السبت، 5 سبتمبر، 2009

دعوه بظهر الغيب

الســــــــــــــــــــــــــــــــلام عليكم


وبعودة الايام
اهلا بيكم
وحشتونى والله
ولانكم وحشتونى قلت ارغى معاكم شويه النهارده لانى كان عندى عزومه ...ويتبع العزومه اكل كتير ماتكلش طبعا
وبما انى عندى الاكل اللى يكفينى اسبوع فقلت استغل شوية فراغ فيما هو مفيد
وبعدين ايه
دخلت ابحث عن اصحابى واخواتى وابنائى الاعزاء
من هنا لهنا لقيت مدونة طعم البيوت
اول مره ادخلها بس شدنى العنوان ((ليلة القدر ))

بجد جزاه الله كل خير البدراوى ...وهذا اسمه
اما قلبه فاعتقد انه من ذهب
ليه؟
لانه لم يفكر فى نفسه فقط
بل انه عندما فكر فى ليلة القدر ومافيها من اجابة الدعاء باذن الله
فكر فى الناس كلها
فكر وقال ليه تدعى لنفسك وبس....ليه ماتدعيش لغيرك باللى نفسه فيه

ياسلام على القلوب الطيبه البيضاء النقيه
وعجبتنى الفكره قوى
بجد انا طول عمرى يجى ليلة القدر ادعى لنفسى ولولادى واستغفر لاابى وامى وادعى بصلاح الامه .........وخلاص
لكن فكرة بدراوى جميله جدا
وهى ايه؟؟؟؟
ان كل واحد يكتب فى مدونته هو نفسه فى ايه يتحققله ......وكل اللى يدخل عنده هايعرفها طبعا
يقوم بقى يتذكرها او يحتفظ بيها فى(( نوتة الدعاء))....ودى تضم كل الدعاء لجميع الاصدقاء...ومن ثم يدعوا بها ان شاء الله فى ليلة القدر

وبذلك يكون دعوتك بظهر الغيب لاخيك مستجابه باذن الله

ودا مايمنعش انك طبعا تدعى لنفسك وتجتهد فى الصلاة والدعاء فى العشر الاوخر كلهم
لان ربنا معانا فى كل وقت

مش نلاقى حد بقا رص يجى 100 دعاء هههههههههههههه...............ونام هو وسابنا احنا بقى نقوم بالواجب
طبعا انا بضحك معاكم....وعارفه ان مافيش حد هايعمل كدا....لاننا بنستنى الايام دى من السنه للسنه
لانها هديه من ربنا ...والهديه غاليه جدا...وواهب الهديه سبحانه ليس كمثله شيء
فلازم اننا نكون على قد مانقدر وربنا يوفقنا نعمل على استحقاق هذه الهديه الغاليه ونحافظ عليها ومنضيعهاش فى السوق...ولا عزومه...ولا مسلسل....

وكمان ماننساش اننا ندعى لااخواتنا المرضى وخصوصا اللى فى العنايه المركزه او اللى فى غيبوبه ....قصدى يعنى اللى هما غير مدركين لمرور الايام ولا نوعية هذه الايام الجميله المباركه
شفاهم الله وعافاهم

طبعا انا مش منتظره اى دعوات لابنائى الاحباب علشان ادعيلهم بيها
لانى من الاول قلت انا متعوده ادعى لبناتى وانتوا كمان دخلتوا تحت مسمى الابناء
وبقى عندى بنات وولاد اعزاء غاليين مش بنساهم ومن غير ذكر اسمائهم ....هما عارفين نفسهم وفى القلب حبهم
وان شاء الله لو الفكره عجبتكم او اللى عجبته هاينفذها باذن الله ربنا هايوفقتى انى اروح عنده واعرف مايتمناه وادعيله بيها دا زياده على اللى فى قلبى ليه
بس برضه يرجع الفضل لبدراوى ...وان شاء الله جميع دعائنا هايكون فى ميزان حسناته

ودعائى لااحبابى
بان يكون العتق من النار جزائكم
والجنة مثواكم

وما أحسن وافضل من دعاء امنا خديجه رضى الله عنها وارضاها
اللهم انك عفــــــــــو تحب العفـو فاعفـــــــــو عنى
اللهم امين


ملحوظه
بحبكم كلكم فى الله
اللهم بلغنا جميعا ليلة القدر واعنا على ذكرك وشكرك وحسن عبادتك
ورمضان كريم

هناك 32 تعليقًا:

Bondoka يقول...

جزاك الله كل خير يا امى انتى والبدراوى

اللهم بلغنا ليله القدر واعنا فيها على ذكرك وشكرك وحسن عبادتك وتقبل منا يارب العالمين

أحمد الصعيدي يقول...

قلب من ذهب تقي نقي
ولا أزكي علي الله أحدا

السلام عليكم ورحمة الله
أخت الاسلام لك الشكر لمرورك وأتمني ألا تكون الاخيرة
ولا تنسونا فيث صالح الدعاء

أسعدك الله

بدراوى يقول...

