الأربعاء، ٣٠ سبتمبر ٢٠٠٩

ردا على التعــلــيـــــــــــــــــــــــــــــــقات

سلام عليكم ورحمة الله وبركاته


احب انوه هنا...انى هارد هنا على التعليقات
ودا لانى قبل كدا اتكلمت فى الوضوع ده ومحدش شجعنى على انى ماردش على التعليقات..لان الموضوع بيتعبنى وبياخد وقت..وبعدين ارجع تانى اكتب بوست جديد
وانا كدا بتعب قوى
ولانى عارفه انى حبايبى بيبقوا منتظرين الرد على تعليقاتهم..فانا فكرت فى حل وسط..وهو
انى ارد على التعليقات فى بوست جديد..وفى نفس الوقت اكتب ما اريد من خلال الرد بتاعى ...........هنبدأ بسم الله

ابنى الغالى ...احمد
اشكرك على كل ماتبذله لااخواتك وطبعا كل سنه وانتى طيبه يا ميمى ...بس انا قلتها قبل كدا

نوستور ازورو..
بصراحه انا بشكرك على تشريفى فى مدونتى وربنا يعينك على صيام الايام السته...وحاول وصمهم متفرقين بس اهم حاجه انك متنساش ولا تكسل
وليا سؤال بعد اذنك
انت مصرى ولا منين...ودا اسمك حقيقى ولا اسم مستعار
عموما انا بحب اعرف شويه عن اللى بيكلمونى ...ودا ياريت مايزعلكش
دا بس بيقرب الناس لبعضها



اختى الغاليه مونليزا
ربنا ينصرك على من ظلمك....وحسبك الله ونعم الوكيل
وادعى ربنا بقولك:
افوض امرى لله..ان الله بصير بالعباد
وبالنسبه لصيام الايام السته ...الحمد لله صمتهم...وادعوا الله ان يتقبلهم منى
والحمد لله صمتهم يوم ويوم...وربنا يقدر الجميع على صيامهم



يويو
والله بتضحكينى انتى واحمد على اللى بتعملوه مع بعض هنا...وضحكت على ابن لادن اللى مش هايسكت الا بكيلو حب العزيز
بجد مت من الضحك...وفعلا اعملى كل اللى انتى عيزاه يا يويو
وشكرا على انك قلتلينا ان عيد ميلاد احمد كان الشهر ده
ومن خلالك بقوله كل سنه وانت طيب يا احمد
ومارضتش ااقولهالك الا من خلال يويو ...لانك ماقلتش


اقصوصه
وانت كمان كل سنه وانت طيب
بس برضه هاقلك ..حاول تصوم الايام السته
وربنا يعينك ويتقبل منك



ذكرى رحيل قلم
اشكرك على زوقك
وان شاء الله نداوم على التواصل وونداوم على صيام ايام الله المباركه
وانت كدا فتحتلى طريق انى اتكلم عن صيام الاتنين والخميس....واللى بدعى ربنا واقول:: يارب يارب يقدرنى على صيامهم..لان الرسول صلى الله عليه وسلم قال فيهم ....هذه ايام تعرض اعمالنا على الله فيها ...واحب ان يعرض عملى وانا صائم....ودا كفايه اننا نتبع سنةالحبيب لمن يستطيع طبعا




ابنتى عابرة السبيل
ربنا يخليلك بقلظ...وعقبال مما تشوفيه صايم رمضان هو كمان ان شاء الله
وربنا يقدرك علىصيام الست ايام
وكمان برضه صيام ايام 13 و14 و15
ودى الايام القمريه
نفسى اصومهم من زمان
وبدعى ربنا يقدرنى واصومهم....وبجد ان سمعت من طبيب مسلم مؤمن باذن الله: ان الصيام بيجدد الخلايا فى الانسان وبالتالى بيجدد شباب الانسان وبالتالى هايحسن الصحه
واعتقد ان دا طلب اى انسان....وربنا يرزقنا الصحه جميعا



اخى همس الاحباب
وانت طيب ومنتظرينك انت وبقية الاخوه الاعزاء...
وعلى فكره انا كل يوم ببحث فى الريدر عنكم
ربنا يبارك فيكم



الرخمه والرخامه
انا فعلا زورتكم....واتمنى اننا ان شاء الله نستفيد من بعض
بس ياترى بتصوموا ولا لسه مابتدتوش؟؟؟؟؟؟؟؟؟؟؟؟؟


اختى الفقيره ام البنات
وحشتينى...واشكرك على دعائك


ابنى الغالى ثندر
اول واحد ااقوله :برافو .....ويارب يقدرك على اتباع هدى المصطفى صلى الله عليه وسلم
وبعدين كلنا عارفين الحكمه القائله ...:ان ما لايدرك كله..لايترك كله

وبعدين انا والله ماكنتش بصوم الا شهر رمضان...بس لما حسيت بان صيام الاتنين والخميس جميل جدا..وخصوصا واحنا لسه طالعين من رمضان وملحقناش ننسى الصيام...حبيت انى اشرك حبايبى فى الصيام معايا...رغم البعد عن بعضنا فى المكان ..بس ربنا يجمعنا فى الزمان والنيه الطيبه
قولوا امين


