الأربعاء، ٢٨ أكتوبر ٢٠٠٩

زمــــــــــــــن الفــــــــــــــتن


اتى ابو اميه الشعبانى ابا ثعلبه الخشنى فقال له كيف تصنع فى قول الله تعالى :

(( يا ايها الذين آمنوا عليكم انفسكم لا يضركم من ضل اذا اهتديتم الى الله مرجعكم جميعا فينبئكم بما كنتم تعملون )) المائده 105

فقال ابو ثعلبه : لقد علمت ان رسول الله قال ::

ائتمروا بالمعروف وتناهوا عن المنكر... حتى اذا رايت شحاً مطاعاً .... وهوى متبعاً ....ودنيا مؤثَره...واعجاب كل ذى رأى برأيه،
فعليك بنفسك ودع عنك العوام....
فإن من ورائكم اياماً ((الصابر فيهن)) مثل القابض على الجمر ..للعامل فيهن اجر خمسين رجلا يعملون كعملكم

قيل يا رسول الله اجر خمسين منا او منهم
قال بل اجر خمسين منكم

ونجد هنا اننا يمكن ان ناخذ من هذا الامر مواعظ وعبر مثل::

ان فى هذا اسوة لنا ان تكون عقولنا مشغوله بالقرآن.... وفى هذا صلاح لاحوالنا ومرضاة لربنا

وايضا ان المؤمن لا يترك نفسه لتيار المعاصى فى زمن الفتن...
وهذه حقيقه يؤكدها هدى رسول الله صلى الله عليه وسلم كما قال::
لا يكن احدكم إمعه ، يقول : ان احسن الناس احسنت ، وان اساء الناس اسأت ، ولكن وطنوا انفسكم على تقوى الله وطاعته

وايضا...ان ثواب العمل الصالح يضاعف فى زمن الفتن
وفى ذلك اشاره الى المشقه التى تصادف الصالحين والشرفاء والامناء فى هذا الزمن
وان السبيل للتغلب على هذه المشقه لا يكون الا بالصبر والاستعانه بالله

فالثواب على قدر العمل
واذا طاب الغرس طاب الثمر

ملحوظه
يمكن يكون هناك عبر وحكمه اكتر من كدا
فمن يستطيع ان يدلنا عليها فنحن مستمعون


هناك ٣٦ تعليقًا:

اسماء واحلام فى وجدانى يقول...

التعليق ده فاضى ليه

عايز اعرف

ادينى نورته اهو بطبعا بوجودك يا امى

اسماء واحلام فى وجدانى يقول...

ان احسن الناس احسنت
وان اساء الناس اسأت

وده الغالب فى حياتنا دلوقتى او ممكن يكون هو الكل فى الكل يعنى مفيش حد بيسامح او بيرد الاساءة بالاحسان الا قليل هو طبعا فى ناس كويسة مش للاسف مش باينة وسط الزحمة اللى موجودة

قال صلى الله عليه وسلم
انما بعثت لاتمم مكارم الاخلاق
والمقصود هنا ان ترد الاساءة بعكسها

موناليزا يقول...

"بدأ الاسلام غريبا وسيعود غريبا فطوبى للغرباء"

الفراغ يقول...

سلام عليكم
جعلتنى ابتسم ابتسامة الصباح يا احمد
ماهو لازم الحبايب هما اللى يملوا التعليق بوجودهم

منور دايما
وانت مثال للتسامح ان شاء الله

الفراغ يقول...

اختى الغاليه مونليزا

والله عندك حق
بس بقول خلينا متفائلين
ونقول :الخير فى وفى امتى الى يوم الدين

وصلى الله وسلم على حبيبنا ونبينا سيد المرسلين وخاتم الانبياء اجمعين

همس الاحباب يقول...

اولا حمدلله على سلامتك
ويارب تكونى بصحة جيدة حضرتك وبناتك
الموضوع جميل جدا والعظة والعبرة منه كبيرة جدا وتعطينا الامل باذن الله
وباذن الله النصر لدين الله
تحياتى

همس الاحباب يقول...

