الثلاثاء، ٢٦ مايو ٢٠٠٩

اهلا بيكى يا ورده

بسم الله الرحمن الرحيم

اول حاجه فكرت فيها بعد صلاة الفجر طبعا وقول الازكار
انى ارد عليكى يا ورده
اولا الف شكر على زيارتك ليا ..مع انك عايزه ترتاحى شويه من الكتابه...الف شكر تانى

ثانيا شكرا لابنى احمد
لانه بجد انسان جميل جدا ومخلص جدا لاحبابه
وعمال يشكر فيا لكل انسان يعرفه ويقابله..(اللهم اغفرلى ماقدمت وماأخرت.. وماأسررت وما أعلنت ..ومانت اعلم به منى )..اللهم امين
بجد يا احمد من هنا ومن عند ورده الصديقه والاخت احييك وبقولك انك ابنى الحبيب فعلا

ثالثا انتى فعلا بنتى يا ورده...واشكرك على دعوتك ليا

رابعا
بقولك ماتقفليش ولا تاخدى قرار الاغلاق سيبى الباب موارب
فى لحظه هاتقولى زهقانه ...وفى التانيه هاتقولى جالى ضيوف...وفى التالته هاتقولى احكيلكم الضيوف عملوا معايا ايه....وفى الرابعه هاتنسى الزهق
صدقينى هى بتبقى حكاية ثقل الامانه اللى بنشيلها..وبنحاول دايما نكون قدها
ياعينى على الكاتب الصحفى الملتزم بكتابة موضوعه اليومى او الاسبوعى فى صحيفته
مايقدرش يمتنع لان دا اكل عيشه ..ولانه ملتزم مع جريدته بعقد موقع وزى مابيقولوا ميثاق شرف

اما احنا فالتزامنا اخلاقى معنوى عاطفى حسى ايمانى...مافيش تعاقد ولا اكل عيش...لكن فى حب اخلاص وشرف التعارف والتآلف الروحى مابينا وبين بعض

فى: اننا بنفتقد حبايبنا بجد
بنفتقد المشاعر الجميله اللى بتحس بينا عن بعد..واللى بنفتقدها لو حد من العقد خرج عن مساره
عرفه المثل اللى بيقول
اللى ماتصبحه وتمسيه
ماتعرفش ايه جرى فيه
هو دا اللى بينا
عارفه لما بكتب بوست جديد..بعد شويه بفتح وادور على اللى كتبولى وعبرونى وتعبوا نفسهم وعلقوا عندى
بدور على حبايبى وابنائى ..واقلق قوى لو حد اتاخر فى التعليق
مش علشان التعليق فى حد زاته..زابدا..لكن لانى بقلق عليه هو فين بيعمل ايه..هو كويس؟ هو بخير؟ ..بطمن لما يكتب اى حاجه ..ان شالله تكون كلمة لاتعليق..المهم انه موجود وحسه بالدنيا وطيب وبخير
ربنا مايحرمناش من بعض


انا لسه هاروح عندك...وحقيقى نفسى اعرفك وتعرفينى
بس عايزه اقرا جديد
يلا ابدأى واكتبى ايه اللى مزهقك..عبرى عن نفسك..عن غضبك..عن كسلك
اكتبى ولا تتوقفى...الكتابه حياه... بنكتبها بارادتنا وتفكيرنا ومزاجنا .....والقرآه عمر تانى بنعيشه بارواحنا وقلبنا..
التدوين دا نعمه من ربنا...ولازم نشكر ربنا على نعمته....والشكر بالتواصل مع الشاكرين والحمد لله..
بان ندعوا للتفائل للفرح.. للايمان.. للسعاده فى الدنيا بالعمل الصالح ..والسعاده فى الاخره برضا ربنا

مش عايزه اطول اكتر من كدا..لانى لو فضلت اكتب عن التدوين والافق الواسع المفتوح علينا من خلاله...اكيد مش هاسكت خالص

بس فى النهايه احب اشكر ابنى واخويا وصديقى (احمد )اى اسماء واحلام فى وجدانى
لانه هو اللى اعطانى الفرصه لاكتب لورده ..وادعوها للتعارف بينا عن طريق هذا الرائع اللى اسمه التدوين

واهنىء اختى وحبيبتى (ايناس)صاحبة مدونه احزان ايناس على العوده الجميله

وادعوا نفس الانسان المدعو اسماء واحلام فى وجدانى ان يكتبلنا بقا وبلاش الدلع ده

ومن هنا برضه اهنىء الاخت جارة القمر على شفاء والدتها الف الف مبروك وربنا يمتعها بالصحه والسعاده والرضا

وكفايه رغى بقا انتوا مازهقتوش
سلام والى لقاء

وربنا قال فى محكم اياته (اقرا )


هناك ٦٢ تعليقًا:

غير معرف يقول...