روفى
وانتى طيبه
وزمانك بتصومى ان شاء الله
ربنا يتقبل منك ومنا
ونقدر نكمل لغاية رمضان الجاى وربنا يوعدنا بدخول الجنه من باب الصائمين
ويروينا يوم العطش ولا نظمأ يومها ابدا
قولى يارب


فكره حبيبتى
انا مسمحاكى علطول...بس طمنينا بسلام عليكم حتى



نورهاتى
ربنا يتقبل منك....وانا كمان لسه مخلصاهم قريب
وبدات والحمد لله فى صيام الاتنين والخميس....وبدعى ربنا يقوينى ويبعد عنى الشيطان..لانه عمال يوسوسلى بانه كفايه كدا صيام...ودا اللى مخوفنى من نفسى ...خايفه اضعف ..خايفه قوى..مع انى مقتنعه بان الصيام كويس ليا جدا...لانه بيظبط ضغطى ووكمان السكر...بس اعمل ايه ..اهو بدعى ربنا يعنى ويقدرنى انا وابنائى واخواتى هنا كلهم........ اللهم امين



ابنى الغالى اكيد
والله يابنى كلامك بيسعدنى جدا...وياريت فعلا اكون قدرت اساعد اى حد هنا على طاعة ربنا والتقرب اليه
دانا يا اكيد بحاول اساعد نفسى...بس نفسى نكون كلنا فى حب الله عايشين وعلى طاعته ملتزمين
ربنا يبارك فيك ويتقبل منك صالح الاعمال



ابنى الغالى المعتصم ..والزميل التعليمى
طبعا انا مسمحاك ..دا اكيد بس بتوحشنى
وبالنسبه للصيام ..ربنا يوفقك ويتقبل منك....وطبعا ينفع صيامهم باى طريقه ممكنه وعلى حسب استعدادك وتحملك...
بس المهم مايكونش الصيام يوم الجمعه وبس
لازم مع الجمعه يوم قبله او يوم بعده ...وبقية الايام انت حر فيها...وربنا يقدرنا بقا على صيام الاتنين والخميس كل اسبوع
قول يارب



ابنتى :...بيطريه ومش بايدى
انا يشرفنى انك تكونى مع بناتى الغاليين هنا
واشكرك على ثنائك على المدونه...واحب ااقول هنا ليكى ولكل ابنائى الغاليين عليا جدا واخواتى واصدقائى
انا مدونتى مابقتش ليها قيمه الا بحبهم وتواصلهم معايا...لان لولاهم مكنتش لقيت حد يقرأولا يسمعنى...ولا كنت كتبت اساسا
اشكرك على كلامك الجميل ...وان شاء الله نكون سوى علطول



كلمات من نور
ربنا يعينا ويعينك على الصيام...وفعلا اهو المغرب بقى 6 الا ربع ولسه كمان كل مالشتاء يدخل.... يعنى لو فضلنا مواظبين على الصيام ان شاء الله هايدخل علينا الصيف واحنا مرتاحين خالص ...وهانبقى اسعد مخلوقات الله بالصيام ..وهاتبقى عاده عندنا اننا نتقرب الى الله بما يرضيه عننا
ودى طبعا امنيه بتمناها من ربنا يحققهالى ويحققها لكل اللى يتمناها


اختى الغاليه :الدكتوره العظيمه..مها
كلامك اثر فيا جامد...
وسعدت جدا بان هناك اخوه بيفكروا فيا بالطريقه دى
ورحم الله عمر ابن الخطاب ..رضى الله عنه الذى قال:...رحم الله عبد اهدانى عيوبى..
وانا متقبله كلامك بصدر رحب جدا ومش زعلانه خالص...لانى عارفه ان كلامك صح 100 فى 100
بس انا حبيت اعترف بضعفى الانسانى...لانى لو ماكنتش كتبت كدا كان زمان اى حد هايقرأ كلامى هايعتقدنى من الملائكه....وطبعا كلنا عارفين انه لايوجد ملائكه يمشون على الارض
فانا يا دكتوره مها:انسانه عاديه جدا ليا لحظات ضعف ولكنها ارجوا الا تغضب الله ....فموسيقى اغانى ام كلثوم تذكرنى بزوجى الله يرحمه
وتسعدنى ولو لدقائق ...وطبعا بستغفر الله العظيم قبل سماعها وبعد سماعها
بس اعمل ايه...ربنا يرحم ضعفى...
واشكرك على كل كلامك الجميل وارجوا ان لاتزعلى منى....


