السبت، ٢٨ فبراير ٢٠٠٩

حاجه لله كدا

ياجماعه
مطلوب عريس
المواصافات: مقطوع من شجره.............واحنا هنتبناه
معاه فلوس......................امال هنتبناه ببلاش يعنى ولا ايه
عنده شقه........................7 اوض وحمامين وشغاله
امال مين هاينضف كل الاوض دى
عنده عربيه.................ماتقلش عن BMW ماهو لازم التبنى يبقى على اساس انك هاتكون ابن ناس مش اى حد
هانخليك تصيف فى مارينا ماهو الجيب واحد
يكون اخر شياكه امال ايه!!!!
لو سمحت ماتكونش بتدخن انت حر فى نفسك صحتك وانت حر فيها
لكن البنت بتاع انا وانا بنضايق قوى من ريحة السجاير.... اوف بقى انت هاتضايقنا من الاول
والله ارجع فى التبنى ده
يكون صبور وحمول ............علشان احنا مش كدا
يكون حنون وطيب ................علشان استحمله ومايقطعش برزقه
وبعدين يكون مهندس او دكتور او قاضى او حتى رجل اعمال..........مش مشكله انا هاستحمله
يلا...... الطيبات لله
ويمكن افكر اجوزه بنتى
اعمل ايه بس
قلبى الطيب ده تاعبنى خالص..........يلا نعمل الخير ونرميه البحر
......................................
ياجماعه انا عارفه انكم كلكم بتوع خير
اللى يعرف حد تايه وبالمواصفات دى يدله على مدونتى........... وليكم بالظبط الاجر والثواب اللى انا هاخده
وعلى رأى كولمبو
أبقوا قابلونى



ملحوظه:........البوست ده مهدى الى سيرجو ومعتصم....ومحمد غالى......وكل اللى شايلين همى وفاكرنى زعلانه


هناك ١٤ تعليقًا:

simply me يقول...

ههههههههههههههههههه

ممكن اشارك فى عمل الخير

ياريت لما تلاقيه تسليفيهولى يفتحلى عياده
واهو برضه لله

وهرجعوا على طول

thunder يقول...

ههههههههههههههههههههههههههههههههه
ماشى يامى ودا موجود فى كوكب الارض بنى ادم زينا يعنى يعيش ويتعايش هههههههههههههههههههههههههه دا فوزايز كالمبو ارحم هههههههههه
طب ما انا عندى حل تانى هو لما تلاقهو قولولة فى بنى زى كدا يمكن يتبنان احنا كمان وكلة بثوابة وهنيالك يافاعل الخير والثواب وربنا ياامى فرحاااااااااااااان اوووووووووووووووووووووووى اووووووووووووووووووووووووووى لفرحك دا والبوست الجميل دا جدا بس ملاحظة مارينا دى فين بالظبط بسمع عنها كتير اوى هى بلد زينا كدا وبعدين ياامى الموصفات دى خارج المنهج خلاص مش من المقرر والله دا لاكتاب وزارة ولا منهج وزنة حتى اية التعجيز دا
ربنا يديم عليكى الفرح يااااااار بوميحرمنى ابدا منك يااااااااااااااااارب ويجعل كل اوقات سعيدة بفضله ويديم عليكى الصحة والتوفيق يارب

simply me يقول...

الحمد لله ان حضرتك مش زعلانه
يارب كده على طول فى سعاده وصحه

رحلتنا في الحياة يقول...

ههههههههههههه وهوا اللى بالمواصفات دى صحيح موجود على الارض ولو موجود لسه مجوزش لييييييييييه احنا عندنا عروسات بالهبل اللى عايز يقول

رحلتنا في الحياة يقول...

ربنا يديم عليكى فرحك دايما يارب

سكوت هنصوت يقول...

