الخميس، ٢٤ سبتمبر ٢٠٠٩

ماحدش ينسى صيام الست الايام البيضاء

سلام الله عليكم ورحمة الله وبركاته

بداية كل عام والجميع بخير

واسمحولى انى ارد على تعليقاتكم هنا ......واشكر جميع من هنأنى بالعيد
وخصوصا صاحب التهنئه السريعه جدا..... حياة بلا عنوان
وطبعا بنتى وحبيبتى.... ايناس
واختى الغاليه ...مونليزا اللى وحشتنا شهر بحاله واللى صبرنا على بعادها انه شهر رمضان بس
وابنى البكرى ...ثندر اكبر الابناء ....وبشكر ابنى الغالى احمد....بشكره جدا جدا وكمان جدا لانه كتبلى ر تعليق ثندر بالعربى...بجد كتر خيره لانى ريحنى من تمقيق عينى علشان اقرا ماكتبه ثندر
وبدعوا لثندر ياخد اجازه ويرجعلنا يالسلامه وعموما كتر خير كمبيوتر الشغل اللى بيكتب بالانجليش
وربنا مايحرمناش من تواجدك معانا بكل اللغات هههههههههههههه
وبعدين يا احمد هو انا كل مره انسى اسم من اسماء حبايبى تفضحنى كدا على الملأ
ياعم انا مش ناسيه يويو ولا ااقدر انساها
كل الحكايه انى تداخل اسمها عندى مع اسم ميمى واعتقدت انهم اسم واحد
ولكيويوو فى قلبى وماقدرش انساها
وطبعا بشكر بلو ويف .....وجيجى وررلد
ومنساش محمد غاليه المتواجد صاحب الواجب الدائم
وكدا كنت هانسى ميمى المره دى بس مش هاديك فرصه يا احمد
طبعا بشكرك جدا يا ميمىوعقبال كل سنه نيجى ونروح عند بعض نهنى ونعيد وخصوصا عند احمد ويويو
واشكر اكيد ويارب مايغبش علينا
وهمس الاحباب منتظرينك فى عيلة الرايق لانهم وحشونى قوى
وسلام ضرورى لهمس جدا
وطبعا انا مش ناسيه الناس اللى بحبهم وماجوش لغاية دلوقتى وهما(((( فكره من الزمان ده )))
وايوش ....رجعت تانى وقفلت التعليقات لناس بذاتها .....وانا مش زعلانه لانى هاكتب لها هنا كل اللى نفسى ااقوله ولانى بحبها ..بدعيلها ربنا يحققلها كل اللى تتمناه وبقولها والله دعتلها وربنا بقا عليه الباقى
وكمان ابنى حماده عفشه....ربنا يرجعهولنا بالسلامه ونلاقيه عندنا فى كل المدونات


وبعد كل الكلام ده
دعوه لصيام الست البيض
واحنا لسه سخنين ولسه بخير رمضان وتقواه
وربنا يجمعنا دايما على الخير

والى اللقاء

هناك ٥٢ تعليقًا:

اسماء واحلام فى وجدانى يقول...

آسف يا جماعة انا مش قريت الموضوع

بس حابب انى اكون اول تعليق

عند ست الكل

اسماء واحلام فى وجدانى يقول...

بالفعل انا اول تعليق

يا سلام احساس جميل اوى

فين الجماعة المحتلين دلوقتى

الله على كده

ناخد بقى تعليق


وردة

اللى الرؤية

عندها لسة مش ظهرت وعشان كده

لسة مختفية

اسماء واحلام فى وجدانى يقول...

ايه ده مفيش حد لسة وصل

يا سلام العب بقى براحتى قبل ما اشوف البوست ده بيتكلم عن ايه هو احنا كل فين وفين لامة بنشوف بوست جديد يعنى

ولا اقول نسلم على كل حبايبى اللى هنا

ميمى عيد ميلاد سعيد ويارب دايما
كل سنة وانتى طيبة يا رب
وبخير دايما يارب

يويو المحتلة الازلية
ايوشة المتنكرة الايام دى
ايناس
فكرة
الواد ثندر
علياء
محمد غالى
خالد
علياء

اسماء واحلام فى وجدانى يقول...