اول تعلييييييييييييييييييييق

غير معرف يقول...

دا فعلا اول تعلييييييييييييييييق

غير معرف يقول...

هيييييييييييه
مامتى ربنا مايحرمك من اولادك يارب
ولا يحرمنى منك ياست الكل
الحمد لله
الهستولوجى وبفضل الله الحمد لله
عكيت فيه والحمد لله
بيعصروووووووووووووووووونا يامامتى
اه والله بيعصرووووووووووووووونا
بيمتحنونا فى اربعين ثانية
لسه عندى بكرة انتومى تشريح يعنى
ادعييييلى انا بمتحن من 2-5 وهخلص 1-7 اشمعنى كل اصحاااااااااااااااااابى هيخلصوا اول 6 هما بيعاقبونا علشان دخلنا طب لكن ارجع واقول كل لن يصيبن الا ما كتب الله لنا
ابنتك هنااء

غير معرف يقول...

اه نسيت اسأل مين ثندر ده يا مامتى
ولد ولا بنت
وثندر ده امسه ولا اسمها
اصل مفيش حد هيسمى ابنه رعد وبرق

غير معرف يقول...

انا واخدة اربع تعليقات
والخامس علشان الحسد بقااااا

اسماء واحلام فى وجدانى يقول...

امى الحبيبة

ايه حكاية الغير معروف ده بقى

احتلال لخمس تعليقات وهو غير معروف

طيب اومال لو كان معرف كان عمل ايه

ده اول تعليق طبعا انا عايز حقى فى

التعليقات فترة الغياب

نقول كده واحد

اسماء واحلام فى وجدانى يقول...

امى الحبيبة

اما بالنسبة لوردة هى كانت حجتها
انى اعمل حاجة جديدة وانا النهاردة
رجعت بالجديد وفى انتظار رايك بس عايز منك شوية ضغط على وردة علشان ترجع هى كمان لانها تقريبا رجعت معنويا لحالتها الطبيعية اقصد من الطبيعية معنى حالتها التدونية

وده تانى تعليق

فكرة من الزمن ده يقول...

صبااااااااااح الخييييييير
يا احن ام في عالم التدوين كله والله
وحشتيني واسفة على كتر غيابي لكن ان شاااء الله ما يتكررش تاني
ويارب يمتعك بكل خير وصحة وسعادة وستر في الدنيا والاخرة ويجمعنا دايما على الحب فيه والخير يارب
دمتي بكل جميل

اسماء واحلام فى وجدانى يقول...

امى الحبيبة

ربنا يخليكى لينا كلنا
وتفضلى دايما تجمعينا على الحب والدفا اللى احنا بنحس بيه هنا
وينجح الغير معروف اللى محتل التعليقات الاولى
وانا بانتظار حضرتك مرة تانية

كفاية كده دلوقتى تعليقات علشان خاطر الناس التانية

ابنك احمد

وردة يقول...

