الاثنين، ٧ ديسمبر ٢٠٠٩

مش غايبه ولا مستخبيه

السلام عليكم ورحمة الله وبركاته


حقيقى انا عايشه
ومش غايبه ولا مستخبيه
فانا اتابع كل جديد يكتب عند ولادى وعند اخواتى
وتقريبا كمان كل يوم
بل اترك تعليق هنا وتعليق هناك

واشكر كل اللى بيسئل عليا
وبعتلى تهنئة العيد وبعد العيد كمان

بس انا حاسه ان عندى مشكله ...ولكن لا ادرى ماهى؟؟؟؟؟؟؟؟؟
حاسه انى زهقت من كتر الكلام
كلام كلام كلام كلام
ولا شيئ يتغير فى حياتنا
ننتقد تصرفات العرب
ننتقد عدم التوحد
ننتقد بلدنا والا سعار
ننتقد التزوير والانحلال والفوضى
ننتقد وزير التعليم ورئيس الوزراء
ننتقد البطاله والسبب فيها
وحاجات كتير مش عجبانا

ولغاية امتى هنفضل ننتقد وخلاص
لغاية امتى هنكتب ونكتب وكتب
ولا احد يسمع او يتعظ
ولا احد يخاف من الاخره
ولا من العقاب

بجد انا تعبت
ولكنى
احمد الله...فانا بخير وولادى بخير
امال مابنبطلش شكوى ليه؟؟؟؟؟؟؟؟؟؟؟؟؟؟؟؟؟
بلاقى الناس راضيه والحمد لله
المريض راضى وبيحمد ربنا
والفقير مبسوط باللى بيجيله من باب الله وراضى وبيحمد ربه
والاهالى راضيين ....لأ وايه ماشاء الله ولادهم مش لاقيين شغل صحيح.........بس الموبايل مشحون وكله تمام

جمال هيمسك الحكم
البرادعى عايز يرشح نفسه
والشعب بيسمع ويهز دماغه
ويقول محروقه محروقه ....هيعملوا فينا ايه اكتر من كدا!!!!!!!!!!!!!!!!!!!1

نقوم ونصرخ ونهيص ونتظاهر
ونتكلم ونتكلم ونتكلم


عارفين الشعب عايش ومبسوط وبيحمد ربنا ليه؟؟؟؟؟؟؟؟؟؟؟؟؟؟؟؟

لسبب بسيط ::
لانى منهم ...اعمل بحديث
رسول الله صلى الله عليه وسلم
من اصبح : امنا فى سربه....معافا فى بدنه ....يملك قوت يومه
فقد حاز الدنيا ومافيها

وحديث اخر يقول:::
يابن ادم عندك مايكفيك وتطلب ما يطغيك

احنا هذا الشعب الطيب..
اللى مش طالب الكتير...
بس بيطلب هدمه تستره...ولقمه تشبعه...وشغله تشغله
وحيطه تضلله

وصدقونى ...
ربنا مابينساش حد


يبقى ليه بنتكلم ونصرخ ونهيص ونتظاهر
ونفضل نتكلم ونتكلم ونتكلم ونتكلم


سيبوا اللى عايزها ياخدها
سيبوا اللى فاكرها حلوه ياكلها
والله انها نتنه...ولاتساوى عند الله جناح بعوضه

حد فهم حاجه؟؟؟؟؟؟؟؟؟
اهو كلام فى كلام....ابن عم حديت

الى اللقاء



هناك ٦٦ تعليقًا:

TWEETY يقول...

ازيك ياطنط

انا جيت ااهه زى ماحضرتك قولتيلى

يارب تكونى بخير

♥نبع الغرام♥♪≈ يقول...

حبيبتى


وحشتينى اووووووووووووووووووى

♥نبع الغرام♥♪≈ يقول...

