سلام عليكم
مش عارفه ااقول ايه
بجد العيد فرحه...وخصوصا لما نلتقى بعد غياب
وانادى كل واحد من حبايبى باسمه
واقوله كل عيد وانت طيب
وبقول من هنا انى هارد على تعليقات حبايبى هنا علشان كلكم وحشتونى ..وحشتونى وحشتونى
واول حاجه نقولها
سلام مربع كبير قوى قوى قوى لاول10 متصلين....قصدى معلقين....وممكن نديهم تعليقين هديه بمناسبة سرعة الاشتراك فى التعليق
والله بعوده الايام يا ولاد
بجد ...هانرجع بقى لمين هايمشى ومين زعلان ومين زهقان ومين اتجوز ومين غضبان
ومين غايب ومين فرحان
ومين مش سامعين صوته ومين هربان
بجد وحشتونا وعايزين نقرا من جديد كل جديد
وعايزين نكتب عن تجربتنا وفايدتنا من رمضان
عايزين نكتب عن اصلاح عيوبنا ...ونشجع بعضنا اننا نستمر طول العام كدا لغاية رمضان اللى جاى
ونقابله واحنا احسن من السنه دى
يلا بقى كفايه كدا ...هو هانبدأ مواعظ من اولها
رمضان خلص والعيد جه...........والعيد ايــــــــــــــــــــــــــــه؟؟؟؟؟؟؟؟؟؟؟
العيـــــــــــــــــــــــــــــــــــــد فرحـــــــــــــــــــــــــــــــــــــــــــه
العيد على فرحه على كل حبايبى
ثندر..واحمد.. وايوش .. وامة الله .. وايناس .. وطوبه دهب وفضه ..و الطائر الحزين .. وحنين ..والرايق... واليس فى بلاد العجائب...
واسير الغربه..
وميمى... وورده ....وفكره من الزمان ده ..وجيجىورلد..ونوارة..وبلوويف...وحماده عفشه...وجارة القمر..واحمد الصعيدى..واحلام حقيقيه..وهناء...وبدراوى...وبستان الحب...ونعكشه...واكيد...وشجرة الدر ...واه وكفى..ومحمد غاليه...وهمس الاحباب..ونهر الحب...ولينكادا...وقلم رصاص...وعابرة السبيل...وروفى...والفقيره الى الله ام البنات...وكلمات من نور..والقدر وانا...وبندقه.... شجرة الدر..ونهر الحب .. والمعتصم...وبيرم التونسى ...ودكتور على خميس...وكاتب مصرى...وحياه بلا عنوان...وبسمه صلاح...وكوكى...ونورهاتى..وعلياء...ومدونة طعم البيوت... وادهم... وادم...
بصراحه يعنى كل كل كل اللى دخلوا مدونتى وكتبولى ولو كلمة واحده
واسفه لو كنت نسيت اى اسم لانى برضه بسلم عليه
بجد انا طالعه من رمضان وانا نفسى اخد كل العالم فى حضنى ...........فعلا الحمد لله حاسه ببرد وسلام مع نفسى وقلبى والعالم
احساس براحه مريحه سعيده..
اللهم لك الحمد والشكر
وبعدين بصراحه بقى ومن غير زعل
انا هاسيبكم يومين تلاته...اروح اعيد على بنتى لانى مرحتلهاش طول رمضان
يلا بقا انا مارضتش اروح الا بعد ماعيد عليكم الاول
وافرحوا وزأططواعلى مارجعلكم
يلا اشوفكم بخير
وكلوا واشربوا ولا تسرفوا
وبالهنا والشفا
وهاتوا حته
طيب سندوتش
طيب كحكه واحده
بجد مش قادره اشبع من الكلام معاكم...