الله عليكي يا صاحبة القلب الحنون
بجد اد ايه فرحت جدا
والله ما اقدر اوصف حضرتك فرحتي قلبي النهاردة
والنهاردة بالذات انا صحيت وكنت مضايقة جدا لدرجة مش عاوزة انزل من البيت
جيتي حضرتك بالبوست ده وشيلتي حزن كبير كان مليني
حضرتك بجد اجمل هدية بعتهالي المولي عز وجل انهاردة
ياه يا حبيبتي بتشكروني لاني زورتك بالعكس انا المفروض اللي اشكر حضرتك علي الكلام الجميل ده وكمان بوست مخصوص
والله العظيم ده كتير جدااا
انا بقي كنت اخد اجازة من زماااان
هههههههههههه
وبجد احمد عمل فيا جميل كبير انو عرفني علي حضرتك "مرسي يا احمد ربنا يكرمك"
يمكن في البداية استغربت ان حضرتك عاوزة تعرفيني بس لما جيت هنا حسيت بدفء وحب كبير جداااا حسسني اني كنت مقيمة هنا وديه مش اول زيارة
صدقيني انا مش بجامل ومش بعرف اقول غير اللي بحسه
وكمية الحب اللي موجودة في قلب حضرتك غمرتنا جميعا وجمعتنا حوالين حضرتك
والله كل ده من قلبي لحضرتك
فعلا الكتاية امانة كبيرة يمكن لما كنت بكتب لنفسي كنت بكتب براحتي جدا
بس دلوقتي في ناس محترمة بتابع كل كلمة وفوق كل ده "ربنا سبحانه وتعالي"
لازم ارضي ربي في كل كلمة بخاف جداااا وبفكر في كل حرف
بجد كلام حضرتك ريحني جداا وكان اضافة ليا
اكيد لما حد بيبعد ولا حتي مش بيسأل بيأثر فينا
انا بحس ده جداا "لاني زي ما بيقولو الاسكندرانية عشرية وبحب الناس"
هههههههههه
بس لما اخدت قرار البعد كنت فاكرة عادي "مش حيفرق مع حد" اكيد في ناس حتزعل بس مش بالدرجة اللي لقيتها
بجد كانت ثقة غالية وكبيرة وحب اكبر من ناس بقي ليها مكان خاص بقلبي
حب نقي صافي من ناس ولا شافوني ولا شفتهم الوصل ما بينا الكلمات الطيبة والمعاملة الحسنة لايوجد ما يعكر صفو هذا الحب غير الخوف من الفراق لاقدر الله
انا اسفة طبعا لو كنت في لحظة اخدت قرار زعل حد او نزل لحظة حزن في قلب حد بسببي
بس قد ايه القرار ده وراني حاجات كانت القلوب مقفولة عليها
عرفني يعني ايه الحب في الله
عرفني ياعني ايه ناس تسمو بأروحها وتعلو فوق الماديات
وعرفني معني ان ممكن الارواح تتألف من غير لقاء
ربنا يخلي حضرتك لينا جميعا ونتجمع دايما في الخير
لو حضرتك حتشرفيني حيكون ده بجد كبيييييير جدا عندي
واوعدك ان في جديد وفي اقرب وقت ان شاء الله علشان اشوف تعليق حضرتك منورتي
اكيد مش حكتفي بالتعرف ده ولو تسمحيلي حضيف حضرتك علي الايميل
وكمان طلب معلش
عاوزة حضرتك تدعيلي بجد انا محتاجة دعاء حضرتك جدااااا
وقبل ما امشي حشكر احمد تاني انو عرفني علي انسانة زي حضرتك
مش حنسي ابدا يا احمد انك السبب في معرفة الخير ديه
ربنا يكرمك
سلامي لحضرتك يا حبيبة القلب
سلام

♥نبع الغرام♥♪≈ يقول...

السلام عليكم


حبيبتى الغاليه

ربنا يديم عليكى الحب والسعاده والصحه وبجد حضرتك انسانه جميله قووى

وبجد احمد وورده يستهلو اكثر من كده


ربنا يسعدهم يارب ويفضلو معانا على طووووووووووول


لانهم من الشخصيات بجد اللى بعتز بيهم قوووى

ودى لمسة وفاء منك لناس تستحق هذا الوفاء

جزاك الله كل الخير حبيبتى
دعواتك لنا

ربنا يبارك فيكى

تحياتى انوسه

ELMASRYA - MRS WRITER يقول...

ربنا يخللي ليكي كل حبايبك

ويارب أكون واحده منهم

ولو إنك ناسياني خالص وعلى طول

حتى لقيت كل صاحباتي ضايفاهم في مدونتك ماعدا أنا

هي كتاباتي مش بتعجبك ولا إيه؟

زعلانه

thunder يقول...