طبعآ هتستغربى

انا غيرت اسم المدون

انا ايناس يا غالية عليا

ههههههههههههههههههه
اية رئيك بقا

♥نبع الغرام♥♪≈ يقول...

ربنا ما يحرمنيش منك يارب ويطمنى عليكى وبجد انتى بتوحشينى كل شوية اووووووووووووى

لانك مش عارفه بجد انتى بالنسبة ليا اية حاجه كبيرة خالص يا قمرى

♥نبع الغرام♥♪≈ يقول...

حجزززززززز

ايوشتى

فكرتى

ميمايتى

ثندر

♥نبع الغرام♥♪≈ يقول...

اروح اقرء وارجع بقا

♥نبع الغرام♥♪≈ يقول...

انا طبعآ فاهمة يا غالية

وكمان بجد بتعلم منك وعملت زى ما قولتى وعدت بكبر دماغى

للاسف دولتنا واحنا كلنا كلام فى كلام
ووحياتنا كلها كلام فى كلام بس

هى دى حال البلد دى
ماشيه على العايمة

ربنا يكفينا شر المستخبى والحمد لله على كل حال
ربنا ما يحرمنيش منك وتفضلى منورة معانا سواء بالتليفون او المدونة

بحبك اوووووووووووووووووى
خلى بالك من صحتك حبيبتى
لا اله الا الله
ايناس

mohamed ghalia يقول...

لا ياماما مفيش يأس ابدا
اكيد حالنا هيتصلح بإذن الله
كل واحد بس يبدأ بنفسه مشكلتنا اننا بنبدأ غلط
ربنا يكرمك ويسعدك

رحلتنا في الحياة يقول...

السلام عليكم ورحمة الله وبركاته ياماما
الحمدلله ان حضرتك بخير ويارب دايما بخير يارب
ممكن احنا بنفكر كتير وشايلين هموم اكتر فى الدنيا دى وهى فعلا مش تستاهل جناح بعوضة
اللى عايز يعيش مرتاح البال يبقى ثقته بالله وايمانه بكرمه وافضل كبير علشان يقدر ينام بالليل وهو مرتاح ومش شايل هم اى حاجة فى الدنيا دى

جارة القمر يقول...

مش عارفة جملة القناعة كنز لا يفنى دي أنا بآمن بيها أوي
فعلا لو الانسان اقتنع باللي مقسوم ليه يبقى حيعيش طول عمره تعيس

لكن بالنسبة للكلام ياماما هو احنا لو ماتكلمناش حنعبر عن نفسنا ازاي لو ماصرخناش بعلو الصوت مين حيسمعنا


الحمدلله انك بخير ويارب دايما تكوني كدة

باقة ورد لأحن قلب

جارة القمر يقول...

تعديل

لو الانسان ما اقتنعش بالمقسوم ..

خطأ املائي

:(

mimi يقول...

وحشتني جدا ووحشني كلامك

أنا كنت بسأل عليكي دايما في فترة غيابي ، مش بنساكي أبدا

كل سنة وأنتي طيبة ،، وأوعي تزهقي من كتر الكلام ،، ده هوا الطاقة اللي بتخرج وتحسسنا إننا عايشين

أو بنعمل اللي علينا ، مفيش بديل

ايه رأيك نشوفك في بؤجة الخير ؟

جارة القمر يقول...

صباحك سكر

فكرة من الزمن ده يقول...

وحشتيني والله ووحشتينا كلنا
عارفة ليه احنا راضيين لاننا شعب طيب ومتدين
والرضا من كمال الايمان
طبعا مش كله لكن الاغلب

واننا شعب بيتلكك عشان يحب
يعني علاء مبارك مجرد اتكلم مكالمة عادية مفيها اي شيء الناس كلها بسرعة حبيته وبقى هو ده الحاكم المنتظر
وحبينا ابوه واللي جابوه
طيبين يعني بسهولة يكسبونا لكن برغم كده مش عايزين يكسبونا الا بمزاجهم ودايما يقوولو طظ

لكن اجمل حاجة البوست اللي بحس فيه انه فضفضة في اي حاجة وكل حاجة ومش مرتب ولا محدد في حاجة

يارب دايما منورة ومطمنانا عليكي

thunder يقول...

