الأربعاء، 3 يونيو، 2009

يلا نفسى..وغيرك ماتفتكرش

بسم الله الرحمن الرحيم

رايتها تسير فى الطريق امامى..تهتز اليمنى واليسرى
لا خيلاء وتباهى..ولكن عن تعب وعدد السنين التى تجرها بصعوبه..بعد ان ابيض الشعر ..وثقل الجسد: تحت وطأة الانين، وخزلان الاحبه،
وبعد الغاليين

رايتها منذ بداية دخولى الشارع..تسبقنى بعدة امتار واسابقها بالافكار..
هل تنتظرنى حتى اصل اليها..هل تدعنى اشيل عنها بعض الثقل الذى تحمله..وهل ساستطيع ان احمله عنها
حاولت ان اسرع الخطى..على قدر ما استطيع ..واكتشفت انى مازلت استطيع السباق.. ويمكننى ان اشترك فى سباق السلاحف

رايتها تقف وتلقى ماتحمله على سياره راكنه بجوار احدى العمارات..لحقت بها..ووقفت بجوارها وادعيت انى استريح من الطريق..لكى نقف ونتكلم واعرض عليها ان احمل ثقلها الى اى مكان ترتضيه..رفضت بكل اباء وبشده..وقالت لى بالحرف الواحد يابنتى كل واحد يشيل همه

رفضت انا ايضا وقلت لها اللى مايحسش بغيره مايستاهلش يعيش..

بكل صعوبه وافقت بعد ان علمت ان بيتى على بعد 100 متر فقط من وقفتنا..
وصلنا الى عمارتى..ولكنى كنت قد انهكت تماما ..وشعرت بان من النداله ان اتركها تذهب بحملها الثقيل وحدها
فدعوتها الى ان نصعد المنزل لنرتاح ثم ننزل لنواصل الطريق الى بيتها
رفضت ايضا واظن انها كانت تشك فى
فقلت لها ..طيب نرتاح شويه مما نحمله ..ذكرتنى بوعدى بان اتركها عند باب عمارتى
ولكنى رفضت ..فقد كان عمرها وارهاقها وماتحمله من اشياء، يصعب على اى انسان يراها ان يدعها لوحدها بعد ان راى مدى الارهاق الذى تتحمله وحدها..
وقفنا..وتكلمنا..وباحت بحمل القلب..ووجعه..
ام لم تتعلم فى مدارس..ولكنها تعلمت من الحياه ان الام عطاء ورحمه..ربت اتنين مهندسين فى جامعة النداله والخسه والدناءه ونكران الجميل

مات الاب..والكبير فى نهائى هندسه مرتبط بزميلته تعلم الحب من امه وابيه..فاخذه واعطاه لزميلته هديه على طبق من ذهب
والاصغر يالثانويه العامه..اخذ مايكفيه من المال والرعايه ليحصل على اعلى الدرجات فى سلم العلام..وينسى من اخذ بيديه الى الامام

فات على وفاة الاب 15عام
جوزت وعمرت بيوت..خطبت وفرحت باول كتكوت
عزمت فى اول رمضان ووقفت بالساعات تعد اشهى الاطباق للحلوه والاموره
ولما تعبت.. وكلت الايد والاقدام..وعجزت عن التقدم وحمل الاطباق الشهيه ..انصرف كلا الى حال سبيله

لم يفكر اى قلب ان يحمل اليها صينية حلوى ..او طبق ملوخيه..او رغيف عيش بحتة جبنه
ويالها من احلام..فهيهات ليد لم تعطى الدواء ان تفكر فى تقديم الطعام..

