الخميس، 21 يناير، 2010

موبايلى ضاااااااااااااااااااااااااع

سلام عليكم

انى اغرق اغرق اغرق
ياكل الماضى والحاضر يا عمر العمر
موبايلى بقاله معايا 3 سنين
حطيت عليه كل صورى وصور بناتى وصور حفيدى
كل ارقام املكها فى حياتى
كل ارقام اخواتى
كل ارقام اصحابى وزمايلى
و3 ارقام غاليين عليا
ايناس وورده واحمد
عليه كل القرءان الكريم بصوت الشيخ عبد الباسط
كان عليه التواشيح بتاعة النقشبندى
كان عليه الاغانى اللى بحبها

كان صاحبى وحبيبى
وكان فيه رنات لكل واحد بذكرى حلوه تجمعنا سوى
وكان بيصحينى فى الفجر للصلاة
وكنت بصحى بيه اللى بيحبوا يصحوا للصلاة قبل الشروق
كان عليه مواعيد الدكتور
ومواعيد التحاليل
كان كل حياتى

ودا كله بعد ماكنت رافضه اشتريه
وجالى هديه من اخواتى وعيالى
هديه بالعافيه...لان انا اخر واحده فى العيله ..والكل عايز يكلمنى وانا اقول ابدا مش عيزاه مش عيزاه

وبعد ماحبيته وخدنا على بعض وبقى بينا عشره وعمر وموده
بعد صباح الخير الصبح
وبعد تصبح على خير باليل
وبعد ماكنت بأكله واشحنه
وبعد ماكنت بنضفه واغيرله هدومه
اااااااه يا موبيلى يا حبيبى
ااهأ اهأ اهأ اهأ
ياللى مالحقتش افرح بيك يا حبيبى
كدا كدا برضه اهون عليك
كدا تضيع منى ومعرفش طريقك فين
دنا كنت لسه بتكلم فيك
كدا الزهايمر يضيعك
كدا تتوه منى ومعرفلكش طريق جره
طيب انا بنسى..
انت قول للى لقاك ..عايز ارجع لصاحبتى
مش المفروض تعيط وترفص وتقول ابدا مش هاشتغل مع اى حد غير صاحبتى

كدا تخلى اللى لقاك يطلعلى لسانه...ويقولى رنى انشاله للصبح ولا هاعبرك

عموما حسبى الله ونعم الوكيل
وعوضى على الله

وارجومن اصحابى ومن ايناس... وورده.... واحمد
الا يطلبونى ولا يكلمونى
وارجوا ان لايعطوا هذا النذل او النذله اللى لقت الموبايل فرصه للفرح فيا والشماته
وادعولى بان يعوضنى الله خيرا عنه ومنه
وانا من هذا المنبر اقول:.........
ماحدش لقى موبايل ماشى لوحده
ولا يمكن نايم فى حته وبيعيط
ولا يمكن ضل الطريق وواحد ابن حلال لقاه وبيلعب بيه شويه وناوى يرجعه وليه الحلاوه

اااااااااااااااااااااااااااااه يا موبيلى يا حبيبى
انى حزينه...........انى ابكى
ولكنى مش عايزه انكد عليكم
ولا اراكم الله مكروه فى عزيز لديكم
والبقاء لله وحده
والسلام عليكم ورحمة الله وبركاته

اهأ..اهاأ........اهأاهأ..............اهااهأاهأ

هناك 39 تعليقًا:

موناليزا يقول...

طب ما تحاولى تفتكرى كده انتِ سيبتيه فين؟
او اتصلى عليه وشوفى اللى هيرد عليكِ
باختصار دورى عليه وماتستسلميش انه ضاع وخلاص
مش يمكن يكون وقع فى الشارع ولسه محدش لقاه
بصى قولى الدعاء ده" اللهم ياجامع النس فى يوم لا ريب فيه رد عليا ضالتى"
وبإذن الله هتلاقيه
وربنا معاكِ ياحبيبتى

إبتسامة ملاك يقول...

وحشتنى اوووووووووووووووووى

انتى فيييييييييييييييييين

إبتسامة ملاك يقول...

وحشتنى اوووووووووووووووووى

انتى فيييييييييييييييييين

إبتسامة ملاك يقول...