بس علشان الحق اكلة الرنجا مع بنتى
اتفضلوا معانا
سلام عليكم...اصلى رغاية قوى
باى بـــــــــــــــــــــــــــــــــــــــــــــــــــــــــــــــــــــــــــاى
هناك ٣٤ تعليقًا:
السلام عليكم ورحمه الله وبركاته
اول تعليق ياسلام ياسلام
طيب برحتى بقا شويا
طيب رجعت تانى علشان اقول انى اول وتانى تعلق
كل سنه وانتى والاسره بخير يارب
وربنا يحقق كل امنياتك فى الحياه
وعيد فطر سعيد عليكى وعلى الامه الاسلاميه كلها
تحياتى
هيييييييييييييييييه
انا التانى
العيد فرحه واجمل فرحه
امى حبيبتى
وحشتينى قوووووووووووووووى
عيد سعيد عليكى وعلى الامة الاسلاميه جمعاء
بجد مبسوطه انى اسمى مكتوب
وكمان كل اللى بحبهم
اسمهم مكتوب
ربنا ما يحرمنيش منك يا حبيبتى يارب ويكرمك خير
تقبل الله منا ومنكم صالح الاعمال
وربنا يشفيكى ويعطيكيى الصحه والعافيه
التعليق ده
اسماء واحلام فى وجدانى
ثندر الباشا
يويو
ايوشه
ورده
ميمى
وكله بقا
عيد سعيد
عليكم يارب
يارب
كلنا نحقق احلامنا ونكون بالف خير وصحه
امين يارب العالمين
سلام يا امى
تروحى وترجعى بالسلامة ان شاء الله
وسلميلنا عليها
وبالف هنا الرنجة:)
kol sana we 7adretk tayabh ya mama
ma3alesh ana bakteb be elshkl da 3alshan el keybord bas wejan nefsy akon awel t3leq bs el 3eal e7talw hene men badry
bas awel ma arw7 hakteb 3arby
kol sans we 7adretk we e7'waty
tayben ya rab
كل سنه وحضرتك طيبه
وعيد سعيد عليكى يارب وربنا يعطيكى الصحه
انوسه
امى الحبيبة كل سنة وحضرتك طيب
ويا رب دايما مع ولادك اللهم امين
كلاكيت تانى مرة
فين يويو من ولادك
طيب على العموم هى موجودة فى قلوبنا
بس احنا عايزين اسمها بصفة رسمية
اسمحلى بقى اعيد على ودلاك واخواتى
والم العيدية منهم واحد واحد
وردة اللى لمت الفوانيس وخلعت
ميمى اللى استولت على بنك
يـــــــــــــــــويـــــــــــــو
ايوشة
ثندر
فكرة
ايناس
خالد
محمد غالى
نهر الحب
علـــــــــــــــــــياء
هنــــــــــــــــــــاء
وكل اللى اسمه مكتوب
وطبعا المدونة هتدفع رسوم النشر انا بحب حضرتك جدا بس الشغل شغل
كل سنة و حضرتك طيبة يا رب
مسائك سكر يا ست الكل
كل سنة وحضرتك طيبة وبالف خير يارب
يارب يكون عيد سعيد على حضرتك يارب
ويارب دايما منورانا يا ماما يارب
نوسة تسلمى يا قمر على الحجز يا جميلة
كل سنة وانت كل اصحابنا بالف خير يارب
بس انا زعلانة يا ماما
يعنى اسمى مش مكتوب
بس برغم كدا والله بحبك جدا جدا يا امى
ربنا يبارك لنا فى حضرتك ياست الكل
كل سنه وانتى بالف خير
ايه ده انا اسممى وجود على احن ام فى المدونات واطيب حد بجد
كلعام وحضرتك بخير والاسره الكريمه وزقك الله الجنه
تقبل الله منا ومنكم اللهم اعد علينا رمضان والعيد اعواما عديده يارب
كل سنة وانتى طيبة ياماما
ربنا يسعدك دايما
التعليق ده بتاع الواد ثندر
اللى مكتوب فوق
بس هنا مصحوب بالترجمة
كل سنة وانتى طيبة يا امى