انا رديت على البوست برسالة على الاميل لان هنا مش بيوصل تعليقاتى ودى محاولة لو وصلت يعنى

♥نبع الغرام♥♪≈ يقول...

بحبك اوووووووووووووووى
وحشتينى

Somaya Kamal El Din يقول...

توووووووووووووووووووت

ان شاء الله والايام الجاية هتكون احلى

بعد كل مرحلة انحدار بتيجى مرحلة ازدهار
دايما كده مرة فوق ومرة تحت
واحنا وصلنا تحت اوووى وقربنا نطلع بس محتاجين نصبر

شكلى كده يا خفت يا طلعت بره الموضوع بس كله كلاااااااااااام

اسماء واحلام فى وجدانى يقول...

ازيك يا أمى
عارف اللى فى بالك من غير ما تتكلمى بس ابنك بقى هتعملى فيه ايه

همس الاحباب يقول...

الحمد لله انك بخير
رينا يطمنا على حضرتك
اما كلامك فمعقول جدا جدا
من الاخر لن يصيبنا الا ما كتب الله لنا
تحياتى

سلمى يقول...

السلام عليكم
امى اعتقد ان هذه اول زياره لكن اندم كثير لعدم زيارتك من قبل
وطبعا انا فاهمه كلام حضرتك
بس زى ما حضرتك قولتى كله مش بيتحرك ولا حتى انا
بس مش عارفه ايه السبب للااسف
تحياتى اليكى

الفراغ يقول...

تويتى

سلام عليكم
ازيك يا ايثار
انت بنت شطوره
وبدعيلك بابا يرجع بالسلامه

الفراغ يقول...

ايناس الملاك
نورتى انتى واسمك الجديد

الفراغ يقول...

محمد غاليه ..........
وحشتنى والله
يمكن مافيش يأس مع الحياه
بس انت شايف كل المتواجد يدعوا لايه؟؟؟؟؟؟؟؟؟

الفراغ يقول...

ايوشه

وعليكم السلام
ازيك ...بقالنا كتير ماتكلمناش مع بعض
واحيانا بقعد افتح الاميل ولكنى لا اجدك ابدا

الفراغ يقول...

جارة القمر
ازيك يا قمر
عندك حق..فعلا الكلام هو لغة التفاهم بينا
بس زى مابيقولوا (خير الكلام ماقل ودل)
واحنا العرب بسم الله ماشاء الله
لانعدم اللغه
شعر ومنطق ومقالات وحديث وخطب رنانه
ايه ده!!!!!!!!!!!
داحنا وصلنا القمر واحنا قاعدين مكاننا
ربنا لازم هايصحينا ...بس ندعوا ان يلطف بينا

الفراغ يقول...

ميمى
انت وحشتينى اكتر واكتر واكتر
وغيابك ده بيتعبنى لانى افتكرتك زعلانه منى
ومن عندك هنا بسئلك كمان على يويو ..هى فين؟؟؟؟؟؟؟؟؟؟
من ناحية الكلام...فانتوا الشباب اللى عندكم الطاقه...لكن انا فعلا زهقت
عايزه فعل مش كلام
معلش اعذرينى بالنسبه لبؤجة الخير
لانى هنا بتصرف اول باول فى الحاجات الزياده عندى
وربنا يبارك فيكى وكل اللى معاكى

الفراغ يقول...

فكره حبيبتى
اهلا بيكى يا غاليه...
اه بنحب واه بنتلكك علشان نحب
لكن للصبر حدود
واشكرك على اعجابك بالبوست لانه فعلا طلع كدا عفويا بدون ترتيب

الفراغ يقول...

