الأربعاء، 1 يوليو، 2009

قرأت قديما....ولكنه حديثا جدا

سلام عليكم ورحمة الله وبركاته

بما ان موضوع الزهق دا منتشر بين المدونين او بين العالم كله...
بس هو باين هنا اكتر لما للمدونات من قدره على التعبير عن اصحابها.........

كنت بقلب فى بعض الصحف القديمه ...ودا طبع قديم فيا ياما زهق امى الله يرحمها منى
ابقى بلم الجرايد القديمه علشان هانديها لاام علاء بياعة الترمس...او ابو محمد بياع الجرجير....او عم احمد بتاع سندوتشات الفول

المهم وانا بجمعهم وخدت بالى من مقاله فى جريدة الاهرام ...بتاريخ 16 .6
بقلم الاستاذ مرسى عطالله
خدت الجرنال وقعدت على ااقرب كرسى...وقعدت اقرأه ..وكانه لم يمر عليا قبل ذلك
بيقول ايه....
ليس هناك من يستطيع ان يفرض عليك الحزن ويدفع بك بعيدا عن شواطيءالسعاده والهناء والاستمتاع بنعمة الرضا والقناعه وراحة البال سوى ماتسمح به انت شخصيا
واذا كانت دوافع الحزن والالم اكبر من طاقة الفرد خصوصا اذا واجهته عقبات كئود تتمثل فى مرض عضال او عجز عن تلبية الحد الادنى من متطلبات العيش الكريم له ولاسرته ...او تحقيق امنيه فى ارتباط يتمناه او عمل معين فى موقع معين يريد ان يشغله بمواهبه او تعليمه
او مشروع يريد ان ينجح... ولا تعرف عينه طريق النوم بسبب الخوف من المجهول

فان السبيل الوحيد للتغلب على المحن والازمات لايتحقق باعلان رايات الاستسلام..وانما بالسعى المستمر لفتح طاقات الامل والتفاؤل،بدلا من التمزق تحت اهات العذاب...ولعن سؤء الحظ والنحس الذى لن يفارقك الا عندما تسخر منه بوقف الدموع وتغطية الوجه بالابتسامه المشرقه.. كما فعل اجدادنا الاوائل وامنوا بالحكمه القائله (اضحك تضحكلك الدنيا)

واكمل والكلام هنا مستمر لمرسى عطالله
ليس هناك مايمكن ان يضع اقدامك على بداية الراحه النفسيه سوى الايمان بالله واداء الفروض والواجبات الدينيه التى تمنحك قدرا هائلا من القوه وتجدد ثقتك فى ان معارك الانسان مع الحياه هى فى البدايه والنهاية معارك ( ارادة)
ومن يملك ارادته يكسب دائما كل معاركه
ان الايمان بالله سوف يزيدك يقينا بان الغنى والثروه والصحه والجاه والحصول على كل ماتتمناه ليست هى وحدها منبع السعاده وانما امنبع الحقيقى للسعاده هو حالة المرء النفسيه والزهنية التى تجعله يتجنب النظر الى النصف الفارغ من كوب الحياه

ويكمل مرسى عطالله قائلا
فى رواية الاديب الروسى العالمى تولستوى (انا كارنينا)
يسير بطل الروايه( ليفين) فى شوارع المدينه بعد اعلانه خطوبته على من احبها وهو يتغزل اعجابا فى كل شيء يصادفه فالسماء تبدو لشد زرقه..والطيور تغرد باصوات عذبه والحان شجيه
والناس جميعا جميعا من حوله ينظرون اليه نظره ود وتقدير ...
فهل كانت المدينه جميله حقا فى هذا اليوم لكى تبدوا فى عينيه بهذا القدر من الابهار
والجواب باختصار شديد..هو ان ليفين تهيأ فى يوم اعلان خطبته ..نفسيا وزهنيا لكى يرى الدنيا فى جمال خطيبته وبالتالى فانه كان يمكن ان يشعربسعاده مماثله فى اى مدينه اخرى وان يراها ويرى اهلها على هذه الدرجه من الروعه والجمال
لان فى هذا اليوم تحديدا كانت تنبع من داخله وتشع نورا ينعكس على كل شيء فى مرآة عينيه
ويكمل مرسى عطا الله
اطرد الشك من داخلك وقاوم الاحساس بالظلم بارادتك
وافتح الابواب والنوافذ على مصراعيها لرياح التفاؤل والامل فهى لا تذهب الا للوجوه التى ترتسم عليها علامات الرضا بما تجيء به الاقدار سلبا وايجابا
بس خلاص...خلص كلام مرسى عطالله
وتعليقى عليه ابقى ااقوله معاكم
والى لقاء

هناك 33 تعليقًا:

وردة يقول...

شكلي اول تعليق


صح كده ولا ايه


يارب ان شاء الله

وردة يقول...