وهاهى تعدت الخامسه والستون..وتركوها تنزل لتقضى طلبات بيتها..انها تنزل لتشترى الارز والسكر والشاى والدجاج واللحوم..
تنزل لتشترى العيش والجبن..
اين الاحفاد الذين وصلوا للجامعه..اين الاباء الذين وصلول للمراكز العامره والكراسى الزائله
انهم ياتون كل يوم جمعه..قيل الصلاه بساعه..ليجلس مع الام (ويبرها!!!!!!!!) ..وتذهب المدام لشراء حاجت بيتها من لحوم واسماك
ولم يفكر الابن البار ان يشترى لامه احتياجات بيتها ويريحها من عناء النزول
ويؤذن للصلاه ،فيذهب المهندس المحترم الى بيت حماته، ليلحق بالصلاةالتى لايريد ان تضيع منه ..فقد علمه والده الالتزام بالصلاه!!!!!!!!

اتكلمنا كتير ودخلت فى الحديث احدى زميلاتى الساكنه بالعماره التى بجوارى
واحسست بانها وثقت فيا.... وتركتنى اكمل معها الطريق الى عمارتها...
واعطتنى رقم تليفونها بعد طلبى له..على امل السؤال عنها ومحاولة تقديم اى خدمه لها...فلم تطلب الا السؤال عنها

وعدت الى بيتى..وبقلبى اسئله كثيره وحيره اكثر واكثر
عدت الى بيتى اجر ازيال الخيبه... بعد هذا العمر الذى ادفعه لتربية ابنائى...هل ساأبحث عنهم فى عيون الاخرين؟؟؟؟؟؟؟؟؟؟؟؟؟؟؟
عدت ولا اكذب عليكم..عدت وانا العن هؤلاء الابناء ..عدت وانا ادعوا عليهم بان لا يتركوا الدنيا الا وهم قد عاشوا وعانوا ماتعانيه امهم ..
لا والف لا..لن ادعوا لهم بالهدايه..فها انا ابكى منظر امهم والمها ..
هاهى سيده ساقتها الاقدار فى طريقى
وكثيرون هم غيرها ..اراهم ..وسؤال واحد يتردد فى عقلى ..اين هم ابنائهم؟؟؟؟؟؟؟؟؟؟؟؟؟؟؟؟؟ولو لم يكن لهم ابناء..اين هم جيرانهم(وهذا موضوع اخر)

هل جزاء الاحسان الا الاحسان..انه قول الحق جل وعلا.
ولا تقل لهما اف ولاتنهرهما ..وقل رب ارحمهما كما ربيانى صغيرا

ووصينا الانسان بوالديه احسانا حملته امه كرها ووضعته كرها وحمله وفصاله ثلاثون شهرا حتى اذا بلغ اشده وبلغ اربعين سنة ،قال رب اوزعنى ان اشكر نعمتك التى انعمت على وعلى والديا، وان اعمل صالحا ترضاه،واصلح لى فى زريتى انى تبت اليك وانى من المسلمين(15)
اولئك الذين نتقبل عنهم احسن ماعملوا ونتجاوز عن سيئاتهم فى اصحاب الجنة وعد الصدق الذى كانوا يوعدون(16) الاحقاف

وغيرها كثير من الدعوه الى بر الاباء
ولكن هناك قلوب من حجر..هناك ابناء عاقين..هناك قسوه..
هناك من لن يتجاوزعن سيئاتهم..وليس باهل الجنه ابدا.. ان شاء الله
لان وعد الله صادق..ومن يترك اباه او امه يعانى.. بعد ان اصبح رجلا او اصبحت اما..ويعلما معنى البيت ومسؤليته ..واصبح لديهم ابناء
يجب ان يخجلا من نفسهم ..فكيف تصلى وتقف امام ربك داعيا ..وانت ببر امك قاطعا

اه من الزمن ..من تراجع المباديء والقيم والمثل فى هذا الزمن الضائع
الزمن ابن الشوارع.. الذى لايعرف له اب او ام ..انه زمن لايعرف معنى الدفيء العائلى..ولا معنى التواصل الروحى والعاطفى تحت شمس الحنان وذكريات الطفوله الغضه ..وعشق شيكولاتة الاب وزيارة طبيب الاسنان مع ام تذوب رقة وعشقا فى سنة الجميل اللى هاتخدها الشمس وتبعت بدالها سنة العريس

قلبى يبكى خوفا من برد الشتاء ..وحيده بلا يد تحنوا باضائة دفاية قلب يهفو بالموده..

