الاثنين، 13 أبريل، 2009

حب البراءه

بسم الله الرحمن الرحيم
وحشتونى بجد جدا..من هنا لاسوان مثلا..لا لا مايكفيش..وحشتونى قد الدنيا بحالها..
فاكرين زمان وانتوا صغيرين..لما كانوا يقولوا :بتحب ماما قد ايه..تفتح ايدك على قد ماتقدر ..وتقول اد الدنيا بحالها
ولما تبعتوا بايدكم الجميله الصغيره ..بوسه فى الهوا لبابا وهو رايح الشغل..
الله على الطفوله الجميله..الله على البراءه والضحكه الصافيه

معرفش ليه افتكرت البراءه دى وانا حاسه انكم وحشتونى
يمكن لانى بحس معاكم بالبراءه نفسها
بحس انى بيوحشنى الحب اللى من غير غرض
بيوحشنى التعاطف الانسانى الجميل
بيوحشنى الطيبه والنقاء
والله وحشتونى

قد ايه نكت ثندر ..او اللى اسمه ايه..26+1+25+28..يبقوا ايه؟؟؟هــــــــــــــــــــــــــــــــــانى
هانى دا يبقى حكاية من حكايات الزمن الجميل
والله انت اللى مخليه جميل يا ثندر
نرجع لكلامنا
ثندر اول مايلاقينى اتاخرت فى الكتابه شويه
علطول يبعتلى كام رساله..قلق وبعدين خوف..ولما يقلق قوى ويفتكرنى عندى اكتئاب
يا حبيب قلبى يبعتلى اى حاجه تضحكنى وفعلا بضحك
بجد والله الحنان مابيتشحتش
ثندر دا بجد انسان جميل وقلبه كله حنان ودا واضح من اجاباته على التاج
واللى جاوبه علشان خاطرى..ودا تصرف ليس بالجديد على ابنى الغالى ثندر

وبجد يا حبايبى يا اولادى الاعزاء كلاًَ باسمه وحشنى الكلام معاكم
ونفسى اكتب بوست لكل واحد باسمه

والى ان يحدث ذلك لكم منى الف تحيه وسلام ومحبه

هناك 11 تعليقًا:

ايوشة يقول...

احم احم ابسط ياعم هانى بوست علشانك لواحدك هههههههه
لا بجد هانى انسان طيب جدا وقلبه طيب جدااااااااااا وصديق صدوق جداااااااا وفى اى موقف بيكون جنب اصدقاءه لو اتاخروا شوية مثلا ونشغلوا بيكون اول واحد يسال ربنا يكرمه دايما ويوفقه للخير دايما واخييييييييييرا رضى يقول اسمه وطبعا ده علشان خاطر حضرتك

ايوشة يقول...

على فكرة مش تقوليله انى قولت كده علشان مش يتغر عليا بس :))

thunder يقول...

ههههههههههههههههه 26+1+25+28
ربنا يخاليكى ليا يا اجمل واحن ام يارب وربنا فعلا مايحرمنا من حضريتك ابدا ياااااااااااارب وفعلا والله كنت قلقان جدا بس الحمد لله كدا اطمنت الحمد لله ..والله معارف اقول ولا كلمة انا كل دا الحمدلله بجد انى فى نظر حضريتك الانسان دا ويارب ياامى فعلا اكون جزء حتى من اللى حضريتك شايفه . وافضل عند حسن ظنك يارب . امى العزيزة جدا دمتِ بكل ما تحبى يااااارب وفى رعاية وحفظ الله
......................
كارثة انا هتغرغر طبعا ((وش مطلع لسانه )) دا انا ناويلك على شماته ربنا يخاليكى بجد يا اية على كلامك دا والله معارف اقولك انتى كمان اية فعلا انتى اخت عزيزة اووووووووووى اووووووووووووووووى ومتخافيش هتغر عليكى خميس وجمعه بس وشكرررا بجد على دعاء ربنا يجعل لينا ولكل المسلمين نصيب منه ياااارب
ماشية ثندر يا كارثة ههههههههههههه ماشية بدل ما اخد التار اسم الازبكية ياخدك ...
دمتِ بكل خير وود يا كارثةةة وربنا يخاليك يا احن اخت يارب

3abratalsabeel يقول...

السلام عليكم

اكتبيلى بوست باسمى وانا اجى اعلق على طول

وحضرتك كمان بتوحشينى وعلى قد ما اقدر باجى اعلق ولو معلقتش بتابع الموضوعات اول باول

موناليزا يقول...

القلوب عند بعضها:)

الفراغ يقول...

ايوش الجميل
ربنا يجعلكم دائما اخوه فى العطاء والايمان والحب
واكيد ثندر يستحق منك هذه الشهاده لانك مش هاتشهدى لحد الا عن استحقاق لانك انتى اصلا انسانه جميله وكلك جدعنه وشهامه(صعايده بقا)

طيب قوليلى ازاى ماقلوش على كلامك الجميل عنه
دا كلامك ده شهاده فى حقه ولازم اوصلهوله
وعلى فكره دى وصيه للرسول صلى الله عليه وسلم
انك تقول لصاحبك على احساسك الجميل ناحيته

ادام الله الاخوه والمحبه بينا

ايوه ياعم ثندر
صحيح انا عرفت اسمك..بس ماتخافش..مش هاقوله الا لل1000000مدون اللى بنكلمهم
وبكدا هايفضل اسمك سر ياهانـــــــــــــــــى
وربنا يجعلنى انا عند حسن ظنكم يا ولادى كلكم

الفراغ يقول...

ابنتى العزيزه عابرة السبيل
انا مبسوطه بالزيارتين القريبتين دول
ويارب ماتحرميناش منك..لانك برضه بتوحشينى جدا
اما عن كتابة بوست ليكى لوحدك..
دا انتى غاليه والطلب على عينى وراسى
بس ممكن شوية معلومات كدا عن حضرتك ههههههههههوبطاقتك من فضلك
وعلى راى كرومبو..ابقى قابلينى البوست الجاى
دمتى بكل سعاده

الفراغ يقول...

ابنتى العزيزه ..موناليزا
دمتى بكل سعاده
اشكرك على الزياره القصيره دى
واتمنى تواجدك الدائم
ودايما القلوب عند بعضها

فكرة من الزمن ده يقول...

عيني يا عيني يا عيني
عم يا عم يا عم
سيدي يا سيدي يا سيدي
ع الحب والحنية
ده احنا هانقر ونغير بقى
مين قدك ياعم شوية ارقام مجموعين في بعض
يعني هاني
ربنا يديم المحبة بينا ويارب دايما تطمنينا عليكي
وتنورينا بزيارتك
تحياتي لكي
وامنياتي بكل الصحة والسعادة في الدنيا والاخرة

همس الاحباب يقول...

ربنا يطمنا عليكى دايما
ويخليكى لينا اجمل واعظم ام
ومن غير بوستات ولا حاجة
الحب فى الله موجود فى قلوبنا ليكى
لانك اكيد تستاهلى اكتر من كده
تحياتى وتقديرى

mohamed ghalia يقول...

ماما
ربنا يكرمك ويحفظك دايما لينا