الأحد، 29 مارس، 2009

كلام لابد منه..الى: نعكشه ..عاشقة الاحزان..ايوش..وجميع الابناء

بسم الله الرحمن الرحيم
بجد وحشتونى..ووحشنى الكلام معاكم
صحيح انا اللى بكلمكم..لكن ببقى حاسه وانا بكتب انى شايفه ثندر: قاعد جنبى وبيقولى :يلا ياماما نفسى اقرا ماتكتبى
وبسمع مونليزا ..بتدعيلى وتقولى تاعبه نفسك والله
واتخيل بندقه ..مستعجله قوى عايزه تطمن انى كتبت علشان تروح لمذاكراتها ماهى فى طب ..ربنا ينجحها
ومحمد غاليه بقا دا عايزنى اكتب ..كلمتين وبس
واختى وحبيبتى ام البنات وحشتنى قوىبس انا كنت عندك قريب
والمعتصم..فكراك ومش نسياك..مهما الزمان ..قساك
وادم المصرى..اه منك يا واحشنى
ونعكشه..دى بقا قلبى اللى واجعنى..نفسى اكلمها افضفض معاها ..اخد راحتى ..واتكلم بدون خطوط حمراء..بس هى فين؟
نفسى ااقولها عندى كلام كتير معاكى ..نفسى ااقولها افتحى التعليقات واسمعينا..وانا عارفه انك دكتوره ومش فاضيه..ماترديش علينا
بس اسمعينا زى مابنسمعك..
والحبيبه اخت الحبيب ..ايوش الجميل انا تحت امرك يا جميل منتظره مكالمتك على الماسنجر
وفكره من الزمن ده..الله على مشاعرها الرقيقه
والمصريه المسلمه ..اللى كلامها كله ايمان وحب لله وبحس وهى بتكلمنى انى فى روضه من رياض الجنه
وامبارح كان عمرى عشرين..وانا كمان كان عمرى عشرين ..بس مش هاقلك من امتى..هههههههه
وحبيبتى زهرة الامل..والله حبيتك من اول ماشفتك
همس الاحباب..خاصة...ومدونة الضاحكون عامة..ليها مكانه خاصه عندى لانى بحب ادخلها وانا عارفه انهم هايفرحونى بلقائى معهم
ريهام العربى..انتى اللى بتخلى لكلامى دور فى حياتكم واتمنى اكون ليكى صديقه دائمه
عاشقة الاحزان..اتمنى التواصل معاكى علشان ااولك بالدليل القاطع ان الحزن ارخص من ان نعمله ثمن
حروف وكلمات ..الاخت التوأم للثنائى ..ثندر وايوش هاتبقى بنتى ومافيش مفر
عابرة السبيل..بتتاخرى عليا كتير ..بس مش بنساكى وياريت تنضمى لبقية ابنائى
وايمان روحى..وطوبه دهب..وحاجات عيال..
اى ابن او ابنه كلمتنى مره او زارتنى مره ..بحبكم واشكركم..وعمرى ماهنساكم..واتمنى انى اكون ذكرى حلوه فى حياتكم

بجد يا ولادى انتو ادتونى معنى للحياه..تواصل رائع لام محتاجه تملا وقت فراغها بكل مايفيدكم ويفيدنى دنيا وآخره
انا بحسد نفسى عليكم..ماشاء الله لاقوة الا بالله..ربنا يحميكم
عارفين ...الدنيا حلوه بيكم... ولما كنت تعبانه كان اللى مزعلنى انى مش قادره ااقوم اكلمكم ..

حقيقى ربنا يخليكم لاابائكم وامهاتكم..ويجعل حياتكم تواصل مع الله ..وحب فى الله
ويظلكم فى ظله يوم لاظل الا ظله

هناك 14 تعليقًا:

موناليزا يقول...