اولا معاكى يا امى ان المفروض اللى يشوف كاتب صحفى يعرف مدى المجهود والالتزام اللى بيعمله ومدى الامانه اللى ملقه على عاتقة من امانه الموضوع والكلمة
لكن بعض اخوتنا معرفش مع اول عقبة و اول مشكلة بلاقى شوية روح سورى فى التعبير طفولية اوى وقرر بى الانسحاب او زى النعامه شافت الخطر من بعيد راحت دفنه راسها فى الرمل وكان الخطر كدا راح
لية مش فاهم الروح دى ولية احنا مبنقفش ونواجه مشاكلنا دا مش مقصود بيه حد معين لكن كان فى الفترة اللى فاتت كتير اوى من اخاوتى بيعمل نفس الاسلوب انا عارف انه من حقهم انهم كل واحد ياخد فترة راحة يوم يومين حسب ما هو شايف لكن يقول هقفل وهبعد عنكم اعتقد ان دا مش من حقه لان دا حقنا احنا وطالما اصبحنا كيان واحد يبقة مش من حقك تنتزع نفسك من بينا وكانك ممريش من الاساس فى حياتنا
اتمنى ان الروح دى تختفى بقة من بين اخواتى والعقل هو اللى يسيطر على التفكير مش المشاعر
فى المواقف اللى بنشوفها صعبة
امى العزيزة وحشتينى اوى وربنا وحضريتك لية مش بتظهرى على الاميل طيب وبعدين انا مش عاوز احتل المدونه يعنى لو احتلاليت هيبلغوا عنى علشان يخرجونى من هنا اتمنى ياااارب تكون بخير وبصحة وربنا يديم عليكى الحب والود ورعايته دائما يااااااااااااااااااااااااااااااااااااااااااارب

thunder يقول...

بقالى ربع ساعة بكتب وكانوا لسة 9 قوم لما اخلص الاقى نفسى رقم الحظ ايوا الحظ 13 اية دا الناس اية وربنا وربنا لنيكم من المغرب يا صين يعنى بعد كدا هقفل التعليقات واخد المافتيح فى ايدى واستنى اول ما البوست ينزل واروح احتل كدا العيال دى هتجبلى احباط وربنا طب رعوا شعور الفقراء طيب وان النت بيرخم معهم ايه دا بس عااااااااااااااااااااااااااااااااااااااااااااااااااااااااااااااااااااااا

اسماء واحلام فى وجدانى يقول...

امى الحبيبة
استذنك فى هذا التعليق

اخى العزيز

ثندر

لو تعرف معزة مدونتى بالنسبة لى
او بالنسبة لاى شخص اخر كنت ستدرج ان قرار الانسحاب هو اقوى بكثير من ذلك الحب وربما يكون الانسحاب بسبب الحفاظ على حب اجمل واسمى من مليون مدونة لاننا من نبنى المدونة وفى يدينا كل يوم القدرة على انشاء مدونات كثيرة
ولكن الحب ان لم تحافظ عليه ولو ضحيت باجمل ما فى حياتك لن تجده مرة اخرى
هذه وجهة نظر لشخص وهذا الشخص يحترم جميع الارء مع احترامى طبعا ليك

mimi يقول...

مامتي الجميلة

تحياتي ليكي

ولكل أولادك اللي بتحبيهم وبيحبوكي

أحسن حاجة في الدنيا ... لم الشمل .

ربنا يخليكي لينا يا رب

مليون شكر لأحمد أنه عرفني بيكي

ومبروك عليكي وردة.... وكل الورد اللي منور مدونتك

غير معرف يقول...

الى اسماء واحلام فى وجدااااااااااااانى


لو سمحت يعنى انا معرف بالنسبة لماما
يمكن غير معرف بالنسبة ليك بس انا ليا حق فى ماما زيك بالظبط لو ظروفى منعتنى يكون ليا مدونة فده شئ مش با ايدى وبعدين حكاية غير معرف دى بتغظنى اصلا بس حكم القوى ولو قريت التعليق للاخر هتلاقى ان انا بمضى هناااااااء
اسمى هناء

موناليزا يقول...

ايوة كدا عرفيهم:)

الفراغ يقول...

اهلا هناء
ثندر ده حبيب قلبى..ابنى البكرى
واول من اهتم بيا هنا وشجعنى وكان بيسئل عليا باستمرار..
وادخلى عنده هو شاب محترم واخو الكل هنا واخته الحبيبه والصديقه اللدوده ليه هيا ايوش
وبعدين انتى رديتى على احمد(اسماء واحلام فى وجدانى)..والله انا كنت هارد عنك
بس خلاص انتى قمتى بالواجب
بس احمد مايقصدش يزعلك..هو طبعا بيرحب بيكى..وبرضه احمداحد ابنائى الغاليين قوى عندى ..وانتى كدا بقيتى اخته..بس انتى اخر العنقود(سكر معقود)
تمنياتى ليكى بالنجاح والتوفيق
متهيئلى كدا انك فى سنه 4
ربنا معاكى وبالتوفيق
وهانت اهيه
واكيد اخواتك كلهم بيدعولك

الفراغ يقول...