عقلى يتمزق رعبا من طياره تاخذ الوليد الصغير.. بعيدا بعيدا.. ليبحث عن الريالات والدينارات ..ليؤسس بيت من ورق بلا اساسات.. تعتمد على خبرة السنين..الذى اسرع الخطى دون ان يشعر بمن اعطى وكبر وربى... فهو زمن العمر الضائع ..

اننا جيل تربينا على التضحيه من اجل ابائنا وابنائنا.. وتعلمنا العطاء.. وتعلمنا السعاده فى وجوه احبائنا..
ولكننا نرى العقوق عند انحدار منحنى الصحه ..
نرى العقوق الذى يمنح بارادة صاحبه وطلب التصريح له بالعقوق لان بلدنا فقيره
ولكن الحقيقه هى ان القلوب هى التى اصبحت فقيره فلا دماء تجرى فيها ولا شهامه ولا حتى الجدعنه اللى كنا بنسمع عنها زمان
الحقيقه الت تناساها الجميع..افعل ماشئت.. فكما تدين تدان..

ان القلب يبكى الما على مثال واحد عايشته ورايت بنفسى ..نفسى يعد 10 سنوات
اننا نربى ونكبر.. وتيجى تاخد او ياخد العريس: زهرة العمر ..ويتناسوا الارض اللى رعت ..ويتركوها بور عطشى حتى تموت كمدا
انى ارفض وعقلى يرفض وقلبى يرفض.. ولكنه الخوف فى الزمن الضائع عنوانه (يلا نفسى ..وغيرك ماتفتكرش)
يارب ارحمنا برحمتك..
انى اطمئن نفسى
بقول الحبيب ..رسول المحبه والسلام..الخير فى وفى امتى الى يوم الدين..صلى الله عليه وسلم

هناك 39 تعليقًا:

akeed يقول...

اتشرف باول تعليق

akeed يقول...

كلماتك احزنتنى كثراً فهذه الام واى ام تستحق ان يعيش ابنها عمره كله من اجلها فسيدنا ابو هريرة لم يتزوج الا بعد ان ماتت امه لكى لا يعطله شىء عن برها وامثله كثيرة جداً لدى احد قريباتى لها حكايه اصعب من تلك الحالة حيث انها كانت ارملة واولادها فى مراحل التعليم المختلفة ولدين وبنت وبعد ما اصبح الاكبر مهندساً و الآخر كيميائياً واصبحوا رجالا لا يريدون ان تمكث امهم معهم فى شقتهم مع انها مثال للطيبه و لاتضحيه فكان جزائهم ان الاكبر و هو المهندس فى اكبر شركات البترول لم يتزوج و قد جاوز الاربعين من عمره والآخر لا يثبت فى اى وظيفه ويعيش عاله مع حصوله على شهادات كبيرة كلية العلوم وبعدها تربيه ولغات و لاكن عقاب الله كثيراً و ابنتها اصيبت بمرض نفسى و نوبات صرع .

ذلك عقاب الله عز وجل فى الدنيا لمن يعق امه ما بالك بالاخرة


اللهم اجعلنا بارين بوالدينا و ارحمهما كما ربيانى صغيراً


دمتى بخير

اسماء واحلام فى وجدانى يقول...

داين تُدان

ولا اكثر من ذلك

اسماء واحلام فى وجدانى يقول...