بنتى الغاليه ميمى
والله مش بنسى اى حد من اولادى الغاليين
ودا بيرد على سؤالك
لان انتوا غاليين عندى قوى قوى...واجمل شيء انى افتح المدونه الاقى حبايبى بيسئلوا عليا
ولما اكلمهم الاقيهم يردوا بكل حب وحنيه
واصبح وقتى مليان مابين العمل وقراءة القرءان والحديث اليكم ....وبتمنى انى انفعكم كأم طبعا واكون ليكم نور على الطريق
واكون مؤثره فى حياتكم بالحب والحنان والتوجيه دائما للافضل فى كل شيء

وادينا اهو بنتكلم اليومين دول عن الصيام وانى بتمنى اننا نفضل على طريق محبة الله بالصيام ايا كان وقته حتى رمضان المقيل باذن الله
ويارب نكمل مع بعض على قد مانقدر ويعيننا ربنا.... قولى امين




حياة بلا عنوان
معلش اتاخرت فى الرد ...بس معلش ياريت تعزرونى لانى كنت بس بخلص ختمة قرءان للاسف انى مالحقتش اختمها فى اخر رمضان
وكمان رجعنا للشغل وكنت باجى تعبانه لانى كنت بصوم من غير سحور
كسل بقا نعمل ايه
وربنا يتقبل منا ومنك صالح الاعمال




ايوش الجميله والحبيبه والغاليه...واللى متعرفش انا بحبها قد ايه وهى غاليه عليا قد ايه
وهى لو تعرف ماكنتش يجيها لا زهق ولا اكتئاب ولا نرفزه
يابنتى يا ايوش..... انا قرات اخر موضوعاتك ووجعتنى جدا... لدرجة مقدرتش ارد عليها لانى انفعلت جدا منها ومنك
ولانى حسيت ان ايمانك مازال فى بداية الطريق
وكنت هارد عليك رد قوى....بس خفت تزعلى منى وتبعدى عن مدونتى
وانتى متعرفيش انتى قد ايه غاليه عليا... لانك من اول البنات الجميله اللى كلمتها واللى عرفنى عليها ثندر ابنى البكرى
ومش هاقولك حاجه غير حاولى تقرأى سورة نوح
واعملى بما فيها....وان شاء الله ربنا يفرج همك ويرزقك بكل خير ...اللهم امين

وبعدين انا اول مره اعرف ان ليكى مدونه اخرى...فشكرا على التنويه



مستر حازم
اشكرك...مش عارفه قد ايه
بس الكلام ده كتير قوى قوى عليا
وكل اللى اتمناه انى اتقدم بما يرضى الله
فكل انسان على نفسه بصيره...والكلمه امانه
فارجوا الله ان اكون ممن يأدوا الامانه على خير...
ويسعدنى ان اكون من زوارك واشكرك جدا



جيجى وورلد
زورونا تجدوا مايسركم....هههههههههههههههه
دا اقل واجب انى اشكرك على زيارتك لى
وربنا يعينا على الصيام والتقرب الى الله بكل مايرضيه عنا




احمد((الهامى)))
لا ماينفعش الغياب ده طبعا....هههههههههههههه
بس بفرح بسؤالك عنى وبفرح بالقرب اللى بينا....وجميل قوى انك رديت عليا اول ماكتبت ليك تعليق عندك
بجد التواصل ده بيذدنى حبا لكم
بس سامحنى شويه يا احمد انا مش قدكم ...انتوا شباب ..ربنا يديكم الصحه
لكن انا على قد حالى ...وكمان يا احمد ومش هاخبى عليك ...ودا لانى بحبك قوى وبعزك جدا جدا
انا بوصى نفسى وبوصيك بان تصلى النوافل وتقرا من القرءان ماتستطيع كل يوم
صحيح انا بصلى وانا قاعده ..لكن دا بياخد وقت وجهد منى .. بعدها بلاقينى مش قادره اقعد على الجهاز علشان اكتب حاجه فمعلش اعذرنى يا احمد وسامحنى ...ووالله بحاول ماتاخرش عليكم
وعلشان كدا انا كتبت اول الموضوع.....وياريت ماحدش يزعل من طريقتى الجديده فى الرد على التعليقات



عاشقة الاحزان
منوره دايما وفى اى وقت يا ايناس



طالبة الفردوس
اشكرك جدا وربنا يتقبل منا ومنك صيام الايام السته والاتنين والخميس والايام القمريه كمان
وياريت تنورى عندى دائما باذن الله



لو عرفوه هايحبوه
يشرفنى ان اقرأ عن سيدى وحبيبى ورسولى واعظم من خلق الله صلى الله عليه وسلم
واشكرك لدعوتى لااجمل المدونات

والى لقاء وموضوع جديد ان شاء الله



هناك ٦٢ تعليقًا:

yoyo يقول...

التعليق الاول
لــــ
يويو
على بركة الله

yoyo يقول...

صباحك سكر يا ست الكل
وحشتبنى اوى اى وى
يارب تكونى بالف خير وصحة يارب

اسماء واحلام فى وجدانى يقول...

وربنا ده حرام

ده انا سهران عشان


اول تعليق

كده بردة يا يويو

اسماء واحلام فى وجدانى يقول...

التالت كمان

ده افترا

منك لابن لادن يا محتلة يا ازلية

yoyo يقول...

