الأحد، 9 أغسطس، 2009

راحت فين؟؟؟؟؟؟؟؟؟؟؟؟

سلام عليكم

جرى ايه يا جماعه؟؟؟؟؟؟؟؟؟؟
احنا بقينا بننسى بعض ليه

فين فكره من الزمان ده؟؟؟؟؟؟؟؟؟؟؟؟؟؟؟
بقالها كتير قوى قوى قوى ماظهرتش

الاجابه
اما هى عيزانا ننساها
او انها فى ظروف مش حلوه

كانت دايما بتقولى ادعيلى يا ماما
وكانت بتقول انا كويسه ومش هابعد تانى
لكن انا قلبى حاسس انها مش كويسه...وانها فى شده...ربنا يفرج كربها


ياجماعه انا معرفش اى طريق للكلام معاها غير المدونه
اللى يعرف حاجه حقيقيه عنها يطمنا
انا بجد نفسى اطمن عليها قوى قوى
قلبى واكلنى عليا ...بجد قلبى زى قلب اى ام
قلقانه جدا
ياريت اللى يعرف عنها اى حاجه يقولى
ارجوكم
طمنونى عليها


وكمان ياريت تسئلوا على ابنى واخويا ( احمد )الهامى 2يعنى اللى يقدر يزوره وياخد معاه 2 كيلو مانجه على حسابى يبقى كتر خيره
الف سلامه عليك يا احمد
ياترى الدكتور يعرف انك عندك قطط
شكرا على انك بتطمنى عليك من خلال الاميل...لانك مش بترد على التعليقات وانا كنت هازعل منك
بس خلاص ..اذا عرف السبب بطل العجب
بس ياريت متحرمناش من كلمة سلام عليكم
وخد بالك من صحتك



وكمان اللى خلانى اكتب دلوقتى موضوع النت ده اللى عايزين يقللوه ويحرمونا منه
انا مش فاهمه حاجه وخايفه انى اتحرم منكم
حد يفهمنى هما هايعملوا ايه وعايزين مننا ايه والوضع هايكون ازاى

وانا طبعا مش راضيه عن اللى بيحصل ده
هما عايزين يخنوقونا حتى من اننا نكلم بعض
حسبى الله ونعم الوكيل


وارجوا ان يكون هناك لقاء دائم

هناك 53 تعليقًا:

وردة يقول...

ياعني انا اول

تعليق عن حضرتك

الحمد لله

وردة يقول...

احمد ترجع بالسلامة

مش ححجزلك في بيتك

انت دايما بتقول ان هنا بيتك

يبقي مكانك محفوظ

وردة يقول...

يعني انا مش عارفة اقول لحضرتك ايه
طبعا احساس ان ممكن حد يسأل عن الغايب احساس جميل
فلو السؤال ده جه من شخص عزيز وغاااااالي علينا اووووي زي حضرتك بيكون اجمل واجمل
ربنا يطمن قلب حضرتك علي كل اللي بتحبيهم يارب
ويكونو دايما في قربك
كل سنة وحضرتك بخير
كل سنة وحضرتك بتنورينا
كل سنة وحضرتك بتسألي علينا
كل سنة وحضرتك اقرب اللي الله عز وجل
ربنا يخليكي لينا يارب
رمضان كريم
سلام

~ Koki ~ يقول...

انا طبعا معرفش الناس اللى بتتكلمى عنهم .. بس ربنا معاهم يارب
ويارب احمد يقوم بالسلامه ان شاء الله
وابقى طمنينا عنهم :)

وردة يقول...

اما عن موضوع النت
هما بس حيقللو التحميل
يعني لو حضرتك بتحملي حاجات من النت زي الافلام برامج او اي مواد اخري بتأخد وقت في التحميل
حيدي لحضرتك كمية معينة من التحميل وبعدها
السرعة تقل عند حضرتك وبدل مثلا ما تكون 512 حترجع 124
ده بالنسبة للنت الغير محدود
وعلي حسب نوع اشتراك حضرتك
ولو حضرتك علي النت المحدود يبقي حيحاسب حضرتك علي كل الزيادة في التجميل
يعني لو حضرتك بتفتحي الميل والمدونات او صفحات تحميلها صغير بس مش حتلاقي اي مشاكل
يارب اكون قرت افيد حضرتك
بتمنالك كل الخير
سلام

GiGi world يقول...

بجد جضرتك صاحبه انقى قلب ومش بتقدرى تنسي حد
ربنا يباركلك ويعزك ويطمنا عليها يارب

عاشقة الأحزان يقول...