ثندر
انا هارد عليك هنا
ليك حق فى كل كلمه قلتها
لكن ماهو سبيل تحقيق ذلك!!!!!!!
وماهو سبيلك لتأخذ هذا الحق!!!!!!!
اهو الكلام والشجب والتنديد
ويتطلع جوجل تقول احصائيات عن شباب النت بأنهم رافضين جمال
لا بجد دى طريقه جميله...هنوصل هنوصل

الفراغ يقول...

انوسه حبيبتى

وانتى كمان بتوحشينى
وبيوحشنى طيبتك
ونفسى نفسى ربنا يسعدك ويحقق كل امالك

الفراغ يقول...

سميه
اهلا بيكى ورده فى محيط العائله

شفتى اديكى نفسك قلتى انه كلام فى النهاية
وعن نفسى لا املك الا الصبر

نورتى يا سميه
وان شاء الله نتلاقى كثيرا

الفراغ يقول...

احمد(الهامى )
منور يا باشا
والف سلامه عليك
وان شاء الله ترجع بالسلامه

الفراغ يقول...

همس الاحباب
ربنا يعزك
وفعلا هو الوضع كدا
قل لن يصيبنا الا ماكتب الله لنا
وربنا يستر ويلطف بينا

الفراغ يقول...

سلمى
منوره وان شاء الله ماتبعديش عنى ابدا
وانا زيك بسئل نفس السؤال
الله اعلم باجابته

blue-wave يقول...

طيب هانعمل ايه بس؟؟؟
ما دا اللى نقدر عليه
يمكن نقدر نغير حاجه فى عقول الناس

♥نبع الغرام♥♪≈ يقول...

السلام عليكم


حبيبتى انا غيرت الاسم لانى مش اقدر ارفض ليكى طلب
وكمان فكرتى طلبت منى اغير الصورة اهما بقو طلبين

ربنا يخليكى ليا ولا اتحرم منك ابدآ يا غاليه وسعيده بدعواتك اووووووووووووووى

بحبك بحبك


ايناس

جارة القمر يقول...

جاية أسلم على حضرتك واقولك وحشتينا بانتظار جديدك

اسماء واحلام فى وجدانى يقول...

لو حضرتك رجعتى لصفحة تعليقات بوست
سيدة الكون اللى هو قبل البوست ده هتعرفى ايه اللى حصل وخلانى ارجع بسرعة بس انا فعلا المفروض انى ابعد شوية

اقصوصه يقول...

بالنهايه

ما يصير الا اللي الله كاتبه :)

اسماء واحلام فى وجدانى يقول...

ازيك يا امى
انا واخد الاعفا من زمان اوى اوى وحضرتك عارفة بس تقريبا نسيتى وبعدين انا هاروح من الشريرة بنتك دى فين الناس داخلة تباركلى وفاكرين انى فعلا اخدت اعفا طيب حسابها معايا بعدين ربنا يخليها يارب دايما شريرة كده على طول بس تبطل حركات الشر دى يرضيكى يعنى اتنين اشرار يمارسه شرهم على بعض
انا فعلا كنت هابعد فترة بس فى انسان مريض كتب كلام مش كويس عندى فطبعا كان لازم ارجع وارد عليه والحمدلله اخواتى اللى دخلوا اديله حقه
وعلى فكرة كمان يا امى انا النهاردة باذن الله هاكتب موضوع للمرأة وانا عايز رايك فى المضمون بالتفصيل لانى متوقع اى راجل يدخل يعمل ثورة عليا وطبعا لامة أم زى حضرتك تقول رايها فى شىء واقعى اكيد هاعرف انا صح ولا جيت على الرجالة كتتتتتتتتتتتتتتير اوى
انا هانشره باذن الله على 6 بالليل باذن الله لو انكتبلى عُمر للوقت ده ان شاء الله

نهر الحب يقول...