أولاً شكراً لحضرتك على نشر الفكرة
بس ملحوظة انا اسمى بدراوى بدون الف
و لام
هههههه
هو انا اسمى احمد اصلاً بس بدراوى ده اسم جدى
:-)

اما كلام حضرتك عنى فأنا مستاهلش نصه حتى
مش تواضع بس بجد انا قدامى كثييير
عشان استاهل كلام زى ده

شكراً ليكى
و ربنا يحققلك كل ما تريديه فى حياتك
و يوفقك و يكرمك

عاشقة الأحزان يقول...

السلام عليكم

ايه ده انا جايا متاخر ولا ايه
يلا حصل خير ملحوقه

وحشتنى قووى يا غاليه ربنا ما يحرمنيش منك يارب

عاشقة الأحزان يقول...

جزاكى الله كل الخير على تذكرتنا بليلة القدر وربنا يبلغها لنا وللمسلمين جميعا امين يارب العالمين

عاشقة الأحزان يقول...

ربنا يشفينا ويشفى مرضى المسلمين

امين يارب العالمين ويسمحنا ويغفر لنا ويرحمنا انت ارحم الراحمين يا الله ياغفور يارحيم

عاشقة الأحزان يقول...

اخد بق التعليق ده

الى
احمد

اسماء واحلام فى وجدانى

منتظراك عند ماما يلا تعال

عاشقة الأحزان يقول...

التعليق ده
ميمايا


ايوشه

يويو

ثندر

وردة
فكرة من الزمن ده

انا حجزت ليكم عشان ماما مش تزعل
ياريت كلنا نكون موجودين معاها

أحلام حقيقية يقول...

جزاك الله خيرا ياماما يارب وبارك الل فى حضرتك وفى بدراوى صاحب الفكرة وربنا يستجيب من الجميع اللهم امين يارب العالمين طيب حضرتك مقولتيش دعوتك ايه اللى هندعى لحضرتك بيها
انا زى ما قولت عند بدراوى انى نفسى الناس تتدعيلى بالهداية وراحة البال مش عايزة اكتر من كده ودى كمان دعوة ايوشة بردو هى نفسها حضرتك بذات تتدعلها بالهداية وان ربنا يريح بالها دايما اصل انا اعرف ايوشة ;)

mimi يقول...

كل سنة وانتي طيبة

ويبلغنا رمضان يارب

وحشتيناااااااااااااااا

أدعيلي

mimi يقول...

ما شاء الله عليها إيناس قامت بالواجب

شكرا انوس الجميل

شكراااااااااااااا

enjy يقول...

حلوة الفكرة دى اوى

طب انا هدعيلك ان ربنا يخليكى طول عمرك قلبك ابيض وطيبة زى ما انتى كدة

وانتى ادعيلى ان ربنا يرضينى..بس هى الدعوة دى اللى انا عايزاها

انا مكنتش باجى هنا كتير بس بصراحة بس النهاردة حسيت ان فايتنى كتير من عندك هنا..بمعنى تانى حبيتك اوى

ربنا ينفعك برمضان..متنسيش تدعيلى بقى

thunder يقول...

امى كل سنة وحضريتك طيبة يااارب ورمضان سعيد وكريم على حضريتك وكل اخواتى ان شاء الله اسف على التاخير دا والحمد لله اهى فترة وعدت

blue-wave يقول...

جزاكى الله عنا كل الخير

HaMaDa 3aFshA يقول...

السلام عليكم
امى الغالية كل عام انت بخير وادام عليكى الله الصحة والعافية واعانك على ذكره وشكره وحسن عبادتهووفقك للخير واعانك عليه
شكرا لك على سؤالك وهكذا الام دائما واعتذر عن الانقطاع ولكن هكذا الابتلاء الحمد لله بدأت صحتى فى التحسن وساعود قريبا ان شاء الله دعواتك امى
وشكرا جزيلا لك
ابنك احمد

thunder يقول...

امى العزيزة وحشتينى اوى كل سنة وحضريتك طيبة يارب بق كدا ياامى
ارجع مش الاقيكى يعنى
ومختفية طيب انا مع حضريتك ان الشهر الفضيل محتاج تفرغ واجتهاد فى العبادة لكن ما يمنعش ياامى انى اطمن الناس انى بخير لو بكلمة حتى علشان خاطرى طمنينى عليكى وكل سنة وحضريتك طيبة ياااااااااارب
وربنا يتقبل صيامك وقيامك
ياااااااااااااااارب
وكل المسلمين
امى العزيزة دمتِ يارب بكل حب و ود وفى رعاية وحفظ الله دائما ياااااااااارب

أليس في بلاد العجائب يقول...

الله يرزقك تمام العافية وايانا والمسلمين اجمعين

الفراغ يقول...

بنتى الدكتوره بندقه

ربنا يرزقك ويرزقنى قيامها ورضا الله عنا
اللهم امين

الفراغ يقول...

