الخميس، 9 يوليو، 2009

رساله....الى كل من يهمه الامر

السلام عليكم ورحمة الله وبركاته


الى كل من يهمه الامر
مش عارفه اكتب حاجه ....وليه اكتب؟
انا الست الكبيره ...اقعد اكتب واقرا..وادور على مواضيع اعتقد انها تنفعنى وتنفع اولادى ...او على الاقل تناسبهم
بحاول اتواصل مع الجميع سواء كانوا موجودين او لأ
المهم اقدر ااقدم شيء كل ماقدر على الكتابه
وبيجيلى اكتئاب وزهق وملل...وبرضه اقاوم واقول خلينى قدوه ليهم واحاول الا ابعد عن المدونه

ولكنى فى الفتره الاخيره وجدت انى وحدى هنا
وجدت انى اكتب ...وابحث عمن اقرا له
فلا اجد الا بوست من اسبوع او اسبوعين وايضا مدونات بتعتذر عن الكتابه او التواصل مع الاخرين
اجد مدونات متعللين بالشغل والارهاق وانه فى غير استطاعتهم ان يكتبوا
وأخرين يعتذروا بالسفر
المهم انى اظل ابحث فى الريدر عن موضوعات جديده لاابنائى الاعزاء .....لا اجد

اسمحولى اسئلكم.....اين ايوش ومدونتها تخاريف....اعتقد انها استسلمت وفضلت الاعتزال
اين ثندر...وهو من ساعة ماشتغل ماعدش بيكتب الا كل شهر تقريبا
اين يويو... وميمى... وفكره من الزمان ده...واحزان ايناس ....واسماء واحلام
اين المعتصم....اين محمد غاليه حتى هو كمان بقا كسلان بقا بيكتب موضوع كل اسبوعين
اين هناء...اين حماده عفشه....

انى اشعر بالوحده....بالاغتراب....
اشعر بانى اعيش فى بلد ليس بها احد
فقط انهم ياتون للتعليق عندى
طيب وانتوا .....ماذا تفعلون....لماذا لاتكتبون
وبعد التعليق عندى او عند غيرى ....ماذا ستفعلون؟

انى اعترض على هذا الاسلوب
فليس الموضوع بكثرة التعليقات عندى
وملو فراغ التعليقات باسم واحد يتكررعشرات المرات
مع الاعتزار لكل ابنائى الذين يفعلون ذلك
لانى اتعب فى الرد عليهم بلا فائدة تذكر
انى اريد ان أقرأموضوعات جديده عندهم وعندهم بالذات


واذا لم يحدث ذلك
وحتى يحدث ذلك ........فانى بعد الاعتذار اليكم
اعتبرونى فى اجازه
وشكرا

هناك 48 تعليقًا:

اسماء واحلام فى وجدانى يقول...

الحمد لله رب العالمين

نبدا باول تعليق

اسماء واحلام فى وجدانى يقول...

بعد اذنك يا امى الحبيبة انا هابعت روحى وقلبى لكل ولادك واجيبلك رسالة من كل واحد فيهم بلسانه وشحمه ولحمه

بس يارب اقدر اوصلهم

وردة يقول...

وردة

اول واحدة لانها اسكندرانيا زى حالاتى

وردة

تقول

السلام عليكم ورحمة الله وبركاته

ازى حضرتك
يارب تكونى بالف خير
والله يا امى انا محتاجة لدعائك اوى ربنا يخليكى لينا دايما ام حنينة اوى علينا كلنا وربنا يكرمك بكل خير
ويجعله فى ميزان حسناتك

يارب

سلام

فكرة يقول...

فكرة

لانها بردة اسكندرانيا

ازيك يا ماما معلشى بقى انا باظهر وباختفى بس ان شاء الله هاتواجد قريب وانتم كلكم فى قلبى دايما مش معنى انى مختفية ابقا ناسيكم لا ابدا
بس ادعيلى زى ما عودتينى دايما
ربنا يخليكم ليا كلكم

يويو يقول...