ايدك معانا يا اختي الله يسترك في نشر العريضة دي...محتاجين شوية توقيعات كده على ما قسم ربنا يفك زنقتك ويرزقك بالعريس الي تحلمي بيه و تتمنيه يا رب...الوثيقة هنا اهه

http://www.petitiononline.com/mod_perl/signed.cgi?ttwpdi

اما بقى لو ناوية تقاوحي وتعاندي وتقوليلي هو انا لسة هقرا ده كله اقولك طيب خشي كده طلي على اختك وبنت حتتك نوارة في البوست ده وانت هتفهمي كل حاجة


http://www.tahyyes.org/2009/02/blog-post_27.html

ما اوصكيش بقى....تلميلنا كل صحابك وحبايبك الي مشرفين هنا ويجعله عامر بحسك ان شاء الله

نزورك في مدونتك يوم فرحك يا رب

Unknown يقول...

ههههههههههههه
المدونة اكثر من رائعة
والبوست اكثر من رائع

بس المشكلة
هو فين العريس؟؟ اكيد شخص غير مصرى
لأننا هنا ربنا يستر علينا
دمتى بود ولنا زيارة اخرى بإذن الله

المعتصم يقول...

بسم الله الرحمن الرحيم
السلام عليكم ورحمة الله وبركاته
امنا العزيزة
تحياتى
بس ايه ده ؟
هو انتى جبتى مواصفاتى منين ؟؟
مين اللى قالك بقى انى فيا كل الحاجات دى (بس يعنى ممكن نفوت حاجه بسيطه كده)
*مقطوع من شجرة: يادوب عندى ابويا وامى وتلاته اخوات وسبعه اعمام وتلاته عمات وخالتين وخاله بس (يعنى عز الطلب اهه)
*معاه فلوس:الحمد لله معايا231جنيه بحالهم وليا عند واحد بتاع 100كمان(مش عارف اودى الفلوس دى كلها فين)
*عنده شقه7اوض وحمامين وشغاله: اهو هو ده الشرط بقى اللى يعنى بس هنشوف هو البيت فيه فوق وتحت حوالى 14اوضه يعنى ممكن تمشى
والشغاله دى امرها سهل خالص ماتشيليش هم(هو انا برضو هاخد بنات الناس عشان اخليها تنضف والكلام الفاضى ده معقول كده برضو!!)
*عنده عربيهBMW:هو انا نفسى اشترى عربيه من دى فعلا انما موضوع ابن ناس ده متوفر والحمد لله (ابويا كان مدير عام وامى ست بيت وابوها كان عمده)
*موضوع التصييف فى مارينا ده هو اللى فيه المشكله لانى مش بحب اروح هناك مش برتاح نفسيا(ياريت تبقى ياامى تفكرى فى مكان تانى والا كده انا مطضر ارفض الجوازة دى)
*يكون اخر شياكه:اكيد طبعا اخر شياكه دا انا بفصل هدومى عند الاسطى شحاته اكبر واحد ترزى فى بلدنا امال ايه
*ميكونش بيدخن :الحمد لله مش بدخن سجاير (انما الغيظ بيخلينى اطلع دخان من نافوخى)وماتقلقيش ياست الكل هو انا برضو اقدر او اجرؤ انى اضايق حضرتك
قلبك ابيض مااحنا ماشيين مع بعض اهه
*صبور وحمول : يعنى ممكن نحاول وامرنا لله
*حنون وطيب:ولو ان الصعايده معندهمش الموضوع ده انما ممكا اجى على نفسى
*مهندس او دكتور اوقاضى او حتى رجل اعمال : هنمشيها حتى معلش تعالى على نفسك واتحملينى(انا زى ابنك برضو)
معلش ياست الكل ربنا يخلينا قلبك الطيب ده واتعشم انك تنظريلى بعين العطف والشفقه وتراعى برضو العشرة البلوجريه اللى بينا وانا اولى من الغريب
ههههههههههههههههههههههههههههههههه
ربنا يديم عليكى السعاده يارب ويخليكى دايما كده مبسوطه وفرحانه وسعيده ويفرحك ببنتك التانيه قريب ان شاء الله
(بس ايه رأيك فى مواصفاتى بقى)
ههههههههههههههههههههههههههههههههه
امى العزيزة تقبلى مرورى وتحياتى
ودمتى لما بكل خير وود وسعاده
والسلام عليكم ورحمة الله وبركاته

mohamed ghalia يقول...