حبيبتى الغاليه

وحشتنى قوووووووووووووووووووووى

كل سنه وحضرتك طيبه

ربنا يطمنك عليه يارب وان شاء الله خير يارب جيب العواقب سليمه يارب


انت جميله قووى وشرفت قووى بيكى يا غاليه ربنا ما يحرمنى منك يارب

واحمد كويس مش تقلقى عليه

واحنا كلنا جنبك ومش هنبعد عنك لحظه وحده

مودتى ليك
ايناس

آيوشة يقول...

السلام عليكم ياماما اخبارك ايه يارب تكونى بخير دايما انا معرفش ان احمد تعبان ان شاء الله هروح المدونة اسلم عليه دلوقتى
وم فرة بس اللى غايبة والله ثندر التانى من اكتر من عشر ايام وبصراحة بدات اقلق ومش عارفة هو مش ظاهر ليه ولا حتى الايميل بيفتحه يارب يكون بخير وللاسف مش عارفة اوصله ابدا
اسه ده مش الناس اللى تغيب تطمنا ولا تسيبنا فى قلق كده

yoyo يقول...

صباحك سكر يا ست الكل

كل سنة و حضرتك طيبة
ويارب رمضان كريم علينا كلنا يارب

بالنسبة لفكرة و الله ياماما انا كمان مش اعرف عنها اى حاجة ربنا يرجعها لنا بالف سلامة وياريت لو حد يعرف يطمنا عليها

yoyo يقول...

يبقى التعليق دا عشان خاطر الناس اللى هتجى متاخرة
ميمى
احمد
ثندر
همس الاحباب
وكل ولادك يا ماما
هما صحيح مش اغراب بس مكانهم محفوظ

yoyo يقول...

ربنا يخليكى لينا يا ماما والله حسيت من كلام حضرتك بحنان الدنيا كله
واكيد طبعا هو احنا مش ولادك ولازم تخافى علينا
ان شاء الله نطمن عليها مش تقلقى يا ماما ادعيلها من قلبك الطاهر

yoyo يقول...

بالنسبة للاستاذ احمد بقى
و الله يا ماما مش عارفة نعمل فيه ايه بس فى رايك ؟؟
مش بيسمع الكلام دا اولا
و ثانيا مش بيحافظ على صحته
يبقى نعمل فيه ايه ؟!
الف مليون سلامة عليك يااحمد
خلى بالك من نفسك شوية
وان شاء الله ترجع لنا بالف خير وصحة

yoyo يقول...

موضوع النت دا يا ماما اعتقد انه مش هياثر على حضرتك الا لو كنتى بتحملى برامج او افلام كتير فدا اكيد هيسبب مشكلة ووقتها هتبدا سرعة النت تقلل
عامة لسه الموضوع مش استقر
واكيد هنعرف ايه الحكاية

yoyo يقول...

ربنا يبارك لنا فى حضرتك يارب
ومش يحرمنا منك ابدا ولا من سؤالك و اهتمامك
دمتى امى بالف خير و سعادة
تحياتى
بنتك
يويو

الفراغ يقول...

ولادى وحبايبى
ورده...كوكى....جيجى...ايناس....ايوش...يويو..
سلام عليكم
والله فرحت بيكم قوى قوى
وعلى ردكم السريع
وطعا اشكركم على الحجز علشان احمد
وثندر انا متهيألى انه فى شغل
لانه غاب قبل كدا وجه قال معلش اعزرونى بسبب الشغل ....ربنا معاه..ويطمنا عليه
وربنا يطمنكم من ناحية النت
انا لابتاعة افلام ولا اغانى انا بس مش عايزه ابعد عنكم
بس بنتى طبعا غاويه افلام اجنبى
وبينى وبينكم بتجيب افلام خيال علمى ورعب...وحقيقى بتبقى حلوه وبتفرج عليها احيانا
المهم ربنا يطمنا على فكره
وان شاء الله نحاول نسئل عليها فى اى مدونه ندخلها
وربنا يبارك فيكم كلكم

حنين القلب يقول...

السلام عليكم
ربنا يطمنك عليها يا رب
بس بجد قلب حضرتك نقى جدا وصافى

وفرحت اوى لما لقيتك بدعيلى فى الضاحكون
ربنا يكرمك ويسعدك دايما

ربنا يخليكى لينا ويحفظك من كل سوء

كل سنه وانتى طيبه

akeed يقول...