يارب دايمآ بخير

متزعليش حبيبتى صحتك بالدنيا كلها
المهم انك بخير
يجى مكان التليفون بس انتى غاليه اووووى
يارب دايمآ منورة الدنيا ومنورانا يا قلبى
ويطمنى عليكى حبيبتى

غير معرف يقول...

كويس انها فى موبيل فى غيرك ضاع عمره كله وفى الاخر كان وهم عايش فى صور وخيالات اتضاح انها كلها اوهام لما فاق لاقى السراب دا اختفى والاوهام الملائكية اصبحت شيطين . مش هتفرق انه موبيل ضاع بزكريات المهم ان اصحاب الزكريات فعلا كانوا يستاهلوها وميكونش شيطين لابسين توب ملايكة

مجداوية يقول...

السلام عليكم


لأن كل شىء له عمر فلازم نكون أحرص من كده وحضرتك نبهتيني للأمر ده بفقدك الموبايل وعليه كل ذاكرتك ورب ضارة نافعة الموبايل الجاى خليه نسخة من أجندة تكتبي فيها كل تليفوناتك يعني تسجلي عليه النمر من أجندة عشان لا قر الله لما يضضيع منخسرش الجلد والسقط كده

أنا حاخلص امتحانات وحاقعد أكتب نمر تليفوناتي في أجندة زي زمان

متزعليش على أى شىء مادي بيروح أو بيضيع أو بيتسلب منك لأنه ممكن يتعوض ,, الانسان المفروض ميزعلش إلا على الأيام والسنين اللي ضاعت منه وهو في غفلة أو تقصير عن عبادة الله


وربنا يعوض عليكِ باحسن منه إن شاء الله

dreem يقول...

فداكي يا ستي مليون موبايل وكل النغمات والصور وا5لارقام تتعوض بس انتي ما تزعليش .. الحمد لله قضا أخف من قضا
امي مرة نزلت قبضت جمعية واشترت شوية حاجات ولما روحت حطت شنطتها جنب الباب لغاية ما تفتحه ونسيت شنطتها بره فترة طويلة وكان فيها الموبايل وفلوس الجمعية
وسبحان الله اتسرقت شوية فلوس من الشنطة والموبايل لا ! وامي زعلت
قالتلي انا بقول لربنا الحمد لله بس انا زعلانة وما فيش يومين بعدها طلعت عالسلم تشيل الستاير اختل توازنها وكانت هتقع فالشارع وهي ساكنة فالدور التاسع .. ويشاء المولي انها تقع فالشقة بس رجليها اتخيطت 31 غرزة
انا بحكيلك الحكاية دي علشان ما تزعليش علي اي حاجة تضيع منك لان فعلا كله بيتعوض .. انتي بس ربنا يديلك الصحة ويخليكي بخير
وبعدين لو عالزهايمر ابقي خدي زنجبيل ,, هاتي الزنجبيل الشجر وابشري منه شوية كل يوم الصبح علي معلقة عسل ابيض عالريق طبعا وذاكرتك هتبقي مية مية
وسلامو عليكو

حياه بلا عنوان يقول...

السلام عليكم ورحمه الله وبركاته
ازيك ماما الفراغ يارب تكونى بخير
اما عن الموبيل فداكى الموبيل المهم حضرتك تكونى بخير اذا جت فى حاجه بسيطه ممكن تتعوض مش مهم احسن ما تيجى فى حاجه لايمكن ان تعرفى تعوضيها فالحمدلله
تحياتى

وردشان smilyrose يقول...

ايوة يا امى الحبيبة

ولا يهمك معلش

انا قلقت عليكى قوى

وبقالى اسبوع بتصل وبرن ومفيش رد

وببعت رسايل ومفيش رد

لحد ما قلقت وخفت ومفيش طريق اعرف

اخبارك بس الحمدلله انك بخير

بس اوصلك ازاى ياريت تكلمينى ميل

ارجوكى ضرورى

mimi يقول...

حبيبتي ربنا هيعوض عليكي

وإبقي أكتبي الأسماء والأرقام في بلوك نوت للإحتياط

وفيه إحتمال يرجع لو ضاع ، لكن لو أتسرق ..
هيرجع ليه؟
ههههههههه


الله يعينك حاسة بيكي

وردشان smilyrose يقول...

بعتلك رساله ميل بس مش فتحتى

محتجالك ضرورى قوى يا امى الحبيبة

ياريت اكلمك النهارده سبتلك رقمى لو

دخلتى كلمينى فى اى لحظة

thunder يقول...