امى الحبيبة
كلامك انا عارفه كويس انه سهو او شىء زى كده لان الحب لامة يسكن القلب استحالة استحالة انه يخرج منه
انا بس حبيت اخلى اسم يويو موجود مع علمى التام انها موجودة فى قلوبنا كلنا وبعدين ميمى ويويو واحد مش هما ولادك بردة وساعات الام بتنادى على حد وفى نيتها حد تانى خالص وماما هنا ساعات بتعمل كده كتير يعنى كل اللى اقصده التواجد مش اكتر
بالنسبة بقى لصوم الـ 6 ايام دول مش هاتكلم فيهم دلوقتى خاااااااااالص

وتعليق ثندر المترجم ده لانى حسيت بحاجة خلتنى اعملها وفى حاجات كتير اوى باحسها بس للاسف مش بالاقى لها تفسير
طولت عليكى معلشى بقى ابنك وما صدق
وعلى راى البكرى بتاعنا
امى الحبية دومت فى حفظ الله ورعايته
يارب دايما اللهم امين

Nostor Azzuro يقول...

شرفتينى بزيارتك

وان شاء الله نقدر ونكمل الصيام

وربنا يتقبل منا جميعا

اسماء واحلام فى وجدانى يقول...

ايه ده مفيش حد لسة وصل

ولا حتى المحتلة الازلية

ولا زعيمة المحتلين كمان

يا فرحك يا هنائك يا احمد

ألعب براحتك يا ابنى مفيش حد غيرك هنا

موناليزا يقول...

دايما جميلة وتحملين أطيب قلب:)
ربنا يخليكى ليا يا حبيبتى
افتقادك ليا على دماغى والله
وادينى رجعت لاحبائى الغاليين
ماتحرمش منك ابدا ياحبيبتى
======
فيه حاجة بس عايزة اوضحها
الايام البيض بتطلق على 11و12و13 من كل شهر عربى نظرا لبياض السماء ويستحب طبعا الصيام فيهم
وفيه حاجة كمان فرصة أقولها عندك:) استحملينى بقى
فيه ناس بتصومهم ورا بعض وبيبقى ليهم عيد فى اليوم السابع ويهنوا بعض بعيدهم
وده مش مستحب لان المسلمين جميعا ليهم اعياد موحدة وهما عيد الفطر وعيد الاضحى ولذلك ممكن جدا تتصام الايام دى متفرقة ومش ورا بعض المهم يكون مجموعهم 6قبل انتهاء الشهر

--
بما انك هتصوميهم بقى عايزاكِ تدعيلى ان ربنا ينصرنى على اللى ظلمونى
وانتى كمان ياحبيبتى لو تحبى ادعيلك بحاجة معينة عرفينى

اسماء واحلام فى وجدانى يقول...

شوفى بقى حضرتك ركزتى على

يويو

وميمى

ونسيتى

وردة

حضرتك سمعانى

فين وردة

آسف بقى مش باقدر اشوف اسم حد غالى عليا مش موجود

ايه ده بقى هو احنا نفتكر السكر وننسا الرحيق اللى بيجى منه السكر
لالالالالالالالالالالالالالالالالالالالالالالالالالالالالالالالا
كلا البتة

yoyo يقول...

احم احم
سامعة ناس كدا بتجى فى سيرتى
نحن هنا

yoyo يقول...

صباحك سكر يا ست الكل
و الله انا مش اقدر ازعل من حضرتك
ربنا يعلم محبتى لكى و االله وزى ما احمد قال انا و ميميى واحد كلنا ولادك
ربنا مش يحرمنا من حضرتك ابدا ابدا

yoyo يقول...

ربنا يقدرنا يارب و يتقبل منا كل اعمالنا يارب
الللهم آآآمين

yoyo يقول...

معليش بقى مش هتلعب لوحدك
انا جيت
وناوية العب للصبح بقى
عاوز تلعب معايا اوك
هتعترض هاعمل انقلاب

اسماء واحلام فى وجدانى يقول...