يويو

شالله يا سيد

صباحك سكر

يا احن واطيب قلب

ازيك يا ماما والله حضرتك وحشتينى اوى اوى وانا النهاردة مش ناوية احتلك بس باقولك انى موجودة وبما انى مجنونة ممكن تلاقينى رجعت بعد شوية واحتليت المدونة كلها بس لامة نشوف مازينجر فين اراضيه دلوقتى علشان بس آمن المكان خوفا من اى ضرب

وحشتينى وبتوحشينى دايما يا ست الكل
بنتك يويو

ميمى يقول...

ازيك يا ماما

انا عارفة انى مقصرة معاكى اوى بس ان شاء الله النهاردة آخر يوم ومن بكرة هتلاقينى نايمة هنا ونشوف الجماعة بتوع الاحتلال دول اخرتهم ايه معانا
والله انا بحبك اوى

هناء يقول...

خلصنا من الامتحانات جاتلنا التدربيات
هاعمل ايه بس فى النصيب والقدر
انا صحيح بعيد لكن قلبى معاكى دايما
يا امى ربنا يخليكى ليا
وأسفة على الغياب الغير مقصود

ثندر يقول...

امى العزيزة

وحشتينى اوى ومش عارف اعمل ايه النت دايما بيرخم معايا وكل ما اكتب تعليق يروح منى والله انتى يا امى واحشانى اوى وانا دايما باسيبلك اوف لاين بس مش عارف ليه مش بيوصل واخواتى كلهم واحشنى اوى من اول اختى اللدود ايوشة لاخر العنقود هناء والعيال ولادك دول مقصرين معايا اوى عايزين يا امى نشد ودانهم شوية

امى العزيزة
دمت فى رعاية الله وحفظه

عاشقة الاحزان يقول...

السلام عليكم

حبيبتى الغاليه والله العظيم واحشتنى مووت وبحبك قووى وانا عارفه انى مقصره معاكم كلكم

بس بجد غصب عنى بمر بظروف صعبه قووى كل ما بحاول انساها بترجع تانى من نفسها بس أوعدك ان شاء الله اكون احسن من الاول زى ما اتعودتى منى يا حبيبتى
بحبك قووى
ربنا يشفيكى يارب ويديكى الصحه والعافيه
لا اله الا الله

أيوشة يقول...

السلام عليكم

ازيك يا ماما حضرتك وحشتينى جدا بس الحر عندنا صح الصح عامل الواجب معانا وزيادة انا مش ناوية ابعد زى ما حضرتك فاكرة بس يمكن اكون فى فترة مراجعة مع النفس اعيد فيها ترتيب نفسى وان شاء الله قريب جدا هتلاقونى معاكم

همس الاحباب يقول...

انى اغرق اغرق اغرق

انا غارق لسة فى الحسابات والسنة المالية اللى مش عايزة تخلص مش عارف ايه اخرتها معايا يعنى مش كفاية الجو عليا لاء وكمان اضرب واقسم واطرح واجمع لامة دماغى خالص بقت بتفصل لامة اشوف اى رقم

جارة القمر يقول...

انا بقى غيابى غصب عنى
بجد ربنا هو اللى اعلم بظروفى
محتاجة دعاكم دايما

اسماء واحلام فى وجدانى يقول...

انا جيت تانى ونفسى مقطوع لافيت من اسكندرية للقاهرة ولايناس اللى مش عارف مكانها فين بس روحى طبعا عارفة وثندر اللى دوخنى بردة وقلبى دلنى على مكانه لكن الحقيقة انا ما تعبتش من البحث عن يويو لان حبايبها كتير وكله بيتمنالها الخير واحتلالها مسمع فى كل مكان
وجارة القمر كنت هاتقفش فى لجنة على الحدود بس ربنا ستر وخالد حضرته بالالة الحاسبة وايوشة طبعا كلامها سابقها بثقته يعنى الحمد لله كله بخير وسلام
بلاش يا امى تقلقى علينا احنا اذا كنا مقصرين معاكى ده والله غصب عننا
حقك على كل واحد فينا وبراحتك على الاخر احنا موافقين باللى يرضيكى ويطمن قلبك علينا

اسماء واحلام فى وجدانى يقول...