غريبة اول مرة ادخل المدونة مش شايف اى نوع من الاحتلال من جانب الاخوة والاخوات
اللهم اجعله خير
بس احسن كده
الواحد يلحق يعلق مرة من نفسه بدرى
هههههههه

اسماء واحلام فى وجدانى يقول...

يعنى بكده حضرتك كنتى سبب فى حسنة ليا
والحسنة بعشر امثالها
طيب ممكن ابتسامة كمان
الطمع فى الخير مش حرام

فكرة من الزمن ده يقول...
أزال المؤلف هذا التعليق.
فكرة من الزمن ده يقول...

ازيك يا جمل حاجة هنا
وحشتيني بجد

وحقيقي كل ما اكون مخنوقة واجي هنا

واقرا حتى البوستات القديمة بتاعتك باقتكر اول كلمة كتبتهالك
يمكن حضرتك نسيتيها
اني اول ماقريت العنوان (نعمتان مغبون فيهما كثير من الناس السحة والفراغ )عرفت ان في هنا حاجة تستحق اننا نقراها

فعلا
بارتاح نفسيا لما بادخل هنا
بحس باحساس غريب
نفس الراحة اللي اول مكنت بادخل بيت جدتي واحس ان اي خطر ولا هم ولا اي حاجة مش ممكن تدخل من باب البيت ده وتدايق اي ششخص موجود هنا


فعلا احنا في عصر الفتن

يعني القابض على دينه زي القابض على الجمر


وكترت اوي ان يكون البيت خير ونضيف وتلاقي فروعه طالعة معوجة وطالحة
برغم حسن التربية والسيرة العطرة للاهل

وكتر اوي ااننا اللي نحسبه موسى بيطلع فرعون


وان اللي ماشي صح لازم بيمشي يخبط في اللي حواليه ومحدش بيرتاح معاه الا قليل

بحس ان اليوم اللي مش باقول فيه الاذكار قبل النوم ان اليوم اللي بعده بيبقى وحش اوي
نصيحة لاي حد يجبر نفسه على الحكاية دي
هايلاقي الفرق بجد


سورة الكهف يوم الجمعة بتفرق اوي
والصفحة الاخيرة فيها ممتعة بجد
واول عشر ايات سمعت حديث بيبقول انهم عصمة من الدجال
فاعتقد انهم ممكن يكونوا عصمة لينا من فتن تانية في الزمن ال...........


اشكرك ووحشتيني
تحياتي

المجاهد الصغير يقول...

السلام عليكم

جزاكم الله خيرا
جعله الله فى ميزان حسناتكم

نبدء بانفسنا لندعو غيرنا

قال الله تعالى" هَاأَنْتُمْ هَؤُلاءِ تُدْعَوْنَ لِتُنفِقُوا فِي سَبِيلِ اللَّهِ فَمِنْكُمْ مَنْ يَبْخَلُ وَمَنْ يَبْخَلْ فَإِنَّمَا يَبْخَلُ عَنْ نَفْسِهِ وَاللَّهُ الْغَنِيُّ وَأَنْتُمُ الْفُقَرَاءُ وَإِنْ تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لا يَكُونُوا أَمْثَالَكُمْ"


(اقيموا دوله الاسلام فى قلوبكم تقم دوله الاسلام على ارضكم)

وقال الله تعالى "وَمَنْ أَحْسَنُ قَوْلًا مِمَّنْ دَعَا إِلَى اللَّهِ وَعَمِلَ صَالِحًاوقال اننى من المسلمين "

وعلينا ان نعلم ان الاصلاح المرجو لا يحدث فى يسر ولكن نتيجه صراع شديدبين الحق والباطل

قال الله تعالى " كذلك يضرب الله الحق والباطل فأما الزبد فيذهب جفاء وأما ما ينفع الناس فيمكث فى الارض كذلك يضرب الله الامثال"

فلنثق فى الله وتأيده ولنثق فى ديننا وأنه الدين الحق ولنثق فى طريق الدعوه وانه طريق رسول الله ولنثق فى المستقبل ولنثق فى انفسنا ولنعمل حتى يتحقق وعد الله " وكان حقا علينا نصره المؤمنين"

وفقك الله لما يحبه ويرضاه
ويبقى التواصل
ام انس

mimi يقول...

