير

سلمت يداكِ

سلام عليكِ

الفراغ يقول...

بسم الله الرحمن الرحيم
ابنى العزيز ثندر....اول وتانى ورابع تعليق
كل سنه وانت طيب يقول الله تعالى:(فإذا قضيتم مناسككم فاذكروا الله كذكركم ابآءكم او اشد ذكرا)صدق الله العظيم سورة البقره الايه 200
اللهم تقبل الدعاءوياريت كل اللى يزورنى يقرأ القصيده
هى هديه من ثندر لجميع الزائرين
................................
دكتوره بندقه...وانت طيبه يا عسل
وليه مش ليكى نفس للحلوى
زى مابتشجعينى يلا انا كمان هاشجعك وناكل الحلويات سوى
..........................
ادم....وانت طيب وحبايبك كلهم بخير
ونزور الحبيب ونكون صحبه يا رب
...............................
مونليزا.... ربنا يكرمنا جميعا
ومتاخريش الزياره يا جميل
وكل سنه وانتى طيبه
......................

الفراغ يقول...

بسم الله الرحمن الرحيم
ايوشه
كل عام وانتى بخير
وكل عام واحنا بنحب الرسول صلى الله عليه وسلم اكتر واكتر
.............................
المعتصم......وانت بالف خير وسلامه
وكل مولد نبوى وانت فى عمره جديده مقبوله بازن الله
..........................
اختى الحبيبه الفقيره الى الله
انتى فين وحشتينى قوى وبجد كنت قلقانه عليكى بس بتكسف ااقول كدا...لانى بحس ان ممكن يكون البوست مابيعجبش اى حد ومن حقه مايعلقش عليه
فبقول اخلى كل واحد براحته
ودا اللى ماخلنيش اسئل عليكى
كل سنه وانتى والاولاد بخير والاسره كلها
...........................
الدكتوره نعكشه

كل سنه وانتى طيبه
ويارب نكون دايما كلنا فى تغيير للاحسن
وعلى فكره يابنتى والله كلنا محتاجين الدليل على اننا بناخد دايما الطريق الصح
اشوفك دايما بخير
وانا بزور مدونتك دايما
ونفسى افهم انتى ليه قافله التعليقات
احنا محتاجينك واكيد انتى محتجانا معاك بقلوبنا وعقولنا
الوحده صعبه حتى لو انتى لسه صغيره
دمتى بقلوبنا سعيده ان شاء الله