كل سنة وانتى بكل خير و جميل نك تسألى عن حد غايب بقاله فترة مش ظاهر انها المحبه فى الله

شجرة الدر يقول...

السلام عليكم
اختى الغالية شدني في كلامك الفوفاء لاصدقائك ويارب يرجعو ليك بالف سلاكة
وكل سنة وانت بخير واصدقائك بالف خير وسلامة
ويارب اتضميني لقائمت الاصدقاء
((الوفاء عملة نادرة قلا ما تجدها في هذا الزمن))
تحياتي ليك

mimi يقول...

جيت متأخرة ووشي كله كسوف من حضرت

بس عارفة هتسامحيني

بالنسبة لفكرة أنا معرفش عنها أي حاجة خالص مع إنها من أول الناس اللي عرفتهم في التدوين

وأحمد ربنا يشفيه ،، هروح أزوره قريب إن شاء الله ،، وبالمرة أبلبط في بحرهم شوية

ههههههههه

حبيبتي دمتي لنا جميعا أم وأخت وصديقة وأخت

ربنا ما يحرمنا من سؤالك علينا ولم الشمل

أأأأمين

mimi يقول...

يويو بنتك يا ست الكل دايما سباقة بالحجز للمتأخرين

يويو
====

تسلم ايديكي يا سكرة وربنا يديم عليكي كل صباح ومساء بالسكر المكعبات والسكر السنترافيش وسكر الأسرة كمان

فكرة من الزمن ده يقول...

ياخبر
انا عايزاكم تنسوني
وانا الاقي ناس بالجمال والحب كده فين
ده في عز ازمتي حتى مافكرت اقفل فكرة ولا انساها علشان افضل بينكم لاني بجد حبيتكم كلكم
كل مرة ادخل هنا اتكسف من نفسي ووشي يبقى في الارض اكتر من المرة اللي قبلها
بس اعذريني ارجوكي يا اجمل ام في العالم الجميل ده
والله ظروف ملخبطة جدا
لكن الحمدلله مش ظروف وحشة
النت صعب اوي معاند فيا اوي
البلوجرز كمان دايما بافتحها تقفل البراوسر ولازم اعمل كوبي لاسم البلوج واروح براوسر تاني
وزحمة شغل جامدة في الوقت ده وبتستمر للعيد احيانا كتير
فاتمنى ماتزعليش والله باحاول اخطف وقت واكون هنا او في كل مرة عند حد من اخواتنا علشان كلهم بيوحشوني
بس الاكيد انه هنا بحس اني شفت كل الناس اللي وحشتني لانه دايما متجمعين في بيت العيلة وده احساسي الحقيقي

سامحيني سامحيني
احنا داخلين على رامضان
وكل سنة وانتي بالف خير يارب وكلنا بخير ومتجمعين ولا ينقصنا اي حد

فكرة من الزمن ده يقول...

اما بالنسبة لاحمد اخونا الشرير اللي لا يكتمل مثلث الشر الا بيه لكن اكيد عند حضرتك هنا بيبقى هادي وكاتم شره
علشان تحبيه
ربنا يجيبه بالف سلامة ويطمننا عليه يارب
واكيد لو ما جاش هانبلغ عن القطط
لانه اكيد مارس شره عليهم او حتى ابريل
والقطط هي اللي ورا اختفاؤه لكن احنا مش هانسكت ابدا وهانفضل وراه

اسماء واحلام فى وجدانى يقول...
أزال المؤلف هذا التعليق.
الفراغ يقول...

بنتى الشقيه
حنين
منوره...ويارب دايما نلتقى على خير
انا بحبك من كلمة بابتى الرايق
بضحك قوى منها
يارب منوره هنا دايما

الفراغ يقول...

اكيد
متحرمش منك
عارف انا بقيت بدور عليك
ودايما الاقيك عند حسن ظنى
انت انسان حلو وقلبك حلو

الفراغ يقول...

شجرة الدر
انا يسعدنى انك تحبى تنضمى لبيت اعيله
وان شاء الله منتحرمش من بعض ابدا
منورنا وهاتنورينا دايما

الفراغ يقول...

ميمى
تعودت ان اجدك انت واحمد
ربنا يرجعه بالسلامه ومايحرمناش من تواجدكم الدائم
وسلميلى على احمد قوى وخديلى غطسين معاكى
وماتتاخريش عننا
ولا المدونه الجديده هاتخدك انتى واحمد مننا
ماتنسيش بيت العيله ميستغناش عنكم

وحكاية انى اسامح دى ماتفكريش فيها
انا عمرى مازعل منك ابدا انا بس عايزاكم حواليا دايما

الفراغ يقول...

