الجمعة، 1 يناير، 2010

للاطمئنــــــــــــــــــــــــــــــــــــــــــــــــــــــان


السلام عليكم ورحمة الله وبركاته



اولا
حبيت اطمنكم ان ساره بخير هى وخطيبها
وهى كلمتنى وبتشكركم جدا جدا
جميع من كلمها وخاطابها بالعقل والمنطق
وانها فعلا :
كلمت خطيبها بكل صراحه

بس بصراحه انا ماتدخلتش فى الكلام ولا طلبت منها تحكيلى
انما اطمئنيت عليها وبس
وهى قالتلى انها الحمد لله استفادت من اراء الجميع وبدأت تنظر للجزء المليان من الكوب
ودا بسبب كلامكم معاها

واعتقد انها هاتكلمنا تانى لما تدعونا لفرحها ان شاء الله
وعقبال الجميع بالخير
وانا بالنيابه عنكم جميعا بقولها ربنا يتمم بخير ويسعدهم



ثانيـــــــــــــــــــا

فى حاجه انا مش مطمنلها فى المدونه
ملاحظه ان فى ابناء ليا هنا مخصمانى ومش بيكلمونى
ليه ؟؟؟؟؟؟؟؟؟مش عارفه
ورحت مدونتهم لقيتهم بيقولوا للمدعوين فقط
هو للدرجه دى وصل الخصام والزعل
من غير حتى محاكمه ولا فرصه للدفاع عن نفسى

وانا فى الاول كنت فاكره انهم مشغولين ..................
ولكن وجدتهم يملئون الدنيا بالتعليقات فى كل مكان
الا عندى
وطبعا هما عارفين نفسهم بالاسم
ولا يمكن تكون مدونتى مراقبه وهما خايفين يكلمونى لا يروحوا فى الباى باى..........يمكن


وانا من مش هاقول انا زعلانه اد ايه من موقفهم ده
لان اكيد هما عارفين هما اذونى قد ايه
ولان مافيش خصام من غير سبب
فانا ادعوهم لابداء الاسباب


وشكرا

هناك 32 تعليقًا:

الفراغ يقول...

اكتب اول تعليق
ليس لكى احجز لااحد...فليس هذامن اهدافى
ولكنى اكتبه كى أتذكر ابناء واخوة كانوا يسارعون بالرد على والتواصل معى

ثانيا لكى ارد على الاستاذ احمد عبد المنعم واقول له:....
اين تلك المدونه التى حدثتنى عنها
لم اجد لها طريق

وكمان اقول :........
لكلمات من نور
او نهى
وصلنى الاميل والقصه
ولقد ابكانى ماقرات
والله اننا فى نعمه
ولكن يصلنا الاكتئاب من الشيطان
ارجوا الله ان يعذينا منه ومن شروره
واشكرك ابنتى جدا

١ يناير، ٢٠١٠ ١٠:٢٣ ص
حذف

طوبه فضه وطوبه دهب يقول...

كل سنه وانتى بالف خير وحب وسعاده يا اطيب واحن ماما ما حدش يقدر ولا يستجرى يزعل منك هى يمكن الحياه ومشاغلها هى اللى وخداهم شويه او هموم الدنيا لهياهم لكن الابن مهما بعد وخدته الدنيا لازم يرجع لحضن امه الحنون من تانى ربنا يكرمك ويجعل كل ايامك سعاده وصحه وهناء

mimi يقول...

أمنا الحبيبة
أنا معرفش سارة ولا موضوعها خالص ،، فمش عندي تعليق

أما المدونة اللي أصحابها فاتحينها للمدعوين فقط ،، فأطمني محدش فينا مدعو

دي شوية أحباطات .. هتروح لحالها إن شاء الله
وياريت مش تزعلي خالص ،، السنة الجديدة بدأت ،، عاوزين نبدأها بتفاؤل

وقدرك محفوظ يا غالية
ربنا يطمن قلبك يارب

تحياتي

blue-wave يقول...

دعوة كريمه بالفعل
وكل سنه وانتى بالف خير

أم مالك يقول...

الاخت الحبيبة
جاية اسلم واطمن عليكى واقولك
مبارك على الحفيد ولو انها متاخرة
فعذرا يااختى
ربنا يبارك فيه ويحفظه لكم
وبعدين انتى شخص جميل جدا واشك
ان فيه حد ممكن يزعل منك
وعموما دعوتك لهم فى ابداء الاسباب
هى دعوة جميلة للتسامح
دمتى بخير حبيبتى

mohamed ghalia يقول...

كل سنة وانتى طيبة ياماما
وسنة جديدة سعيدة عليكى وعلى كل أسرتك
ربنا يكرمك ويسعدك دايما

غير معرف يقول...