ايه الناس اللى نايمة على بابا المدونة دى

مرة من نفسى بقى يا احمد

اسماء واحلام فى وجدانى يقول...

كده انا متاكد ان عندى

قط جاسوس

مية فى المية

فى قط جاسوس

yoyo يقول...

انا محتلة ازلية
بقى كدا يا شريك
ماشى ماشى
انا عند ماما وهى سامحة ليا بقى

اسماء واحلام فى وجدانى يقول...

حقك يا يويو

اعملى اللى انتى عايزاه

بس البادى اجمل

ولامة نشوف اخرك فين

yoyo يقول...

طيب التعليق دا بقى
عشان خاطر حبايب ست الكل كلهم
ميمى
انوسة
ايوشة
ثندر
فكرة
وردة
ابو همس
وكل واحد باسمه ربنا يجيبهم بالسلامة

اسماء واحلام فى وجدانى يقول...

ماما تسمح بكل حاجة

الا الظلم

وانتى اخذتى تعليقى حبيبى

بس يلا اللى راح راح

بس اللى انسى يا يويو

yoyo يقول...

اممممم
دا تهدي يعنى ولا ايه
ماشى و الله انا لها و ادها
هو احنا شوية فى البلد ولاايه

اسماء واحلام فى وجدانى يقول...

كمان بتحجزى للناس

طيب ده بقى تعليق

زهرة المدونة اللى اختفت

بس هترجع باذن الله

وردة

اسماء واحلام فى وجدانى يقول...

طيب يا محتلة

مش اصول ندخل نشوف الموضوع

ولا هو احتلال وخلاص

على العموم انا بردة لها

yoyo يقول...

و الله انا مش ظلمتك ولا حاجة
وبعدين مش لازم نحجز لكل حبايبنا

انت هتقعد كدا مش تعمل اى واجب
يعنى شاى ولا حاجة ساقعة كدا
يالا بسرعة

yoyo يقول...

هاروح اشوف الموضوع وارجع لك
استعد
نلتقى بعد الفاصل

اسماء واحلام فى وجدانى يقول...

بعد اذنك يا امى

البوست ده هيشوف ضرب نار

وانا بعت فعلا لابن لادن عشان يقفشها

متلبسة اثناء الاحتلال

اسماء واحلام فى وجدانى يقول...

وعندك يا سباعى

واحد شاى يعدل دماغ يويو عن الاحتلال

عقبال ما ميمى تيجىء

ميمى استيطان

واروح انا كمان اشوف البوست

اسماء واحلام فى وجدانى يقول...

اولا انا مقدر كل ظروفك وحتى من غير ما تقولى عليها لان اللى بيحب حد مش بيبعد عنه ولو بعد عنه بيكون لسبب اكبر منه وظروف حضرتك مهما كانت انا حاسس بيها كلها وده لانى قريب اوى من ماما هنا يعنى قادر انى افهم طبيعة الحياة ماشية ازاى

اما بخصوص عيد ميلادى انا مش باحب اعمل فيه اى حاجة لانه يوم عادى جدا وسبب تسريب اليوم ده الفيس بوك الله يسامحه انا كتبت بياناتى هناك ومش كنت اعرف ان اللى بيدخلى بيعرفها انا قلت لناس هنا علمونى وعلمونى بس انا مش راضى افهم شىء ومع ذلك لامة احتفل به هنا معاكم اكيد هاحبه وهاستناه وطبعا ميمى اه من ميمى بس لامة اشوفها وكمان يويو كله بحسابه

ان شاء الله يا امى هاحاول اعمل اللى حضرتك قلتلى عليه وربنا يقدرنى يارب

ام بقى عن ابن لادن وحب العزيز هو حضرتك عايزة ايه يحصل لواحدة محتلة غير المطاردة دى لو حضرتك مشيت ورا الناس اللى تعرفهم يويو هتلاقيها عملة شغل جامد اوى والناس بتشد فى شعرها منها
مثلا لو تعرفى الازهرى اهو ده راجل شعره وقع خلاص ربنا يكون فى عونه

اما بالنسبة لايوشة
بجد انا باتمنالها كل خير وانها تكون عند حسن ظن نفسها بنفسها فى ناس كويسة يا امى مش بتعرف تشوف نفسها انها كويسة للاسف ايوشة تقريبا من الناس دى
ربنا يوفقها يا رب لانى باحترمها وباعزها وهى تستاهل كل خير

اسماء واحلام فى وجدانى يقول...

تقريبا المحتلة اختفت

طيب الحق بقى اقول الكلمتين اللى فى قلبى قبل ما يويو المحتلة توصل

اسماء واحلام فى وجدانى يقول...
أزال المؤلف هذا التعليق.
اسماء واحلام فى وجدانى يقول...