تصدقى انا نسيتى نفسى
يمكن ده لانكم نفسى اللى عايش بيها
بس يلا اقول بقى كلمتين من نفسى
حضرتك يا امى حطتينى مع الناس اللى مش بتكتب ليه وانا كل 3 ايام باعمل بوست جديد وانا على استعداد انى اعمل بوست كل يوم بس حضرتك قولى اعمل
بس ياريت تخلينى اكتبه حزين لانى باحب الحزن اوى

thunder يقول...

امى العزيزة بالنسبة ليا مش حاجة وربنا يعلم انا باجى مهدود ازى وبدخل اول حاجة على النت جرى ادخل عند حضريتك حتى قبل مدونتى وربنا يعلم بالنسبة بقى لاية فمعلش فى ظروف فعلا والله مانعها ومش هروب منها المهم انى معها وربنا يوافقها يارب ويتم ليه اللى بتعمله باجر حسن
وحروف كانت عنده خطوبة واختفت لانها كانت مشغولة مع خطيبها وكدا يويو بس الله يعنى موجودة ايوا معها ظروف حاسب معرفت
ميمى فى رومانيا
وفكرة هى اللى مزعلنى اوووووووووووووووووووووووى
اووووووووووووووووووووووى
لان محدش عارف حتى يوصلها اى حاجة منى ولا حد عارف عنها اى حاجة
وايناس كانت فى القاهرة ومللية الدنيا هبل اهو دلوقتى ولله الحمد وروح
وكتابة اتنين بوست ورا بعض
احمد بسئل عليه وبدخل عنده ساعات الاقيه قافل وساعات الاقيه فاتح لكن عارف انه مش بعيد واتاكلمت معه وفاهم الامور ماشية ازاى هو حابب بس يعيد ترتيب اوراقة
يعنى محدش مختفى ومش موضوع ياامى مين بيكتب وبيكتب امته
ولا بكمية التعليقات انا كل الامر انى بدرو على فكرة لانه انا اتعودت احترم عقل مينفعش مخطبهوش لو حتى بى شئ وبعدين كمان انا بحاول انتظر كل اللى انا بتعمد دخولها لغايط مايعلقوا انا اتعودت على كدا
وبعدين انا وضحت لحضريتك كل دا والله العظيم على الاميل عند حضريتك
لكن حضريتك مردتيش عليا قولت انك يمكن قرائتى الاوف بتاعى يعنى وعرفتى
لكن من الواضح كدا انه تقريبا موصلش
علىالعموم يا غالى ام حقك عليا وبوووووسة كبيرة على ايد حضريتك ويارب ما تزعلى ابداااااااا منى ولا من اى حدا وحقك علينا ديما
امى العزيزة انا عن نفسى اسف وربنا يعلم انا عامل ازى وبكون راجع ازاى وان كان دا مش عزر علىالعموم
امى دمتِ يااارب بكل حب و ود وفى رعاية وحفظ الله دائماااااااااا

عاشقة الأحزان يقول...

امى الحبيه

حضرتك فاتحتى التعليقات

ربنا يخليك يا احمد بجد انت جميل قووى

وبحبك وبوعدك بجد خلاص هكون معاكم ومش هسبكم مهم حصل

بس ادعيلى ياماما
انا بمر بظروف صعبه قووى ومحتاجه دعائكم
وكنت ضحية وهم اسمه حب بس ربنا قوانى منه
وحسبى الله ونعمه الوكيل

سعدت بوجودك عندى
ربنا ما يحرمنيش منك ياغاليه وربنا يشفيكى وتفضلى منورانا كده على طوووووووووول

بحبك قوووى
انوسه

mohamed ghalia يقول...

معاكى حق يا ماما
أنا كمان ملاحظ غياب للمدونين غير طبيعى
بس أنا على فكرة بنزل بوست كل اسبوع
متهيألى إنه معدل كويس
ربنا يسعدك دايما ياماما

ابنك احمد يقول...

