الأربعاء، 30 ديسمبر، 2009

اعـــــــــــــــــز الو لـد ....ولـد الـولـــــــــــد

السلام عليكم ورحمة الله وبركاته


انا جيت
عقبال عندكم كلكم
اللى ماتجوزش يتجوز
واللى ماخلفش يخلف
واللى معاه واحد ربنا يكرمه بالتانى

بجد يا ولاد اعز الولد ..ولد الولد
اكيد انتوا كنتوا اعز الناس عند جدودكم
ومانساش حب احمد عفشه لجده وحزنه الشديد عليه لما توفاه الله

انا بقى عايزه حفيدى يزعل عليا كدا
بس قبل مايزعل عليا اكون حبيته وحبنى
عايوه استرجع حبى لبناتى فيه
سبحان الله وامه بترضعه ..مر عليا شريط ذكريات جميل
وانا باخد ايدهم الصغيره وابوسها
وانا بطبطب وادادى واناغى معاهم

ياااااااااااااااااااااااااه على الحب اللى اللى من غير مسؤليه
الحب اللى ماحدش يقولك ...مش كدا ها تبوزى الواد
مش كدا مش هايطلع راجل
مش كدا هاتتلفى اخلاقه

انا مالى وكل دا
انا بس عايزه احبه وادلعه واجيبله شكولاته....وابوه يوديه لدكتور السنان
ربنا مايحرمش حد يارب
ياترب نعمتك غاليه قوى يارب
خليهولنا وخلينا ليه
واسعده وهنيه
وباركلنا فيه

ملحوظه
اشكر ايناس ...ورده...احمد (اسماء واحلام )
على سؤالهم عليا
واشكر كل حبايبى اللى شرفونى بالمباركه الغاليه على اول حفيد ليا
ويارب يارب اباركلهم على كل مايسعدهم ويفرحهم ويهنيهم
وكمان اشكر كل اللى ماجاش لانى عارفه ظروف الامتحانات اللى فى الكليات
ربنا معـــــــــــــــاهم

هناك 12 تعليقًا:

نهــــــــــار يقول...

السلام عليكم ورحمة الله وبركاته..
مبارك الحفيد الأول
جعله الله من مواليد السعاجه..
وعقبال ماتزفيه عريس يا تيته..
..
في أمان الله

Bondoka يقول...

مبروووووووووووووووووووووك
عقبال يارب مايجرى كده ويقولك تعالى العبى معايا يا تيته

mimi يقول...

حقيقي ، أنا خالة ، وحاسة إن بنات أخواتي زي بناتي تمام

الله يبارك فيكي وفي أحفادك وتحبيهم ويعشقوكي

كل سنة وأنتي بألف صحة وخير يارب

هابي نيو يير

كلمات من نور يقول...

ربنا يخليه وتدلعيه و تدلليه هو و أخوته و أخواته وباقي الأحفاد إن شاء الله...يا ترى إيميل نعمتان مغبون فيهما الإنسان الصحة والفراغ وصلك يا سيدتي الجميلة؟
في انتظار ردك.

تحياتي يا جدتي (:

طارق سليم يقول...

السلام عليكم ورحمة الله وبركاته
كيف حالك سيدتى الفاضلة ، اسال الله ان تكونى واحبائك بخير صحة وافضل حال
مبارك المولود الجديد غعلا اعز الولد ولد الولد، انا طبعا مش مجرب الموضوع ده لسة بس انا حاسس بالمعزة دى من خلال معاملة جدتى رحمها لياوان شاء الله يتربى فى عزك وتشوفيه عريس فى الكوشة وتشيلى ولاده .

طارق سليم يقول...

السلام عليكم ورحمة الله وبركاته
كيف حالك سيدتى الفاضلة ، اسال الله ان تكونى واحبائك بخير صحة وافضل حال
مبارك المولود الجديد غعلا اعز الولد ولد الولد، انا طبعا مش مجرب الموضوع ده لسة بس انا حاسس بالمعزة دى من خلال معاملة جدتى رحمها لياوان شاء الله يتربى فى عزك وتشوفيه عريس فى الكوشة وتشيلى ولاده .

blue-wave يقول...

كل سنه وانتى بالف خير

طوبه فضه وطوبه دهب يقول...

الف الف مبررررررررررررررروك سنه جديده سعيده عليكم وعلى اجمل موووووووووووولوووود يارب

الفراغ يقول...

نهار

الله يبارك فيكى يارب





بندقه
الله يبارك فيكى
وعقبالك ان شاء الله



ميمى
الف كل سنه وانتى طيبه
وربنا يبارك فيكى وفى ولاد اختك
ويخليكى ليهم وينوروكى يوم فرحك



كلمات من نور
منوره والله بنورك يا نور
ومش فاهمه قصدك بحكاية اميل الفراغ ده



طارق سليم
اشكرك من قلبى والله
وان شالله يارب يعوضك خير عن جدتك


بلو واف
وانت بالف خير يارب



طوبه فضه ودهب
الله يبارك فيكى يارب ويسعد كل دقيه ليكى فى السنه الجديده

مهندس مصري يقول...

مبروك يا فندم
ربنا يفرحك بحفيدك
و كل سنة و حضرتك طيبة

مهندس مصري يقول...

مبروك يا فندم
ربنا يفرحك بحفيدك
و كل سنة و حضرتك طيبة

كلمات من نور يقول...

جدتي الحبيبة

أرسلت لكي إيميل على الايميل الموجود بالمدونة بعنوان : نعمتان مغبون فيهما الناس : الصحة والفراغ ..حينما قرأته تذكرتك وتذكرت اسم مدونتك فقررت أن أهديه لكي فهل وصل؟يا ريت تردي حتى عندي عالمدونة علشان أعرف بأمر الله ...تحياتي