انا اتكلم شوية عن ميمى
بجد بما ان البوست مخصص ركن لكل واحد اسمحلى اخصص فى التعليقات لكل واحد بردة
عايز اقولك يا ميمى ان السنة دى انتى وقفتى جنبى كتير اوى وساعدتينى فى حاجات كتير اوى مش انتى بس ده كل الناس اللى عرفتهم كانوا بيساعدونى مش عارف ازاى ده حصل لكنك يا ميمى كنت اول وااقرب الناس دى حتى سوء التفاهم البسيط اللى حصل بينا كان عمره يادوب عشر دقايق اينعم العشر دقايق دول كانت هتحصل فيهم كوارث بس الحمد لله وانتى بردة اللى مديتى ايدك فى الاول بالخير

yoyo يقول...

احم احم احم
سامعة حد بيجى فى سيرتى
انا هنا يا احمد
هتروح منى فين بقى

yoyo يقول...

و الله يا ست الكل
يارب دايما مبسوطة و بتضحكى يارب
وبالنسبة لعيد ميلاد احمد احد جواسيسى الكرام هو اللى سرب ليا المعلومة الهامة والخطيرة دى
وادينى حاولت اقوم بالواجب بقى
وربنا يقدرنا بقى

اسماء واحلام فى وجدانى يقول...

طبعا يويو انا مش هاتكلم عليها خلاص
لانى تقريبا فى كل مكان الاقيه خيالها ورايا طيب اروح منها فين ده حتى التعليق الاول راح منى ليها
طيب مش مشكلة ما احنا هنا كلنا واحد
بجد من اجمل اوقاتى على النت لامة باصادف يويو فى دويتو من اللى بنعملهم مع بعض والله يا امى باكتب بارتجال غريب معاها وبسرعة اوى وكانى مترجم فورى احساسها فى كلامها جميل و دى من اجمل اوفاتى بجد
بس لو تتوب
يااااااااااااااااااااااااااارب

yoyo يقول...

بقى كدا يا احمد الناس بتشد شعرى منى طيب خاف على شعرك بقى انت كمان

انا عملت حاجة
ايه الظلم دا يرضيكى كدا ياماما

انا مش عملت حاجة عند الازهرى خالص
انا فى هدنة ومش باعمل احتلال زى ناس
انا بعمل ساحة مراجيح بس
هههههههههه تجى تدخل شريك

اسماء واحلام فى وجدانى يقول...

وردة
باحس فى كلامها بمدونتها بايمانها بربنا اوى وانها متمسكة بحاجات جميلة كان نفسى اتكلم عليها كتير لكن فى ناس الكلام ممكن يكون اقل من حقها كل اللى بتمناه ليها انها ترجع تنور مكانها تانى لان المدونة هنا محتاجة وردة عشان تديى المكان عبق تانى ربيعى ربنا يرجعك لينا يا وردة بكل خير وامان يارب

yoyo يقول...

الله بقى
انا بتكسف
الله
ههههههههههه

والله بجد يا احمد بعيدا القط والفار يعنى
انا بكون سعيدة جدا بالدويتوهات اللى بتحصل بينا لانها بتكون ارتجال زى ماقلت
قلب نابع من الكلام واكيد هيوصل القلب بكل صدق
وبصراحة انت كلامتك مش بيكون لها حل وادينى بحاول اتواصل معاك ودا شرف ليا والله

بالنسبة لموضوع التوبة عن الاحتلال و اللماضة وباقى الاشياء احب اقولك
مفيش فايدة
قالها عمك سعد وخلع
انسى ياعمرو

اسماء واحلام فى وجدانى يقول...

انا ممكن ادخل شريك بس بشرط لامة اتجوز الاول يعنى يرضيكى يا يويو اتجوز وانا اقرع العروسة تقول عليا ايه

وبعدين الشراكة دى بقسمة العدل انتى الربع وانا الباقى والمدونة دى ربنا يتولاها ايه رايك

yoyo يقول...

ماشى لامه تتجوز
لا مش يرضينى بقى
هى العروسة تقدر تتكلم اقولك كفاية عليها القطط
ههههههههههه

نعم نعم
هى دى قسمة العدل انا الربع
توء توء مش ينفع

اسماء واحلام فى وجدانى يقول...

والله هى لو بتحب القطط هيبقى فيه قطط ولو مش بتحب القطط يبقى نو قطط يعنى حسب رغبتها هى انا راجل ديمقراطى والحق حق ان يتبع

اما بخصوص الشعر فانا فعلا شعرى ابتدا يقع من عمايلك دى بس الحمد لله فى اختراع اسمه الباروكة صينى بردة يعنى مش غريبة علينا

اما بخصوص النسبة انتى الربع بس لانى اللى هاخده انا لسة واريا قطط وضغطى اللى بيعلى ويوطا منك ده غير اللذى منه وطبعا من الناحية الطبية ممكن تسالى الدكتور اللى عندكم ايه اللى بيحصل للواحد لامة يتعصب

اسماء واحلام فى وجدانى يقول...

تقريبا يا امى مش هاعرف اتكلم عن باقى الناس بس ربنا يقدرنى على البنى ادمية السكر دى والله لازم ادوبها واخليها تتوب عن اللى بتعمله ده

yoyo يقول...