انى اعترض على هذا الاسلوب
فليس الموضوع بكثرة التعليقات عندى
وملو فراغ التعليقات باسم واحد يتكررعشرات المرات
مع الاعتزار لكل ابنائى الذين يفعلون ذلك
لانى اتعب فى الرد عليهم بلا فائدة تذكر
انى اريد ان أقرأموضوعات جديده عندهم وعندهم بالذات

والله يا ماما كترة التعليقات بتكون حوار متبادل ما بين ولادك يعنى احنا مش نقصد اننا نسد خانة لا طبعا احنا بنتكلم هنا براحتنا اوى وبنهزر وبنضحك وكاننا فى بيتنا بالظبط وبعدين ده مفيش غيرى انا والاستاذة المحتلة يويو هانم بس طبعا انا هاعمل نفسى مش واخد بالى وهاسيب يويو لوحدها ولا بلاش احسن تزعل وبجد انا باجىء هنا وباقول كلام غريب هو طبعا مش غريب عليا لانى حاسه وساعت باكون مضيق واجى اتكلم كذا مرة ولا مرة جه فى نيتى انى اكتر تعليقاتى عندك لاى سبب غير اللى ذكرته دلوقتى
وادينى غيرت الاسم المرة دى علشان يكون فى جديد
وصدقينى احنا كفاية علينا اننا نكتب ونحس بوجودك يعنى حضرتك لو مش قادرة تردى او تقولى اى شىء دى مش مشكلة بالنسبة لنا اهم شىء تعرف انك بخير وده كفاية اوى ومتهيلى ان ده راى كل اخواتى

yoyo يقول...

صباحك سكر يا ست الكل

من حق حضرتك تزعلى و الله احيانا بنقصر بس بيكون غصب عنا يا امى
والله انا مش غايبة ولا حاجة انا اهوا موجودة و الحمد لله
هو فعلا فى ناس اختفت لظروف و انش اء الله ترجع لنا بالف مليون سلامة يارب
امى كيفى الشعور بالوحدة وسط ابنائك واحبائك
ربنا يبعد عنا الاحزان يارب و يجمعنا على الف خير

yoyo يقول...

مش معنى اننا نكتب هنا اكتر من تعليق مش بيكون لمجرد سد الفراغ ابدا يا امى دا بيكون زى ما احمد قال على اساس اننا هنا فى البيت الكبير اللى بيضمنا كلنا
جو من الحب و المودة و الاخوة
مش موجودين غير بس هنا عند ماما

ماما مش تقلقى على ولادك
احنا الحمد لله بخير بس دايما نحب نشوف حضرتك مبسوطة و سعيدة
وياريت تسامحى اى حد فين لو كان مقصر
ربنا يبارك لنا فى حضرتك يارب

yoyo يقول...

و الله يا ماما حضرتك هتوحشينى اوى اوى
و بجد هفتقد وجودى هنا وسط اخواتى و اصحابى

دعواتك ليا يا ماما ان شاء الله ارجع على يوم الاربعاء و اسافر النهاردة الصبح

هتوحشينى اوى اوى يا احن و اطيب قلب

جارة القمر يقول...

والدتنا الطيبة

لك كل الحق في كل كلمة كتبتيها

لعل دوامة الحياة تسرقنا حتى من انفسنا

لكن الكتابة هي افراغ لما نعانيه

رائعة انتي


احترامي

الفراغ يقول...

الى كل احبابى ابنائى اخواتى اصحابى الغالييين جدا جدا جدا بدرجة الامتياز

اسماء واحلام..ورده..

ميمى..هناء..ثندر..ايناس.. همس الاحباب

جارة القمر..محمد غاليه..فكره..يويو..
اولادى الاعزاء
بجد انا بكيت من الفرحه بيكم
والله انا مش زعلانه منك قد مانا ببقى خايفه عليكم
الحياه ماتستهلش كل الحزن والانشغال ده
دول هما يومين هانعيشهم وهانروح نقابل وجه رب كريم
خلينا مع بعضنا بالفرح ..بالامل..بسعاده بنصنعها بايدنا
ماتخلوش حياتكم تسرقكممن الناس اللى بتحبكم هنا
والله بنفرح لفرحكم وبنزعل وياكم بجد
ماتبعدوش عن بعضكم بمشاكلكم..تاكدوا اننا هنا عايزين نحل مشاكل بعض
ونكون يد واحده مع بعض
وعلشان كدا عايزاكم معايا
(وكلنا ايد واحده يا مرسى)