السلام عليكم ورحمة الله وبركاته:
ازيك يا ماما ؟عاملة ايه؟
ربنا يديم عليكى السعادة والصحة يارب .

مقصرة فى سؤالى عنك بس غصب عنى والله.


نهر الحب

thunder يقول...
أزال المؤلف هذا التعليق.
thunder يقول...

يبقى حضريتك موصلكيش انا عاوز اقول اية ياامى
احنا مش فى مدينة افلاطون المدينة الفاضلة ولا هتكون ابدا لاختلاف سلوك وانماط المجتمع لكن هل دا معنه انى مكونش زى افلاطون واحلام بالمدينة الفاضلة
اللى عاوز اقوله مش مهم مين هيسمع او اية هيتغير المهم انى بثبت انى عايش على الارض دى وانى لى اتكلم مش علشان هما يسمعوا لكن علشان انا حقى دا وعايش على الارض دى وان لو كلامك مش وصلهم ياامى فاكيد هياثر فى واحد هيجى بعدهم الكلام بيعش اكتر من الانسان وبياثر على امم
احنا لسه عايشين على مقولة مصطفى كامل لو لم اكن مصريا لو ددت ان اكون مصرى وغيرها من الكلمات فمبال حضريتك ممكن كلماتك او رائيك فى موضوع بكرة هيكون اية اثره لو مش عليهم على الاقل فى الوقت الحالى عليا وعلى ابنائك الموجودة والمتابعين
امى العزيزة دمتِ يارب بكل حب و ود وفى رعاية وحفظ الله دائما يارب ومعلش والله الصفحة كنت بحاول معها اكتر من مرة فبعت تعليقى على الاميل علشان كدا

كلمات من نور يقول...

ربنا يعزك كلامك كله واقع ملموس في مصرنا الحبيبة الكل بيقول : يا عم احنا اللي حنصلح الكون بس مين عارف يا سيدتي قادر كريم ربنا يكرمنا بأولادنا دول بكلامنا معاهم ومناقشتنا يقدروا يعملوا اللي مقدرناش عليه احنا .احنا مقدرناش مش علشان ضعفا لا علشان ستات أنا دايما اغيظ زوجي واقوله انتم عايشين ببركة دعانا لربنا ..لما غزة تضرب نرفع إيدينا وندعي وانتم قاعدين عالقهاوي تتكلموا وتلعبوا طاولة وتسكتوا وتقولوا : انتي فاكرة انك حتصلحي الكون....والله الدعاء لرب العباد ما أجمله وقادر كريم ربنا ينصرنا بدعائنا و ابتهالنا له فهو ولي ذلك والقادر عليه...

أ / أحمد عبد المنعم يقول...

بسم الله الرحمن الرحيم

الأخت الفاضلة :الفراغ

لقد قرأت مقالك من فترة ولم يتسن لى الوقت للتعليق المناسب
وعدت اليوم لأعيد قراءته مرة أخرى :

أولا : حمدا لله على سلامتك دائما

ثانيا :

إن مسألة النقد لى عندها وقفة ( قريبة مما تفضلت به )

لا أحب النقد إلا إذا كنت قد قدمت نموذجا مشاهدا لحل بعض أجزاء المشكلة التى أنا بصدد نقدها .

كثيرا ما أتامل واقع الحياة وأسباب الخلل أجد أن أكبر مشكلة نحياها هى إلقاء اللوم على الغير..!!!!

بينما إذا بدأ كل منا بنفسه لتعرض حلا لجانب من مشاكل الحياة لكان أمامنا كم هائل
لا من المشاكل بل من الحلول

أختى :

إننا بحاجة إلى إيقاظ الشهامة فى نفوس أفراد مجتعنا ( وأكيد أنفسنا أولا )
فهى صفة جامعة لكم هائل من الصفات وفاتحة الطريق لكم هائل من الصفات الحسنة .

