الوقت كالسيف ان لم تقطعه .......قطعك

بجد مش عارفه اعمل ايه
الوقت بيضيع من بين ايديا
بفكر كتير ................لكن التنفيذ صعب
عايزه اعمل واعمل واعمل
لكن فين الوقت لكل دا
عايزه اقرا الجرايد ....مافيش وقت
عندى كتب كتيرنفسى أقرئها....لكن مافيش وقت
عايزه اكمل خياطة عبايات مركونه بقالها سنتين واكتر ....بس مافيش حيل ولا عين ولاوقت
عايزه اصوم.........ههههههههههههههههه
انا بعتبرها نكته
لانى السنه اللى فاتت كنت بشجع على الصيام
لكن السنه دى....مافيش قدره خالص ولا تحمل........امال هعمل ايه فى رمضان؟؟؟؟!!!!!
ساعدنى يا رب
ياترى كل اللى نفسى فيه ومش قادره اعمله....
دا من ايه
اكيد الشيطان بيضحك عليا
ومضيع وقتى ...فى ؟؟؟....مش عارفه
فى كلام فاضى
شويه تلفزيون......لا مش شويه ...دا كتيييييييييييييييييير
ومع التلفزيون بتضيع بركة اليوم
ومع الحر وزهقه بتضيع البقيه الباقيه...
طيب اعمل ايه؟؟؟؟؟؟؟؟؟؟؟
ماهو مافيش نفس ولا قوه
زهق وبس
ولا حول ولا قوة الا بالله

سلام عليكم

بحلم وانا صاحى

انا بحلم
انا انتظر تحقيق الحلم
انه حلم الالتقاء بزوجى الميت
ولكنى اعيش فى حلم دائم باللقاء
اذا انا عايشه احلم
ياترى انا عايشه ولا ميته
انا اشعر بالحياه انها تاخذنى للذكريات الجميله
انها تاخذنى لتحقيق كل ماكان زوجى يريد تحقيقه انا احقق اماله فى اولاده....... انا احبه وقلبى يدق باسمه
متى القاه.... انه حلم العمر
اجمل شيء انى مازلت احلم...وان من حقى ان احلم بهذا الرجل
انى املك حلما ....
صحيح مش بايدى انىاحققه...ولكنى متمسكه به لاخر لحظه فى حياتى
فلقد وجدت رسالة منه تقول:
تذكرينى...فالذكرى ناقوص يدق فى عالم النسيان
انى احبك ياحبيب العمر
احبك

وبشر الصابريـــــــــــــــــــــــــــــــــــــــــــن

بسم الله الرحمن الرحيم....وبه نستعين

والصلاة والسلام على اشرف المرسلين
سيدنا محمد النبى الهادى الامين
حبايبى
انهارده الجمعه وافضل ما نقول فيه.... هو اللهم صلى على محمد فى الاولين ...وصلى على محمد فى الاخرين...وصلى عليه وعلى اله اجمعين وعلى اصحابه والتابعين الى يوم الدين....اللهم امين

حبايبى
اشكر كل اللى سئلوا عليا وتقبلوا عودتى ...
ولكنى اشفق عليهم بانى عدت غير الشخصيه السابقه
فقد عدت وليس لى رغبه فى الدنيا ولا الحياه
ليس عن حزن او زعل او غضب لا قدر الله
عدت وكلى رضا والحمد لله بان امر الله نافذ...وان مايفعله ويدبره لنا هو افضل مافى الدنيا...وافضل من تقديرنا لنفسنا كمان
الحمد لله الذى به تتم الصالحات....الحمد لله ...الحمد لله
وقد عدت...ولكن الحمد لله عدت وليسامحنى اخوتى فى الايمان عدت بدون رغبة فى اى شيء الا فى علاقه قويه مع الله وفى طريق الله...ليس عن كره للدنيا ولا انى سوف اعتزل الحياه .. ابدا....ولكنى تعلمت ان كل بلاء الدنيا هين اذا ماقورن بالبعد عن الله((وهذا موضوع اخر...سوف اتحدث عنه باذن الله فى وقت لاحق

حبايبى انتم تسئلون ماذا حدث؟؟؟؟؟
وانا اقول انها كانت محنه او منحه من الله عليا انا وبنتى....
وبدون الدخول فى تفاصيل ممكن ان تؤذىالمقربين الى
فقد تعرضنا لظلم ووضعنا فى مازق الاختيار الصعب....
وكما قلت سابقا .... لقد هربت لانى ارفض هذا الوضع...ولكى لااخذ قرارات متسرعه