انا منتظره رجوعكم بالسلامه
حتى لو معاكم مشاكل
وماله امال انا ام ازاى ان ماكنتش اهتم بيكم واخاف عليكم
وهادعى لثندر وهمس التعابنين وغارقنين فى الشغل
وخلاص انا فهمت قصدكم من كثرة التعليقات..(انكم ماعندكوش مواضيع تقولوها)بس احنا هنا هو
صح موقفكم صح وانا ببقى مبسوطه بضحككم وسعادتكم وفرحانه بتواجدكم الدائم..وخصوصا احمد اللى بيدافع عن نفسه..وبيقول هاكتب بوست كل 3 ايام بس برضه حزين(مصمم يعنى)امرنا لله
اكتب يا احمد
ومعاك المتواجده الدائمه والمشرقه وساطعه( يويو)اللى بتملى المدونه سعاده
ومش هانسى ادعى لكل اللى محتاجين دعاء
ربنا ييسر حالهم جميعا ويرجعولنا بالف خير

الفراغ يقول...

ايوش حبيبتى
انا افردت ليكى تعليق مخصوص
لانك وحشتينى جدا
ولانى مش مصدقه البعد ده
وعلى فكره كنت متوقعه انك ماترضيش
بس ردك على كلامى اسعدنى بشكل لا تتصوريه
وياريت دايما تحاولى تدخلى معانا فى الحوارات ومع احمد ويويو فى التهريج بتاعهم
وركبى تكييف زى مانا عملت..
وعايزه اشوفك دايما مطلعه لسانك للدنيا
بحبك

الفراغ يقول...

جارة القمر
انا سعيده بيكى قوى وانك رديتى عليا
وربنا معاكى ويهيئلك الخير
بس نفسى تكونى مع كتيبة الحب اللى بيجمعها معايا احمد (اسماء واحلام)
منتظراكى باى كلمه حلوه او اى مشكله
او اى خناقه
ههههههههههههههههه
المهم احنا تحت امرك

الفراغ يقول...

فارس الحب..اسماء واحلام
انا مش عارفه اوفيك حقك
بجد انت تعبان معايا جدا
بس هانرفه عليك تاج المملكه(السلطانيه)
ههههههههههههههههه
بجد يا احمد انت انسان جميل وقلبك مليان حب بلا غرض او هدف لكل الانسننات اللى هنا
وانا مبنساش انك اللى عرفتنى بيويو وميمى وجارة القمر
وانك اللى كنت بتطمنى على فكره وعلى عاشقة الاحزان (ايناس)
وانت اللى صالحت هناء علطول اول مازعلت منك
واللى رحت اتعرفت بثندر لما عرفت غلاوته عندى
انت بجد تستحق لقب فـــــــــــــــــارس الحب
ومن قلبى بدعيلك ربنا ينسيك حزنك ويبدله فرحا بازن الله

الفراغ يقول...

يويو بقا لسه بقول انك السعاده اللى هنا
تقومى تقوليلى مسافره
طيب مين بقا هايحتل المدونه
اللهم ارزقنا اخ او اخت يحتل مكان يويو ولما ترجع يبقوا يشوفلهم حل مع بعضبس عارفين لو صوتكم على وانا نايمه
هارش ميه علطول
مع الف سلامه يا يويو يا عسل
واول ماترجعى تخبطى علطول
انا منتظراكى

HaMaDa 3aFshA يقول...

امى الغالية السلام عليكى وطبتى وطابت لياليك وايامك وزاد سعدك وعز مقامك
اعتذر امى وانى والله كنت ازورك يوميا اطمئن انك بخير ومتواجدة ولكن شغلنى مرض امى فلقد ظلت بالمستشفى لمدة اسبوعين ولكن الحمد لله الاحوال تتحسن وخرجت بفضل الله ولكن مشوار الأطباء ما زال قائما دعواتك لى ولها
واعتذر عن التأخير ولكن شهر6 هذا هو الذكرى الاولى لوفاة جدى وكان من احب اهلى الى قلبى ان لم يكن احبهم فلم ارد ان اتعب قلوبكم معى
اعتذر اخرى وانتظرى موضوعا جدبدا وادعو الله ان اكون دائما عند حسن الظن
لاتحرمينى من دعائك كنت فى انتظار ان تذكرينى امى انى سعيد بسؤالك غاضب من نفسى
عذرا والف عذر
تحياتى

اسماء واحلام فى وجدانى يقول...