احمد بيه..اهلا اهلا
ايوه كدا سمعنا صوتك..البيت قصدى المدونه كانت هس هس من غيرك
الغير معرف ده بقا اختك الصغيره الدكتوره هنــاء..وسيادتك غايب اتعرفت عليها..ولو رجعت لبوست ورا هتلاقى ان والديها منعينها من عمل مدونه ..وهى طبعا زى القطه الصغيره لسه مش بتعرف تخربش ومعرفتش تقنعهم بان المدونه شيء محترم وقيم ..ننتظر عليهم شويه لما ان شاء الله تنجح وتجيب تقدير..ويازن الله تعمل مدونة هنــــــــــــاء
رحب باختك يا احمد..وبلاش التطفيش ده..دى اخر العنقود..وحبيبة ماما

وورده ان شاء الله هاتعودوهى وعدتنى بكدا وهاتشوف

بالنسبه لردك على ثندر
انا بقول ان الام مش لازم تتدخل مابين الاخوات..ربنا يخليكم ليا ويبارك فيكم ..ويبعد العين عنكم(
(ولولا ان دخل جنته قال ماشاء الله لاقوة الا بالله)الله اكبر الله اكبر
ربنا يحميكم ويحرسكم من العين
عارف يا احمد انا عينى بتبكى خوفا عليكم..والله انتم ولادى بجد

الفراغ يقول...

وحشتينى يا فكره
انا حاسه انك مشغوله ..بس بجد انتى ملتزمه معايا بسؤالك عنى ..جدعه انك بتطمنينى عليكى
ربنا يوفقك ونطمن عليكى احنا كمان

الفراغ يقول...

بنتى ورده
اديكى شفتى الحب بنفسك وعرفتى قد ايه الناس مرتبطه بيكى
ولاولا انك ليكى مكانه فى قلوبهم ماكنوش زعلى انك عايزه تمشى او حتى تاخدى اجازه
وبعد الشر عنك من الزهق الجامد ده..بس والله كلنا كدا وكلنا مرينا بالاحساس السخيف ده واهو احمد نفسه لسه كان بيعانى منه وقبليه ثندر وايوش وقبليه انا وايناس
يعنى دا شيء طبيعى
ووجودنا مع بعض هو اللى يخلينا نفضفض مع بعض ونتغلب عليه
وانا سعيده قوى بصدقك وصراحتك معايا وعايزه كدا علطول
ويارب اقدر دايما اجمعكم فى الخير وعلى حب الخير لانكم انتم اصلا مليانين بالخير
ولولا كدا ماكنتش قلوبنا تآلفت مع بعضها
ان شاء الله هانكون مع بعض دايما كما يشاء الله
دمتى بالخير دائما

الفراغ يقول...

حبيبتى ايناس
ربنا يبارك فيكى ويجعل كلمتك دايما حنان على الكل
تحياتى يا احلى اخت

الفراغ يقول...

اختى الحبيبه المصريه
والله ماقدر على زعلك ابدا
انا مش واخده بالى انى ش ضيفاكى لانى بدخل مدونتك من اسمك فى التعليقات علطول
بس انا كل ماروح عندك الاقى نفس البوست من 13 ابريل وانا قريته كتير
طيب فين الجديد؟
ولا انتى عندك مدونات تانيه معرفهاش
يارب ماتكونيش زعلانه
وادى بوسه كبيره اهيه

الفراغ يقول...

ابنى الغالى ثندر
كل كلمه قلتها بشكرك عليها
وكلامك صح 100 %
بس مش ناخد حبايبنا بالحنان احسن..ولا ايه
بالنسبه للاميل..انا مش بقعد كتير يا ثندر..بس لما بلاقى اى اوف لاين والله بفتح وارد على اللى بيكلمنى وبنتظر يمكن يكون قاعد ونكلم بعض حتى اسئل ايوش واسماء فى وجدانى
على فكره ياباشمهندس ثندر..رحب باختك الجديده هناء..وياريت تقرا اللى انا كتباه لااسماء عنها
يلا دى فى بيتنا ولازم نكرموها يا اسكندرانى انت وهو
اتركك فى رعاية الله

الفراغ يقول...