ما رأيك فى أن يعرض كل فرد نموذجا لشهامته فى موقف ما ؟؟؟

ولتكن فكرة مدونة أو مجموعة مقالات يدونها كل من يقرأ لك ؟؟

ولا يدعين أحد أنها رياء بل هى طلب النجاة من الله كأهل المغارة التى أغلقت عليهم بصخرة رجوا النجاة بذكر أفعال صالحة فلتكن هذه نياتنا .

وإن وافقت على هذا الاقتراح سأكون من أول المشاركين بإذن الله .

♥نبع الغرام♥♪≈ يقول...

وحشتينى أووووووووووووووووووووى

HaMaDa 3aFshA يقول...

امى الغالية السلام عليكى وعلى اخوتى الاعزاء حفظك الله وحفظهم وجمعنى بك وبهم فى جنته ودار مقامته
حمدا لله انن اطمئننت عليكى وادام الله عليكى نعمه ورفع عنك نقمه ووهبك الصحة والعافية ورزقك فى الدنيا الحسنة الباقية وحلاك بحلل الايمان وزانك بزينة القرآن ووفقك الى الثبات والاطمئنان لحكمه وقضاءه وقدره وزادك رضا وتسليما
"اللهم آتنا فى الدنيا حسنة وفى الآخرة حسنة وقنا عذاب النار"
"كلكم راع وكلكم مسئول عن رعيته..."

كله مسئول امى عما تولى رعايته فلو عمل كل منا بناء على هذه القاعدة ما صار حالنا كما هو لو اجتهد الطالب فى دراسته والعامل فى عمله والمهندس فى شركته والساسة فى مصالحاتهم ولقادة فى خدمة بلادهم لما صرنا الى ما نحن فيه واظن ان لكل منا دوره فى لمجتمع فعلاقتك بالناس واصلاح ذات بيننا مسئولية المجتمع باسره وعلى كل منا دوره فليؤده هذا والله ولى التوفيق ندعوه ونتضرع اليه ان يصلح ذات بيننا وييسر لنا أمورنا ويولى خيارنا امورنا والا يحكم فينا بذنوبنا من لايخافه ولا يرحمنا وان يرزقنا لفلاح والنجاح ويهدينا الصراط المستقيم
اللهم آمين

فكرة من الزمن ده يقول...

وحشتيني اوي اوي

ونورتي عند احمد وقلت اجي اسلم عليكي
يارب دايما بخير

اسماء واحلام فى وجدانى يقول...

اجمل ما فى سمائى
انها تمطر دائما قلوب
واجمل ما فى هذه القلوب
قلب انسانة اسمها ماما الفراغ
قلب جميل طيوب
قلب دايما محبوب
حبه لقلبى مكتوب
ربنا يبارك فيك ِ دايما
بقلبك الداؤب

سجود يقول...

السلام عليكم
انا معاكي في كلامك ان المصريين مش عايزين الا انهم يعيشوا مستورين
بس ماينفعش نقف سلبيين احنا لو بنتكلم ممكن نكون وقفنا عمل عندهم اكب كانوا ناويين يعملوه ومش عملوه عشان الشعب مش يثور
وهكذا
لازم نبقي ايجابيين
تحيااااااااااتي

جارة القمر يقول...

يارب تكوني بخير

طمنينا على حضرتك

الطائر الحزين يقول...

كل عام حضرتك بخير

ليس معنى الرضا الا نتطلع للافضل

الفراغ يقول...

بلو واف

اشكرك على الاهتمام

الفراغ يقول...

ابتسامة ملاك
ايناس

والله اسم جميل
طيب خدتى راى حد فيه
واشكرك جدا على التقدير
وكمان وحشتينى
ياترى ايه اخر الاخبار

الفراغ يقول...

جارة القمر

بتنورينى بحضورك
انا بخير يا غاليه
بس حالتى زى موضوعى بالظبط
مش حاسه باى تغيير من كتر الكلام
اللهم الا التواصل مع الاعزاء اللى زيك وزى كل الحبايب هنا

الفراغ يقول...