معلشى انا باكتب بالشكل ده علشان الكيبورد باز وكان نفسى اكون اول تعليق بس العيال احتلوا هنا من بدرى
بس اول ما اروح هاكتب عربى
كل سنة و حضرتك واخواتى طيبين يا رب
كل سنة ويوم ولحظة وانتي بألف خير
وصحة وعافية
يارب تحققي كل أحلامك وأمنياتك ويديم عليكي ربنا نعمة رقة الاحساس يا أغلي الناس يا حتة سكر
البنك اللي أحمد نق عليا فيه ... خلص يا ماما
... اتوزع كله عيديات علي اصحابي وحبايبي والمجتمع والناس
إهئ إهئ إهئ
يا ميمى ده مش كان بنك ده كان رصيد قارة كاملة وبعدين اللى اجمل منه اننا فاكرين بعض دايما لان اللى فى القلب مش ينفع يتباع او يشترى وبعدين بصراحة بقى مصدر الفلوس دى فيه قلق والحمد لله انه خلص على الاقل انا دلوقتى اطمنت عليكى والحكاية عدت على خير ربنا يستر بقى فى العيد اللى جاى خايف منك تهجمى على قطيع خرفان زى الضحية اللى عندك فى المدونة دلوقتى بس للاسف الخروف مش بينفع فى التحويلات البنكية ده لازم يتشحن وعايز اكل ومية ورعاية وتطعيم دنيا تانية يعنى فانا عايز نصيبى جاهز تبعتلى حقه وانا اتصرف
يارب نكون وصلنا الحل ده يرضيكى
وردة
رمضان خلص والعيد خلاص
ليه الكسل يعنى هو علشان انا فاكرك دايما وباحجزلك تغيبى كده طيب يلا عشان العيدية انا عايزها منك متتاخريش
يـــــــــــــــــــويــــــــــــــــو
القلب عمره ما بينسا لانه قلب
فما بالك بقلب الام
العقل ساعات بينسا لانه عقل
بس اللى انا حاسس بيه بجد انك طول ما نيتك ماشية فى طريق الاحتلال هتلاقى طريق كله بمب و كده بقى يعنى
توبى يا بنتى لوجه الله والحال هينصلح باذنه
كل سنة وانتى طيبة يا يويو
فكرة
حجة حضرتك اللى هى رمضان خلصت خلاص وطبعا الغياب ده علشان تدورى على حجة تانية بالذمة ده مش شغل سوس فكرتينى بناس
كل يوم تاخير العيدية بتاعتى بتزيد ده غير حق القطط انا ماليش دعوة حقهم قبلى
كل سنة وانتى طيبة يا فكرة
صباحك سكر يا ست الكل
العيد خلاص اهوا خلص
حضرتك من تانى قى تنورينى
ربنا مش يحرمنا منك يا ست اكل يارب
* اسماء واحلام فى وجدانى
مـــــــــــاشى يا احمد
بقى انا برده بحتل و كدا يعنى
ربنا يسامحك
اا بعمل احتلال صغنن نونة كدا على ادى
انا نيتى احتلال
بيقولى توبى ازاى بس ازاى
ههههههههه
ماشى يا احمد
* احمد
مش هاختلف معاك
هو قلب ماما دى فه زيه قلب
ربنا يبارك لنا فيهايارب ومش يحرمنا منها ابدا ابدا
كل سنة و ات طيبة يا احمد
كل سنة وكل ولادك بالف خيريا ماما
وبالنسبة للعيدية مش ليا دعوة انا سامعة ان فى ناس بتلم العيدية و هتخلع بيها اهوا
فين حقى بقى
؟؟؟
اللي عيد ميلاده في شهر سبتمبر يقول :
أناااااااااااااااااا
أو يعرف حد مننا عيد ميلاده في سبتمبر
ويكتب يوم كام في شهر سبتمبر
هنا حفلة كبيرة جدااااااااااااااا
كل سنة وانتى طيبة وبكل خير وسعادة و ربنا يتقبل منك صالح الاعمال و يارب تكونى دايما فى صحة طيبة
كل سنة وحضرتك طيبة
وعيد سعيد عليكى يا رب
إرسال تعليق