الجمعة، ٦ فبراير ٢٠٠٩

اهداء الى الاحباء

سلام عليكم يا كل احبابى واصدقائى
انا بكتب البوست ده مخصوص النهارده لانى فعلا فرحانه بيكم قوى
بكتبه علشان ااقولكم ان حياتى كانت فاضيه وكنت اشعر بفراغ كبير قوى
لكن جيتم انتم ومليتوا حياتى بالحب وخلتونى اشعر بانى عايشه من جديد
صحيح بنتى عايشه معايا وبنتى التانيه دايما بتسئل عليا
لكن انتم اصحابى وحبايبى اللى اخترتهم واختارونى
اللى بجرى عليهم اول مارجع من الشغل اه والله اجرى ااقول ياترى مين كلمنى النهارده وبفرح قوى من التواصل القلبى الممدود من غير ماحد يعاتب ولا يقول اتاخرت عليا لان ببساطه كدا دا مش مفروض على حد فيكم لكن هو تواصل الاحساس
وبجد نفسى اكلم كل اخ وابن وصديق وطبعا نفس الكلمه بس للاخوات والبنوتات والصديقات وفعلا هاتكلم معاكم لانى اصبحت اشعر بان كلكم حبايبى اللى عايشه بيكم ومعاكم
وطبعا اول واحد هاكلمه ابنى s.m لانه بجد دايما بيسئل عليا يارب اشوفك عريس وفرحان ونفسى تعرف انت مين لانك واحد غالى علينا واكيد على كل اللى يعرفوك
....................................................
صديقتى الغاليه بستان الحب
فعلا انت قريبه من قلبى وكلامك حسسنى ان ليا اخت تنتظرنى لما اكون محتجاها لانى فعلا محتاجه الحب ده
يارب يخليكى ليا
................................................
اخى وصديقى بيرم المصرى
ماعدتش بقدر انتظرك كل خميس لازم تكون معانا يوميا كلامك اصبح هو الدواء اللى بيشفى القلب
نفسى نقرأ لك عن الصداقه وعن تحمل الحياه اليوميه
اعزرنى نفسى اجدك معايا فى زحمة الحياه والمواصلات والمعاناة فى العمل
ورجاء خاص تكتب وتضمد جراح المحرومين من حب اخوتهم وابائهم
..............................................................
اما اخى وصديقى الطائر الحزين
اللى ماكنش ليا غيره اول ماعملت المدونه فله ودى واحترامى وربنا مايحرمنيش من وجوده عندى دائما
بس بقوله كانت مفاجأه انك انت صاحب مدونةالضاحكون بجد مدونه جميله جدا وحبيتها من اول نظره ويارب دايما تستقبلنى هناك
.........................................
بنتى الغاليه مونليزا
دخلت مدونتك فاحببتها ارتاحت روحى عندك فانت كماء زلال يروى العطاشى فى حب الله والتقرب اليه
انت كالمسك يعطر الابدان ويغسل جراح المعذبين من الحياة
انت كبلسم يطبطب على القلوب المتعبه
مدونتى تعانق مدونتك وتتمنى ان نكون معا فى الطريق الى الجنه
...........................................................................
اخى المعتصم
وقفت بجوارى عندما احتجت لمن يشعر بجراحى وجراح تؤام روحى
بجد اعتز بك صديق واخ وربنا مايحرمنيش منك
..............................................................
بنتى العزيزه بندقه
اول من علقت عندى وفتحت نفسى للكتابه وشجعتنى لما كان الناس لسه متعرفنيش
على فكره زرت مدونتك دمها خفيف قوى وقرات كمان بوستات سابقه
متحرمش منك يا دكتوره بجد نورتينى
منتظره البوست الجديد عندك علشان تسعدى قلوب محبيكىبدمك الخفيف
اول مره اعرف ان فى دكتوره دمها خفيف كدا
دمتى فى امان الله
........................................................................
ابنى الغالى سفاح كرموز اللى دايما منور عندى
وابنى الغالى محمود غاليه يارب ماتحرمش من وجودك الدائم
وبنتى الحبيبه انسانه عاديه
حبيبتى نائمه فى الارياف
الابنه العزيزه بنت خيخه ربنا يخرجها من احزانها يا رب
ولن انسى من علقوا لى ولو مره واحده وهم

اللؤلؤه____محمود طه__ كلام على بلاطه___ حاجات جوايا ___ ريكو___نودى 1987___البنت المشمشيه______ادم المصرى __الفقيره ام البنات____رومانسى_____زينب المسلمى__عابرة السبيل
.......................................................
ابنائى واحبائى
خليتوا لحياتى معنى ولون يارب ماتحرمش منكم
ولو فى يوم غبت عنكم غصب عنى
يارب دايما تفتكرونى بودكم وعطفكم
سامحونى وجعت دماغكم
يظهر انى رغايه بس دا من كتر حبى ليكم
سلام عليكم







هناك ٢٠ تعليقًا:

الطائر الحزين يقول...

