الثلاثاء، 12 مايو، 2009

دمتم ودام الحب بيننا

بسم الله الرجمن الرحيم

احبابى وابنائى الغاليين جدا
اصدقائى الاعزاء
بيننا ود لا ينتهى .. بيننا حب يذيد يوما بعد يوم..بيننا شوق يشدنى دوما اليكم..
يعلم الله كم كنت اتعذب وانا ابحث عن النت يوما بعد يوم حتى استطيع ان احدثكم واتواصل معكم..
بالامس فقط جاء النت يجرى وانا اجرى معه..اغنى له..ياوحشنى رد عليا ازيك سلامات
وجيت اسلم..وااقول وحشتونى وحشتونى

نيجى للجد بقا
بجد اشكركم على القلق الذى سببته لكم..انا يا دوبك بفتح المدونه واجرى على التعليقات..وجدت سيل من المحبة يسرى ..فى اعضاء المدونه..
ولكنى واعتذر اليكم..بالامس لم تكن ظروفى مناسبه للرد علي كل ابنائى
فلقد وجدت ان الاقرباء والقاصى والدانى قد بدؤا يتوافدون للتهنئه على عودة الابن التائه
ولم يتركونى الا وانا قد امسيت..احلف بسماها وبترابها ان مدونتى الغاليه.. لا عندى اغلى منها.. ولا لاقى زيها
بجد انا مش عارفه اكتب ايه
ونفسى اكلمكم واحد واحد..بجد انا مش بلاقى نفسى الا وانا معاكم ..فى وسطكم
اكلم بنتى( ايوش)واقولها بحبك..ونفسى اشوفك..ومعلش دايما تعباكى فى السؤال عنى..بس بجد مبروك على المدونه المدموجه

اكلم خالد (همس الاحباب)عضو فريق الضاحكون الغاليين
وااقوله حفظت اسمك ومش هنساه ..فى القلب متربع..وفكراه

اكلم ابنى حماده عفشه..اللى بيسئل عنى واصبح احد ابنائى الاعزاء اللى فرحت بيهم

اكلم احمد(اسماء واحلام فى وجدانى) ابنى الغالى اللى حسسنى انى حاجه كبيره فى حياته..واتمنى انى استطيع تقديم اى حاجه ااقدر ارد بيها على المكانه اللى حطنى فيها ..وكل اطمئنانه عليا فى كل وقت ..وتواصله معى الدائم ..حتى اننى اصبحت اشعر اننا فعلا ابن وامه
ومش اى ابن ..لا دا ابن جميل وكله حنان.....يابختى بيه

ثندر ..وحشتنى
نفسى ااقولك يابنى وحشتنى..كتباتك قلت عن الاول كتير ..الف الف سلامه عليك يا غالى ..
عايزه ااقولك ..اكتب.. طمنى عليك.. قولى مالك فيك ايه ..ايه طبيعة تعبك..ليه مش بتقول انك مريض..لولا ايوش مكنتش عرفت انك تعبان
..وحشنى الكلام معاك والتواصل عبر التعليقات
ومش هاخبى عليك..خالد (همس الاحباب)انا حبيته زيك بالظبط ودخل قلبى معاك(عارف ليه)..
عمل حركه بجد مابقتش عارفه اعمل فى قلبى ايه لما شفتها..عارف الاميل بتاعى ..بتاع الفراغ ..لما لقانى غبت كتير..قام بعت اضافه باسمه..ومعاها رسالة حب ...لما بالصدفه فتحت الماسنجر..وجدت الاضافه وفتحتها..لقيت رسالة حب ..والله خلانى احس انى امه بحق وحقيق..لقيته بيقولى صحيح انتى قافله التعليقات.. لكن مش قافله قلبنا عن حبك..ودى كانت اجمل اضافه ورساله فى نفس الوقت
حقيقى يا ثندر انت تعبان..بس انا كمان قلبى تعبان علشانك ونفسى اطمن عليك
اكتب وكلمنى وطمنى عليك ..او ابعتلى اميلك ..المهم اطمن عليك..وربنا يخليك لماما