الله على الديمقراطية
وحلوة حتة الحق حق ان يتبع دى
شوية شوية هتقولى لا داعى للهتاف و التصفيق
شششششششششششششش
دا صوت التصفيق
هههههههههههههههه

ياقلبى عليك يا صغنن باروكة من دلوقتى
هو انا عملت حاجة ايه الحجج دى بقى

مش ليا دعوة بقى
هو انا السبب فى كل حاجة كدا الشعر و بيقع بسببى و كمان الضغط بيعلى و يوطى كل دا منى

احم احم بما انى اخت الدوك يعنى
يبقى عليك بسماع الكلام يا بنى وتعرف ان يويو دى كما الماء والهوا
يعنى حاجة كدا لازم تتواجد امال يابنى هو احنا شوية
بس مش عاوزة اتكلم عن نفسى
ههههههههههههههه

yoyo يقول...

و الله يا ماما مش كنت ناوية اعمل احتلال كدا
بس اعمل ايه بقى احمد
مش ناوى يجبها لبر

الله بقى
هو انا باتعاكس
كمان سكر الله بقى قولنا بتكسف
هههههههه

بالنسبة لموضوع التوبة
نو واى

اسماء واحلام فى وجدانى يقول...

الماء والهواء

انا اعترف انك زى الماء والهواء
زى الدول المفترية اللى فى كل بلد لازم تلاقيها هنا قاعدة وهنا جواسيس وهنا ايه وهنا ايه ما بردة دى حاجات ضرورية زى الماء والهواء اومال تبقى مفترية ازاى يعنى ماهى الدول دى محتلة بردة زيك كده بس دول على توسع مش زى حضرتك لسة نونو

وبعدين ايه يا قلبى يا صغنن دى
انتى بتكلمى توتو ولا ايه
على العموم انا لاميت من طنطا لوازم صاحبنا عشان يجينى وهو مسلم امره لكل كلمة اقولها وانتى عارفة انا باتكلم عن مين

اسماء واحلام فى وجدانى يقول...

انا مش باعكسك يا بنتى انا باشبهك بحتة السكر الرقيقة اللى هتقع فى ايدى
وتدوب بسرعة ونخلص المدونات من الاحتلال اللى انتشر فى الاونة الاخيرة

yoyo يقول...

امممممم
يويو دولة مستقلة بذاتها بجواسيسها بمصاصتها و بشيكولاتها
وكمان سندويتات الحلاوة ام فستق الله يصبحك بالخير ياسباعى
ربنا يفك سجنك يا خويا
هههههههههههههههه

انا لسه نونو
مش هارد عليك نحن افعال لا اقوال
وشغلنا يشهد لنا بقى مش اى كلام والسلام

ههههههههه الا توتو دا بقى
لا مش بكلم توتو بكلم احمد القاطن فى الاسكندرية
كدا استعد لغزو طنطاوى للاسكندرية وربنا يستر عليكم بقى
ماش ماشى انا عارفة
والعارف لا يعرف

yoyo يقول...

بنتك
ماشى يا بابا
تو ء توء
ينفع نعيش من غير حتة السكر
الحياة مش يبقى لها طعم
مش ينفع القضاء على الاحتلال المنتشر
دا الموضوع كبير كبير يعنى

اسماء واحلام فى وجدانى يقول...

طيب باذن الله هتلاقوا جيش من عندى مش واقف فى اسكندرية لاء هتلاقوه فى دمنهور اه ما احنا لازم نأمن اسكندرية من جوة ومن برة
ودولة يويو دى هتبقى مستعمرة يويو لحب العزيز والعارف لازم يتعرف
اما بخصوص المصاصة والشيكولاتة انا مش باحبهم لو فى ايس كريم انا باموت فيه وياسلام لو واحد شاى معلقة سكر واحدة

وهيكون شعارنا فى الحرب دى

تسقط دولة يويو
تسقط دولة يويو

والسلام عليكم ورحمة الله وبركاته

اسماء واحلام فى وجدانى يقول...
أزال المؤلف هذا التعليق.
اسماء واحلام فى وجدانى يقول...

ولامة انتى عارفة انك بنتى مش لازم تسمعى كلام بابا انتى عايزانى احرمك من المصاصة والشيكولاتة والمصروف كمان بس مش تخافى المدرسة هتروحيها هتروحيها انفلونزا جنازير مش جنازير هتروحى يعنى هتروحى

yoyo يقول...

فداء للوطن
فداء للوطن
فرمان من كبير الدولة يطول عمره و يزهز عصره وينصره على من يعاديه :
((لابد من مقاومة كل من تسول له نفسه فى ان يفكر فى المساس بكيان الدولة اليويوية بكل بقوة ))
وانا من موقعى هذا بقى بقولك انا لها وادها
سلم نفسك ياسعيد يا مهران المكان كله محاصر

لا انا بحبهم وكمان بموووووووووووووووت فى الايس كريم
ماشى يبقى معاك احلى اتنين شاى معلقة واحدة سكر

شعار الدولة

تحيا دولة يويو
و الهلاك لعدو
تحيا تحيا

yoyo يقول...