وشرف لى أن اكون اول من يعلق على هذه التدوينة و شكرا لحسن ظنك واللهم اجعلنى خيرا مما يظنون
لو تلاحضى كتاباتى فى الضاحون ستجدى لها جميعا مغزى وليس لمجرد الضحك العارى
بارك الله فيك

s.m يقول...

انا فرحان والله يا امى اووووووووووووووووووووى لانى اول حد حضريتك تكتبة له والله معارف اقول ولا كلمة ولااعرف اعبر عن فرحتى انا والله العظيم دموعى نزلت وانا بقراء وليقت نفسى اول حد حضريتك كلمتية بجد اهتزايت اوى من جوايا انى ليا المكانه دى عند حضريتك والله اتمنى انى ابوس ايديك اوى يا امى لانك جعلتينى فى منزلة ابنك مش عارف اقولك سمحينى يا امى مش لاقى كلامات والله اكتبه تعبر عن دموعى وفرحتى دى بجد شكرررررررررررررررا اوى ليكى

اسماء واحلام فى وجدانى يقول...

فى اول تعليق

كل اللى اقدر اقوله انى فرحان مش عارف ليه بس فرحان اوى

جايز نكون كلنا عايشين فى دايرة واحدة
ومش شايفين بعض لكن الاحساس الطيب دايما بيجمعنا

احمد

http://elham-me2.blogspot.com/

simply me يقول...

هيييييييييييه انا كمان اسمى مكتوب

احنا دايما فى انتظار بوستاتك الجميله

رحلتنا في الحياة يقول...

السلام عليكم ورحمة الله وبركاتهبجد مش عارفة ااقول ايه انا انسانة عادية على فكرة انا كنت اخدت فترة اتخنقت وحذفت المدونات ولكن الاصدقاء اللى بجد رجعونى تانى ولما دخلت المدونة دلوقتى وقريت كلامك عرفت انى كنت مغفلة بجد انى اسيب العالم ده اللى جمعنا على الحب دايما واعيش وحيدة مع نفسى
ربنا يكرمك يارب وطبعا اسمحيلى ااقولك ياماما اشمعنا سيرجو يعنى هههههههه ربنا يخليك ياااااااارب وتفضل كلماتك كده دايما لينا بتنور طريقنا دايما
( ايوشة أنسانة عادية سابقا )):)

عمرو جويلى يقول...

السلام عليكم
معلمتى الفراغ :
بتغيبى علينا كثير واحنا بنقلق عليك متعك الله بالصحة والعافية
تحياتى

بستان الحب يقول...

أختى الحبيبه (الفراغ)لو انفقت مافى الارض جميعا ما الفت بين قلوبهم ولكن الله الف بينهم حقا وبصدق انى احبك فى الله رزقك الله خير الدنيا والاخره واسعد قلبك بحب رسول الله واسقاك من يده شربه هنيئه لا تظمئى بعدها ابدا

ادم المصرى يقول...

الله على روحك الجميله كنت اتمنى اكون من ضمن احبائك ولكن يله احسنت الاختيار اخى واتمنى اكون فى لستتك المره القادمه

mohamed ghalia يقول...

أمى العزيزة
نحن اسعد بتواجدك بيننا
جمعنا الله دائما على الحب
دمتى بكل الود
دمتى فى سعادة

غير معرف يقول...

حظي وحش انى لسه عارف المدونه دلوقتى لكن ارحب بيكي مدونه وتقبلينى من الاصدقاء

المعتصم يقول...

بسم الله الرحمن الرحيم
السلام عليكم ورحمة الله وبركاته
ست الكل أمنا الفاضله
تحياتى وتقديرى
طبعا انا مبسوط وفرحاااااااااان جدا انى مكتوب من ضمن الناس اللى بتحبيهم وبتعتبريهم اولادك واخواتك وده كتيير عليا جدا
المشاعر الجميله دى والحب فى الله ده حاجه عظيمة جداجدا ونعمه من رب العزة علينا
بس بجد انا مبسوط خالص مش بس علشان كنت واحد من ابنائك حتى لو مكنتيش قلتى عليا انا برضو كنت هبقى مبسوط لانى عرفت طريق مدونتك الجميلة اللى كلها حنيه ومشاعر رقيقه ونبيلة
مافيش فى الدنيا احن من قلب الام على اولادها وحضرتك هنا بتعاملينا كلنا بالحنان ده يبقى احنا اللى كسبانين هو فيه حد يلاقى حنية وحب ويقدر يسيبهم؟
ادعو الله ان يديم عليكى السعاده والصحة وحب ابنائك وان تقر عينك بهم
وربنا يخليكى لينا
تقبلى تحياتى
ودمتى بكل الخير والود
والسلام عليكم ورحمة الله وبركاته

ميرا ( وومن ) يقول...