اكلم... ميمى
بنتى اللى بتقولى (انتى حسستينى انك ام بتلم ولادها حواليها)
وااقولك ياميمى انت فعلا عرفتى احساسى بالظبط..انا فعلا ام بحب ولادى كلهم ..وبفرح بوجودهم حواليا..بس نفسى اديهم زى ماهم بيدونى..نفسى اعرف كل شيء عنهم ..واعرف ايه اللى بيدايقهم ..وايه بيفرحهم..نفسى اعرف ايه بيحبوه وايه بيكرهوه
نفسى اعرف ايه مشاكلهم ونتناقش سوى فى حلها..
نفسى مايكونوش تعبانين واخفف عنهم ..نفسى انام وانا عارفه ان كل واحد فيهم نايم متغطى ومبسوط ومطمن ان فى حد بيفكر فى سعادته
فعلا يا ميمى انا اتمنى اكون امكم ولى الشرف انى امكم ..والتى تعيش بحبكم

واكلم:: القمر الساهر..وواقولها اهلا بيكى فى كل وقت واى وقت
قلبى مفتوح ليكى واخواتك هنا يرحبوا بيكى

واكلم... يويو
الطائر المغرد ..عصفور الكناريا الجديد..
اهلا بيكى يا يويو..نورتى المدونه...وانا امك عند احتياجك لحبى وحنانى..واختك عنما تريدين النصيحه
وصديقتك عندما تريدين الافضاء بما يتعبك او يحزنك...
انا معك كما تريدين..فهو الحب بيننا..والاخلاص ديننا...والثقه طريقنا...والحب فى الله عهد بيننا

وطبعا.. فكره من الزمان ده
وحور الجنه
ومحمد غاليه
دول ولادى الاعزاء اللى مهما راحوا ولا جم ..قاعدين فى القلب

وحتى ولادى اللى ساعات يسافروا وينسونى ..عمرى مابنساهم..ويوم مايجوا عندنا هايلاقوا ان مكانهم محفوظ..بس المهم يعودوا وينوروا فى اى وقت

واخى::بيرم المصرى
نورك منور عندنا..لانتحرم منك ..ندعيلك بالصحه وان تتمتع بروح عاليه من الثقه بالنفس
ودائما يمناك تكتب ..ولسانك يتحدث باصدق حديث


وهكذا تدور الايام ويتجدد العهد بيننا
دمتم ودام الحب بيننا

هناك 28 تعليقًا:

اسماء واحلام فى وجدانى يقول...

اول

تعليق

مش

معقول

حمدلله على السلامة يا قمر

اسماء واحلام فى وجدانى يقول...

امى الحبيبة

طولتى اوى علينا الغيبة

وقلوبنا انجرحت وكتير سرحت

محتاجة لمسة من اطيب طبيبة

koketa يقول...

ايه ده


معقول هعلق قبل ثندر ما ييجى

koketa يقول...

ربنا يخليهم لحضرتك ويدوم الحب بينكم

وتكونى بصحة وعافية دايما

HaMaDa 3aFshA يقول...

السلام عليكم
حمدا لله على سلامتك ايتها الام الحنون
دمتى دائما بالخير والصحة والسلامة وزادك الله رحمة فى قلبك وحبا فى الخير وأهله وجمعنا الله واياكى فى جنته ودار مقامته مع حبيبه ومصطفاه محمد صلى الله عليه وسلم على الخير كما جمعتينا دوما على خير
وزادنا الله من علمك ولا حرمنا من خوفك عليناوحب الامومة داخلك
وجزاك الله عنا خير الجزاء لما تفعليه لنا من خير ودعاء ونصح وثناءوعلم
اشكرك امى الغالية على تكريمى بان اصبحت احد ابنائك وارجو على الله ان اكون عند حسن الظن والتقدير والا اخيب ظنك في
ولاتتغيبى علينا ثانية فانى والله لازور المدونة فى اليوم اكثر من مرة لاطمئن على عودتك طالما كنت فى المنزل
لاتحرمينى دعائك
تحياتى

Lady E يقول...

السلام عليكم ورحمة الله وبركاته

الحمد لله على عودة النت لحضرتك

وبجد انا بكون سعيدة بزيارة حضرتك لمدونتي ودي حاجه اعتز بيها ان حضرتك تاخدي من مدونتك وتقرأي كلماتي المتواضعة

دمتي بكل خير وسعادة

اسماء واحلام فى وجدانى يقول...