بعد اذنك يا امى يظهر فى المحتلين وصلوا
فطبعا انا لازم ادافع واهاحم واقف خط وسط كمان على راى واحد صاحبنى
محتل نونو كده

يا قلبى عليك يا ابن لادن يا ترا انت فين دلوقتى

yoyo يقول...

سلامة قلبك يا صغنن
مش فى راس حربة
ههههههههه
بيسلم عليك اوى والله

اسماء واحلام فى وجدانى يقول...

الصغنن ده يبقى انا
ولا ابن لادن
اصل لو انا يبقى مقدور عليا
انما ابن لادن لو سمع حاجة زى كده
مش هيسكت الا بكليو حب العزيز
ده غير الحمص والمشبك وطبعا النمل هيتلم علينا وهتبقى الحالة صعبة اوى

yoyo يقول...

الصغنن الصغنن دى يا بقى انت يعنى
ابن لادن دى عشرة عمر كدا يعنى
روحى روحى ومش تجى تانى خالص
انا كان على النمل مش تخاف عاملة حسابى

yoyo يقول...

اه صحيح تعالى هنا
مش النهاردة عيد ميلادك فين نصيبى بقى من التورتة
مش ليا دعوة بقى

اسماء واحلام فى وجدانى يقول...

اولا انا مش قلت عيد ميلادى امتى انا قلت البوست اهداء للناس اللى عيد ميلاده الشهر ده وقلت انى مولود فى الشهر ده لكن مش حدد يوم انتى بقى بتقرى الفنجان ولا ايه حكايتك بالظبط كده الواحد يبدا يقلق منك

yoyo يقول...

اها
حكيم روحانى حضرتى
مش تعرف انى اقدر اقرأ افكارك
ومن عينيك اقدر اعرف كل اسرارك
هههههههه
العصفورة قالت ليا بقى
كل سنة وانت طيب

اسماء واحلام فى وجدانى يقول...

طيب يا ست راقية بورهيم

فكرتينى بمشهد باحبه اوى انا باحب الفليم كله عموما بس الدويتو وقتها كان جميل فعلا بس الزمن غير الزمن يا مس
اولا مفيش عصافير انا حاسس انك جندتى قط لحسابك

وبعدين احنا قلبنا المدونة ساحة مراجيح السبتية ولا ايه

yoyo يقول...

ايون يا سى عبده
و الله انا كمان بحب الفيلم و الدويتو دا كان لذيذ
بصراحة هو مش قط واحد
دا الموضوع كبير كبير اوى
حاول تلحق نفسك بقى

مدونتة ست الكل بيت لكل حبايبها و بعدين ماما مدينى الاذن بقى

اقصوصه يقول...

كل عام وانتم بخير :)

ذكرى رحيل قلم يقول...

السلام عليكم

نورتني وتشرفت بزيارتك

كل سنة وانت طيبة بمناسبة الايام العطرة الماضية والاتية والحالية

تشرفت بمعرفة مدونتك
وان شاء الله دائما نتواصل
تحياتي

عابرة السبيل يقول...

سلام عليكم
------------
كل سنة وحضرتك طيبة
جزاكى الله خيرا
هحاول اصومهم ان شاء الله

همس الاحباب يقول...

كل سنة وحضرتك طيبة
وربنا يتقبل منا ومنكم صالح الاعمال
وان شاء الله هنرجع للضاحكون قريبا جدا

الفقيرة إلى الله أم البنات يقول...

كل سنه وانت طيبه يا غاليه
وجزاك الله خير على التذكرة ...جعله الله فى ميزان حسناتك

اسماء واحلام فى وجدانى يقول...

صباح الرخامة

ايه الجمال ده

thunder يقول...

اوووووووووووووووووووول واحد يصومه وكان على وشك يخلصهم بكرة اللهى يكرمهم ناس وقفونى فى الشمس بقى وسافرررر
امى العزيزة وحشانى اووووووووووووووى اوووووووووووووووى
كل سنة وحضريتك يااحن ام بصحة وخير ديما ياااااااااااااارب كل سنة وحضريتك طيبة يااااارب

rovy يقول...