فكـــــــــــــــــــره من الزمان ده
قلقتينى عليكى يا فكره
وخلينى قلبى زعلان انى مش لاقياكى
ارجوكى متغبيش عليا كتير كدا
وطمنينى عليكى دايما ..حتى بكلمة سلام
المهم اسمع عنك كل خير
وزى ماقلت لميمى
انا قلبى مسامح دايما ولايمكن اوعل منك
انا بس اتمنى ما نتحرمش من المعرفه الطيبه والحب فى الله

يمكن تكون حياتنا حلوه بس بمعرفتنا لبعضنا
يارب دايما الاقيكى بخير

HaMaDa 3aFshA يقول...

السلام عليكم
امى العزيزةارجو على الله ان تكونى فى تمام الصحة والعافية وشكرا لاستجابة حضرتك على الميل ولكن لو علمت بوجودك لاتيت فيوم الجمعة هذا وفى هذا التوقيت اكون فى زيارة اعز الناس جدى العزيز اخرج من الصلاة الى المقابر اجلس معه واقرأ ما تيسر من القرآن ثم اعود للمنزل
اعتذر ولكنى لم اكن اتوقع تواجدك
اخبرينى متى ستتواجدين وساكون فى انتظارك
احتاج الى رأى امى ارجو الا اثقل عليكى
دمتى فى رعاية الله وحفظه وعنايته
تحياتى

rovy يقول...

السلام عليكم .. اختى الغاليه تسلمى لنا و يسلم قلبك الكبير يارب
ربنا يطمنك دايما على كل احبابك و لا يحرمنا تواجدك العطر الجميل ابدا ..
كل سنه و انتى طيبه و بالف خير و رمضان كريم يارب عليكى و على كل احبابك ..

ارق تحياتى لكى دوما

عاشقة الأحزان يقول...

وحشتنى

انا جايا امسى عليكى يا غاليه ربنا يطمنا عليكى

بحبك قوووووووووووووووووى

HaMaDa 3aFshA يقول...

السلام عليكم
امى الحبيبة اين انتى طال غيابك وزاد قلقى طمئنينا عليكى
ادام الله عليكى النعم ووهبك الصحة والعافية

آه وكفى يقول...

ازيك ياحلوة عملة ايه

انا جيت اسلم عليكي تاني عشان مدونتك كانت راحت مني وفرحانة اوي انك زورتيني تاني ولئيتها

انا والله معرفش الناس اللي بتسألي عليهم بس بجد فيكي الخير سألتي عليهم وانشاء الله ربنا يطمنك عليهم ويكونو كويسين بس مشاغل وهيرجعوا

موضوع النت ده عيزين يحددوا الدونلود بس ياستي عالم معفنة يعني بس

وانشاء الله يبئى في تواصل وماننحرم ابدا من بعض

اسماء واحلام فى وجدانى يقول...

وحشتينى جدا

كل سنة وانتى طيبة وبخير دايما يا رب

رمضان كريم

HaMaDa 3aFshA يقول...

السلام عليكم
امى الحبيبة حضرتك اللى رحتى فييييييييييين؟
كده تتعبى قلب ولادك بغيابك

اسماء واحلام فى وجدانى يقول...

فكرة

رجعت

ببوست

جديد

فكرة من الزمن ده يقول...

كل سنة وانتي بخير يارب ونتجمع عندك دايما
وعايزين العيدية بقى
انا جيت اخد العيدية مخن هنا اول حاجة
ولازم بوست جديد تفرحي قلبنا بيه علشان ننسى زعلنا اننا بنزعلك او بنقلقك علينا ويارب يعود عليكي وعلينا وعلى كل حبايبنا وحبايبك بكل خير يارب ويطمنك على بنتك ان شاء الله ويفرحك ويفرحنا بيها
تحياتي ماما الفراغ

المعتصم يقول...

بسم الله الرحمن الرحيم
السلام عليكم ورحمة الله وبركاته
كل سنه وحضرتكِ طيبه ياست الكل
ورمضان كريم
انا طبعا ماعلقتش على الموضوع لانى مااعرفش هى راحت فين
هههههههههههههههه
انا بس حبيت اقولك كل سنه وانتِ طيبه ياست الكل
تقبلى مرورى وتحياتى
وكل سنه وانتِ طيبه
والسلام عليكم ورحمة الله وبركاته

HaMaDa 3aFshA يقول...