حبيبتى ميمى
كلامك جميل واحلى تشبيه قلتيه
ربنا يخلى الورد اللى عندى..انتم فعلا زى الورد وانتى احلى ورده عبيرها فواح
ربنا يخليكى لخواتك وليا يارب

الفراغ يقول...

حبيبتى مونليزا
ماتحرمش من زيارتك

ELMASRYA - MRS WRITER يقول...

هيييييييييييييه

أخدت بوسه

مانا قلت أقول زعلانه علشان تدلعيني

هو فعلا أنا عندي مدونات تانيه موجوده في الهامش بتاع بنات أفكاري

بس أصلا بنات أفكاري مش حاطاها عندك

هبقى أعدي واشوفك عبرتيني وحطيتيها ولا لأ

أحبك في الله

HaMaDa 3aFshA يقول...

السلام عليكم
امى عذرا على التأخير وتأخير رد حضرتك عندى
لكنى منعت نزول الردود الا بموافقتى لاسباب امنية ههههه منعا للزيارات غير المرغوب فيها ممن فقدوا الادب وحرصا على زوارى الكرام
بالنسبة للموضوع فهذه سمة الام دائما سباقة الى الخير والعطاء وجمع الشتات وهذا ما تفعلينه بنا دائما
دمتى فى رعاية الله وحفظه ووفقك دائما الى الخير كل الخير
وجمعنا واياكى على حبه وحب نبيه وحب كل عمل يقربنا الى حبه
وهدانا واياكى الى فعل الخيرات وترك الموبقات وزيادة الحسنات ودخول الجنات
احمدالله حمدا كثيرا على سلامة حضرتك واسأله سبحانه ان يديم عليكى نعمه ويزيل عنكى نقمه
لاتحرمينى من دعائك واشكرك على ردك الجميل وارجو ان اكون دائما عند حسن الظن
تقبلى فائق الحب والتقدير
تحياتى

د.على خميس يقول...

السلام عليكم و رحمة الله و بركاته
أم المدونين
بارك الله فيك
كتلة من المشاعر و الحنان

اما احنا فالتزامنا اخلاقى معنوى عاطفى حسى ايمانى...مافيش تعاقد ولا اكل عيش...لكن فى حب اخلاص وشرف التعارف والتآلف الروحى مابينا وبين بعض
جميل أوى المعنى ده

ربنا يخليك
تقبلى تحياتى

غير معرف يقول...

مامتى الحبيبة
اولا بالنسبة للسنة الدراسية ف انا لسه فى سنة اولى
ثانيا بالنسبة لردك على احمد انا كنت بجد اتغاظت اصلا غير معرف دى بتغظنى بشكل بشع وانتى ختيلى حقى ربنا ما يحرمنى منك
اما بالنسبة بقا للقطة والله يامامتى انا عاملة زى الى بينحت فى صخرلا الصخر بيتنحت ولا هو بيمل

ابنتك هناء

yoyo يقول...

صباحك سكر
يا ارق و احن ماما
ربنا يخليكى لنا يارب ومش يحرمنا من وجودك ابدا ولا من لمتنا حواليك يارب

و الله يا ماما قرار الانسحاب دا بيكون صعب جدا ومؤلم كدا لان المدونة بتكون بالنسبة لنا زى الطفل الصغير اللى بيكبر قدام عيونا واحنا بنراعيه
زى البيت الكبير اللى بيتجمع فيها اصحاب وحبايبنا
القرار بيكون صعب بس مهما كان الظروف لازم نحاول نتغلب عليها ونشرك فيها اصحابنا واخواتنا لاننا منتجمعين على الرفح وعن بعد الف شر الحزن يارب مش يجمعنا على حزن ولا وجع ابدا

مش هتكلم عن أحمد لانى والله مهما اتكلمت او حتى قولت مش هاوفيه حقه لانه بجد يستاهل كل خير صاحب قلب مليان طيبة وحب للجميع
يارب يديم بينا الحب والمعروف يارب
تسلمى لينا يا ماما ربنا مش يحرمنا منك ابدا
دمتى لنا بالف خير و صحة
تحياتى
يويو

اسماء واحلام فى وجدانى يقول...