ههههههههههههه
انا بضحك على انى كمان وربنا موبيل اتحرق وقبلها بكام يوم رقمى 018 اتسرق
وعليه انا معاكى ياامى اوى فى انه فى الاول بنكره التجديد لكن لما بنتعود على حاجة بتكون ادمان ومن الصعب نستغنى عنها حتى لو كنا هنجدد
امى العزيزة دمتِ فى رعاية وحفظ الله
دائما يارب

thunder يقول...

لكن الفمروض منزعلش لان اكيد ربنا بيعوض شئ بشئ
وانا مع غير معرفو اوى دا فى موبيل مش فى اشخاص وربنا عوضك عن الموبيل ثلاثى من ابنائك الجمال جداااااااااااااا يعنى
ايناس و ورد و احمد

Nostor Azzuro يقول...

معلش

قدر ما حصلش

وربنا يحنن عليكى

فكرة من الزمن ده يقول...

والله عسل
وسكر
وحشتيني جدا
معلش فداكي ميت موبايل
وفعلا الموبايل بيبقى لينا كانه صاحب لانه بيتترجم عليه كل حاجة في حياتنا
وده ميزة وعيب
لكن ربنا يعوضك احسن منه
ونداء لللا وجد موبايل ماما الفراغ خلي عندك دم
وبلاش توجع قلبها وقلبنا معاها
ورجع الموبايل احسنلك
تحياتي

Bondoka يقول...

يا حرام بجد زعلت اوى
ده انا بحب موبايلى اوى وحاسه بيكى
معلش حبيبتى فداكى
ربنا يعوضك عنه خير

المهاجر يقول...

السلام عليكم ورحمة الله وبركاته :
حاجة محزنة فعلا ان الواحد تضيع منه ذكريات جميلة ، طيب الواحد ممكن يشترى موبايل جديد ، ممكن يلاقى اصحاب جدد ، ممكن يسجل على الموبايل حاجاته اللى بيحبها من جديد ، لكن الذكرى الجميلة اللى ضاعت دى هتتعوض ازاى فى زحمة الحياة وتغير البشر وبسرعة اكبر من سرعة الصوت ، ياترى ينفع نشترى ذكريات بدل اللى ضاعت ؟؟ سؤال يطرح نفسه على الساحة وبقوة .

thunder يقول...

الوووووووووووووووو
اية التاخير دا حداد على الموبيل ولا اية الحداد الرسمى 3 ايام بس فين الجديد؟؟؟؟؟؟

اسمي أحمد .. لو مخانتنيش الذاكره !! يقول...

معلش معلش

انتي عارفه بقا الحال ..
على اي حال حاولي ترني عليه .. لو الكائن اللي خده رد يبقا فيه أمل .. لو لقيتيه بقا مقفول يبقا استعوضي ربنا .. و ممكن تفقعيه دعوتين كده و انتي بتصلي الفجر يجيبو أجله :)

ربنا يكرمك دايما و يسعد أيامك

أتمنى من حضرتك تشرفيني في مدونتي المتواضعه

http://ra7alaat.blogspot.com/

سلااااام

كلمات من نور يقول...

ربي يعوضك خير عن الفقيد ..بس نصيحة أخوية لما تجيبي موبايل وترجعي تخزني تاني كل هذا اعملي له نسخة على الكمبيوتر ....BACKUP

ومعلش ربي يديم عليك الصحة والعافية

HaMaDa 3aFshA يقول...

السلام عليكم
امى الغالية وحشانى جدا ووحشتنى مواضيع حضرتك وايمانياتك ونصائحك الغالية
ولكنها كانت فترة مليئة بالمشاغل ولامتحانات والمشاكل ودعواتك لى بتفريج الهموم
قريت كام موضوع كده بلم الخير اللى فاتنى عند حضرتك وهكمل الباقى اما اجى من دمياط ان شاء الله
اولا الف مليون مبروك على الحفيد الاول ويارب تفرحى بيه وباحفاده وانتى فى كامل الصحة والسعادة والعلاقة ما بينكو تكون افضل واود من علاقتى بجدى رحمه الله على قدر حبك وحرصك وحنانك عليه
بس احب اقول لحضرتك الحب والولاء دا هتدوقى ثمرته فى الدنيا وطعمها حلو قوى كان جدى رحمه الله بيتباهى بحبى ليه وهو عايش ان شاء الله تكونو كدا وافضل
ومعلش بقا عالموبايل ما علهاش شاطر كلام فى سرك اتقلبت فيهم مرتين ونستهم تلات اربع مرات كلنا لها بس اول مرة بتبقا صعبةههههه
تحياتى لكى دائما ودمتى فى رعاية وحفظ الله

الفراغ يقول...