هربت من الناس وممن حولى ...وتوجهت الى الله...ثم الله ...ثم الله ولا غير الله
وكما قال رسول الله صلى الله عليه وسلم..اذا استعنت فاستعن بالله
فاستعنت بالله وتوجهت اليه ودعوته وبكيت بين يديه خاشعه ...ان يفرج كربى وكرب من حولى وان يهدينى ويهديهم سواء السبيل
وكان الله سميعا بصيرا
وكان الله عليما حكيما
وكان الله رؤوفا رحيما

ما اجمل اللجوؤ الى الله
انه كالبلسم الشافى واليد الحنون
انه القلب الطيب ..انه النور فى الظلمات
قلت يارب...وما اجملها من كلمه تقال من قلب محتاجه محتاج العدل والحب والصحبه الطيبه
واستجاب رب العالمين
صحيح انا هربت وتركت الاخرين يحرثوا فى حرث الدنيا
ولكنى كنت معهم فى حرث الاخره...فالطريقان يلتقيان عند ارادة الخير والصلاح
وكما يقولون (اسعى يا عبد وانا اسعى معاك) .....حقيقى معرفش مين قالها

يحضرنى هنا ...اصحاب واخوه غاليين عليا
تعبانين من دنيا البشر
تعبانين من عدم نول مايبتغون ويحبون
وهل ندرى بعلمنا المحدود.. اشر اريد بنا او خير؟؟؟؟؟؟؟؟؟
فانا اريد وانت تريد والله يفعل مايريد
ويقول الله عزوجل فى حديثه القدسى:
عبدى..كن لى كما اريد...اكن لك فوق ماتريد
ياااااااااااااااااااااااالله
فان لم يعطينى ربى ما اريد....فتاكد يا اخى انه ماكان خيرا لك قط
وان عذابك من الشيطان..((ليحزن الذين امنوا ))
ولانى معرفش اكون واعظه ولا خطيبه ومعنديش طولة بال
لاننسى قول الله عز وجل فى محكم اياته((ولنبلونكم بشيء من الخوف والجوع ونقص من الاموال والانفس والثمرات)))
خلاص كدا ..يعنى نستحمل وخلاصماهو كلام ربنا ولازم نرضى بيه
لكن حبيبى ونور حياتى يكمل ويقول
((وبشر الصابرين )) ياسلام على جمال ربنا وهو يثنى علينا..ويقول عننا صابرين...انها كالنجمه التى ناخذها فى كراستنا واحنا صغيرين دايما بنفرح لما يثنى علينا اى حد فما بالنا بثناء الله عز وجل علينا
وكمان يطبطب علينا بحنيه وهو حاسس بينا ويقولنا ((الذين اذا اصابتهم مصيبه قالوا انا لله وانا اليه راجعون ))
ربنا عارف وحاسس بينا ....عارف اننا بنقول ولسان حالنا ... دانا فى نصيبه...
لكن الرؤوف الحنون مالك الملك..اللى احن علينا من نفسنا علينا واحن من امنا وابونا
بيقولنا ماتزعلوش...دى كانت تجربه علشان تعرفوا ان دى دنيا ولازم فيها النقص زى الزياده بالظبط
بس اصبروا وقولوا انا لله وانا اليه راجعون وهاتلاقونى معاكم برحمكم واهديكم للى فيه سعادتكم وراحة بالكم
((اولئك عليهم صلوات من ربهم ورحمة واولئك هم المهتدون ))
الله ....الله ....الله عليك يارب... الله عليك ياارحم الراحمين
طيب بعدا فى كلام!!!!!!!!!!!
ماعتقدش
سلام عليكم ورحمة الله وبركاته

ولســـــــــــــه عـــــــــــــــــــــــــندى امـــــــــــــــــــــل تعـــــــــودى

بسم الله الرحمن الرحيم

لم اكن انوى العوده
الهبوط دائما اسهل من الصعود

فنجان شاى وحبيتين بنادول
وقررت العوده....ليس من اجلى
ولكن من اجل من ينتظرون عودتى

جئت اسئلهم لماذا تريدون منى العوده؟؟؟؟؟؟؟؟؟؟؟؟؟؟
فلم افعل لكم شيئا .... ولم اقدم لكم اى عون!!!!!!!!!!

انى ايضا اضعف مما تتصورون
فلم استطع ان اواجه محنتى ......
انسحبت من الميدان بسهوله
لم استطع ان احارب...تركت السفينه خاليه من ربانها....