كل سنه و انتى طيبه و يارب دايما بالف خير و ربنا يتقبل منا جميعا يارب ..
سامحينى لو اتأخرت فى تهنئتى بالعيد لأن بعد اجازتى الرمضانيه كان النت قاطع اليومين اللى فاتوا ..
يارب تكون ايامك كلها عيد سعيد

ارق تحياتى

فكرة من الزمن ده يقول...

كل عام وانتي بالف خير يارب
وحشتيني اوييييي
وجزاكي الله كل خير وربنا يجعله في ميزان حسناتك
واسفة على غيابي
وقلبك عودنا على المسامحة
وان شاء الله ما اغيب تاني

Unknown يقول...

الحمد لله صومت
خمسة وفاضل
لى يوم واحد
ربنا يتمهم
على خير يارب

akeed يقول...

ربنا يعزك و يكرمك زى م بتدخلى السعادة على قلوب اخوانك و اخواتك المدونين و المدونات انتى بتنمى فينا صلة الرحم بطريقة غير مباشرة

و انا بدأت فعلا صيام الستة ايام من السبت

ربنا يجعلة فى ميزان حسناتك و تكونى دائما فى طاعة لله

المعتصم يقول...

السلام عليكم ورحمة الله وبركاته
ست الكل
تحياتى
وكل سنه وحضرتك طيبه وبكل خير
هى متأخرة شويتين صحيح بس سماح لانى ماعنديش نت والله
وكمان انا عارف ان قلبك كبير وهتسامحينى
هههههههههههههههه
وشكرا على التذكير بالسته البيض
بس انا ممشيها سبت واتنين وخميس
مش ينفع برضو؟؟
ههههههههههههه
ربنا يبارك لنا فيكى ويديكى الصحه
تحياتى ودمتِ بكل خير وود

بيطرية ومش بايدى يقول...

ياااااااه ده انا جيت ف الوقت الضايع فعلا
اسم المدونة تحفة فكرنى على طول ببابا
دايما بيقولها لينا اما نكون ف الاجازة
لاقيتك ام المدونين كلهم وانا لا
ماليش دحوة انا لازم اما فرد هنا فى منبع الامومة ده
كل سنة وانت طيوبة يا قمرى
وجزاك الله كل خير
تقبلى مرورى

كلمات من نور يقول...

عيد سعيد وربي يتقبل من الصيام والقيام ويقدرنا على صيام الست البيض وسبحان الله المغرب يوم بعد يوم بيبقى اقرب والصيام بيكون أسهل و إنا لسه خارجين من صيام رمضان يعني إن شاء الله يكون صيام سهل ...جزاكي الله خيرا

maha zein يقول...

جزاكي الله خير علي التذكير
و جزاكي الله خير علي محتوي مدونتك

بس كان ليا رجاء و ارجو تتقبليه مني

حضرتك ضايفة في البروفايل جزء خلاني اشعر انه غير منسجم مع بقية البروفايل و مع شخصية حضرتك في مدونتك خالص

كنت بقرا البروفايل في سعادة غامرة خاصة انى بنشد جدا للبروفايل اللى بشعر انه ما شاء الله كله طاعة حتى في كلماته
لكن النظرية انى وجدت وسط الكلام جزء خاص بسماع حضرتك لمقدمات موسيقي اغاني ام كلثوم

اكيد حضرتك عارفة ان سماع الموسيقي حرام بإثبات القرأن و السنة

احسبك ان شاء الله علي خير
و اتمني الا يشيب البروفايل الخاص بكى شائبة تعكر صفاءة

جزاكي الله خير
و ربنا يعزك
و تقبلي نصيحتي بصدر رحب

mimi يقول...

كل سنة وانتي طيبة يا ست الكل

ان شاء الله ربنا يتقبل صيام ستة من شوال

حاضر مش ناسيين

mimi يقول...

وانا عارفة إني جوا قلبك مش محتاجة أسمي ييجي في البوست علشان أعرف إنك فاكراني

كفاية معايدتك عليا في يوم ميلادي بالدنيا كلها

mimi يقول...