ممكن بوسة وحضن كبير من احن قلب على النت كله:)
انا بحبك جدا
ربنا يسعدك ويفرحك بولادك يارب ويجمعنى بكِ فى ظل الرحمن فى يوم لا ظل فيه الا ظله
خدى بالك من صحتك

Bondoka يقول...

ياااااااااه
حضرتك فعلا زى العسل

ربنا يخليكى ومايحرمناش من بوستاتك ابدا

دمتى بكل خير
D:

ايوشة يقول...

اخيرا اكتب تعليق قبل ثندر :)
ربنا يخليكى ويكرمك يااحن قلب بجد والله بحبك فى الله جداااااااااااا

thunder يقول...

ههههههههههههههههههههه لا ايويش ان سيبك بمزاجى لانى النت مرخم ((وش بيعيط )) انام انا هنا من بدرى
اية دا يا ما انا طلعى منافسين انا عرق الغيرة هيضرب فيا اهش اهش للعالم دى حد معه بيرسول طيب والله يا ماما احنا اللى فرحنين اوووووووووى انك امنا وسندنا بجد فعلا بدخل المدونة هنا علشان احس بى الامان والله ومش كلام فعلا زى ماا خواتى بيقولوا احن واغلى قلب امى ربنا يحفظك لينا ياااااااااااااااااااااااارب ويديم عليكى الصحة ياااااااااااااااااااااارب يا ماما
وحقك علينا لاننا بنقصر فى حقك كتير اوى
دمتِ بكل خير وود يارب وربنا يحفظك ويرعاكى

نعكشة يقول...

سلام عليكم

بما اني مقصرة يعني فوش واحدة بيبص فوق و عامل نفسة مش واخد باله

مشكلتي الابدية اني فاشلة في اني اتابع حد باستمرار بفضل اروح و آجي و و اروح و أجي اتابع و ابطل و اتابع و ابطل
مش عشان انا دكتورة ولا بطيخ
وانا مش دكتورة
انا لسة طالبة و الله و تقريبا لا افقه في الطب شيء
ولا عشان معنديش وقت
انا عندي وقت كتير عشان مبزاكرش اصلا
الفكرة تكمن في التقلبات المزاجية
انا متقلبة جداً
ممكن يوم ابقي نفسي اروح بسرعة و اشوف مين عمل اية و اتطمن عليه و بعدها بفترة لما اعرف حاجة عنه محسش اني عايزة اتحرك

فهو تقصير مني اولا و اخيرا
ولكن برضو مشكلتي الازلية ( مش الابدية) اني مبعرفش اسيطر على نفسي الداخلية لما بتقرر قرار
وليكن

انا بحس لما برا كلامك انك طيبة قوي
ربنا يكرمك يا رب
و يخليكي
احبك الذي احببتنا فيه
بس انا مش قافلة التعليقات عشان معنديش وقت
هناك اسباب أخرى لغلق التعليقات
غير اني دكتورة و مش فاضية ( دول مش سبب اصلا)
أنا بحب أسمع للناس و للكبار خاصة مادام مبيفرضوش رأيهم عليا و بيقولولي نصيحة
انا بخزنها عندي و بستخدمها في وقتها

مكنتش عارفة ان حضرتك كنتي عيانة
ألف سلامة عليكِ
ربنا يشفيكي يا رب و يديكي الصحة دايماً
آمين

سلام عليكِ

زهرة الأمل يقول...

ربنا يخليكى لينا يارب :)

بحب ادخل هنا علشان برتاح لكلامك اوى

بحس إنك زى والدتى بالزبط والله :)

يارب معانا دايماً ..

WhItE HeArT يقول...

احم احم

ممكن ادخل وله ايه ؟؟

بجد زي ماموناليزا قالت ربنا يفرحك بولادك ياامي واحنا كلنا ولادك

وبجد سعدت بتواصل حضرتك جدا وزيارتك شرفتني جدا

تحياتي

المعتصم يقول...