مونليزا
ابتسامة ملاك
غير معرف
مجداويه
dreem
حياة بلا عنوان
ورد شان
ميمى
ثندر
نستور ازوور
فكره من الزمن دا
بندقه
المهاجر
اسمى احمد
كلمات من نور
حماده عفشه

اشكركم جميعا جداااااااااااااا
واسفه على هذا الغياب اللى غصب عنى
امر بظروف الحمد لله..مش كويسه

اعزرونى جميعا
وان شاء الله لما الظروف تتحسن هاكلمكم تانى
سلامى للجميع

إبتسامة ملاك يقول...

طب ليه بس
مالك فيك ايه انا عاوزه اطمن عليكى يا حبيبتى
ولا تليفون ولا ايميل ولا مدونه
عامة ربنا يطمنى عليكى يارب ويكرمك خير
ربنا يديكى الصحه والعافيه يا حبيبتى
ياريت مش تطولى الغيبه وترجعى لينا تانى بسرعه
بحبك اوووووووووووووى

thunder يقول...

ربنا يرجعلك لينا بى السلامة ياااااااااااااارب

ايوشة يقول...

السلام عليكم ازيك ياماما اخبارك ايه يارب تكونى بخير يااااااااارب
انا عارفة انى مقصرة فى السؤال اتمنى تسامحينى واتمنى ترجعى بسرعة علشان بجد وحشتينا ربنا يطمنا عليكى يارب

إبتسامة ملاك يقول...

طال غيابك يا غاليه يارب تكونى بخير
جت اهنيكى بمناسبة المولد النبوى الشريف
كل سنه وحضرتك طيبه والاسرة الكريمه

وياريت اطمن عليكى لانى بجد قلقانه عشانك اوووووووووووووى

إبتسامة ملاك يقول...

وحشتينى اووووووووووووووى
ياترى انتى اخبارك ايه

يارب تكونى بخير حبيبتى

اسماء واحلام فى وجدانى يقول...

كنت هنا

اسماء واحلام فى وجدانى يقول...

ادينى مستنى والحمدلله انا عندى صبر كبير اوى يعنى مفيش ممل وممل ازاى لحد غالى زيك
انا هاقتل الملل واليأس لو حاولوا يقربوا منى او حاولوا يخلونى اتراجع عن انى نفسى اطمن عليكى ولو بحرف منك بس

اسماء واحلام فى وجدانى يقول...

كنت هنا

فكرة من الزمن ده يقول...

يارب تطمنينا عليكي يا اجمل قلب في التدوين

احاسيس آيوشه يقول...

ازيك ياماما يارب تكونى بخير
حضرتك مش ناوية ترجعى بقى :(

HaMaDa 3aFshA يقول...

السلام عليكم
امى طال الغياب طمنينا عليكى
ياريت يا جماعة اى حد يقدر يتصل بامنا يطمنا عليها ويبقا ليه جزيل الشكر

thunder يقول...

وانا كماااان كنت فى بيتنا يعنى هنا ووحشتينى ياامى اووووووووى وحياة ربنا

احاسيس آيوشه يقول...

ازيك ياماما بجد وحشتينا جدا مش هترجعى بقى ربنا يطمننا عليكى يارب

اسماء واحلام فى وجدانى يقول...

وحشتينا

اسماء واحلام فى وجدانى يقول...

اوى

غير معرف يقول...

وحشتينااااااااااا وحياة ربنا اوووووووووووووووووووووووووى
اوووووووووووووووووووووووووى
اوووووووووووووووووووووووووى
احمد سبق فى التعبير لكن مش سبق فى الاحساس يارب يااامى تكونى بخير وترجعى تنور بيتك ديما يااااااارب
وحشتى ابنك بجد جدا دمت يارب بكل حب و ود وفى رعاية وحفظ الله يارب ديما

thunder

اسماء واحلام فى وجدانى يقول...

لسة عندى امل انك ترجعى