ههههههههههههههههههه
هو فين الى بالمواصفات دى
دمتى بكل الود
ربنا يسعدك دايما

ادم المصرى يقول...

والله فى كده كتييير بس الوحش بيتغلب عليه وهوا الى ظاره اكتر

الفراغ يقول...

بسم الله الرحمن الرحيم
دكتوره بندقه: طبعا يا حبيبتى وانا ااقدرانساك
............
ابنى ثندر: خلاص اتفقنابس لما نلاقيه
ايه رايك نتفق مع بعض نقسم سوى انت تعتبره اخوك وتاخد بالك منه ام انا بقى علشان انا الكبيره هاخد بالى من فلوسه وماتخافش حنروح مارينا سوى هى جنب العباسيه بس فى حاره سد مش مشهوره
دمت فى اسعد حال
.......................
ايوشه الجميله:وبعدين بقا احنا هانقطع على بعض ولا ايه ....ولا ااقولك علشان ماتزعليش نجوزه اربعه ولا يهمك احنا عايزين كل العرايس مبسوطه
.....................
سكوت هانصور:والله مانا فاهمه حاجه بس شكرا على الدعاء وبعدين مش انا العروسه دانا بس هنا فاعلة خير ورايحه بسرعه اهو اشوف الموضوع
..................
اخى اصحى يا مصر: شرفت مدونتى
واشكرك على تشجيعيى انا بس كنت بفرح ولادنا الشباب اللى قلقانين عليا اصلى بعيد عنك كنت مكتئبه شويه ويا رب ماتقطع الزيارات
....................
ابنى العزيز معتصم: انت بقا حكايه لوحدك... دانت شركتلى العريس من قبل مايجى ولو سمع عنك انك متقدم قبل منه ماهيفكر يدخل المدونه من الخوف علشان خاطرى استنا انت شويهواوعدك انظر فى امرك
تمنياتى بالسعاده
...........................
محمد غاليه: على رايك هو فين
انا بس قلت افرفش فى وسط ولادى شويه
...........................
ابنى العزيز :ادم المصرى
لو عايز الحقيقه انا مش بدور عليه
انا بس كنت بطمنكم عليا واقولكم انى قادره على الضحك
بس بينى وبينك لو لقيته هاته وتعالى...المدونه مفتوحه اربعه وعشرين ساعه
............................
للجميع تحياتى واشواقى وياااااااااارب ماتحرمش منكم ابدا
واعتبرونى امكم او اختكم وتحت امركم فى اى جوازه (انا اتفرج وانتواعليكم الشكولاته )

همس الاحباب يقول...

ههههههه
ههههههههه
لو اجتمعت هذه الصفات فى رجل
يبقى حرام نقول عليه بنى ادم
ممكن نقول عليه معجزة وفلتة كماااان
بس موجود ممكن حضرتك تستنى قد 20 او 25 سنة لحد مازن ما يجى وانا اوعدك انى اجيبه لحد عندك ومعاه كل الواصفات دى
احنا فى الخدمة يا ست الكل
اما لو حضرتك مستعجلة
انا ممكن بعد مايجى للدنيا ابعته لحضرتك تتبنيه هو وابوه كمان
ويبقى صدقة قليلة تمنع بلاويا كتيرة
ههههههههه
تحياتى وتقديرى

mahmood taha يقول...

إحم إحم ... نحن هنا ... أي خدمة :d

Blogger يقول...

QUANTUM BINARY SIGNALS

Professional trading signals delivered to your mobile phone every day.

Start following our trades right now and profit up to 270% daily.