مبررررروك النيولوك الجديد للمدونة

والله جميل جدااااااااا

mimi يقول...

ربنا يكفينا شر الفتن

ويارب يجعل كل كلمة في البوست في ميزان حسناتك

ياااارب

♥نبع الغرام♥♪≈ يقول...

السلام عليكم

وحشتينى قوووووووووووووووووووى
ازيك واخبار صحتك ايةةةةةةةةةة

يارب تكونى بالف خير ربنا يطمنا عليكى يارب

♥نبع الغرام♥♪≈ يقول...

ربنا يكرمك خير يارب ويبارك فيكى
وجزاك الله عنا كل الخير
وربنا يكفينا شر الفتن
اللهم امين يارب العالمين

الشجرة الأم يقول...

نعم الثواب على قدر العمل .. جزاك الله خير الجزاء على العظة وجعلها في ميزان حسناتك ونفع بك الأمة الإسلامية العربية.

thunder يقول...

انا جيتتتتتتتتتتتتتتتتتتتت

thunder يقول...

على الصبح يااحمد كدا بركاتك ياسيدى
ال نورته ال الحقيقة ياض المدونة ضلمت لولا كلمات ماما مكونتش شوفت التعليقات منين نياهاااااااااااااا
ال نورت ال طيب اختفى بقى ياازكندرانى
مش معاك فى رائيك لانى انا مش من الناس دى ليا موقف فى حياتى وثابت عليه ولله الحمد واتمنى افضل ثابت عليه يحرررررقك ياض شغلتينى اقول لامى السلام عليكم ازى حضريتك يارب تكونى بخير وعلى فكرة انا مقموووووص اوووووووووووووى
اوووووووووووووووى
يعنى وبجد البوست دا عاجبنى اوى لانه كان موضوع بتكلم فيها اوان حد معين على حال مصر واللى احنا بنعيشة فيها دلوقتى وفرض شخصيات بعينها علينا رغم انان مش بنكرها الا انك متفرض علينا حد بيعنة وكانه مافيش غيره والكلام دخل فى نقطة الدين وخاصة البوست دا
امى العزيزة دمتِ يارب بكل حب و ود وفى رعاية وحفظ الله دائما ياااااااارب

المعتصم يقول...

السلام عليكم ورحمة الله وبركاته
ازيك ياست الكل
حمدالله على سلامتك
ويارب تكونى فى احسن صحه واحسن حال دايما يارب
وكأن الحديث الشريف يصف حالنا وماوصلنا اليه اليوم
وماصار عليه الناس
وندعو الله عز وجل ان يقينا شر الفتن وشر انفسنا
وان يحسن خاتمتنا
اللهم امين
تقبلى مرورى وتحياتى
ودمتِ بكل خير وود
والسلام عليكم ورحمة الله وبركاته

غير معرف يقول...

الاخت الحبيبة
اول دخول لمدونتك وسعدت بها جدا
واشكر لكى مرورك عندى ودعواتك لى
ربنا يحفظك من كل سوء
ويبقى التواصل بيننا باذن الله
تحياتى

mohamed ghalia يقول...

اللهم نجنا من الفتن ما ظهر منها وما بطن

الفراغ يقول...

همس الاحباب
منور
من زمان مازرتنيش
وخلاص ماعدش فى احتلال
نور براحتك واكتب وقت ماتيجى علطول

الفراغ يقول...

اهلا يا احمد
طبعا ممكن ابتسامتين مش ابتسامه واحده
دا كفايه انك منورنى من غير احتلال
وكفايه كمان التواصل اليومى

الفراغ يقول...