امى الحبيبة

وحشتينى جدا من امبارح للنهاردة
والحمد لله انك اطمنتى باحساسك على ولادك وبكرة ان شاء الله الكل يرجع
بس انا كان ليا وقفة على كلمتين لحضرتك وهما ان مفيش حد من اخواتى هنا هيعرف يعمل اللى كانت يويو بتعمله لان من بين ولادك مفيش غير يويو واحدة
يعنى وردة بتقول سلام انما يويو مش بتقول ،، جارة القمر بتقول والدتنا الحبيبة ،،انا باقول امى الحبيبة وبعدين يا امى الاحتلال له ناسه وانا مش هارضى ان حد تانى يكون فى اللستة للمطلوبين دوليا زى يويو هانم المحتلة الازلية وكمان صعب نخلى حد مكان حد لو فى حد عايز يدخل معايا لازم يتحمل لانى مش بارحم السلخ للركب
وادينى نبهت

همس الاحباب يقول...

الحمدلله اسمى مش مكتوب
لانى حاضر دايما عند ماما
هههههههه
ربنا يكرمك يا رب
وشكرا للجميع على الروح الحلوة
ربنا يديم المحبة ما بينا دايما
تحياتى

اسماء واحلام فى وجدانى يقول...

همس الاحباب

يا عم خالد

ده انت اول الناس اللى غايبة

بس هى جت معاك كده

ضربة حظ مش اكتر وبعدين ماما ممكن تعمل تعديل صغير وتخلى اسمك اولنا
بس يلا الطيب احسن
وانا جاى علشان اهدى النفوس مش اكتر
ودى كانت وصية يويو ليا قبل ما تسافر

ايوشة يقول...

السلام عليكم يااجمل ام وحشانى جدااااا جداااااا بس حضرتك اكيد عرفتى ظروفى كانت ايه والله انا مقدرش ابعد عن التدوين وعلى عن اسرتى التانية فى عالم التدوين بس ظروفى جت كده وربنا يعديها على خير وهكون موجودة باستمرار وهتزهقوا منى كمان :)
ربنا يخليكى لينا يااحن قلب يارب

واحد يعرفك يقول...

انا نزلت بوست جديد محتاج رأيك

mimi يقول...

حبيبتي ... حقك علينا كلنا ... هوا كده دايما فترة الأجازات ... الناس بتسافر المصيف ومحدش بيبقي قاعد في البيت ... انا عزراكي طبعا ... حتي أنا بعد بوستك ده لقيتني بجد مقصرة في حق كل الناس
انا لسة راجعة من السفر والله ... بس بوستك ده خلاني أقرر أنشر بوست النهاردة .. ده هدية مني ليكي أصالحك بيها

سامحينا بقي احنا كلنا ولادك حبايبك
ماشي ؟؟

سماح بقي ..

وحشتيني اوي وكل الناس وحشتني

اسماء واحلام فى وجدانى يقول...

ميمى

جارة القمر

أيوشة

همس الاحباب

الناس اللى كانت غايبة اهى رجعت
حمدلله على سلامة الكل
ومازلنا فى انتظار فكرة ويويو وهناء

اسماء واحلام فى وجدانى يقول...

هناااااااااااااء

نداء للمرة التانية

مش كفاية غياب بقى

همس الاحباب يقول...

اسماء واحلام فى وجدانى
هههههه
بقولك ايه يا حماده بلاش انت وبلاش تهدى النفوس خالص
النفوس هادية لوحدها
وبعدين ايه الاحتلال ده
يا بنى روح مدونتك والعب فيها
حنرش ميه وكل واحد يلعب قدام مدونته
ههههه
تحياتى ليكم جميعا

آفشنا حرامي يقول...

الام الحنونة

نحن فى انتظار زيارتك الطيبة

طوبة ذهب وطوبة فضة يقول...