اهىء اهىء اهىء
خلاص يا بابا هاسمع الكلام
مش هاعمل كدا تانى
خلاص بقى سماح

اسماء واحلام فى وجدانى يقول...

طويل العمر و يزهز عصره وينصره على من يعاديه ......... اكمل مكان النقط

انتى مش مذاكرة ولا ايه يا مس فين ايامك يا طهطاوى تعالى شوف المس مش مذاكرة
وبعدين انا نفسى مش بتسول ولا حاجة انا فعلا ناوى احتل سيتك بكل ما تملكى من كلمات واسلحة فتاكة تلك التى تنشريها فى مدونتك وبلدك اليويوية

وبعدين سعيد مهران ده حبيبى ومش هيسلم نفسه لان جاهين له جمايل عليه طبعا شكلك مش عارفة جاهين مين مش مشكلة

وكمان لازم تختارى اما الايس كريم او الشاى وبعدين موضع معلقة سكر واحدة دى خاصة باتين بس انا وحد تانى
وكمان لانى خايف على سنانك اللى زى ولا بلاش لتقولى انى باعكسك الواحد مش ناقص كلام

اسماء واحلام فى وجدانى يقول...

بابا عليه عفريت لامة يشوف حد من ولاده بيعيط هتبطلى ولا اجبلك الفلكة

yoyo يقول...

اها اها
طيب استر عليا يستر عليك ربنا
اهىء اهىء اهىء
ههههههههههههه
انا مش مذاكرة
دا كلام برده
ربنا امر بالستر بقى

ناوى والنية خير يعنى
ماشى وانا عندى النية فى الدفاع بكل بقوة

هو انت تعرف سعيد و كمان عمو جاهين دول حبايبى مووووووووت

توء توء
ملعقة واحدة دى بتاعتى انا
وكمان خايفة لى سنانى ايه الطيبة دى كلها

************************

كمان فلكة وضرب
ياماما
اهىء اهىء اهىء
مش هاعمل كدا تانى

اسماء واحلام فى وجدانى يقول...
أزال المؤلف هذا التعليق.
اسماء واحلام فى وجدانى يقول...

ربنا يستر علينا كلنا
انتى اللى عملتى كده فى نفسك يعنى كان هيجرا ايه لو كنتى ذاكرتى بدل ما تلعبى فى مدونات الناس كده استفيدى بوقتك لحد امتى هنقول الكلام ده
دفاع ايه اللى بتتكلمى عليه ده انا خلاص قربت من طنطا اهو انتى مش واخدة بالك ولا ايه كلها ثوانى وهتلاقينى فى عقر دارك يا يويو كمان ثوانى سابقا


سعيد مهران ده اكيد اللى عملك خطة الهجوم عشان كده فشلت حد يعتمد على مجرم زى ده فى حرب زى ده ماكنش العشم طب اعملى زى الاهلى واشترى خبير من برة ادى اخرت السلع المحلية دولتك راحت فشوش

اما عن الفلكة لامة انتى بتخافى ليه تعملى كده مخصوم منك المصروف الترم الاول كله
وابقى سلملى على وزراة المالية

اسماء واحلام فى وجدانى يقول...

ونكتفى بهذا القدر

لان يويو بـــــــــــــح

انا احتلتها خلاص


تصحبوا على خير

كان معكم من ارض المعركة

احمد

المعتصم يقول...

السلام عليكم ورحمة الله وبركاته
ست الكل
تحياتى
الحمد لله انك مسمحانى
كده انا اطمنت
وبالنسبه لصيام يوم الجمعه ماتقلقيش حضرتك
انا عارف ده
ربنا يكرمك ويقدرك ويديكى الصحه يارب
..........
بس ابقى خلى العيال دول يلعبوا بعيد شويه مش كده
مش كل ماادخل مااعرفش امشى فى المدونة من كركبتهم دى
وقاعدين كده ياكلو حب العزيز ويرمو فى الارض
وشويه شويه هلاقى لب وحمص وسودانى
ماانا عارفهم
هههههههههههههههههه
تقبلى مرورى وتحياتى
ودمتِ بكل خير وود
والسلام عليكم ورحمة الله وبركاته

♥نبع الغرام♥♪≈ يقول...

ميرسى ليكى اجمل يويو

على حجزك مكان ليا هنا عند الغاليه

♥نبع الغرام♥♪≈ يقول...

ربنا يزيد ويبارك ويكتر من الاحبه والاحتلالات
متجمعين دايمآ هنا فى الخير والحب

♥نبع الغرام♥♪≈ يقول...

امى الحبيبه

ربنا ما يحرمنيش منك يارب ولا من رقة قلبك
ودا مش جديد عليكى يا ماما وفائك للناس دى كلها
ولو انتى بتحبينا مرات احنا بنحبك الاف المرات يا غاليه

♥نبع الغرام♥♪≈ يقول...