فكره

بجد انتى اللى وحشانى قوى قوى
وبقالك كتير ماكتبتيش جديد
بس زى مانتى قلتى اعزورونى لانى مش فاضيه

وفعلا الاذكار مهمه جدا جدا
وبتمنع عن الانسان ابتلاءات كتيره
ودائما الايمان بالله والقرب منه بيهدى الانسان للافضل والاحسن لحياته
بارك الله فيكى
واشكرك على الراحه اللى بتحسيها عندى
دى حاجه فرحتنى قوى
ويارب اقدر دايما اخليهامريحه للنفس والعين

وماتتاخريش فى الزياره يا فكره

الفراغ يقول...

المجاهد الصغير
ام انس
منوره اختى العزيزه
وكلامك فعلا هو نفس كلامى بل انه اثرى الموضوع جدا
واسمحيلى ان انقله على مدونتى كتحديث جديد باسمك
لانه كلام له كل التقدير
واشكرك تانى على الزياره

الفراغ يقول...

ميمى
منوره
ويظهر اختك يويو زعلانه من ساعة ماقلت بلاش احتلال
بالله عليكى تزوريها وتقوليلها ماينفعش كدا
انا ماستغناش عنها
واشكرك على التهنئه بالنيولوك الجديد
وعقبال عندكم

الفراغ يقول...

ايناس

دا انتى اكتر بنت عندى معايا علطول
ربنا يخليكى ليا
ومتقلقيش عليا
عمر الشقى بقى

الفراغ يقول...

الشجره الام
اشكرك جدا
بس مش شايفه ان الامه الاسلاميه تنتفع بيا
دا كتير قوى

بس برضه اتمنى ان تصحو الامه الاسلاميه وتجد من يقودها للايمان والقوه والعزة والنصر
قول امين

الفراغ يقول...

ثندر
اولا نورت والله
وخصوصا ان جيت المره دى بسرعه
ثانيا ومن غير زعل
انا بصراحه معرفتش افهم انت بتقول ايه
الكلام مقطع وناقص حروف
ارجوك اكتب تانى بوضوح ماكتبت
علشان اقدر افهمك
ودمت بكل رعاية الله

الفراغ يقول...

اخى المعتصم
اشكرك على السؤال عليا
وتقبل الله منك الدعاء

الفراغ يقول...

ام مالك
حمدا لله على سلامتك
واشكرك على التواصل
واتمنى ان يدوم بيننا كل الود

الفراغ يقول...

محمد غاليه
منور

جارة القمر يقول...

انت مين بقى؟
أنا علياء فتاة فلسطينية أعيش بغزة
/
/
عندك كام سنه؟
عندي 25 سنة
/
/

هل انت متزوج ؟ وهل عندك اولاد؟
لا انا لسة لا خطبت ولا تجوزت :)
/
/


دراستك ايه؟
درست شريعة وقانون جامعة الأزهي بمصر وحاليا أنا محامية ببلدي
/
/


كم طولك...وما لونك...
طولي 175 سم أنا طويلة ولوني حنطي
/
/

هل تمارس عملا بشهادتك ام عمل حر وماهو

ماهى مدة عملك اليوميه
انا بشتغل محامية بمركز حقوق الانسان يعني بنتبنى قضايا انسانية زي انتهاكات الاسرائيليين وحاجات زي كدة بشتغل من 8 الصبح لغاية 3 العصر وبروح تعبانة أوي
/
/

ماذا تفعل بوقت فراغك
أنا بحب القراءة جدا ودي هوايتيبقرأ بوقت الفراغ أو بخرج مع صحباتي
/
/

هل لديك هوايات....وهل تمارسها
نعم هوايتي القراءة
/
/

هل تشعر برضا ربنا عنك ؟
الحمدلله بحاول على اد ما أقدر ان ربنا يرضى عني وأشعر برضصاءه متوفقة بشغلى وببيتي الحمدلله فضله عليا كبير جدا
/
/