الحمد لله

ربنا وقف معايا


تعويضا عن التأخير المتكرر


اول مرة عند حضرتك

وردة يقول...

وقبل اي شئ عندي دين لازم اسدده


والحساب بقي قبل يوم الحساب

كده تمام


حجز لاستاذ احمد


انا جيت الاول


تمام كده ياريس

همس الاحباب يقول...

ههههههههه
لا كده مش ينفع يا وردة

همس الاحباب يقول...

انا شغال بقرا وبقول اول تعليق
الاقيكى محتلة التعليقات

وردة يقول...

بشكر حضرتك علي الموضوع الجميل جدااا
ده
الاحساس بالرضا هو اجمل احساس بالدنيا
بيخلي جوانا سعيد
وده بيطبع علي كل شئ نلمسه
وفعلا "اضحك تضحكلك الدنيا"
احيانا بيمر علي الانسان وقت بيكون فيه شبه يأس من كل شئ
في الوقت ده لو هو فعلا ضحك ولو ضحكة من ورا القلب العقل حيصدقها "غصب عنه"وشوية شوية القلب حينسي همومه ولو لحظات
التفاؤل والامل منبعهم احساس داخلي
"كن جميلا تري الوجود جميل"
مش معني الجمال هنا الجمال الشكلي لاء
جمال الروح
وده الاهم
بشكر حضرتك
وبتمنالك كل خير وصحة
انا حبيت اعوض تأخيري المستمر
والحمد لله ربنا وقف معايا وكنت اول تعليق
دعواتك ليا ياست الكل
سلام

وردة يقول...

همس الاحباب
هههههههههه
والله مش مقصود احتلال
بس عذرااااااااااا
كل مرة بجي تقريبا اخر تعليق
ومصدقت اشوف نفسي في الاول
قولت مبدهاش بقي لازم استغل الموقف
هههههههههه
معلش بقي جت فيك
تتعوض ان شاء الله
سلام

همس الاحباب يقول...

متفق مع وجهة نظر الاستاذ مرسى
فعلا التفاؤل والامل والرضا بقضاء الله وقدره اولا يدعو الى الطمانينة والسكينة وحالة من الرضا وتحس انك طاير فى السماء من غير جناح
ربنا يسعد الجميع
اسف لانشغالى الفترة الماضبة
تحياتى

همس الاحباب يقول...

وردة
ولا يهمك يا ستى
مبروك عليكى اول تعليق
بس بلاش تعمليها تانى
هههههههه
ربنا يخلينا ماما وتجمعنا حواليها دايما

الفراغ يقول...

ورده....وهمس الاحباب
نورتوا فى وقت واحد
انا فرحانه بيكم قوى
وفرحانه بانكم تتسابقوا على التعليق الاول وبقعد اضحك والله
انتوا عارفين بتفكرونى واحنا لسه صغيرين لما ماما ولا بابا يقول مين يجى فى حضن ماما جرى
بجد ماتحرمش منك
انتوا بتعيشونى اجمل الذكريات مع اجمل الاحباب

بالنسبه لكلام مرسى عطالله
انا برضه بتفق معاه
بس هم نسى حاجه مهمه...ان بطل القصه كان سعيد اساسا ...فشاف كل حاجه جميله وحلوه
فكلامه هنا ينقصه فكره صغيره وهى
ان لازم نقعد نفتكر حاجه جميله او موقف حلو فى حياتنا نبدأمنه...يعنى لازم نجتر الذكريات الحلوه ومانقفلش عيننا عن نعم ربنا
بس خلاص

همس الاحباب يقول...

متفق مع راى حضرتك
فعلا كن جميلا ترى الوجود جميلا
ونعم الله علينا كثيرة لا تعد ولا تحصى
والرضا والقناعة كنز لا يفنى
تحباتى لحضرتك

الفراغ يقول...

ازيك يا خالد
انت باين عليك فى اجازه
والله اجازه سعيده
بس يلا شد حيلك شويه
موضوع بورسعيد ده بقاله كتير قوى
يلا بقاانقل على محافظه جديده
قصدى على موضوع جديد يا كسلان

thunder يقول...

انا جيتتتتتتتتتتتتتتتتتتتتتتتتتتت

thunder يقول...

احجززز لى نفسى لان ديما منسى عاااااااااااااااااااااااا
وكمان طالع عينى والله لالا مش لنفسى احجز لى كل الغابين واللى مش بيظهروا من زمان فكرررة وميمى وكوكيتا
وايوووووشة وان كان يعنى انا عارف سبب غيبها انما الباقى دول عاملينى هرش فى دماغى ومعرفش ولا حاجة ماعلينا المهم اى حد بيغب كتير او غايب دا محجوز ليه

thunder يقول...