كان قرارا مريحا لجميع الاطراف
وفيه الحل لكل المشاكل من وجهة نظرى

العجيبه انه فعلا حلت المشاكل
ورست السفينه بحمد الله على شاطيء الامان...والحمد لله

هذه حياتى ...وهذا تفكيرى...
فانا طوال عمرى لا احب الحروب...ولا احب النزاع...
وهكذا اخذت القرار بالابتعاد عن حياتى وبيتى وبناتى
لم اقل لاحد انى سابتعد
كان قرار يمثل التضحيه فى نظرى
فكما ضحيت سابقا من اجل احب الناس عليا
فكان ولا بد ان اضحى براحتى مره اخرى ...من اجل سعادة ابنتى

ولكن فى هذه المره دخل فى الامتحان اطراف اخرى...راهنت عليها بينى وبين نفسى
انه زوج ابنتى ...لم يكن وقتها زوجها
تركته يصارع بين طرفين احب اليه من نفسه
ابوه وخطيبته
ولكى لا اخسر من دخل قلب ابنتى ...وبحكمةالسنين التى ادعى انى استفدت من حياتى بها
لم اتدخل ولم اوجهه....فضلت الابتعاد...
تركت بنتى امانه بين يديه
وابوه يسير فى طريق حياته مهددا اياه بنهاية العلاقه الجميله التى ربطت بين قلبين....
ماذا افعل؟؟؟؟؟؟؟
ااتحمل وزر قطيعة الرحم ...من اجل سعادة ابنتى؟
ام اضحى بقلب بنتى من اجل ارضائى؟

ابدا لا استطيع تحمل عذاب القلب الكبير الذى يحوطنى بحبه وحنانه وبره
ولا استطيع تحمل عذاب الضمير ..الذى سيدفعنى لغضب الله من اجل هدف دنيوى فى ظاهره

وجاء القرار من قلبى وعقلى معا

انه الابتعاد...وليفعل الله مايريد

احبائى......
هذا اعتذارى اليكم...
فلم ابتعد رغبة فى الابتعاد عنكم...
ولكنى عدت اقدم لكم مبررات الابتعاد الفجائى الذى حدث
واعلم انى قد اتعبتكم فى انتظارى والسؤال عنى
انى اسفه انى اسفه اسفه من كل قلبى
اعذرونى وسامحونى فانى دائما اميل الى الحلول النهائيه...ولا احب الحلول الوسط

وها قد عدت الى ابنائى...
احمد وورده وثندر وعفشه وفكره وايناس وميمى
اعذرونى فلم اعود الى كامل لياقتى البدنيه ولا الفكريه بعد
ولكنى باذن الله سا اعود قريبا
وسلامى لكل المتواجدين

اجـــــــــــــــــــــــــــــــــــــــــــــــــــــــازه....لاجل غير مسمى

السلام عليكم ورحمة الله وبركاته

احبابى واصدقائى الاعزاء

اسفه لعدم المتابعه
واسفه لعدم التواجد
ولكنها ظروف الحياه
واسفه لورده
اسفه جدا كنت امتنى البى طلبها حالا
ولكن غصب عنى
تحول الظروف الحاليه التى امر بها انا واسرتى لعدم التواجد حاليا على الجهاز
ربنا مع الجميع
واتمنى ان اعود اليكم فى اقرب فرصه

وكمان اسفه لانى هاقفل التعليقات
مش علشان اى حاجه غير انى مش هاكون قريبه منه ومش هاينفع اقرأ حاجه دلوقتى خالص
وان شاء الله مع تحست الظروف سوف اعود

سلامى للجميع

والسلام عليكم ورحمة الله وبركاته

موبايلى ضاااااااااااااااااااااااااع

سلام عليكم

انى اغرق اغرق اغرق
ياكل الماضى والحاضر يا عمر العمر
موبايلى بقاله معايا 3 سنين
حطيت عليه كل صورى وصور بناتى وصور حفيدى
كل ارقام املكها فى حياتى
كل ارقام اخواتى
كل ارقام اصحابى وزمايلى
و3 ارقام غاليين عليا
ايناس وورده واحمد
عليه كل القرءان الكريم بصوت الشيخ عبد الباسط
كان عليه التواشيح بتاعة النقشبندى
كان عليه الاغانى اللى بحبها

كان صاحبى وحبيبى
وكان فيه رنات لكل واحد بذكرى حلوه تجمعنا سوى
وكان بيصحينى فى الفجر للصلاة
وكنت بصحى بيه اللى بيحبوا يصحوا للصلاة قبل الشروق
كان عليه مواعيد الدكتور
ومواعيد التحاليل
كان كل حياتى

