الخميس، 27 أغسطس، 2009

الشهر بيجرى....نلحق نفسنا

السلام عليكم ورحمة الله وبركاته

رمضان كريم........الله اكرم

كل عام وانتم بخير

حاولت ان أقرا موضوعات فلم استطع
حاولت ان ابعد فلم استطع
أخذنى الشوق اليكم
فجئت اهديكم سلامى وتحياتى
جئت اتلمس اخباركم وماذا تفعلون
ولانى اليوم اجازه ...قلت اكتب اليكم

اليوم بيعدى بسرعة البرق
لوانا فى الشغل بيعدى من غير ماحس ...يادوبك ارجع من الشغل على صلاة الظهر للعصر
ومن حجرة النوم للمطبخ
ومن الافطار لصلاة المغرب ثم العشاء والتراويح فى البيت طبعا
ثم النوم والاستيقاظ للسحور
ثم صلاة ركعتين تهجد ...ثم الشفع والوتر
ثم النوم للاستيقاظ للذهاب للعمل
وهكذا
واصبحنا فى اليوم السادس من رمضان
الله اكبر ...عدى اسبوع تقريبا...
ماذا فعلنا لاانفسنا
ماذا استفدنا...كم اقتربنا من الجنه
انها تقول الا من مشمر
يـــــــــــــــــــــــــــــــــــــــــــــا ه كم انا حزينه
انه العمل الذى ياخذ منا الوقت والجهد بلا عائد
نحن فى وزارة التربيه والتعليم...لا يوجد طلاب ..لايوجد عمل بالمعنى الحرفى للكلمه
اننا بطاله مقنعه
الناس فى اجازات....ولكن يصر رئيس العمل على االذهاب للعمل
نذهب.... والحمد لله اقضى الوقت فى قراءة القرءان
ولكن بلا خشوع ....احاول التركيز مابين الحديث عن المسلسلات والبرامج الست كوم
احاول الفهم مابين صينية الرقاق وبين الخشاف والارز بالمكسرات

وان تحدثت او طالبت بالخشوع
فانا المستشيخه او اللى مزوداها حبتين
ياختى دا شهر واحد فى السنه
ياختى مانتى بتقرى القرأن كل يوم
ياختى دول هما ساعتين وهانروح للشقى فى بيوتنا

سبحان الله ....فى وجهات النظر

انه شهر واحد صحيح...بس مش زى اى شهر
شهر واحد ...بس الجزاء فيه باضعاف مافى الشهور الاخرى
شهر واحد لازم ولا بد وحتما نحاول فيه نقترب من الله
لماذا لاناخذ اجازه للعباده...لماذا لا نعطى انفسنا فرصه للتركيز فى التقرب لله
لماذا هذه العقول البروقراطيه....نحن نعمل والحمد لله...ولكن فى افضليه للوقت...رمضان لايعوض...اللهم تقبل منا واعنا على حسن عبادتك
وبارك لنا فى وقتنا
انا بكلم ربنا ...والله بكلم ربنا لانى ماليش غيره....وهو وحده اللى قادر يساعدنى
يابخت اللى ربنا يوفقه فيه للعباده

اللهم اجعل لسانى رطبا بذكرك
اللهم بلغنا ليلة القـــــــــــــــــــــــــــــــــــــــــــــــدر وانت راض عنا
اللهم وفقنا لقيامها
اللهم وفقنا لحسن عبادتك
اللهم ارحمنا فى هذا الشهر الكريم من القيل والقال وكثرة السؤال
اللهم اجعل كل ابنائى هنا وفى بيتى منك قريبين ...وفى العباده رائعين
وبصلة الارحام موصولين...
ومن عليهم برضاك وارزقهم وايايى حسن العباده وحسن الدعاء وحسن الصيام والصلاة

اللهم اجعل القرءان حجة لنا لا علينا واجعله شفيعا لنا يوم العرض عليك
واكرمنا بالقرءان والبسنا حلل القرءان وعلمنا ماينفعنا وانفعنا بما علمتنا وذدنا علما

احبائى ابنائى
انه شهر القرءان
انه شهر ليلة القدر
اللهم وفقنا وارزقنا وبلغنا ليلة القدر
واعنا على قيامها والدعاء فيها
وارزقنا الرحمه والمغفره والعتق من النار
اللهم اعطنا ماانت اهلا له وليس مانحن اهلا له

والى لقاء
ورمضان كريم



هناك 22 تعليقًا:

عاشقة الأحزان يقول...

اخيررررررررررأ

انا اول تعليق يا جدعاااااااااااان

عاشقة الأحزان يقول...

والتانى كمان ايه الهنا اللى انا فيه ده

وحشتنى يا غاليه قووووووووووووووووى

عاشقة الأحزان يقول...

التالت


عشان

اسماء واحلام فى وجدانى

عاشقة الأحزان يقول...

الرابع عشان خاطر

اختى وحبيبتى ميمايا



ميمى

مكانك محفوظ ياقمر

عاشقة الأحزان يقول...

والخامس

عشان اختى وحبيبتى فكره من الزمن ده

والبت الجميله يويو

عاشقة الأحزان يقول...

السادس


وحشتنى قووووووووووووووى
بجد مفتقداكى كتير حبيبتى

ربنا ما يحرمنيش منك يارب

ويشفيكى ويعطيكى الصحه

ولا يحرمنا من وجودك معانا يارب يا ست الكل

عاشقة الأحزان يقول...

ياريت تبقى طمنينى عليكى وعلى احوالك يا ماما يا حبيبتى

ربنا يهدى المسلمين جميعا
وجزاكى الله كل الخير على ما تفعلينه

تقبل الله منا ومنكم صالح الاعمال

آيوشة يقول...