ربنا يشفيكى ويعطيكى الصحة والعافيه ويكرمك خير يا ست الكل
ويجعلك منورة معانا هنا على طول فى كل وقت وحين

ومتنسنيش من داعواتك الجميله يا غاليه
ربنا يسعدك يارب

رحلتنا في الحياة يقول...

ايه ده بقى هو انا كل ماااجى الاقى يويو واحمد محتلين المدونة بالشكل ده لالا كده مينفعش احنا لازم نقسمها مين يااخد التعليق الاول كل مرة :(

ماما انا سعيدة جدا بكلام حضرتك وعمرى ما ازعل من حضرتك طبعا وربنا يعلم انا بعز حضرتك وبقدرك اد ايه وان شاء الله كلام حضرتك على راسى طبعا وهحاول انفذه باذن الله والمدونة التانية دى جديدة بحاول انى اتغير فيها للاحسن :)
انا ليا طلب اقفلى التعليقات فى وش يويو واحمد اللى عاملين احتلال دول

yoyo يقول...

* أحـــــمد
عشان بنادى من بعيد بس
هههههههههههههه
ماشى يا بابا خلاص مش هالعب تانى
بس العب فين يعنى
مش انت قلت ليا العبى براحتك

طنطا هتنور بيك والله
احمد عندنا يا مرحبا يا مرحبا

لا سعيد مهران دا معرفة قديمة وبعدين الراجل اتظلم
مش كان مجرم من الاول هم اللى جعلوه مجرما زى ماناس كدا شكلها هتبقى زيه ماعلينا دلوقتى

ام بالنسبة للاهلى بماانى كبيرة مشجعى الاهلى والكورة دى بتجرى فى دمى يابنى هما يقدروا يعملوا حاجة من غير راى
حتى اسال الحاج حسن شحاته الخطط انا اللى بحطها و التدريبات وكله على يدى

ايه الظلم دا الترم كله
انا هاعمل وقفة احتجاجية و مظاهرة شعبية

yoyo يقول...

توء توء
مش احتلت ولا حاجة ومازالت المعركة مستمرة
بس نعمل ايه فى النت بقى
هاعتبرها هدنة

yoyo يقول...

* المعتصم
صباحك سكر
امممممم
انت بتهدى النفوس يا مستر دا احنا ولاد مهنة واحد يعنى
توء توء مش كان العشم
ههههههههههه
عامة انا قلت لك العزومة شيكولاتة وايس كريم
يالا ياعم

*********************

* ايوشة
ماما دايما بيتها مفتوح للكل
صحيح احنا بهدلنا الدنيا شوية
بس ست الكل هتسامحنا
ومش هتزعل مننا
ربنا يجمعنا هنا دايما على كل حب و خير يارب

mimi يقول...

يعني بعد 57 تعليق

ممكن أقول إني التعليق الرابع بكل فخر

يويو

احمد

المعتصم

ايناس

طيب أبقي صح!!!

mimi يقول...

البوست ده رجعني شهوررر لورا

لما أحمد عرفني عليكي ... وشكرته

النهارده بشكره تاني

وتالت ورابع

من قلبي علشان عرفني طريق المدونة دي اللي هيا فيها رابط لقلوبن كل اللي بيحبوكي

ربنا يديم عليكي الصحة وكل النعم يارب

أحبك في الله يا ست الكل يا طيبة

اسماء واحلام فى وجدانى يقول...

ايوشة

طبعا اللى فى دماغك ده عمره ما هيحصل
واى كلمة زيادة هادعيلك دعوة حلوة

اللهى وانت جاهى يرزقك فى كل خطوة بــــــــ قطة تكون كده طيبة زيك


يويو

على فكرة انتى لو همستى بس انا هاسمعك ليه عاملة دوشة كده وبعدين انا مش
هــــــ ارد عليكى دلوقتى لانك فى موقف ضعف بلدك يا عينى محتلة وانا مش باحب الافترا ممكن اى كلمة اقولها تمسكيها عليا ونروح مجلس الامن سوا



ميمى

زى ما انتى بتشكرينى انى كنت سبب فى وجودك هنا انا كمان باشكر ايوشة لانها سبب وجودى فى المكان الجميل ده اجمل حاجة فينا يا ميمى اننا كلنا مربوطين ومرتطبتين ببعض وكل سنة وانتى طيبة يا ميمى






المعتصم

لا تعليق

نهر الحب يقول...

السلام عليكم ورحمة الله وبركاته
ازيك ياماما عاملة ايه؟
كل سنة وحضرتك طيبة,وأعانك الله دائما على حسن العبادة والطاعة,وتقبل منك صالح الأعمال.
غصب عنى انى مقصرة فى السؤال عنك,أتمنى ما تكونيش زعلانة منى.

ابنتك
نهر الحب

♥نبع الغرام♥♪≈ يقول...

السلام عليكم

ايه يا ماما اخبارك ايه يا رب تكونى بخير
فينك كده قلقتينى عليكى
ربنا يطمنى عليكى يا غاليه قادر ياكريم

يا ريت بجد
طمنينى عليكى
بحبك قووووووووووووووووووووووى