السبت، ٣ يوليو ٢٠١٠

بحلم وانا صاحى

انا بحلم
انا انتظر تحقيق الحلم
انه حلم الالتقاء بزوجى الميت
ولكنى اعيش فى حلم دائم باللقاء
اذا انا عايشه احلم
ياترى انا عايشه ولا ميته
انا اشعر بالحياه انها تاخذنى للذكريات الجميله
انها تاخذنى لتحقيق كل ماكان زوجى يريد تحقيقه انا احقق اماله فى اولاده....... انا احبه وقلبى يدق باسمه
متى القاه.... انه حلم العمر
اجمل شيء انى مازلت احلم...وان من حقى ان احلم بهذا الرجل
انى املك حلما ....
صحيح مش بايدى انىاحققه...ولكنى متمسكه به لاخر لحظه فى حياتى
فلقد وجدت رسالة منه تقول:
تذكرينى...فالذكرى ناقوص يدق فى عالم النسيان
انى احبك ياحبيب العمر
احبك



هناك ٢٤ تعليقًا:

♥♥ شذا ♥ الروح ♥♥ يقول...

السلام عليكم ورحمة الله وبركاته
إذيك ياحبيبتى يارب تكونى بخير وحشتينى جامد

فكرة من الزمن ده يقول...

صباح الصباح الجميل

♥♥ شذا ♥ الروح ♥♥ يقول...

غاليتى ما أحلى الذكريات التى تأخذنا لحبيب طالما افتقدناه ونفضل عايشين على ذكراه
اللى زى ده وبكلامك الجميل عنه ده صعب حضرتك تنسيه ربنا يرحمه براحمته ويغفر له ويسكنه فسيح جناته

وده ابسط حقوقنا اللى هو الحلم
ربنا يجمعنا يارب مع من نحب سواء بالدنيا أو الأخره اللهم امين يارب العالمين

فكرة من الزمن ده يقول...

لا لا لا لا انا كنت الاول
لكن مش مهم مادام الاول هو شذا يبقى مش هتفرق كتير

فكرة من الزمن ده يقول...

وحشتيني اوي اوي اوي
ومش مصدقة اني باكتب هنا وانك معانا
يارب مايحرمنا منك
ويديكي طولة العمر ويمتعك بالصحة والعافية والرضا ويحقق لك كل اللي بتتمنيه

♥♥ شذا ♥ الروح ♥♥ يقول...

ربنا يصبر قلبك يارب ويريح بالك حبيبتى

خلى بالك من نفسك

♥♥ شذا ♥ الروح ♥♥ يقول...

منوره يافكره الدنيا كلها
وحشتينى كتير

احلى صباح لاحلى فكره بالزمن ده

فكرة من الزمن ده يقول...

يارب تكوني في احسن حال وانتي وحشتيني يا شذا

فكرة من الزمن ده يقول...

يارب يخليكي ياشيذو يارب وتنوري على طول فرحانة اننا دخلنا هنا سوا نسلم على ماما الفراغ
يارب يطمننا عليها

غير معرف يقول...

جمعى الله واياه بعد عمر مديد فى جنه الخلد

همس الاحباب يقول...

ربنا يجمعكما فى الجنة ان شاء الله بعد عمر طويل طبعا
ما اجمل الوفاء لذكرى غالية وحتى ان كان صاحب الذكرى قد رحل عن الدنيا بجسده ولكنه ما زال باق فى قلوبنا وارواحنا
تحياتى

غير معرف يقول...