بعد ما كتبت التعليق الاول لاقيت نفسى مخنوق من الناس دى قوى قلت ارجع اقول اللى فى نفسى بس ياريت مش حد يزعل من كلامى ،،الابناء اللى بتعمل كده فى اهلها ربنا ينتقم منهم ايوا ينتقم لان اللى يعرف بجد قيمة الام والاب المفروض يعيش تحت رجلهم وخصوصا الام وبكرة ان شاء الله كل اللى حصل منهم هيتكرر بس فيهم ويمكن اكتر علشان يحسه باللى كانو بيعملوه ( الاندال ) اسف يا امى بس هما فعلا اندال اوى
الراجل اللى ينسا ( امه )بسبب مراته وولاده ومشاغله تحت اى ظرف ده مش راجل حتى لو الدنيا كلها اعترفت به انه راجل هو من جواه عارف انه ولا حاجة
معلش يا جماعة يمكن يكون كلامى صعب شوية بس انا بازعل اوى لامة اسمع ان فى ( ام ) متبهدلة كده من ولادها

بس ربنا يهديهم يارب

ويخفف عن كل ام الامها وتعبها ويعوض كل ام حصل فيها كده بالخير والصبر

ايوشة يقول...

السلام عليكم ياماما اخبار حضرتك يارب بخير دايما قصتك لاسف مؤلمة جدا بس بتكرر كتير وكتير اوى مكان وانا اعرف قصص بتوصل انهم بيشتموا الام ويسبوها ويضربوها وهى فى السن الكبير ده
باستغرب ازى هى عملت ايه فيكم علشان توصلوا لمرحلة الكره دى والبغض بالشكل ده كما تدين تدان اللى بتعمله فى اهلك هيتردلك واكتر منه
والله والله اعرف شخص مش بيزور امه الا كل فين وفين لما يزورها يشتمها وبس ومش يسال عليها ويقولها عايزة ايده لو عايزة مثلا تقعد عنه ومع اولاده شوية فى البيت كام يوم تلاقى المعاملة السودا اللى بيعاملوها ليها على اى نعم هى ست كبيرة وساعات خدمتها تتعب وخصوصا انها متزمرة بشكل كبير بس مش بالشكل ده
هو نفسه بقى ملاحظ ان اولاد وهما فى حضنه بيعملوه بالمثل امال بعدين هيعملوا ايه

اسماء واحلام فى وجدانى يقول...

نسيت احجز مكان الناس المتاخرة

اعتذر

لانى انشغلت بموضوع سرقة المواضيع اللى بنكتبها دى حاجة تضايق فعلا ياريت كل شخص يقرا الكلام ده يدور فى النت على موضوعه باسمه يمكن يلاقى واحد واخده لنفسه

thunder يقول...

امى العزيزة اولا انا سعيد بان حضريتك بخير ولله الحمد
ثانيا نيجى بقه للابناء او النموذج المشبة من لفظ الابناء وهو بعيد كل البعد عن دا
لان البنوة سلوك مش لفظ
بجد صعبت اووووووى وربنا عليا وحاسيت با نكسار فى قلبى على حالها فعلا هو دا رد الجميل ساعة قبل الصلاة ياااااااااااه
عارفة يامى هما كدا كدا ولا فى دماغهم لو منها والله ماترد عليهم يمكن قلوبهم تفوق ويحسوا بى الالم اللى بسيببوه ومعتقدتش انه فى مبرر من اى حد علشان محدش يقول ممكن الشغل وظروف الحياة بتقتل الوقت والعواطف وعلشان كدا مبيلقوش لا الوقت ولا الفرصة انهم يقعدوا معها ثوانى دى حجج وربنا يعنى هو دا ما كانش بينطبق عليها فى توقيت ما
امى العزيز اعتزارى ليها عنا وعن سلوكنا دا وبنعتزر لحضريتك انتى كمان فعلا والله لانه ماهما الحياة تبعدنا هنفضل ابناء
امى العزيزة بجد الكلامات صعبة اوى على اللى حاسيتة
دمتِ بكل حب و ود وفى رعاية الله وحفظه دائما يارب

نعكشة يقول...

افعل ما شئت فكما تدين تدان

...........