يااااااااه اخيرا عرفت اعلق انا من فترة ومش عارفة اعلق فى المدونة وبصراحة مش عارفة السبب :(
يارب تكونى بخير دايما ياااااااارب والله انا مش مقصرة بس فعلا المدونة عندك مكنتش بتقبل تعليقات تقريبا المتصفح عندى فيه مشكلة



ايوشة

rovy يقول...

كل سنه وانتى طيبه يا رب و بكل ير دايما ..
الحمد لله ان ساره بخير و ياريت تسامحينى لأنى قصرت معاها بس و الله رحت و قرأت المشكله بس حبيت افكر الاول و حصل انى انشغلت اليومين اللى فاتوا بسبب كتب كتاب اختى الصغيره فأرجوا ان تسامحينى على تقصيرى و الحمد لله انها بخير و يارب يقدرك دايما على الخير و يجازيكى كل الخير

دمتى بكل الود

تحياتى دوما

جارة القمر يقول...

والدتي الطيبة

الحمدلله انك بخير

وكل عام وانتي بخير يارب

/
/

حضرتك محبوبة من الكل واكيد في سوء تفاهم

لازم تتواصلي معاهم وهما حيشرحولك

مش عارفة اقولك ايه

بس ماتزعليش نفسك اكيد ليهم عذرهم

وردشان smilyrose يقول...

امى الغالية وحشانى

واخبار الحفيد الجميل ايه

معلش يا امى الحبيبه

انا بعتذرلك عن الناس دى

وحياةغلاوتهم عندك تعذريهم وتدعيلهم

يعدو الفترة دى على خير واكييد هيجو

ويحكولك زى زمان بس ربنا يكرمهم

ويعدوها بسلام يارب

ويرجعو لينا بالف سلامة


يارب

شاب فقرى يقول...

بقالى كتير مجيتش

اعتبر ابن عاق

بس والله مش عارف فى ايه

يمكن مبقاش فى وقت للتدوين فى حياتى

بالرغم من انى عالنت ليل ونهار

بس مش بعمل اى حاجة

حتى الشغل

بطلت اركز فى الشغل

يمكن انا جالى هوس او مصيبة بسبب الصداع المزمن دا

مش عارف

بس تعبان اوى

انا بفكر اسافر

مع انى سافرت اسبوع واما رجعت للنت معملتش اى حاجة

مفيش حل

انا جاى اقول سلام عليكم

واطمن على حضرتك

شاب فقرى يسألكم الدعاء

شاب فقرى

الراقـــص مع الذئـــــاب يقول...

السلام عليكم
اعجبتني مدونتك واسلوبك فدخلت اسجل اعجابي وتحياتي لك

جزاك الله خيراً

الفراغ يقول...

طوبه فضه ودهب
وانتى بالف خير
وربنا يجعل دفاعك عنهم فى ميزان حسناتك
وربنل يتقبل دعائك ليا وليكى

الفراغ يقول...

ميمى

ربنا يخليكى
انتى طمنتينى اول ماقريت الكلام ده
وربنا معاهم
وانا معقوله ازعل منهم
دانتوا الغاليين

الفراغ يقول...

بلو_ واف

وانت بالف صحه وسعاده

الفراغ يقول...

ام مالك
كل سنه وانتى بالف خير
ومباركتك محتاجينها فى كل وقت
مافيش حاجه متأخره ولا حاجه

بالنسبه لاولادى هنا
اعمل ايه بحبهم وبخاف عليهم ونفسى اشوفهم دايما سعداء

اشكرك من كل قلبى

الفراغ يقول...

محمد غاليه
وانت بالف خير يا محمد

الفراغ يقول...

ايوش الجميل
والله ليكى وحشه
انا مش راضيه اكلمك علشان ظروف الامتحانات
ربنا معاكى
وان ده مايمنعش انك ترمى السلام كل حينا ومينا

الفراغ يقول...

اختى الحبيبه روفى
ومين فينا معندوش انشغلات
ومين فينا مابينساش نفسه حتى
ياستى الف شكر على تعبك
والف مبروك لاختك وعقبال ولادك

الفراغ يقول...

جارة القمر
قلبك ابيض دائما
وهما فعلا كلمونى وشرحولى الاسباب
وربنا معاهم ويطمن قلبهم ويقوى سرائرهم

الفراغ يقول...

ورد شان
يا اجمل قلب عرفته
انتى طمنتينى وميمى طمنتنى
واللى بتكلم عليهم كلمونى وطمنونى بنفسهم
اشكرك على الجهد المبزول لاخواتك
وبنا معاكى ومعاهم ومعانا كلنا

الفراغ يقول...

