الخميس، ١٩ مارس ٢٠٠٩

اذا سئلت فاسئل الله

بسم الله الرحمن الرحيم
تصدقوا النهارده الخميس وبكره الجمعه
اه والله...طيب خلاص ماتزقوش..انا عارفه انكم عارفين
طيب ليه اللى مايعرفش مايقلش انا معرفش...ودى بتبقى واضحه جدا..وباين على الشخص ده من تصرفاته وحركات ايده وراسه انه مش فاهم..بس برضه عايز يبين انه فاهم كل حاجه
مع ان رسولنا الحبيب قال من قال لا اعلم فقد افتى
سبحان الله ...هو احنا ايه غير بنى ادميين
يعنى مش ملائكه ولا شياطين
دا حتى الملائكه لا تعلم الا مايقال لها من رب العالمين
وعلم ادم الاسماء كلها ..ثم عرضها على الملائكة..فقال انبئونى ياسماء هؤلاء..ان كنتم صادقين31..قالو سبحانك لاعلم لنا الا ماعلمتنا..انك انت العليم الحكيم32..البقره

نيجى احنا بقا على ضعفنا وقلة حيلنا نقول لا ..دانا احنا بنفهم فى كل حاجه
طيب رسولنا صلى الله عليه وسلم علمنا الاستخاره ليه
ماهو علشان نستعين بالله عز وجل ..نستعين بقدرته على علم الغيب وعلى القدره كيفما شاء
ونسيب الامر لله لو فيه خير هايكمل ولو مافيهوش هايقف ويتعطل
دا غلط ولا هانقاوح فى دى كمان
يلا ...ربنا معاكم معايا وربنا يعمل اللى فيه الخير
سلام عليكم

هناك ١٦ تعليقًا:

mohamed ghalia يقول...

معاكى حق يا أمى
إذا سألت فأسأل الله
وإذا استعنت فأستعن بالله
كل سنة وحضرتك بخير وفى سعادة وهنا وسرور
وإلى طاعة الله أقرب

hasona يقول...

السلام عليكم

اذا سألت فأسأل الله
وإذا استعنت فاستعن بالله

المفروض أن نعرف من نسأل ونوحده
اذا عرفنا الله جيدنا لن نسئل غيره


المهم أن نفعل ونعمل ما علينا ونتوكل علي الله ولأن الامور كلها ترجع اليه
ويؤول اليه الامر كله

دعواتك لنا

تحياتي

thunder يقول...
أزال المؤلف هذا التعليق.
همس الاحباب يقول...

حقا ما قلتى يا امااااه
اذا سالت فاسال الله
واذا استعنت فاستعن بالله
بس نعمل ايه فى الفهلوة واللعب بالبيضة والحجر
ربنا يهدينا ويصلح ذات بيننا
كل سنة وانتى طيبة يا ست الكل
كل سنة وانتى اعظم ام

thunder يقول...

معاكى حق يا ماما والله لكن فى الاغلب احنا شعب عايشن على الفهلوة ووجملة وعلم الانسان مالم يكن يعمل كل حاجة بنفتى فيها واحسن ناس نعمل فاهمين فى كل حاجة واحسن ناس تعيش على حساب بعض يعنى زى ما بيقول سبع صنايع والبخت ضايع والغريب والاحسن كمان لو نزلتى مكان فى اى محافظة اى كان وفى الموقف مثالا وانتى عارفة ان الشخص دا زاية زايك غريب وحاولتى تسئلية على عنوان ما.. تلاقى عنية رجعت وراا كيلو وهرش فى دماغة ومش يقولك معرفش لا بيقلب الخريطة بى الهرش وبعدين يقول شمال فى يمين فى شمال وتلاقى نفسك لابست فى كوبرى ابو تريكة .اه من افعالنا هى عادة يعنى ولا هنشتريها . ثقافة (لا ).مش فى قاموس الحياة اليومية عيب نقول انا معرفش اولا انا مفهامش لااله الا الله
امى الغالية دمتِ بكل خير وود يااااااارب

الفراغ يقول...