يا رب مبقاش كدة
برغم إني حاسة إني كدة على صغير
ومش عارفة أبقى مش كدة

كل ما أقول هبقى بنت حلوة و مطيعة
بتنرفز بعدها بكام يوم
او حتى كام ساعة من محاولة الصبر و التماسك و المعاملة الرقيقة

انا شخصية مليئة بالكثير من الإعاقة
جاية من العقوق

عارفة إنها شيء بشع
وانها من الكباثر

بس انا بحاول

و ربنا يصبر والدي ووالدتي عليا

و ميحوجهمش للزمن

و يهديني

سلام عليكِ

GiGi worled يقول...

ربنا يباركلكل ويعزك يارب
علشان كده لازم كل اب وام يربوا ولادهم بجد على بر الوالدين
وانهم ازى تعبوا وانت صغير ماترد بقى لاشئ من كل شئ عملوه ليك
ربنا يخلى اولادك ويكرمكهم ويحفظهم ويفضلوا دايماانت اغلى حد عندهم
المفروض الولد اغلى حد عنده والدته واغلى حد عند البنت زوجها
تحياتى0102020295g

وردة يقول...

صاحبة القلب الحنون
انا قريت الموضوع من امبارح ومقدرتش اعلق
يمكن خوفت يجي عليا يوم اكون كده بس ازااااي وانا دلوقتي مش بقدر ابعد عن اهلي ولو يوم
اي نعم بنختلف معاهم ونتضايق من نصايحهم ساعات بس مش بنقدر علي زعلهم ابدا
بيكون بينا وبين نفسنا امنيات كتيير حلوة ليهم نفسنا نسعدهم ونريحهم علي قد ما نقدر
بندلع عليهم كتييير اوووي وهما كمان بيدلعونا اكتر
ازاي اشوف امي بتعامل جدتي كويس وتتمني تشيل عنها التعب والالم وبتضحي براحتها علشان هي ترتاح ومش بتاكل ولا بتشرب غير لما تتطمن انها الحمد لله كويسة واكلت وكل حاجاتها مجابة ويجي عليا يوم ارمي امي ومسألش فيها
ازاي اشوف ابويا بعد ما وصل للسن ده لسه بيخاف من جدي وبيحترم كلامه ومش ممكن يزعله وبيحاول يرضيه علي حساب نفسه وانا اكون غير كده
ممكن اكون دلوقتي مقصرة معاهم بس مش نكران او جحود او عقوق لا قدر الله
ممكن يكون اندفاع او نفسي يكون ليا رأي شخصي او حتي دلع عليهم او حماس شباب زي ما بيقولو وكل ده الحمد لله بيكون في حد المعقول اللي ميضيقهمش
هوني علي نفسك يامي
الولاد دول حيجي عليهم يوم ولادهم حينسوهم زي ما هما نسوا امهم
زي ما قولت لحضرتك اهلي قدوة ليا
وداين تدان
وعلي فكرة مش هما لوحدهم اللي غلطانين
زوجاتهم كمان ممكن يكونو سبب في بعدهم عن امهم ونسوا ان اولادهم في يوم حيتجوزا ويكونو حموات وحيصل فيهم نفس الشئ
ملحوظة صغيرة
"جوزك لو مكنش له خير في امه اللي شافت الذل علشانه
حيرميكي انتي كمان ومش حيكون له خير فيكي"
اسفة ياحبيبتي لو طولت عليك
بس الموضوع بجد مؤسف ويوجع القلب
واسفة اني اتأخرت كمان بس احمد عامل الواجب ودايما بيحجز للمتأخرين
تحياتي يا صاحبة القلب الحنون
سلام

عابرة السبيل يقول...

السلام عليكم
------------

لن اقول سوى ربنا يهدى الجميع ويحفظنا من قساوة القلب

تحياتى لك ولقلبك الطيب

أم البنات يقول...

اختاه
ساخبرك شئ مختلف عن باقى التعليقات ..انا لم اقرأها كلها ويمكن يكون فى تعليق يتفق معاى

هى افسدتهم بالتدليل..لذا عندما احتاجتهم..لم يستطيعا ان يساعدها
فهما مدللان

ومن يزرع يحصد..وهذا لا جدال فيه
ارى بعينى ابناء قمة فى البر..اتربوا على البر واعانهم الاب والأم

ورأيت ابناء اتربوا على الدلال وامرهم مطاع
وعندما حان وقت الدفع..هربوا

كما تدين تدان...وقد يكون هذا ما فعلته الام والاب

وقد يكون بداية ابتلاء
بس الأكيد زرعة رعه فاسده..فأخرجت محصول مر

ربى يسترها معنا يارب

dr aly khamis يقول...