امى الحبيبة

اذا كان وصلك احساس بانى خليتك تحسى بانك انسانة مهمة جدا جدا جدا فى حياتى فالاحساس ده انا حسيته قبلك حضرتك اللى وصلتيه لحد قلبى
ربنا يخليكى لينا كلنا يارب يا رب
ويحفظك من كل سوء ويخفف عنك هموم الدنيا كلها ويفرحك دايما ويرزقك بالخير من كل جانب ويكتر من ولادك ويقويكى علينا يارب يارب يارب

http://www.mawaly.com/file/play/21580.html

dr aly khamis يقول...

السلام عليكم و رحمة الله و بركاته
حمدا لله على سلامة حضرتك
و الله سعدت بهذه التدوينة
بارك الله فيك و زادك محبتك فى قلوب أبناءك
تقبلى تحياتى

thunder يقول...

ربنا يخاليكى ليااااااااا يارب وميحرمنى من حضريتك ابدااااا الحمد لله على سلامتك يا امى
اناوالله فرحااان جدا انى اطمنت على حضريتك اووووووووووووووى
ثانيا عارف انى مقصر والله وفعلا انا بدائت اقل فى الكتابة وكمان بدائت ارفع موضوعات قديمه كنت كاتبها قبل كدا
بس دا من التعب والله
وارهاق ارق
المهم انه الحمد لله حضريتك بخير ولله الحمد
وفعلا انا مع همس ان لو حضريتك قافلتى التعليقات هتمعلى اية فى كم القلوب دا بقة فعلا والله العظيم يا ماما ومش كلام انا بحس بى الامااااااان اوى هنا
ومعلش التعب والله هو اللى مخالينى مقصر وكمان النت
بالنسبة للياهو بقة انا ماليش عزر لان اية قالتى عليه وعلى مكانه فى المدونة بس انا لانى الفترة اللى شوفته فيها مكونتش مزبط لا نفسيا ولا معنويا حتى وكنت كتلة كابة متحركة مجبتش امى تشوفنى بى الشكل دا
لكن دلوقتى الحمد لله واسف والله على دا
..........
ماشى يا كوكيتااااا
انا متاخر شوية معلش على مخلصت بس شوية دربكة هنا
واحمد العيال دى هولع فيهم لما اشوفهم اية بيباتوا على المدونة ولا اية بس ((وش محمر ومطلع نار))
.......
امى العزيزة ربنا يحفظك ليا يااااااارب من كل شر وسواء
دمتِ فى رعاية وحفظ الله ياااااااارب
ديماااااااااااااا
واسف بجد على انى قلق حضريتك اوى كداا والله خجلان اوى من نفسى رغم انه والله كان غصب الفترة اللى فاتت
اسف بجد جداااا

mohamed ghalia يقول...

حمدا لله على سلامتك ياماما
يارب دايما منورانا ودايما بينا
دعواتك عشان انا هنقطع عن عالم الإنترنت كله لمدة شهر الإمتحانات
أشوفك على خير يا أمى

mimi يقول...

بجد مش عارفة أقولك إيه ؟

أنا هطول عليكي شوية بس معلش أستحمليني ، انتي طيبة وهتستحمليني..

هحكيلك حاجة
في البداية كنت بشوف الرعد الزئبقي " ثندر سابقا" كاتبلك رسائل في مدونته ... قلت ده أكيد حد من معلرفه أو أصدقاءه القريبين ...
ولما ليقت أحمد ( أسماء وأحلام في وجداني ) دايما تعلقاتك عنده ... برده قلت ماما الفراغ يعني إيه؟
حد يقول غير لمامته يا ماما ...
سألته ورد عليا بجمله واحدة
( روحي زوريها وأنتي تعرفي)
وكنت بستغرب أوي في تعليقات أحمد والرعد الزئبقي عنك ...
قلت يا ميمي ما بدهاش .. هروح أزور ماما الفراغ..


