الجمعة، ٢٧ نوفمبر ٢٠٠٩

افرحـــــــــــــــــــــــــــــــــــــــــــــــــــــــــــــــــــــــــــــــــــــوا

السلام عليكم ورحمة الله وبركاته

اخوتى واحبائى

جميعا لكم منى السلام
واهنئكم با لعيد واهنى كل احبابكم

اهنى كل حزين...واترجاه يفرح ..وان ينسى اليوم الحزن... حاول ..و ربنا هايساعدك ويفرح قلبك

اهنى كل فقير لان اليوم الناس لبعضها ...ودا اهم سمه فى عيدنا السعيد

اهنى كل غنى واقوله الغنى غنى النفس وافتكر انك تضحك فى وش كل من تتصدق عليه
لان المثل بيقول لاقينى ولا تغدينى

اهنى كل حبيب وحبيبه...ويارب تفضل ايامكم كلها حب

اهنى كل مريض....واتمناله من كل قلبى الشفاء وربنا معاك ويعطيك جزاء الصابرين

اهنى كل متغرب وربنا يعيدك سالما لاهلك وحبايبك

اهنى كل اب و ام بولادهم...وكل اخ باخواته ....وكل جار بجيرانه....
وكل صاحب باصحابه..كل زوج وزوجه بشريك حياته...
وكل ابن باسرته اللى ربته واحتضنته
وكل يتيم بمن تولى امره ورعى ربنا فيه


كل المسلمين النهارده ...
ربنا يسعدكم ويهنيكم ويحقق امانيكم ويرضيكم

كل الحجاج النهارده....ترجعولنا بالسلامه بعد مغفرة الذنوب بالحج المبرور

اخواتى اللى ربنا انعم عليهم بالصحه والمال : ........
....ابحثوا عن كل وحيد وهنوه على العيد... بل ادعوه للغداء معك فى بيتك او بيته
صدقونى هما ساعتين... بس هاتاخدوا ثواب سنتين

...ابحثوا عن كل مسن انقطع عمره واصبح وحيدا مجهدا
واطعموه بفمه... وتاكد ان الله لن يضيع اجرك... وسيطعمك الشهد بالجنه باذن الله

ويارب يارب يا رب
ماتسيئش امة الاسلام
فرّحها ... اجمعها... قوّيها... انصرها ...
ارفع رايتها ....راية لا اله الا الله محمد رسول الله
صلى الله عليه وسلم

هناك ٢٣ تعليقًا:

طارق سليم يقول...

السلام عليكم ورحمة الله وبركاته :
كل عام وحضرتك طيبة وباتم صحة وافضل حال ، اعاد الله علينا وعلى الامة الاسلامية اعيادنا بالخير واليمن والبركات .

اسماء واحلام فى وجدانى يقول...

ازيك يا ست الكل
كل سنة وحضرتك طيبة
وكل سنة وانتى الى الله اقرب
كل سنة وحضرتك بصحة زى الفل
كل سنة وحضرتك بخير
كل سنة وكل ولادك منورين قلبك الطيب
كل سنة وحب ربنا منور قلبك
كل سنة واحنا مع بعض كلنا
يااااااااااااااااااااااااااااااااااااااااااااااااااااااااااارب

اسماء واحلام فى وجدانى يقول...

كل سنة وكل الناس اللى ساكنين فى قلبى بخير يارب كلهم كلهم
يويو
ميمى
وردة
آيوشة
فكرة
علياء
ايناس
هناء
ثندر
نهرالحب
خالد
محمد غالى
يارب مش اكون نسيت حد يارب
كل سنة وانتم طيبين يارب

♥نبع الغرام♥♪≈ يقول...

حبيبتى

كل سنة وانتى طيبه وسعيده ومتهنيه ومنورة فى وسطنا يا غالية علينا كلنا

♥نبع الغرام♥♪≈ يقول...

بحبك اووووووووووووووووووى

وفرحانه انى سمعت صوتك وكلمتك دى احلى هدية حصلت ليا انهاردا

♥نبع الغرام♥♪≈ يقول...

يارب يديم الود بينا على طول ويكرمك خير ويشفيكى

امين يارب العالمين

♥نبع الغرام♥♪≈ يقول...

ومن عيونى الاتنين هفتح المدونه عشان خاطرك بس فى اوقت ان شاء حبيبتى


ربنا مش يحرمنى منك يارب

♥نبع الغرام♥♪≈ يقول...

اسماء واحلام فى وجدانى

متشكرة ليك يا غالى اهتمامك بينا ويكرمك خير وعيد سعيد عليك يارب

أ / أحمد عبد المنعم يقول...