بصى ياامى انا الكلام حلو اووى ومعلهوش اية غلطة لكن فى بعض الاوقات بتكونى وانا مش من انصار دا يعنى المهم بتكون فعلا فاقدة بارقة الامل او نبض الحياة وبيبقة صعب اوى تواجه كل اللى جواكى وبالتالى ولاكلمة مهما كانت هتقدر تخرجنا من الحالة اللى بنكون فيها اللى بى مرور وقت عليها
يعنى الدوخل فيها وانك بتنتظر وقت لغايط ما بتعدى مش موضوع شك بقى فى القدرات ولا عوامل نفسية هى حالة وبتعدى وبتنتهى المهم اننا نتعلم منها
المهم امى العزيزة انا عارف انى مقصر وربنا لكن اقسم بى الله غصب عنى وربنا يعلم لكن ملاحظ ان ابنك كتروا ولله الحمد
ولو انا مقصر فاكيد هما احسن منى كتير لكن بجد وربنا حضريتك وحشتينى جدا واتمنى تسمحينى على التاخير لانه والله غصب
امى دمتِ يارب بكل حب وود وفى رعاية وحفظ الله دائماااااا يااااااااارب

موناليزا يقول...

لا احد يستطيع اسعادك اذا كنت لا تريد
فالتفاؤل ارادة والتشاؤم مزاج

أم أحمد المصرية يقول...

ايوه كده اخيرا وجدت حد من المدونين متفاءل كنت فين من زمان :)))
يعني مش انا لوحدي اللي لاحظت حالة الزهق بين المدونين
كلام يبعث علي الامل فعلا حتي لو الانسان مش دايما يقدر يعمل به و يحققه لكن هذا لا يمنع من المحاولة مرة تصيب و مرة تخيب و اكتئب شوية و ارجع تاني بعد ما فتكر الكلمة اللي اخي كان يقولها لي زمان كل ما زعل من حاجة في الدنيا

حتي نشتاق للجنة

ان شاء الله بداية تواصل دائم

mohamed ghalia يقول...

انا متبع مقالاته فعلا بيقول كلام رائع
إحنا الى نقدر نصنع سعادتنا بإيدينا مهما كانت الظروف
دمتِ فى سعادة أمى

yoyo يقول...

ست الكل
و حشتنى جدا جدا
يارب تكونى بالف خير وصحة يارب
ماما محتاجة حضرتك تدعى لينا اوى من قلبك

yoyo يقول...

ماشى يا ست وردة انتى وخالد
هو اللى بنعمله فى الناس هيطلع علينا ولا ايه
فينك بقى يا رفيق هههههه

yoyo يقول...

معليش بقى يا ماما
التعليق دا عشان خاطر أحمد
ويارب يكون بالف خير يارب
مش عارفة ايه الناس اللى تنزل بوست و تقفل التعليقات دى بقى
يرضيكى كدا يا ماما

yoyo يقول...

دا عشان الناس اللى مش بتجى و متاخر ويارب يطمنا عليهم
يالا بقى يا هناء ربنا يعينك و تخلصى امتحاناتك على الف خير
وان شاء الله ميمى ترجع لنا بالسلامة
وكمان فكرة وكل اللى غايبين

yoyo يقول...

الانسان هو سيد قراره هو من بيده ان يحطم الاحزان و يدخل الى قلبه السعادة و الفرحة
فمن عشق الحزن زاده الله حزنا على حزن

ثقة الانسان بنفسه و ايمانه بقضاء الله و قدره يعطيه قوة واردة بها يستطيع ان يحطم اسوار الياس و يعبر جسور الفشل
فكما استطاع الانسان ان يفشل بيديه ان يحقق النجاح ومن خلاله سوف ينجى ثمار السعادة و الاقبال على الحياة

عارفة يا امى بطل الرواية كان بيتغزل فى كل شىء امامه ليه ؟!
لسبب بسيط جدا انه كان سعيد و مبسوط جدا لانه قدر يرتبط بحبيبته
قدر يتغلب على عقبة من عقبات كتير اوى كانت قدامه
وقتها حس ان الدنيا بدات تضحك له
حس انها فتحت له احضانها و بتقوله لسه الامل باقى

زى ما بايدينا نعيش فى الماضى واحزانه احنا برده بايدينا نعيش فى سعادة بعيدا عن الاحزان

ربنا يسعدك و يسعد قلبك يارب
و يبعد عنك الاحزان يا ماما
تحياتى
يويو

hasona يقول...

السلام عليكم

فعلا ما يكون داخلنا يتشكل علي وجوهنا
وعندما نضحك نعيد صياغة ما بالداخل والخارج

والرضا من اكبر النعم والتي لا يملكها كثيرا منا

والارادة والاصرار علي تحقيق حلم أو كسر حاجز الحزن (وخصوصا داخلنا) هو الاهم

كن جميلا تري الوجود جميلا

سواء من داخلك أو ما يرسم علي صفحة وجهك

واحمد الله في السراء والضراء
وارضي بما قسمه الله اليك
تكن أغني وأسعد الناس

الطائر الحزين يقول...