السلام عليكم ورحمة الله وبركاتة

أول زيارة وأسمحيلي اشكر الترافيك ويدج اللي عرفني ان في ناس يتزورني وانا معرفش

بجد مش قادرة اقول لحضرتك ازاي انا فرحانة اني دخلت مدونة حضرتك وعرفت ان حضرتك بتزوريني

وسامحيني مش بعلق في موضوع البوست بس علشان بجد بجد فرحانة بزيارة حضرتك ووضع مدونتي علي السايد بار إن شاء الله مش هاتبقي اخر زيارة

موناليزا يقول...

ماتحرمش منك ياحبيبتى
كلماتك عنى طوق فى رقبتى ويسعدنى ان نتعاون لنصل الى الجنه ممسكين بأيدى بعضنا البعض
على فكرة انتى جميلة اوى وانا مبسوطة بالتعرف على مدونتك

عابرة السبيل يقول...

ههههههههه
اسمى مكتوب اسمى مكتوووووووووب
ها ها ها ها
بفرح قوى لما الاقى اسمى فى مدونة من المدونات اللى على طول فى بالى بس مش لاقية وقت ولا نت عشان اتابعها

شكرا ليكى خالص مالص

zainab يقول...

السلام عليكم و رحمة الله و بركاته

ست الكل

ربنا يخليكى لينا يارب و مايحرمنا منك أبدا ولا من حنيتك و رقتك

بجد أنا أول مادخلت هنا حسيت بحنيه مش قادرة أوصفها
أنا مبسوطه قوى لأنى كنت من الناس اللى قلت عليهم أحبابك و أبنائك

ربى يخليكى و يسعدك و مايحرمنا منك

تحياتى

zainab يقول...

حبيبتى ست الكل

أنا أسفه قوى انى ماعلقتش عندك غير مرة واحده

اعذرينى و اقبلى أسفى

بس ان شاء الله من هنا ورايح هتلاققينى مقيمه عندك بس يارب ماتزهقيش منى ساعتها

مش معقوله أحس الحنيه دى كلها و أحرم نفس منها

تحياتى

s.m يقول...

انا جيت قولت العب عند امى شوية علشان العيال دى مش بيسبونى اروح حتة الا ورايا وخصوص العقيد ايوش اللى حتى عاوز يشاركنى فى حب امى على العموم قلب امى بتسع للكل معاد اى حد من اسيوط فاهم يا حاج ايوش ربنا يديم علينا حبك يارب ويجعلنا اولاد صالحين ويجعلنا فى ميزان حسناتك اللهم امين .....

همس الاحباب يقول...

السلام عليكم
طبعا زيارة متاخرة جدا جدا
ولكن معذرة لانشغالى الفترة الماضية
وحظى حلو انى جيت فى تدوينة تتحدث عن الاصدقاء والاحباء
وعالم التدوين به الكثير من الشخصيات المحترمة والمحببة الى النفس
وحضرتك لسه هتشوفى ناس كتيرة كويسة
بس الواضح ان حضرتك مرهفة الاحساس
وتحسين بمشاعر الامومة الفياضة
بارك الله فى حضرتك
تحياتى وتقبلى مرورى

فكرة من الزمن ده يقول...

صدقيني اول ما قريت اعنوان مدونتك نعمتان مغبون فيهما الناس الصحه والفراغاضفتها فروا لمفضلتي
قبل اي شيء
الجواب باين من عنوانهحسيت اني هلاقي حاجة تتقري وكلام صادق وفعلا حسيت انك قريبة اوي من قلب كل حد هناوكلامك صادق جدا وطالع من القلب

الفقيرة إلى الله أم البنات يقول...

الحبيبه فراغ
احببت قلمك جدا"
واعتذر لتأخيرى فى التعليق عندك يا اختاه
لانى كنت مسافرة وكمان الحقيقه غلطتى
انى لم أضع مدونتك عندى فى الريدر فانا الآن للأسف اسيرة الريدر
ان شاء الله ستجدينى عندك باستمرار
لانى عندما احب قلم اعشق القراءة له
ولانى اعلم جيدا" ان روح الانسان كما هى فى عيونه هى فى كلماته

واعتبرينى مقيمه عندك
ممكن اوضه فيها كنبه وبويلر علشان النسكافيه
وشوية حاجات يعنى مش طماعه قوى غسالة اطباق علشان نعومة إيدى
وطبعا الترابيزة اللى عليها تليفزيون ودش دول معروفين موجودين على طول ومش لازم الفيديو
وقله بس علشان الواحد لو عطش

بجد حبيتك
سبحان مؤلف القلوب
دمتى بخير