بسم الله الرحمن الرحيم
السلام عليكم ورحمة الله وبركاته
ست الكل
تحياتى
لألألألألألألأ كده شكلى اخدت اسفين محترم من حد انا شاكك فيه
والله العظيم انا قلت للبت ايوشه تقولك انى مش بعرف ادخل على المدونة من على الجهاز عندى وكل اما ادخل علشان اكتب تعليق تروح صفحة النت قافله
وهى بعد كده قالت لى انها كان عندها نفس المشكله وبعد كده فردت الفايرفوكس
وانا بعد كده حصل عندى شوية حاجات كده والنت كان فاصل وقعد فترة وبعدها سافرت كايرو وقعدت يومين ولسه راجع قريب ويادوب فارد الفايرفوكس مخصوص علشان ادخل عندك
انما موضوع الزمن قساك ده عمره مايحصل ابدا ياست الكل
يارب دايما كده فى احسن حال وفى احسن صحه
ودايما بتمتعينا بكتابتك الحلوة اللى كلها حنيه دى
وحسابى مع ايوشه بعدين انما وريتها علشان مابلغتش حضرتك
ماشى ياايوشه حاضر الحساب يجمع
ماتزعليش منى ياست الكل انا مقدرش على زعلك دا انتى الخير والبركه
تحياتى ودمتى بكل خير وود
والسلام عليكم ورحمة الله وبركاته

ايوشة يقول...

هوبا انا شكلى وقت فى الغلط ههههههههههه انا فعلا نسيت اقول الموضوع بتاع المدونة اللى مش بفتح عند المعتصم ياخرابى طبع اعمل ايه دلوقتى اردئ كسوفى اذا مليش اى حجة ولا ليا اى مبرر :(
بس هو اعترف بنفسه انى قولتله يسطب الفيرفوكس واكيد المدونة هتشتغل يعنى انا بردو عملت شوية من اللى عليا
أهئ أهئ اهئ
مسحونى بئا :)

فكرة من الزمن ده يقول...

السلام عليكم ورحمة الله وبركاته
تحية اهل الجنة
ويارب نلتقي في الجنة ان شاء الله كلنا باللمة الحلوة اللي انا شايفاها بقلبي دي
وكاننا متجمعين حوالين سريرك وانتي بتكلمينا
يارب يديكي الصحة والقدرة على الابناء دول كلهم
حقيقي هافضل اقول ام المدونين
حتى لو تندر رش ريد اللي يتوغل ويقتل ويبيد عمره ما حايعرف يهش حد وخليه يغير للصبح
ههههههه تحياتي ودمتي بخير وصحة

thunder يقول...

بقة كدا يا فكرررررة اوكية هو مش ريد انا قنبلة نووية علشان تنتشر وتتوغل وتستمر وتسمتمر والحقد الطبقى يظهر عندى اية العالم دى واول اتنين هجرب فيهم انتى واايوش علشان نخلص والحقد الطبقى يهدى وبعدين حتى الكارثة غلطانة وركبت الرجل الغلط كارثة ياجدعان ال وبتهدى النفوس ((وش مطلع سنانة )) يا ماما هجبلك دى تى دى ترشى المدونة خاليها تخف
ودمتى يارب بكل خير وود

الفراغ يقول...
أزال المؤلف هذا التعليق.
الفراغ يقول...

ابنائى الاعزاء
بجد انا اسعد ام فى الدنيا بيكم
وبمظاهرة الحب دى..
بجد قلبى..مفتوح ليكم
وعقلى.. كل دقيقه بيفكر فيكم
وروحى.. طايره من السعاده بيكم
وعمرى مازعل من حد ابدا منكم
دانتوا زيارتكم ليا..هى دى اللى مخليه لحياتى معنى
ونفسى اكون اكثر نفعا ليكم..ودمتم سالمين

ابنائى الاعزاء
شـــــــــــــــــــــــــــــــــــــكرا

ايوشة يقول...

لحضرتك تاج عندى اتمنى تجاوبى عليه


http://ayoshaa2.blogspot.com/2009/03/tag-tag-ur-it-22.html