السلام عليكم و رحمة الله و بركاته
قال رسول الله صلى الله عليه :
ذنبان يعجل الله للعبد عقوبتهما فى الدنيا قبل الأخرة ( لسه فيه حساب عليهم فى الأخرة)
منهما عقوق الوالدين

العاق ممن لا ينظر إليهم الله يوم القيامة

يحسب الكثيرون أن بر الوالدين تليفون و زيارة و كلمتين حلوين ...
فلير المسكين هل ينفعه هذا حين يحتاج هو إلى البر الحقيقى

بارك الله فيك و لا تقلقى فأبناءك المحبين أكثر مما تتخيلين

أنا عندى مدونتين ...الإثنين تحت أمر حضرتك ...لا اعرف ما المشكلة هذه أول شكوى...

تقبلى تحياتى

ELMASRYA - MRS WRITER يقول...

لها الله هذه السيدة المسكينة

حسبها الله وهو نعم الوكيل

ياريت أمي كانت عايشه وانا كنت أبوس رجليها مع كل طلوع شمس

أعوذ بالله من أبناء لا يبروا آبائهم

معقول اللي الواحد بيقراه ده؟

طيب هيجرالهم إيه لو كل يوم يعدوا عليها يسألوا عليها ويشوفو طلباتها؟

يعملوا دوريات مرور عليها هما وزوجاتهم وأبنائهم

يشتروا ليها إحتياجات البيت كلها لغاية عندها

والأحسن من ده كله لازم ياخدوها في بيوتهم ولا يتركوها ويكرموها ولا يسمحوا لزوجاتهم وأبنائهم بإهانتها

وإذا كانت ترفض المبيت خارج بيتها

بنفس الأسلوب يترددوا عليها كل يوم واحد يباتوا معاها

بجد قرفت واتوجعت ياريتها كانت جنبي ماكنتش سيبتها خالص

خدي بالك منها أختي الحبيبة على قد ماتقدري وبإذن الله يكون في ميزان حسناتك

عاشقة الأحزان يقول...

السلام عليكم

حبيبتى الغاليه

ربنا يبارك فيك على كلامك الجميل

ويارب يهدينا جميعآ الى طريق الخير

تحياتى

انوسه

الفراغ يقول...

اكيد
انا مش عارفه ااقولك ايه
والله حكايتك دى اصعب على القلب من عدم البر..لان الام عمرها ماتحب اى حاجه تصيب اولادها
ربنا يشفيهم
هو بس القلب بيحزن من عدم البر ولا يشتكى الا لله

جارة القمر يقول...

رائع جدا ذلك الفكر


احترامي

الفراغ يقول...

ابنى احمد
كلامك كله صح ومافيهوش ولا كلمه غلط ولا مبالغه
ربنا يتقبل دعائك ليهم وليها
ويجعلك سبب فى سعادة والدتك طول عمرك
وماتزعلش..ان ربك لبالمرصاد

الفراغ يقول...

ايوش الجميل
وحشانى قوى
اه يا ايوش كلامك مظبوط..فعلا بدأ عقاب ربنا من دلوقتى..ربنا كله رحمه..بيذكرنا بدرى رحمه بينا وباهلنا
وصدق الله الذى يمهل ولا يهمل

الفراغ يقول...

ثندر الغالى
اشكرك على اعتذارك لهذه السيده العظيمه
وربنا يخليك لماما ولبابا...ولماما الفراغ
ولااى ام محتاجه كلمه حلوه وايد حنينه تساعد

الفراغ يقول...

بنتى العزيزه نعكشه
ربك غفور رحيم
ولقد قلتى فابدعتى
قلبى معاكى

الفراغ يقول...