ممكن اسأللك سؤال؟؟؟؟؟


أخبار الفراغ إيه دلوقتي في حياتك؟

مع وجودك وسطنا ووسط مدونتك؟

حياه بلا عنوان يقول...

السلام عليكم ورجكه الله وبركاته
كل سنه وحضرتك طيبه
ربنا يجزيكى كل خير يارب
وان شاء الله محدش ينساهم
تحياتى

ايوشة يقول...

السلام عليكم ياماما اخبار حضرتك ايه طبعا انا اسسسسسسسسسسسفة على التاخير انى امر على المدونة ويارب تسامحينى على تاخيرى وتقصيرى فى حق حضرتك
ربنا يكرمك يارب على دعواتك انا رجعت وفتحت المدونة علشان انا مقدرتش استغنى عنكم وانا كنت بزور حضرتك بالحساب التانى بتاع احلام حقيقية :)

Unknown يقول...

مرحباً
كم هو رائع ان يترك الانسان بصمة له في هذه الحياة
كم هو أروع ان كانت هذه البصمة حكمة او معلومة او توعية يستفيد منها من يمر عليها

اعجبتني مدونتك المميزة
واعجبتني حروفك الذهبية
ويسعدني زيارتي لكِ , وباذن الله تتكرر
ويشرفني دعوتك لزيارة مدونتي
ارق تحية

GiGi world يقول...

فرحه وسعاده بجد انى اظهر فى بوست لاطيب المدونات وصاحبه القلب النقى جدا
ربنا يعزك وتذكره ربنا يجعلها فى ميزانك يارب

اسماء واحلام فى وجدانى يقول...

ينفع كل الغياب ده يعنى

احنا كده نقلق اوى عليكى

♥نبع الغرام♥♪≈ يقول...

السلام عليكم

احم احم انا هنا ومكسوفه قوووووووووووووى
جايا متاخرة
عمرها ما حصلت يا جدعاااااااااااااان

♥نبع الغرام♥♪≈ يقول...

وحشتنى قوووووووووووووووى
ربنا يطمنى عليكى يا احن قلب بالدنيا كلها
وان شاء الله معاكى على طول هنا بس بجد اليومين اللى فاتو ما كنت موجوده ويادوب لسه راجعه
ربنا يطمنا عليكى يارب وشكلك كده غيبه عننا انتى فين كل ده

يارب المانع يكون خير

♥نبع الغرام♥♪≈ يقول...

ربنا يجزيكى عننا كل الخير يا مى الحبيبه
وجعل كل حرف بميزان حسانتك قادر يا كريم
ومنتظرين رجوعك لين
بحبك قوووووووووووووى

طالبه الفردوس يقول...

السلام عليكم

ربنا يكتر من احباب حضرتك

وان شاء الله مش هننسى صيامهم

تقبلى مرورى

لو عرفوه هيحبوه يقول...

السلام عليكم ورحمه الله وبركاته

جزاكِ الله كل خير ونفع الله بكِ الاسلام

هل تعرفون محمد بن عبد الله الشاب واخلاقه قبل البعثه

تعرفوا معنا على نبيكم صلى الله عليه وسلم

اسماء واحلام فى وجدانى يقول...

ازيك يا امى

على فكرة بقى الدنيا كانت بتشتى امبارح بالليل والنهاردة الصبح
عندنا فى اسكندرية
طبعا اجمل لحظات عندى لامة اشوفها بتشتى وهواية عندى بجد انى انزل امشى تحتها وافضل ادعى بس طبعا مش على طول
لامة الوقت يسمح بس ساعات باطنش اللى باعمله وامشى

الفراغ يقول...

اذيك يا احمد
بجد وحشتنى كتير
يابختكوا ان الدنيا مطرت عندكم
عقبالنا
على فكره ان بكتب بوست جديد
وان شاء الله تكون انت اول قاريء
باى باى دلوقتى

اسماء واحلام فى وجدانى يقول...

من ساعة من انكتب التعليق ده

وانا مستنى والساعة دلوقتى واحدة

بس لسة عندى امل ومش هامشى