ان كان ولادك غلطوا ياماما تعتبيهم وتملصى ودانهم ولا تاخدى اجازه وتسبيهم صحيح انتى الكبيره لكن اكثر خبره فهم قد تؤثر عليهم صعوبه الحياه وقسوه مايروا فيها فهى قدرات ولكن قد يكون وجودك وتوجيهك سبب فى رجوعهم وقدرتهم على الاكمال فعودى فهكذا الام تغفر وتسامح فهى ام

akeed يقول...

لا تشعرى بالغربة فكل واحد له ظروف يمكن ان تمنعه من التدوين لفترة

نادية يقول...

السلام عليكم

اولا انا سعيدة جدا بمعرفتك انا من

القاهرة في الثانوية العامة

وبقية التفاصيل عند احمد اتمني

ان نستمر علي اتصال

الفراغ يقول...

حماده

الف سلامه لماما..ربنا يتمم شفاها على خير
ربنا معاك ومعاها
انا فى انتظار كل ماهو جديد
رغم برضه انى ببقى منتظره مايطمئنى عليك
وهو دا اللى كان مزعلنى
بس خلاص علشان خاطر ماماوجدو

الفراغ يقول...

ايوش ...
منتظره انى ازهق منك
شدى حيلك


همس الاحلام
انا بس بعذرك علشان الميزانيه اللى كنتى مشغول بيها
لكن بعد عيد ميلاد همس
خلاص مابقالكش حجه

الفراغ يقول...

واحد يعرفك
اهلا بيك



ميمى
عوده غاليه
وانا مسامحه حتى وانا زعلانه
واشكرك على البوست الجديد
اهو كدل الاقى اصحابى وحبايبى حواليا
ربنا مايحرمنيش منك

الفراغ يقول...

طوبه ذهب طوبه فضه
اهلا بيك عندنا فى مدونة الابناء والاحباب
اهلا بك فى بيت العيله
انا تحت امر كل ابنائى عندما يتكلمون
لكن لما كل واحد يقفل عليه الباب ومايكلمش حد ولا حتى امه
يبقى مافيش غير نداء من قلب الام يقول محتاجاكوا
مش كدا ولا ايه
انضم للعيله وانت تعرف
تحياتى

الفراغ يقول...

اكيد
ماحدش قال حاجه
بس احنا اتعودنا هنا فى بيت العيله ان اللى عنده ظروف بنقدرها كويس قوى وبنقف مع بعض برضه
لان مابينا الاخلاص والحب فى الله
واللى بيغيب فينا كلنا بنقلق عليه
وما بنرتحش الا اذا اطمنا عليه
تحياتى

وردة يقول...

والله من حقك
وانا طبعا حتكلم عن نفسي
استاهل اكتر من كده
المدونة ديه مسئولية والكلمة اللي بتتكتب فيها مسئولية اكبر
والله لو علي الكتابة ممكن تلاقي الواحد فينا منزل كل يوم بوست واتنين
بس مش كل حاجة ممكن تنزل
وحتلاقي حضرتك ان كل واحد مدونته مختلفة
يعني ناس بتنزل يوميات وناس موضوعات عامة وناس اشعار وخواطر
انا عارفة ان التقصير موجود وبقر وبعترف به
بس صدقيني حضرتك
والله مش مقصود
انا واحده من الناس بكون في قمة سعادتي لما بنزل بوست جديد والاقي الناس معجبة به
مكنتش احب اننا نكون سبب في شعور حضرتك بالغربة ديه
بس احنا دايما عشمنا في حضرتك كبير اووووي وحبنا لحضرتك بيكبر العشم ده ويزوده لدرجه لاتوصف
بجد انا لمست الحب اللي بيملي المكان
ربنا يكرم حضرتك دايما ويقدرنا علي اسعاد حضرتك ولو لحظات
واسفين علي التقصير الغير مقصود
والله بنحبك
جداااااااااااااااا
سلام يا احن ام
سلام

وردة يقول...

تصدق يا احمد
وانا بقري التعليق اللي انت كاتبه علي لساني اتلخبطت وقولت انا دخلت كتبت ده امتي
ههههههههه
ايه يا بني ده
كأني انا اللي كتبته
ومكنتش حكتب احسن من كده
بجد ربنا يكرمك دايما
مش علي حاجة واحدة
لاء علي كل حاجة
مرسي يا احمد
سلام