اهلا بيك جيجى
واشكرك على الدعاء
اللهم تقبل
ان شاء الله التواصل موجود

الفراغ يقول...

بنتى ورده
اهلا بيكى ..حتى لو اتاخرتى او ماعلقتيش خالص..انتى معانا..يكفينى ازيك
كلامك صح الصح
بس احيانا الانسان بيتغير ممكن من الاوحش لللاحسن او العكس
ولكن دايما نقول الدعاء اللى فى صورة الاحقاف..علشان ربنا يعصمنا برحمته من عدم البر باهلنا
وربنا يبارك فى والديكِ..وتستمرى على نفس الخطى..ويباركلك فيهم ويباركلوهم فيكى

الفراغ يقول...

بنتى الغاليه..عابرة السبيل
انت لخصتى الموضوع كله فى كلمتين
هى قسوة القلب والتفكير كمان
ربنا يعافينا منهم
ويخليلك مصطفى ويسعدك وهو صغير ويردك الجميل وهو كبير
تحياتى ليك

الفراغ يقول...

اختى ام البنات
مش عارفه اتفق معاكى ولا اختلف
لكن كلامك صح 100%
لانى رايت ذلك بام عينى فعلا
فمن يأخذ دائما لايعطى غالبا
ودى غلطة بعض الاباء: التضحيه بلا ثمن
بحجة ان دا الحنان
لكن ماقدرش ااوكد كلامك او أرفضه
فاحيانا بيكون الفرع عوج من بدايته
ربنا يحفظنا ويقر عيننا باولادنا وزرياتنا
اللهم امين

الفراغ يقول...

دكتور على
ربنا يبارك فيك وفى كل ابنائى المحبين الغاليين
فعلا من يعق اهله: هو فعلا مسكين وربنا يهدى الجميع
واشكرك انا فعلا رحت المدونه وتقريباالسبب كان من عندى

الفراغ يقول...

اختى الحبيبه المصريه
الله يرحم والدتك ووالدتى ووالدى وزوجى وجميع موتى المسلمين
وصدقينى هى مش عايزه منهم حاجه الا انهم يقعدوا معاها ..يسئلوها هى محتاجه ايه
يعنى عايزه اهتمام احساس
ربنا معاها..ويارب يصبرها على اللى هى فيه
والله كان نفسى اخدمها بنفسى
بس انا وكلت الموضوع لبنتى ..وهى بقا ربنا يقدرها على اى حاجه تعملهلها لانى معوده بنتى تساعد اى حد محتاج مساعده وهى فى طريقها لانها بنت متقدرش تروح مين او شمال بعيد عن طريق البيت
ربنا يجعل فيها الخير ليا ولغيرى يا رب

الفراغ يقول...

ايناس

ربنا يبارك فيكِ
ويهدينا جميعا للخير وصلة الارحام
دمتى سعيده بأذن الله

آه وكفى يقول...

سلام عليكم

انا جيت اسلم على حضرتك
على فكرة الفراغ بتاع الناس مموتني انا شخصيا ,, فالعنوان لفت نظري
كل شوية حد يتصل بيا يقولي زهقان من الفضا ومش لائي حاجة اعملها وعندهم اكتئاب في عز ما انا مشحوطة ومافاضية استحمى وعليا نكشة شعر اخش بيها الحرب وصابح عليا امتحان

انا بس المرة دي جيت اسلم و زيارتي عالسريع عشان اروح اكمل مذاكرة وهرجع تاني اقرأ بتمعنن وارد على حضرتك ,, ادعيلي

اسماء واحلام فى وجدانى يقول...

معلشى يا امى

الله اعلم بظروف الناس دى ايه بس انا حبيت اذكر اسمايهم هنا قبل حضرتك ما تغيرى البوست ده

ميمى
يويو
فكرة
واخر العنقود هناء
خالد (همس الاحباب)

واحد من العمال يقول...