السلام عليكم
ازى حضرتك يارب تكونى بخير زى ما اتعودنا على كده دايما يارب
عايز اعرف مين اللى قال لحضرتك انى مش عايز اكلمك ولا اى شىء قريب من الكلام ده بالعكس خالص ، من يوم رجوعك وانا باكتبلك على الايميل اوف لاين ومفيش اى رد بيجينى منك خالص انا قلت انك مش بتدخلى والتمست لك العذر طبعا لانى الحمدلله باقدر اعمل كده وكمان لانك لما كنتى بتدخلى كنتى بتسلمى عليا فى اغلب الاوقات ، يعنى الاحساس اللى جالك ده مش صحيح بالمرة ، اما عن انى سعيد لانى باعمل حاجة بحبها ده حقيقى هى سعادة غريبة شوية او مؤلمة لكنها هى اللى بتدى الطاقة للواحد عشان يقدر يعيش زى باقى الناس ، الناس كلها جايز نشوفها بتضحك لكن الله اعلم باللى جواها ، لكن انا احب اطمنك انى بخير الحمدلله من برة ومن جوة يعنى زى الطبيعى لاى انسان


احمد الهامى

Abd Al-Rahman يقول...

حتما هناك لقاء...
أشعر أن الحب فى الدنيا ليس إلا تشويقا للقاؤنا بمن نحب فى الجنة ...
*حياتنا بلا حلم = حياة بلا معنى ...
**********
لم أصدق أستاذتى انك عدتى للتدوين من جديد
لا حرمنا الله منكى ..

موجة يقول...

خاطرة رقراقة
خالص تحياتي
في انتظار زيارتك
موجة

موجة يقول...

ممكن طل لو سمحت
هو المحف الاليكتروني ده
ممكن اضيفه ازاي لمدونتي
فعلا فكرته هايلة
جزاك الله خيرا
في انتظار ردك على موجة
علشان تشربي حاجة هناك وتزروني
خال تحاتي
موجة

مجداوية يقول...

السلام عليكم

من أجمل ما قرأت منذ فترة

أسأل الله أن يجمعك ويجمعنا جميعا مع من نحب في جنته حيث لا فراق ولا ألم ولا عذاب الإنتظار والشوق.

أبشري غاليتي


قال تعالى في سورة ق :

وَأُزْلِفَتِ الْجَنَّةُ لِلْمُتَّقِينَ غَيْرَ بَعِيدٍ (31)
هَٰذَا مَا تُوعَدُونَ لِكُلِّ أَوَّابٍ حَفِيظٍ (32)
مَنْ خَشِيَ الرَّحْمَٰنَ بِالْغَيْبِ وَجَاءَ بِقَلْبٍ مُنِيبٍ (33)
ادْخُلُوهَا بِسَلَامٍ ۖ ذَٰلِكَ يَوْمُ الْخُلُودِ (34)
لَهُمْ مَا يَشَاءُونَ فِيهَا وَلَدَيْنَا مَزِيدٌ (35)


صدق الله العظيم

الفراغ يقول...

ازيك يا ايناس
والله منوره
ماتحرمش منك

الفراغ يقول...

غير معرف
اشكرك ولو كنت احب اننا نتعرف
عموما منور

الفراغ يقول...

ابو همس
كلامك زى البلسم
هو فعلا فى قلبى
ومهما بعد الجسد او فنى فان ذكراه فى القلب باقيه

الفراغ يقول...

احمد
ياااااااااااااااه
اخيرا لقيتك
دايما منور يا احمد
ويارب يا رب يارب اشوفك دايما سعيد ومبسوط
ام عن الاوف لاين
فانت عارف انى ماكنتش فى البيت علشان ارد على الاميلات خالص
ومره واحده بس اللى كلمت ورده وبلغتها تسلم عليك
وعموما يا سيدى انا معاكم اهو
وربنا مايحرمنيش منك يا احمد واطمن عليك دايما

الفراغ يقول...

منور يا دكتور
وربنا مايحرمكش من حبايبك ودايما مع بعض دنيا واخره يا رب

الفراغ يقول...

موجه
اهلا بيك
بس سؤالك صعب عليا
لان ولادى اللى بيعملولى كل حاجه على الجهاز
ياريت تسئل خبير احسن

الفراغ يقول...

مجداويه كلامك هو اللى فى قلبى
وفعلا الشوق واخدنى لغاية عنده هناك
وربنا يجمعنى بيه فى جنة الخلد هو وكل من نحب

كلمات من نور يقول...

يا الله

ربي يجمعكم في الجنة سيدتي