احمد الصعيدى
اشكرك على الاطراء وربنا يجعلنى عند حسن ظنك
ويرزقنى ويرزقك الرضا والغفران

الفراغ يقول...

بدراوى
دا اقل مايمكن عمله امام حبك للناس وحب الخير للناس
ربنا يبارك فيك وتكون كدا واحسن من كدا وربنا يرزقنا العتق من النار

الفراغ يقول...

ايناس
ربنا يبارك فيكى ويملا قلبك حب للكل

الفراغ يقول...

احلام حقيقيه

ربنا يسعدك انتى وايوشه
ويريح بالنا جميعا
يارب مايحرمناش الرضا والامل فى الدنيا
ويرزقنا الهدى و العتق من النار

الفراغ يقول...

ميمى
ربنا يجمعنا دايما فى الخير
وكل سنه وانتى طيبه

الفراغ يقول...

انجى
ربنا مايحرمنيش منك
والله دعوه جميله جداوفرحتينى بيها قوى
وخصوصا انها جت منك من غير ماقولك عليها
وربنا يسعدك ويرضيكى ويعمل كل الخير ليكى
امين يارب

الفراغ يقول...

بــــــــــــــلو ويف
ربنا يرزقنى واياك العتق من النار

الفراغ يقول...

حماده
الف الف سلامه ليكم
وترجعلنا بالسلامه ويقدرك على قيام العشر الاواخرويرزقنى واياك العتق من النار

الفراغ يقول...

ثنــــــــــــدر
ازاى انا مش هنا وانا كل اسبوع تقريبا بكلمكم
وكمان فى اتصال على الاميل
وكمان فى تعليق هنا او هناك

رمضان كريم
وربنا يحققلك امالك
ويرزقك حبه وحب كل مايقربك لحبه ورضاه

الفراغ يقول...

اليس فى بلاد العجائب
الله يتقبل دعائك
ويرزقك العتق من النار
والسعاده دنيا واخره

اسماء واحلام فى وجدانى يقول...

عدى رمضان بسرعة جدا النهاردة 22 وطبعا فى عرف رمضان هيبقى بكرة العيد
لان على ما اذكر ان امبارح كان واحد رمضان واول امبارح كنا سنة 2000 ايه ده الدنيا بتجرى بسرعة اوى اوى اوى
يارب زى ما دخلنها مسلمين نخرج منها مسلمين عارف انها دعوة صعبة اوى بس دى حاجة المؤمن بيتمناها وانا مؤمن وكل ولادك اللى هنا الحمد لله مؤمنين

ربنا يسعد قلبك يا امى يارب ويهديلك ولادك اللى معاك هنا واللى معاكى هناك
ويارب يتقبل منك كل اعمالك الطيبة ودعواتك لكل ولادك اللهم امين
بس انا نفسى فى دعوة مخصوصة لواحدة غالية عليا اوى ونفسى ربنا يتوب عليها من اللى بتعمله فى الناس اكيد حضرتك عرفتيها طبعا هو فى غيرها
يــــــــــــــــــــويــــــــــــــــو

الحمدلله ربنا هديها فى رمضان بس مين عارف بعد رمضان هيكون كلها شوق وربنا يستر علينا كلنا ومش تحصل كارثة احتلال مسبقة

طبعا اسمحلى اقول لكل الناس اللى باحبها اوى هنا كل سنة وهما طيبين

ميمى
وردة
علياء
ايوشة
ايناس
ثندر
فكرة
خالد
هناء
محمد غالى
نهر الحب
احمد الصعيدى
بدراوى
واللى ربنا يجعل كلامنا خفيف عليها لان اختفاها ده اكيد وراه حاجة كبيرة

يــــــــــــــــــويـــــــــــــو

mimi يقول...

رمضان خلاص هيخلص ... ربنا يتقبل صلاتنا ودعائنا فيه يارب

ماما الفراغ وحشتينا كلنا جدا

يارب تكوني بألف خير يارب

أحمد طبعا قام بالواجب ... ربنا يكرمه ويجمعنا كلنا بالخير يارب

الفراغ يقول...

ازيك يا احمد
بجد وحشتنى ووحشنى الكلام معاك
وانا يا سيدى بخير والحمد لله
بس كل الحكايه كنت بحاول اختم القرءان على ليلة 27 والحمد لله ختمته
ودعيتلكم كلكم ميمى وورده وعلياء وايوش وايناس وثندر وفكره وخالد وانت طبعا بس مش هاقولك دعيتلك بايه خليه سر بينى وبين ربنا
ودعيت للكل ولكل المسلمين
كل سنه وانت طيب ويعيد عليك رمضان بكل خير

الفراغ يقول...

ميمى حبيبتى
ازيك
والله دعيتلك زى ماقلتى
ودعيت لاايوش
دعيت لصاحب الفكره
دعيت لاايناس ترتبط باللى بيحبها
دعيت كتير وربنا يتقبل
وكل سنه وانتوا طيبين كلكم