اللهم ارزقنا الرضا
هل يا ترى الرضا ينافى التطلع الى الافضل

باب النجار يقول...

انا دخلت اجاوب على سؤالك
بخصوص النجاريين
الصراحة
انا اتعاملت مع كتير جدا منهم
لكن للأسف ما اقدرش ادلك على حد معين
لان بصراحة كل الحلوين اللى انا اعرفهم سابوا مصر وبيشتغلوا بره
واللى موجود دلوقتى يا إما أسعاره عالية جدا وملتزم فى مواعيده
او اسعاره عادية وغير ملتزم فى مواعيده
والاتنين اصعب من بعض
لكن انا ممكن ادلك على شركة ممتازة لو عايزة تشترى خشب
شركة مفكو حلوان للأثاث
اسعارهم فى المعقول وخاماتهم حلوة جدا وشغلهم هايل
ومضمونين جدا

المعتصم يقول...

ست الكل
تحياتى
الموضوع جميل
ولازم فعلا مانستسلمش للحزن والتشاؤم واليأس
واننا نرضى
وزى مابيقولوا الرضا نص الغنى
بس احنا عارفين الكلام ده كويس انما ساعة ماالواحد بيحصل عنده اى حاجه
فشل فى مشروع او فراق لحد او او او
غصب عنه الحزن بيتملك منه
انما المهم انه مايسيبش الحاله دى تسيطر عليه
ممكن نحزن شويه انما لازم نكمل حياتنا ونتطلع دايما للاحسن
المهم يارب تكونى بخير وفى احسن الاحوال واتم صحه يارب
تحــــــــــــــــياتى

الفراغ يقول...

ابنى العزيز ثندر
انت جيت ونورت...ومتاخرتش المره دى
ومين قال اننا نسيناك
دا حتى احمد بيسئل عليك علطول
تانى حاجه انا سيباك براحتك من اول معرفتت انك بتشتغل
بس دا مايمنعش انك تقول سلام عليكم
وبالنسبه لفكره هى شويه كدا بتستريح وراجعه وميمى مسافره
وايوش انت تقولنا اللى مغيبها كل ده طالما انت عارف السبب
ومهما ولادى كتروا يا ثندر ..الام مابتنساش ولادها
واظن اتكلمنا فى الموضوع ده قبل كدا
تقبل تحياتى

الفراغ يقول...

مونليزا
فى كلا الحالتين نرجوا رحمة ربنا





ام احمد
حتى نشتاق للحنه
كلمه فعلا تحمل كل معانى الرحمه فى تجريه علينا المقادير
والى تواصل دائم باذن الله

الفراغ يقول...

محمد غاليه
ربنا يقدرنا يا محمد



يويو
ربنا معاكى
وربنا يطمنا على احمد...وحقيقى مش عارفه هو قافل التعليقات ليه
وهناء خلصت امتحانات ليه ماجتش ؟الله اعلم
وفكره وميمى ربنا يرجعهم بالسلامه
وكلامك مظبوط
احنا لو وقفنا لحظه مع نفسنا وقلنا قدر الله وماشاء فعل..هنلاقى نفسنا ماشين طبيعى ...وهنلاقى الحياه فيها الحلو وفيها الوحش
وكدا ولا كدا احنا راضيين لان ربنا مابيعملش حاجه وحشه فى حد(وكل شيء خلقناه بقدر)

الفراغ يقول...

حسونه
كلامك صح جدا بس اللى ينفذه
بدل مايقعد يبكى حظه
بس (خلق الانسان ضعيفا)
ربنا يعيننا على ذكره وشكره وحسن عبادته
اهلا ومرحبا بالزياره وارجوا دوام التواصل
تقبل تحياتى

الفراغ يقول...

الطائر الحزين
بالعكس
الرضا والتطلع الى الافضل يعملان سويا نحو السعاده
تقبل تحياتى

الفراغ يقول...

باب النجار
اشكرك على الرد يا باشمهندس احمد
واشكرك على النصيحه
وربنا يوفقكم






المعتصم>>>>>>> ابو صلاح
هو فعلا احنا نسمع كتير ونؤمن بالكلام
لكن ساعة الابتلاء ببنسى
لكن الناس لبعضها....اهو نسمع كلمه من هنا...نقرأ كلمه هنا
مع ارادة الانسان والايمان بالله ..هتلاقى كل شيء بيعدى
حتى الفرح بيعدى ونرجع نشتاق لفرحة جديده
ربنا يرزقنا السعاده