ماشاء الله ايناس احتلت كل التعليقات الاولى
ازيك ياماما اخبار حضرتك ايه ربنا يتقبل منك يارب ويعينك على حسن الصيام والقيام باذن الله

عاشقة الأحزان يقول...

بجد يا ماما معاكى حق بكل كلمه

ياترى عملت ايه فى اليومين اللى فاتو

هل قرات قران؟

هل قمت بزياره اقاربك؟

هل تصالحت مع من كنت على عداوه معه؟

هل تصالحت مع نفسك؟

على فكره لازم نلحق نفسنا بالسؤال عشان رمضان هيفوت ويعدى بسرعه وبدل ما بنغنى اهلا وسهلا يا رمضان هنلاقى نفسنا بنغى والله لسه بدرى والله يا شهر الصيام

ونرجع نندم انه فات من غير ما نعمل حاجه استفدنا بيها

عاشقة الأحزان يقول...

الحياة رائعة مع قلوب متسامحة مليئة بالحب


اللهم كما جمعتنا في دنيا فانية

اجمعنا اللهم في الفردوس الاعلى بصحبة الحبيب المصطفى محمد صلى الله عليه وسلم

آميـــــــــــــــــــــــــــــــــــــــــــــــ ـــــــــن

عاشقة الأحزان يقول...

كلماتك نابعة بصدق
وصلت الى قلبى بسرعة البرق



الى من اشتاق الى جنة الخلد و النعيم المقيم و هو فى شوقه ندم على ما فاته من مواسم الخير وايام الرحمات ها قد هبت افضل الايام واطيب الساعات ها قد جاء رمضان ايامٌ وساعاتٌ ولحظات تنتظرها القلوب المؤمنة لتستقى منها كنوز الحسنات قيا ايها الراغبون فى النعيم لا يفوتكم رمضان هذا .. فلعله لا يدرككم رمضان آخر
فهـــل من مشمر للجنــــــــة؟

عاشقة الأحزان يقول...

يا رب اهدينا واهدي جميع شباب المسلمين

عندك حق يا ماما

اللهم عافنا واعفو عنا

اللهم اني علمت انه مهما عظم ذنبي فان عفوك اعظم
"اللهم أعنا على ذكرك وشكرك وحسن عبادتك"

"اللهم واتنا في الدنيا حسنة وفي الآخرة حسنة وقنا عذاب النار"




جزاك ربي خير للتنبيه والعظة الحسنة

وجعله ربي في ميزان حسناتك


اســتــغــفــر الله الــعــظــيــم وأتــوب إلــيــه

Abd Al-Rahman يقول...

جزاكم الله خيرا على تلك الخواطر الربانية
فكم نحتاج كل فترة إلى من ينبهنا بأن الوقت يركض أمامنا ..
ففى رمضانات الماضية أتذكر صورتى وأنا فى آخر ليلة أردد العبارة الشهيرة
" ياااه ، رمضان خلص ، ده إحنا كنا لسة امبارح بنقول رمضان قرب ييجى "...
يسرك الله إلى صالح الأعمال ، ويبلغك ليلة القدر
اللهم آمين
جزيتى الجنة

بنوتة مصرية يقول...

ربنا يجازيكى خيرا

mohamed ghalia يقول...

كل سنة وانتى طيبة ياماما
معاكى حق الأيام بتجرى ولازم نلحق نفسنا
ربنا يعينا على الطاعة

HaMaDa 3aFshA يقول...

السلام عليكم امى
الحمد لله كل الحمد ان اطمئننت على حضرتك
عذرا لم اقرأ الموضوع لاعلق فان بى بعض من التعب عافانا الله واياكى
سعدت بعودتك ارجو الدعاء

أحلام حقيقية يقول...

ماشاء الله عاشقة الرومانسية احتلت كل التعليقات :)
كل سنة وحضرتك طيبة ورمضان كريم دايما عليكى يااااااارب

أليس في بلاد العجائب يقول...

السلام عليكم ورحمة الله وبركاته

كل سنة وحضرتك طيبة وبخير وفي احسن حال انتي والمسلمين اجمعين

تقبل الله طاعاتك واعاننا واياكم علي صالح الاعمال

لا تنسينا من دعائك لعل الله يتقبل

بستان الحب يقول...

الفراغ كل عام وانتم الى الله اقرب ،اعانكم الله واعاد عليكم رمضان سنوات عديده وانتم فى اتم صحه واسعد حال

اسماء واحلام فى وجدانى يقول...

اتاخرت كتير وادينى رجعت هاروح فين يعنى ده اول تعليق ليا من اول رمضان مكانه عند حضرتك
كل سنة وكل شهر وكل اسبوع وكل يوم وكل ساعة وكل دقيقة وكل ثانية وحضرتك وكل اللى قلبك طيبين وبخير دايما يارب واسمحى لى اقول لكل الناس اللى بحبها هنا كل سنة وانتم طيبين
ميمى
وردة
ايوشة
فكرة
ثندر
ايناس
محمد غالى
خالد
هناء
ايناس
جارة القمر
نهر الحب
واخيرا وليس اخرا المحتلة الازلية اللى نفسى ربنا يتوب عليها يــــويــــو
كل سنة وكل دول بخير دايما يارب ويارب دايما يجمعنا على الحب والود والخير يارب

Sharm يقول...

بيجري بس .. صاروخ

عاشقة الأحزان يقول...

حبيبتى انا جايا اطمن عليكى
ازى حضرتك عامله ايه يارب تكونى بخير ووحشتنى قوووى
ربنا يديكى الصحه والعافيه ويكرمك خير يارب

بحبك كتير
ابقى طمنينى عليكى