شاب فقرى
اكيد انت عارف ان زيارتك عزيزه عليا
وادعولك بالرضا وطول البال
وربنا معاك ويحفظك من كل سوء
ويهديلك طريقك

الفراغ يقول...

الراقص مع الذئاب
هو اسم جديد بس صعب
ولكنى قبل ان اكتب لك
دخلت مدونتك
وعجبتنى
بس النتيجه لم ينجح احد
انت فاهمنى طبعا
واشكرك على الثناء االكتير عليا قوى

thunder يقول...

انا معاكى فى نفس الكلام ياامى وخاصة ان الموقف دا حاصل من اتنين قريبين جدا جدا من قلبى
ومكونتش متوقعه او منتظره اطلاقا لانهم حتى فى قمة الاحباط متفائلين جدا

كلمات من نور يقول...

بنوتك؟؟؟ربي يبارك لك ...انا يا جدتي الحبيبية عمري تقريبا من عمرك وابني الكبير قرب يتخرج ونفسي اجوزه ويخلفلي بنوته .علشان أنا الحمدلله أم بنين ..بس البيه يا ستي مش عاجبه يقولي اتجوز وكمان اجيب بنت؟؟؟؟؟؟؟؟؟؟؟ هي البنات عار عندهم في العائلة الظاهر هو و أبوهم ...ههههههه...يقولي : طيب اجيب البكري ود وبعدين اجيبلك دستة بنات ....يلا ...ربي يخلي أولادنا جميعا ويقربهم منه دائما و أبدا ....وعلى فكرة أنا وسط امدونيين والمدونات اسمي نور أو كامات من نور ...الاسم عالايميل بيني وبينكم فقط...تحياتي

saragebaly يقول...

السلام عليكم ورحمة الله وبركاته

انا اول مرة ازور مدونتك

حبيت اسجل اعجابي بيها وبروحك الجميلة


تحيااتي لقلبك

سارة

بستان الحب يقول...

أختى الحبيبه وحشتينى جدا جدا جدا لعلك تكونى بألف خير وصحه وعافيه،عندما أقرأ تدويناتك أراكى أمامى وكأنك تتحدثى معى وجها لوجه ،أدعو الله أن يرزقك راحة البال ..وييسر لك أمرك .

فكرة من الزمن ده يقول...

وحشتيني
وبسس ده كل اللي انا جاية اقوله
زاللي خاصموكي دول مش بيفهمو
ومن غير اعتذار
لان فعلا محدش يقدر يخاصم اجمل حاجة هنا ام المدونين البيت اللي بحس انه بيجمعنا بجد
بحبك اوي
اقولك على حاجة انا الحمدلله بخير
بس مش اوي
بحاول افهم الدنيا بتعمل ايه لما بنسيبها ونساها ونعيش مرتاحين ترجعلنا وبقوةوتتمسك بينا زي ما كتير اتمنينا
ولما بنتمسك بيها بتتقل علينا وتسيبنا
بس ما تقلقيش لاني انا مش قلقانة ومتفاءلة
واوعي تزعلي مني
اخبار النونو ايه
واوعي تزعلي
كل ما اقدر ادخل والله هاجي هنا ان شاء الله

سمكه واحده يقول...

كل سنه وحضرتك بخير
ودي اول زياره ليا
الاقي زعل وكلام من ده لالالا
هتلاقي بس مشاغل الحياه
مش زعل ولا حاجه
وكويس ان موضوع ساره تمام رغم معرفش هو ايه بظبط بس الحخمد الله بردو ان حاجه مطمنه
كل سنه واحضرتك بخير تاني مره
ومفيش زعل ولا عتاب

الفقيرة إلى الله أم البنات يقول...

أختى الحبيبه
وحشتينى
ةوانا مقصره معاك ومع كل الغاليين ولكن سماح ان شاء الله عودة بالا انقطاع اذا أراد الله

رفقة عمر يقول...

السلام عليكم ورحمه الله وبركاته
انا فى التدوين بقالى 3 سنين
وكانت بتجيلى تعلقيات كتير جدا وكنت باتعب من الرد
وفجأة اصبحت التعلقيات تقل رويدا رويدا لان كتير من المدونين توقفوا عن التتدوين خصوصا اللى كانوا متابعين
اصبحت الان اكثر حريه لانى اكتب دون انتظار مجامله من احد او انتظار تعليق احد ووجدت هذا افضل كثير
المهم انى اكتب اللى احس بيه واعبر عن رأى
ارجوكى مش تزعلى ابدا من حد معلش هو عالم النت كدة ناس تظهر وتختفى دون سابق انذار
مدونه حضرتك جميله هاحاول اتابعها لانى بصراحه اصبحت مقله جدا فى متابعه المدونات

اقصوصه يقول...

انا بعد اتحسس من موضوع المودنات

المفتوحه فقط للمدعووين!