اسماء واحلام
رجعت زى ماقلتلى وتركتلك رد هناك

ايوه انا عارفه حكاية الاعفا من الجيش ومش ناسيه
بس قلت يمكن بتجدد الشهاده
وعموما انت ترجع وقت مانت عايز
لانك صاحب بيت مش ضيف
ولازم طبعا تنضف بيتك من الحشرات الضاله
دمت بخير

الفراغ يقول...

اقصوصه
مرحبا بك ومنور
فعلا ...قل لن يصيبنا الا ماكتب الله لنا
بس اكيد هانتحاسب على مافعلنا

الفراغ يقول...

نهر الحب
كفايه اسمك سيملا الدنيا حب
منوره وحشانى جدا

الفراغ يقول...
أزال المؤلف هذا التعليق.
الفراغ يقول...

ثندر
فهمتك دلوقتى
وحاضر يا ثندر...هاحاول اتكلم
وعسى ان تكون الكلمه لها معنى وأراده فى يوم من الايام

الفراغ يقول...

كلمات من نور
انتى كلمتك اللى نورتلى الطريق
ومعاك حق
يمكن دعائنا مع تقوى الله تجيب نتيجه
وفكرتينى بكلمة بنتى
لما تقولى انا بنجح ياماما بدعائك

بتمنى من الله يصلح احوالنا واحوال مصر
قادر كريم

منورانى دايما يانور

الفراغ يقول...

الاخ العزيز/احمد عبد المنعم

كلماك كله مظبوط كلمه كلمه
وانا عن نفسى لا احب القاء اللوم على احد
وكما يقول الشاعر::
نعيب زماننا والعيب فينا

واؤيد فكرتك
وانت خير مثال عليها
فحب امك بهذا القدر والشكل هو خير مايعيننا على زمان الانانيه
وسادعوا لفكرتك قريبا باذن الله
ولكنها ستبقى داخل نفوسنا اعم واشمل
وعسى الله ان تكون فاتحة خير للنيل من زيغ الشيطان

الفراغ يقول...

حماده

هاقول ايه يعنى غير انك ((منور قوى))
واشكرك عن نفسى وعن جميع الابناء والاخوه الاعزاء على الدعاء الجميل وربنا يتقبله منك ويحققهولنا يارب امين

وكلامك مظبوط جدا جدا
ويكمل دا ان ماكنش له نفس معنى الاخ العزيز احمد عبد المنعم
وفى نفس سياق فكرته

وادعوا الله ان من يقرأه يعمل به
اللهم امين

الفراغ يقول...

فكرتى من الزمان ده
ماتحرمش منك يا رب
معلش ردى متأخر عليكى
لانى فعلا بفتح المدونه ارد هنا او هناك
ثم اقفل الجهاز
لانى ماليش طاقه على المكوث كثيرا علشان بقا انتى عارفه والحمد لله
معدش العين ولا الدماغ زى زمان
السن برضه ليه حكمه
وان كنت والله بتابعكم باستمرار

الفراغ يقول...

اسماء واحلام

اولا ...اشكر ربنا ان فى يوم من الايام حد قال فيا كلام حلو زى ده
وانى الاقى حب زى حبك يا احمد انت وكل ولادى هنا

ثانيا... اشكرك يا احمد على حبك وتقديرك ليا
ويارب اطمن عليك فى بيتك قريبا

الفراغ يقول...

سجود

كلامك مظبوط
وربنا يعيننا على مانحن فيه
وان الله لايغير مابقوم حتى يغيروا ما بانفسهم..صدق الله العظيم

الفراغ يقول...

الطائر الحزين

منور يا ا/ايهاب
انت بتزورنى فى السنه مره
وعلشان كدا زيارتك عزيزه
وانا معاك اتطلع للافضل