السلام عليكم

ربنا معاها
لكن كان لازم تزرع فى ولادها أهميه صله الأرحام وبر الوالدين وإنهم لايقلوا فى المنزله عن صلاه الجمعه
والدنيا سلف ودين
لما يكبر ولادها حيشتكوا
من إهمال أولادهم ليهم
ولله الأمر من قبل ومن بعد
وتقبلى تحيتى ومرورى

ودمتِ فى أمان الله

الفراغ يقول...

اختى جارة القمر
شكرا على الزياره
وحمدا لله على سلامة ماما
واشكرك على المجامله اللطيفه
ماتحرميناش من الزياره..لو كنت فاضيه

الفراغ يقول...

بنتى ..اه وكفى
دمك خفيف
هو دا فعلا كان قصدى يوم ماعملت المدونه
ان الناس مضيعين وقت فراغهم فى الفراغ
مع ان الدنيا مليانه مشاغل..اما فى الحق او الباطل
ربنا معاكى ويساعدك وينجحك
ومنتظره زيارتك القادمه

الفراغ يقول...

اخى ..واحد من العمال
نورت والله وشرفتينى بتعليقك
انا معاك ان الدنيا سلف ودين
ولكن حتى لو لم نعلم اولادنا..اليس لهم عقل يفكر وقلب يشعر
امال ازاى بيروحوا يصلوا
الم يسمعوا عن صلة الارحام وبر الوالدين مره حتى فى خطبة الجمعه ..وعرفوا عقوبة عقوق الوالدين
يا سيدى لم يعد للكافر حجه فى زمن الكمبيوتر والفضائيات
فما بالك ببر الوالدين اللى تعلمناه فى صغرنا فى حفلة عيد الام بالمدارس

الام ثم الام ثم الام
ثم الاب
يا حبيبى يا رسول الله
صلى الله عليك وسلم

الفراغ يقول...

ابنى الغالى احمد
فعلا انا منتظره تواجدهم لكن مش لقياهم
انا بس عارفه انا هناء اخر العنقود فى امتحانات وربنا معاها
ويمكن كمان ميمى ويويو
لكن بقا فكره وخالد بيعملوا ايه؟؟؟؟؟
ربنا يطمنا عليهم
وانا شايفه ان الضاحكون منزلين بوست من كام ساعه
هاروح اشوفه يمكن الاقى خالد هناك

او حتى اسئلهم عليه
وفكره ربنا معاها..كانت بتقول ادعولى ..لان ظروفه ملخبطه شويه
ربنا معاها
ويارب نطمن عليهم كلهم
واشكرك يا احمد على شؤالك عن كل اخواتك
ربنا يبارك فيك

ايوشة يقول...

السلام عليكم ورحمة الله وبركاته
انا جيت اسلم علشان بجد وحشتينى
ازيك ياماما اخبارك ايه يارب تكونى بخير دايما

همس الاحباب يقول...

كلماتك صادقة جدا
احزنتنى كثيرا على تلك الام
نعم لقد تاهت منا التربية وبر الوالدين
وتناسينا تعبهم وسهرهم علينا
وصدق المثل القائل
قلبى على ابنى انفطر وقلب ابنى عليا حجر
اتمنى من الله عز وجل ان تكونى يصحة وسعادة وسكينة
تحياتى وتقديرى

صباح الصباح يقول...

للاسف الشديد سيدتى الحياة غلبت عليها الطابع المادى.. لم يبقى شعور ولا احساس.. كل ما هو موجود قشور بشر.

اسماء واحلام فى وجدانى يقول...

ازيك يا امى الغالية

اخبارك ايه مش الحمد لله

ثندر بيسلم على حضرتك جدا وبيقولك ان ظروفه اليومين دول يعنى مش اد كده
وكمان تواجده على المدونة قليل جدا
وبيقولك كمان ادعى له بس مش لوحده
طبعا كلنا معاه بدل ما نغير منه
ونحطه القايمة ونحقد عليه
ربنا يخليكى لينا دايما بالود والحب
ابنك احمد