هل تحب؟...ومن بقلبك الان؟
لاااااااااا :(
/
/
لو لم تجد من تحب ....فماذا ستفعل؟

ححط ايدي على خدي وأستنى :)
/
/
عندما تكون فى موقف اتخاذ القرار..تخالف الجماعه.. ام تشرك معك الاخرين ؟
بحاول افهم وجهة نظرهم وأفهمهم وجهة نظري المهم مانتصدمش واعرف مين اللى وجهة نظره تستحق التطبيق
/
/


هل تتعامل بواقعيه؟

مش دايما
/
/

ماهو الشيء الذى فعلته وندمت عليه طول عمرك ؟
مكاتعودتش أعمل حاجة واندم عليها الحمدلله بس بصراحة انا تسرعت باني سيبت صاحبتي طلعت بعبرة من الزمن اني اجمد اي علاقة وماأقطعهاش مين عارف بكرة
/
/

جارة القمر يقول...

هل تصارح غيرك بالحقيقه ؟ ام ام تقول له مايريد سماعه؟
لا انا صريحة
/
/
صف انسان يمكن ان تحبه عمرك كله

متى يقسوقلبك ؟
ومتى يقسو لسانك؟

انا مش مهم عندي الشكل المهم عندي ان يكون جنون ويفهمني واذا فهمني مش حتكون بينا خلافات انشاءالله ..
يقسو قلبي عندما يجرحني اي شخص
يقسو لساني عندما يستفزني من اخاطبه بلغة الاحترام
/
/

من هو اول من قلت له احبك؟
شخص لا يستحق
/
/

هل يمكن ان تحب احد من المدونين؟
وهل يمكن ان يكون شريك حياتك؟
تصدقي ياماما انا سرحت بكلامك ومش عارفة اقولك ايه بس ممكن ليه لا
/
/

ماذا تعنى لك المرأة او الرجل؟
المراة هي النصف الحلو من الرجل
/
/

فى زمن البحث عن الماده ..عن ماذا تبحث انت ؟
أبحث عن الدفئ والحنان أبحث عن نفسي
/
/

متى تعرف انك تحب ؟
حينما تعلو دقات قلبي وأتفتت عندما ينطق غيري حروف اسمه ولكني لم امر بعد بتلك الحالة
/
/

ماهى الشخصيه التى اثرت بحياتك ؟
بعد رسول الله صلى الله عليه وسلم جدتي الله يرحمها
/
/


هل يوجد من تراه سعيدا فى الدنيا ولماذا ؟
مش عارفة مش حاسة حد سعيد كله بيشكي وهموم الدنيا فوق دماغه ماحدش مرتاح
/
/

سياره وسائق ووقت متاح ....تذهب الى اين ؟ ولمن ؟ بالترتيب
ام تفضل ان تكون وحيدا
لا انا عايزة اروح لصحابي بمصر والسكن وحشوني اوي بهد كدة حروح اشوف خواتي بالاردن وبعدها اخلي السواق يرجعني تاني
/
/

جارة القمر يقول...

ماهى درجة صراحتك ؟
70%
/
/

وماهى المواقف التى يمكن ان تكذب فيها ؟
حينما اشعر ان كذبي سينجي غيري ولكن بشرط الا يضر به او لا يساعده في الخطأ
/
/

هل يتغير الحب بعد الزواج؟
احياناً كثيرا نعم
/
/

فيما تفكر الان ؟
بصديقاتي في مصر
/
/


لو لم تعيش بمدينتك؟؟؟فاى مدينه اخرى تفضلها
مصر
/
/

من اول من ياتى ببالك لتحكى له اسرارك؟
لا احد احب ان احتفظ بأسراري لنفسي
تعلمت ان يظل شئ لي احتفظ به
/
/


من تريد ان يكون دائما بجوارك ؟
أمي
/
/

من هو الد اعدائك؟
لا يوجد لي اعداء الحمدلله
ولكني اكره المتملقين والذين يسعون الينا بهدف المصلحة
/
/
ومن هو صديقك
قلمي
/
/

ماهى صفات شريك العمر؟
الحنان والتفهم
/
/


لو الدنيا كلها زيك....لمن تقول هذه العباره ؟
لأمي
/
/

ماذا تكره فى الدنيا ؟
الخداع والنفاق والخيانة
/
/
وماذا تحب
احب الهدووووووووء
/
/