زهلت ... حسيت إن مدونتك بتطلع نور ودفا وحنان وكلام من القلب بيدخل للقلب علي طول
... أم بجد ودول ولادها .. واخداهم في حضنها وخايفة عليهو وبيخافو عليها..

وكانت أول زيارة ليا

أشكر أحمد اللي عرفني بيكي ...

كمان بشكرك أنك قريتي تعليقي ورديتي عليه في بوستك الجديد .. في البداية حسيت بغيرة من ولادك اللي قريت أسمهم في الأول فوق ... زي أيوش وثندر وأحمد .. وخالد

بس لما قريت أسمي ..... مش هقوللك حسيت بإيه!!!
حسيت بأم تستاهل كلمة ماما
أم بتحس بكلام ولادها وبتهتم بيهم وبتراعي مشاعرهم كمان
ام مش بتفرق بين الابن الصغير والابن الكبير
لأ ... كلهم توائم

شكرا ليكي

أحبك في الله يا ماما الفراغ

ايوشة يقول...

الف حمدلله على السلامة نورتى البلوجر كله والله واتمنى مش تغيبى عننا تانى ابدااااااااا
اما ثندر لازم تملصى ودانه لانه بجد الايام دى تعب الناس كلها مع يرضيكى يعنى كده اللى بيعمله ده :)
ربنا ما يحرمنا منك ابدا يارب

اسماء واحلام فى وجدانى يقول...

انا كنت هنا الصبح

وجيت تانى علشان اقولك تصبحى على خير

ربنا يخليكى لينا يا رب

همس الاحباب يقول...

تصدقى بالله
ليا 3 ساعات ومش عارف اكتب كلمة واحدة
غير ربنا يخليكى لينا وما يحرمناش من حضرتك
بس الحب فى الله ده شىء خارج عن ارادتنا سبحان موحد القلوب على حبه وحب من احبه
ربنا يديم الحب والمعروف ما بينا
تحياتى وتقدير لاعز ام
خالد

الفراغ يقول...

ابنى الغالى ..احمد
دانت اللى قمر..ووحشتنى
ودعواتك كلها جميله وطيبه
وفى الحقيقه يا احمد..انا بعتبر نفسى عايشه بحبكم..وسبحان الله..انا كنت فاتحه المدونه فعلا علشان ااقدم الحب اللى جوايا لمن يحسه..بعد ولادى ماكبروا وانشغلوا عنى ..ورغم حبهم ليا اللى انا متاكده منه..الا انى فعلا كنت اشعر بانى لدى عطاء كبير نفسى اديه لمن يريد
..وانتو جيتوا يا احمد انت وكل ابنائى هنا وعيشتونى السعاده بيكم ومعاكم..وخلتوا لحياتى معنى جديد
والله ساعات عينيا بتدمع من تواصلكم معى
ربنا يخليكم ليا وماتحرمش منكم

الفراغ يقول...

بنتى كوكيتا الحائره فى الدنيا
معرفش ان كنتى ستقراى كلامى ده ولا لأ
انا رحت عندك وعرفت انك ناويه تقفلى المدونه
علشان الامتحانات ..ربنا معاكى
بس عموما نورتى عندى..واشكر اهتمامك بالرد عليا..واتمنى عودتك
واتمنى ان تحقق امانيكى المصير يه

الفراغ يقول...

بنى ..حماده
تمنياتى لك بكل هذه الدعوات الصالحات..وذادك الله من الايمان..ورزقك حب الرحمن
وبجد قعدت اضحك من الفرحه وانت بتقولى بتزور المدونه اكثر من مره فى اليوم لو انك فى البيت
..ليه بضحك..لانى عمرى ماتوقعت ان دا يحصل
بس حقك عليا انى بتعبك..(اصل كلمه فى ودنك)ان شويه عجوزه..وبتعب بسرعه..
بس حاضر هاحاول اكون عند حسن ظنك واكتب اكتر من كدا ..بس المهم ان ما اكتبه ينفعنا يوم لقاء الله

الفراغ يقول...

دكتور ..على خميس
اشكرك من صميم قلبى على احساسك الجميل من ناحيتى وناحية المدونه وناحية ابنائى الغاليين
وتمنياتى بزيارات دائمه

الفراغ يقول...