بسم اله الرحمن الرحيم

الأخت الفاضلة :

بارك الله لك فى شعورك وإحساسك الجميل الذى أتمنى أن يسرى فى قلب كل مؤمن حتى يشعر بحلاوة إيمانه حقا

لقد ذكرنى كلامك بدعاء بعضهم لغنى
( جعلك الله سعيدا فى نفسك كما جعلك سعيدا فى مالك )

فسعادة النفس فى الرضا
وسعادة النفس هى محركها إلى العمل والأمل
جعلك الله سعيدة فى نفسك كما تحاولين إدخال السعادة على الآخرين

وكل عام وأنت بخير

أ / أحمد عبد المنعم يقول...

بسم الله الرحمن الرحيم

موناليزا يقول...

كم نحتاج لمثل هذا الكلام من آن لآخر
تسلمى حبيبتى من كل شر
وعيد اضحى سعيد علينا جميعا

mohamed ghalia يقول...

كل سنة وحضرتك طيبة
وعيد سعيد عليكى وعلى كل اسرتك
وربنا يسعدك دايما ياماما

اسماء واحلام فى وجدانى يقول...

كل سنة وحضرتك طيبة
اولا مفيش اى نوع من انواع الخضار اللى حضرتك ذكرتيها عندى
ثانيا الحب بيفضح صاحبه يعنى حضرتك لو حاسة فى اللحظة دى انى باحب يبقى احساسك صح ولو حاسة انى مش باحب بردوا يبقى احساسك صح
بس تفتكرى لو فى فعلا بس لسة مش مكتمل ينفع اقول لمجرد الاحساس وبس
وطبعا هو مش سر حربى ولا حاجة لان ده هيبقى السر اللى مش بيعرف يستخبى ابدا لانه بيبان فى العين والصوت والكلام
فى كل حاجة
اما تعليق الامانات فــ ده مش استغلال ولا فرض سيطرة ولا فيتو ولا حتى امريكا ده تغير او ممكن نقول انى لامة باتعود على حد يكون اول تعليق صعب اشوف حد غيره

بالنسبة للتاج انا جاوبت على اللى اقدر عليه ومش اقصد اى تقصير لو فى تقصير يبقى مش منى اكيد السبب اكبر منى واكيد حضرتك عارفة كده

فكرة من الزمن ده يقول...

انا جيت الصبح اكتب تعليق هنا كتبته في البوست اللي فات
لاني كنت بادور فيه على تعليقي

فيظهر اني باروح اعلق في حتة تانية
هههههههههههههه
معلش والله اعذريني

Unknown يقول...

كل سنة و حضرتك طيبة
و دائماً سباقة بالخير
و اسف على النسيان الغير مقصود

المعتصم يقول...

السلام عليكم ورحمة الله وبركاته
ست الكل
يارب تكونى بكل خير وفى احسن صحه وسعاده دايما بإذن الله
وكل سنه وحضرتك طيبه وبكل خير يارب
وربنا يعود علينا وعليكى الايام بكل خير وسعاده ويمن وبركات ان شاء الله
معلش هى متأخرة شويه انما حضرتك عارفه النت بيبقى وحش ازاى فى زحمة العيد
مرة تانيه كل سنه وحضرتك طيبه وبكل خير وسعاده
تحياتى ودمتِ لنا بكل خير وود
والسلام عليكم ورحمة الله وبركاته

Abd Al-Rahman يقول...

كل عام وأنتى بألف خير أستاذتى
جعلك الله ممن يصنعون الفرحة بل ويتقنون صناعتها
آمبن
عيدك سعيد
فى امان الله

رحلتنا في الحياة يقول...

كل سنة وانتى طيبة وبخير وبصحة وسلامة ياماما يارب
معلش انى كنت مقصرة فى زيارة حضرتك او السؤال :(

thunder يقول...

بما انى اخر واحد ولسه جاى فعزرى اكيد معايا
كل سنة وحضريتك ياامى طيبة عيد سعيد يارب على حضريتك وعلى كل اخواتى
وربنا يعيده على الجميع ديما بى الخير ياااااااااااارب والسعادة
امى العزيزة دمتِ يارب بكل حب و ود وفى رعاية وحفظ الله دائما يارب

همس الاحباب يقول...

كل سنة وحضرتك طيبة
وعيد سعيد عليكى وعلى اسرتك
اخبار حضرتك ايه
يا رب تكونى بخير دائما
تحياتى

كلمات من نور يقول...

جعل الله أيامك كلها أعياد..
معلش معايدة متأخرة شوية ..

تحياتي

رحلتنا في الحياة يقول...

السلام عليكم ياماما اخبارك ايه يارب تكونى بخير دايما يارب
انا جيت اسلم على حضرتك واطمن عليكى يارب تكونى بخير دايما

فكرة من الزمن ده يقول...

وحشتيني
لا وحشتينا كلنا
فين القمر غايب عننا
يارب تكوني بخير ياست الحبايب