ابنائى ...محمد غاليه
حسونا
همس الاحباب
ثندر
اشكركم على المشاركه
ودمتم فى رعاية الله

ELMASRYA يقول...

موضوع جميل أختي الفاضلة

لا يوجد لنا غير الله نسأله ونستعين به

وفي الأمور الحياتية فعلا بنشوف ناس تعمل نفسها عالمة ببواطن الأمور وكل الأمور والمشكلة بيكونوا متشددين ومنحازين لرأيهم جدا وهم أجهل من دابة

بس الحق علينا برضه لو سألناهم وتخيلنا إن ممكن ييجي من وراهم فايدة لأنهم مش بيكونوا أصلا مفيدين لأنفسهم

الإستخارة من أفضل الأشياء اللي ممكن نعملها لو أجهدنا أمر ما في التفكير وأردنا الوصول للحل الأمثل

ودائما أبدا نلتزم بمقولة دع مايريبك إلى ما لا يريبك

دمتي سالمة وخالص تحياتي

ريهام العربي يقول...

بصراحه مش حاضرني كلام اقولو

بس اكيد كلامك صحيح 100 في 100 تقريبا ده تاني بوست ديني احب اقراه عادتا الناس لما بيتكلمو يا بيتكلمو بتعصب قوي يا بيبالغو في الشرح لكن حضرتك

اوجزتي فانجزتي بجد بوست حلو

ميرسي علي التذكير ومنتظره من حضرتك كل جديد

ادم المصرى يقول...

جزاك الله خير عنا

وكل عام وحضرتك بخير وفى امان الله ورضى الرحمان

الفراغ يقول...

اخى الفاضل..المصرى
انت اوجزت الكلام فى كلمتين..دع مايريبك الى مالا يربك..وتوكل على الله
زيارتك اسعدتنى





ابنتى....ريهام العربى
كلامك شجعنى جدا..واستفدت منه
ان الموضوع مش بكثرة الاقناع
واننا فى عصر السرعه..عايزين الكلام القاطع وخلاص
بجد اشكرك على زيارتى واتمنى وجودك الدائم





ابنى الغالى ادم المصرى
وجودك ضرورى جدا حتى لو انك تسلم عليا بس
ربنا يسعدك وكل عام وانت بكل خير انت والاسره الكريمه

عابرة السبيل يقول...

سلام عليكم
---------
معلش اتاخرت عليكى

عندك حق العاقل هو فعلا اللى يبقى عرف كده كويس ويتوكل على الله فى كل اموره
واحنا هنعرف الخير لينا منين ؟

ELMASRYA يقول...

حبيبتي الفراغ

أنا المصرية مش المصري

كده برضه خليتيني راجل

بس ولا يهمك أنا برضه بعشر رجاله

خالص مودتي

arsenalwy يقول...

اه والله

من النادر ان الواحد دلوقتى يسمع حد يقول ما اعرفش

لنا الله

thunder يقول...

امى العزيزة كلمات هى هى (انا والنجوم والدلو وهواك )والحمد لله هى بخير وقرد موجودة وكل ثانية بتنزل بوست جديد اطمنى ياامى
وفين الجديد مممممممم دمتِ كل بود وخير ياااارب

♥نبع الغرام♥♪≈ يقول...

السلام عليكم ورحمة الله وبركاته
جزاك الله كل الخير
وفعلا كلامك جميل وهو ده الصح الأستعانه بالله فى جميع أمورنا
تقبلى تحياتى امى الفاضله
وتقبلى مرورى
سلامى

حروف يقول...

وصلني سؤاللك اشكركك شكرا جزيلا عن سؤاللك عني وامحاولة اطمئنانك علي انا بخير الحمد لله انها حاله اكتئاب وعدت الحمد لله
اشكرك شكرا جزيلا يا امي الفاضلة
بلنسبة للبوست فعلا اصبحت سمة رئيسة اذا سئل احد ولم يكن يعرف لازم يفتي واذا لم يجاوب فاما ان يكون جاهلا في نظر الغير او انة شخص كارة للناس ماكر لا يفيد غيرة
ربنا يرحمنا برحمتة
دمتي بالف خير