ثندر
ربنامعاك..واشكرك على كتابة مدونتين فى زمن قياسى ..وبذلك رفعت راسى وطولت رقبتى قدام همس واسماء
بس كنت نفسى اكون ولو حتى مجرد دعاء لك فى محنتك النفسيه
لكن المهم انى اتمنى لك الصحه والخروج من هذه الكآبه..
وعموما كلى ازان صاغيه لو اردت ذلك

الفراغ يقول...

ابنى العزيز ..محمد غاليه
ربنا معاك وينجحك ويوفقك
ومنتظرين عودتك بفارغ الصبر

الفراغ يقول...

بنتى الغاليه.. ميمى
احترمت كلامك جدا..واحترمت صدق احاسيسك
وياريت تكونى سعيده وانتى بتزورينى..زى ماخلتينى سعيده بكلامك..بس اتمنى يدوم التواصل..واقدر ااقدم شيء مفيد نافع ليكى ولاخواتك المدونين اللى بيزورونى وبيقروا كلامى
قولى يا رب

الفراغ يقول...

ايوش الجميل
صدقينى انت نسمه فى وسط التعليقات
ومن ناحية ثندر ..ااقرى الكلام اللى كتبتهوله..وقوليلى رايك ايه
عارفه يا ايوش انا بعرف اخبار ثندر منك
لكن هو مخلينى اخر من يعلم
متهيئلى مفيش كلام ممكن يتقال اكتر من كدا

الفراغ يقول...

انا اسفه جدا يا خالد
مكانش قصدى احيرك فى كتابة تعليق
بس برضه كتبت فاصبت الهدف
تسلم ايدك

HaMaDa 3aFshA يقول...

السلام عليكم
امى حمدا لله على سلامتك وعلى انى استطعت ان ارسم ضحكة على وجهك
ولكن اعذرينى فما قصدت ان اتعبك بكثرة الكتابات ولا اريد ان احملك عبأ التفكير والكتابات الكثيرة ولكنى قصدت ان تطمئنينا دوما عليكى فوالله لما تأخرت فى الرد علينا ليومين وهم كثير على اولادك انتابنى من القلق ما انتابنى وما ارتاح قلبى الا حين رأيت ردودك الآن
فما اطلبه ان تطمئنينا عليكى بسطر او سطرين انك فى حال جيدة وانك بخير وتساندينا بدعواتك الجميلة سواء فى موضوع من سطرين او فى رد على اخر موضوعاتك تقولى انا معاكو وبخير واطمئنوا يا اولادى فقط لا اكثر
دمتى بكل الخير والحب والحنان ونلتى باذن الله مغفرة الرحمن ودخول الجنان وبلوغ مراتب الاحسان
تحياتى ولا تحرمينى من دعائك

ELMASRYA - MRS WRITER يقول...

كده برضه؟

إسمي مش مكتوب

وبقالك كتير مش بتنوريني في مدوناتي

انتي نسيتيني ولا إيه؟

أنا بقى مش ناسياكي

أحبك في الله

الفراغ يقول...

حبيبتى المصريه
مش ممكن انساكى والله..انتى فى فكرى ولكن طبعا انتى عارفه الحياه ممكن تاخدنا لبعيد شويه ..بس لازم نرجع لنفس المرفأ
والكلام دا ينطبق على كل من نزوره او يزورنا

بس يمكن تيجى مره يكون الوقت مش سامح للزياره او المود مش ولابد
يعنى الحياه على دا ودا
سامحينى ماكنش قصدى
احبك فى الله

Lady E يقول...

انا اسفة قصدي ان حضرتك بتاخدي من وقتك مش من مدونتك :)

ربنا يخليكي لينا يارب

yoyo يقول...

حمد لله على سلامتك
نورت مدونتك ونورت عالم التدوين كله يا احن واطيب ماما

بجد مش عارفة اقول ايه
حضرتك كتبتى اسمى انا وسط اسماء اولادك
يعنى حضرتك سمحتى ليا اكون وسط ولادك
والله يا ماما دا شرف ليا وان شاء الله اكون عند حسن ظنك بيا

ربنا مش يحرمنا منك ابدا ابدا
تحياتى
بنتك
يويو