ودا كله بعد ماكنت رافضه اشتريه
وجالى هديه من اخواتى وعيالى
هديه بالعافيه...لان انا اخر واحده فى العيله ..والكل عايز يكلمنى وانا اقول ابدا مش عيزاه مش عيزاه

وبعد ماحبيته وخدنا على بعض وبقى بينا عشره وعمر وموده
بعد صباح الخير الصبح
وبعد تصبح على خير باليل
وبعد ماكنت بأكله واشحنه
وبعد ماكنت بنضفه واغيرله هدومه
اااااااه يا موبيلى يا حبيبى
ااهأ اهأ اهأ اهأ
ياللى مالحقتش افرح بيك يا حبيبى
كدا كدا برضه اهون عليك
كدا تضيع منى ومعرفش طريقك فين
دنا كنت لسه بتكلم فيك
كدا الزهايمر يضيعك
كدا تتوه منى ومعرفلكش طريق جره
طيب انا بنسى..
انت قول للى لقاك ..عايز ارجع لصاحبتى
مش المفروض تعيط وترفص وتقول ابدا مش هاشتغل مع اى حد غير صاحبتى

كدا تخلى اللى لقاك يطلعلى لسانه...ويقولى رنى انشاله للصبح ولا هاعبرك

عموما حسبى الله ونعم الوكيل
وعوضى على الله

وارجومن اصحابى ومن ايناس... وورده.... واحمد
الا يطلبونى ولا يكلمونى
وارجوا ان لايعطوا هذا النذل او النذله اللى لقت الموبايل فرصه للفرح فيا والشماته
وادعولى بان يعوضنى الله خيرا عنه ومنه
وانا من هذا المنبر اقول:.........
ماحدش لقى موبايل ماشى لوحده
ولا يمكن نايم فى حته وبيعيط
ولا يمكن ضل الطريق وواحد ابن حلال لقاه وبيلعب بيه شويه وناوى يرجعه وليه الحلاوه

اااااااااااااااااااااااااااااه يا موبيلى يا حبيبى
انى حزينه...........انى ابكى
ولكنى مش عايزه انكد عليكم
ولا اراكم الله مكروه فى عزيز لديكم
والبقاء لله وحده
والسلام عليكم ورحمة الله وبركاته

اهأ..اهاأ........اهأاهأ..............اهااهأاهأ

للاطمئنــــــــــــــــــــــــــــــــــــــــــــــــــــــان

السلام عليكم ورحمة الله وبركاته



اولا
حبيت اطمنكم ان ساره بخير هى وخطيبها
وهى كلمتنى وبتشكركم جدا جدا
جميع من كلمها وخاطابها بالعقل والمنطق
وانها فعلا :
كلمت خطيبها بكل صراحه

بس بصراحه انا ماتدخلتش فى الكلام ولا طلبت منها تحكيلى
انما اطمئنيت عليها وبس
وهى قالتلى انها الحمد لله استفادت من اراء الجميع وبدأت تنظر للجزء المليان من الكوب
ودا بسبب كلامكم معاها

واعتقد انها هاتكلمنا تانى لما تدعونا لفرحها ان شاء الله
وعقبال الجميع بالخير
وانا بالنيابه عنكم جميعا بقولها ربنا يتمم بخير ويسعدهم



ثانيـــــــــــــــــــا

فى حاجه انا مش مطمنلها فى المدونه
ملاحظه ان فى ابناء ليا هنا مخصمانى ومش بيكلمونى
ليه ؟؟؟؟؟؟؟؟؟مش عارفه
ورحت مدونتهم لقيتهم بيقولوا للمدعوين فقط
هو للدرجه دى وصل الخصام والزعل
من غير حتى محاكمه ولا فرصه للدفاع عن نفسى

وانا فى الاول كنت فاكره انهم مشغولين ..................
ولكن وجدتهم يملئون الدنيا بالتعليقات فى كل مكان
الا عندى
وطبعا هما عارفين نفسهم بالاسم
ولا يمكن تكون مدونتى مراقبه وهما خايفين يكلمونى لا يروحوا فى الباى باى..........يمكن


وانا من مش هاقول انا زعلانه اد ايه من موقفهم ده
لان اكيد هما عارفين هما اذونى قد ايه
ولان مافيش خصام من غير سبب
فانا ادعوهم لابداء الاسباب

وشكرا