كيف تواجه مايضايقك
وماذا تفعل عند المفاجآت
أواجه مايضايقني بالصمت احيانا وبالخربشة وجنون
/
/


لو معاك فلوس اكثر مما تتخيل...فماذا ستفعل بها
أول حاجة حخلي امي تروح تحج وابني بيت كبير نسكن فيه كلنا انا واخوتي ونتلم من تاني وحودي الباقي للي محتاجينه
/
/


هل الفقر يصنع حبا؟؟
نعم
/
/

وماذا لو وجد الحب فى زمن الفقر المادى؟
سيستمر ان كان حب حقيقي
/
/

ماهى اقسى صدمه تعرضت لها حتى وقتنا هذا
خيانة صديقتي
/
/

وماذا كان رد فعلك
طلبت منها ان لاتعرفني مرة اخرى
/
/
وهل تعلمت منها شيء
نعم انه لا يوجد ملائكة على الأرض
/
/

هل انت على استعداد لتلقى صدمات اخرى؟؟
لاااااا
/
/


هل تصدق كل ماتقرا عن الاخرين
كيف ترد على من لاتصدقه
لا أصدق بل اسعى الى المعرفة او التقصي وارد عليه ان كل منا معرض الى ان تنتهك سيرته
/
/


اذا احببت انسان ما ...هل تصرح له بحبك ؟
نعم
/
/
وماذا تفعل لو لم يتجاوب معك؟
لن اجبره بل سأبقى احبه
/
/

هل تؤمن بالمثل القائل:انا احب فانا اعيش
نعم فبدون الحب لا تستمر الحيساة فالحب انواع ودرجات
/
/


ماهى القضايا التى تشغل بالك؟
كثييييرة جدا
/
/

هل تستطيع تحقيق كل احلامك
هل تمتلك طموحا...وماهو؟
اطمح الى ان احقق احلامي واكون انا
/
/

كيف ستحقق طموحك...ام سيبقى حلما فقط!!!!!!!!!!
ححاول احققه بالسعي والجد
/
/


ماهى علاقتك بالدنيا
مجرد زيارة قصيرة
/
/
ماهى علاقتك بالموت
ضيف قريب اتوقع وصوله باي وقت ولذلك احب ان اكون دوما مستعدة لاستقباله
/
/


لو لك اختيار زمن تعيش به....فماهوذلك الزمن ؟ ولماذا ؟
احب زمني فالعيب فينا ا فيه
المهم ان نقنع بذلك
/
/



هل يمكن ان ارا ك وانت غائب؟؟؟؟؟؟؟
نعم فقط اغمضي عينيكي وناديني
/
/

ماذا ترى فى نفسك مميزا عن الاخرين؟
لا اتعامل بأقنعة
/
/


من اذا اقترب منك ...هربت منه بعيدا؟

المنافقين
/
/

من تقول له : قرب منى قرب ...ياقلبى يا متغرب
كل اللي بحبهم ومفتقداهم
/
/


ماذا تريد ان تقوم به قبل ان تموت


ان اسجد في المسجد الاقصى
/
/


مارايك فى اسئلتى؟؟؟ وبدون مجامله
هل نسيت سؤال كان هاما بالنسبة لك؟
بصراحة اسئلتك تعري مابداخلنا بس حبيتها اوي
تسلم ايدك
:)
/
/


هل استطعت تغطية شخصيتك
مع ملاحظة انى ماليش فى الكوره..........هههههههههه

من يهمك ان يجاوب على هذه الاسئله؟؟؟؟؟؟؟؟؟؟؟؟؟؟؟؟؟
بصراحة ايوة واي حد حابب يجاوب يتفضل

جارة القمر يقول...

ماما انا جاوب على اسئلتك وانا كنت جاية هنا علشان اشكرك من قلبي على كلامك الجميل عندي
بجد انا بنحني عشان ابوس ايدك

ربنا مايحرمناش من طيبة قلبك