السلام عليكم
امى حضرتك فين كده بجد الموضوع زاد حضرتك مختفية فين ؟طمنينا عليكى ولو بكلمةانا مش فاهم الغيبة دى سببها ايه طمنينا عليكى ويارب يكون خير وتكونى بصحة وعافية يارب
ياريت ياجماعة لو حد على اتصال بماما الفراغ يعرفنا ايه اخبارها معلش قلقان بجد
ربنا يعافيكى ويراضيكى يارب

mimi يقول...

هلا هلالك شهر مبارك

فينك؟

كل سنة وانتي طيبة ... ومن رب العباد قريبة

رمضان كريم

آيوشة يقول...

سنة وانتى طيبة ياماما ورمضان كريم على الامة الاسلامية كلها يارب وربنا يتقبل من حضرتك صالح الاعمال باذن الله

عاشقة الأحزان يقول...

وحشتينى قووى يا احلى ام فى الدنيا كلها

انتى فين كده قلقتينى قووى عليك بجد

كل سنه وانتى طيبه حبيبتى ويعود عليك الايام بخير يارب
ياريت طمنينى عليكى

وبجد محتاجه ليكى قوووووووووووى
ادعيلى من كل قلبك

رمضان كريم
ايناس

الفراغ يقول...

حماده
كل عام وانت بخير
وتعيش وتفتكر ...
بالنسبه لغيابى...بقولك ماتقلقش عليا
وانا اسفه ..بس هو كل الحكايه انك لم تقرأالبوست قبل الاخير..وانى كنت بقول خلاص مش جايه الا على العيد او بعده ان شاء الله
انا اسفه مره تانيه
وربنا يبارك فيك ويسعدك
بس ان شاء الله هاكتب بوست جديد قريبا جدااطمنكم عليا

الفراغ يقول...

روفى حيبتى
ماتحرمش منك
كل عام وانتى بخير والاولاد والاسره كلها بالف خير

الفراغ يقول...

ايناس
ربنا يطمن قلبك ناحية كل حبايبك ويسعدك
وعلشان تعرفى ان قلبى معاكى..بقولك انا دايما بدعيلك ومنتظره الخبر السعيد على قدوم العيد ان شاء الله
وربنا يجمع بينكم فى خير ان شاء الله
وياريت انتى اللى تطمنينى عليكى دايما
وسلميلى على الحبايب الحاضر منهم واللى غايب
وكل عام وانتى حبيبتى

الفراغ يقول...

أه وكفى
كل عام وانت بخير
ويارب مانضعش من بعض تانىوانا خلاص هاسجل اسمك فى الريدر عندى
وان ضعت منك انا هلاقيكى
كفايه اهتمامك بالبحث عنى
والى لقاء ولقاء ولقاء

الفراغ يقول...

احمد(الهامى)
وانت كمان وحشتنى يا وحش
بس بشكرك على الاوف لاين اللى دايما بيطمنى عليك
وانا اسفه جدا يااحمد حقيقى الوقت ضيق على انى اقعد على الاميل
يارب منحرمش من سؤالك الدايم عليا

الفراغ يقول...

فكره جميله من الزمان ده
انتى مستعجله كدا ليهالحمد لله انى اطمنت عليكى
ويارب دايما تكونى بخير
وكل عام وانتى بكل خير وسعاده وراحة بال

الفراغ يقول...

المعتصم(مصطفى باشا)

يارب يارب متحرمش من زوقك واخلاقك العاليه دى بتاعة اخواتنا (القناويون)
وكل عام وانت والاسره العزيزه بخير

الفراغ يقول...

ميمى
ماتحرمش منك
وكل عام وانتى بخير
والاسره كلها يا جميل

الفراغ يقول...

ايوش الجميل
ربنا يبارك فيكى ويسعدك
ويتقبل منا جميعا صالح الاعمال وانفعها وابرهاواقربها لله
وكل عاموانتى والاسره كلها وماما بالزات بكل خير وسعاده

همس الاحباب يقول...

كل سنة وحضرتك طيبة وبصحة وسعادة
ورمضان كريم
ليكى وحشة قد البحر والمحيط
اخبار حضرتك ايه
يا رب تكونى بخير وبصحة
ونتمنى انك تنورينا فى يوم افطار صائم
يوم 4-9 ان شاء الله
تحياتى ومودتى

همس الاحباب يقول...

كل سنة وانتم بخير

ورمضان كريم
شاركوا معنا فى الخير و الفطار

http://kouskoza7.blogspot.com/

http://bekyaforsale.blogspot.com
/

http://hams07.blogspot.com/