دكتورة هناء

اختى الصغيرة انا عارف حضرتك مين من الاول بس انا حبيت ارسم بسمة على وجهك فى هذا المكان الجميل و عايز اقول لماما الفراغ انى مش باطفش حد لانى ما اقدر اعمل كده وانا راضى بالمكان اللى فى قلبك لانه ببساطة اكبر من الدنيا دى كلها ومش هاطمع فى اكتر من كده
لان اخواتى كتير وكل ما بيكترو قلبك يا امى بيكبر واكيد مسئولياتك بتكتر

كلاكيت تانى مرة

هناء

ربنا يوفقك فى دراستك وينجحك يارب
وتعملى مدونة نقدر نزورك فيها

اسماء واحلام فى وجدانى يقول...

هناء

بعد ما كتبت تعليقى لاقيتك يا اختى الصغيرة فى تعليق تانى مضيقة قلت ارجع تانى واقولك اسف بجد والله انا ما اقصد اى شىء
اناتعليقاتى بتميل للكوميدى كتير
ومشعارف انتى هتشوفى الكلام ده امتى
وتعرفى انى والله ما اقصد
والختمة الشريفة ما اقصد
اضحكى بقى
ربنا يوفقك
ياريت يا امى توضحى الامر ليها

اسماء واحلام فى وجدانى يقول...

انا جيت تانى وهافضل اجىء كل شوية
لحد ما الاقى حد يقولى ان مفيش حد زعلان منك ،،،،،،،،،، الو
وعلى فكرة يا امى الحبيبة انا بعتلك رسالتين على الايميل ومستنى رد حضرتك على احر من الجمر

rovy يقول...

السلام عليكم و رحمة الله و بركاته

اختى الكريمه و الانسانه الجميله سعدت جدا بمرور حضرتك عندى و مشاركتك لى برأيك الحكيم و حقيقى باشكرك جدا لاهتمامك و مشاركتك و كمان لأن مرورك الكريم جعلنى اتعرف على انسانه جميله قلبها كبير و حنونه جداا كما فهمت من هذا البوست و لو انى بأعتذر لأن لم يحدث لى الشرف بالتعرف على شخصيات البوست الكريمه و لكن اكيد هما ناس جميله ما داموا استحقوا كل هذا الحب و الاهتمام من سيادتك ..
ربنا يبارك فيكى و يصلح احوال ورده و يجازيكى كل الخير و ان شاء الله يدوم التواصل ..
تحياتى

اسماء واحلام فى وجدانى يقول...

انا جيت تانى

انتى فين يا امى

الفراغ يقول...

ابنى الغالى ...احمد
مين دا اللى يقدر يزعل منك
ولا حد خالص
دانت القلب الكبير هنا
وكلنا عارفين انك بتهرج وبتحب تشيع روح السعاده فى كل مكان تروحه فما بالك بمدونة مامتك
بس تلاقى اللى مش بيردوا مش فاضيين او عندهم امتحان شاغلهم
ادعيلهم وهما هايجوا هايجوا

الفراغ يقول...

اختى الفاضله روفى
دا اقل التزام بينا ..طالما هناك قلوب جميله ورحيمه زى قلبك
واشكرك على رايك فى شخصيات البوست
بجد لو اتعرفت على مدوناتهم هاتلاقيهم كلهم شباب زى الورد المفتح..عبير وجمال وايمان واخلاق
وانا من يوم معرفت مدونتك لا تنقطع زيارتى لكم وحتى لو لم اترك تعليق ولكن دائما معكم
وربنا يديم التواصل بينا

الفراغ يقول...

دكتور على خميس
اشكرك جدا على كلامك ورايك فيا
بس انا ليا عتاب عليك
ماتتخضش
انا بس مش عارفه ادخل مدونتك
ليه مش عارفه
ارجو تسهيل المهمه وشكرا على زيارتك وارجوا دوام التواصل

الفراغ يقول...

يويو
الحمد لله ان انتى وصلتى للحقيقه دى..وهى اننا هنا موجودين علشان نساعد بعض على التواصل الدائم ..وان كان فى يوم فرحنا سوى..يبقى اكيد لازم نحس ببعض ساعة الازمات ..
وزى ماقلت فى بوست قديم..اننا مش نعرف بعض ..ودا بيدينا حرية التعبير بدون احراج
تمنياتى بالسعاده

اسماء واحلام فى وجدانى يقول...

يا رب

ربنا يطمن قلبك يا امى

thunder يقول...

معلش االغشل طاحنى والله وهناء على عينى وراسنا يا امى طالما حضريتك حطيتها فى المنزلة دى يبقة هى فعلا اكيد جديرة بيها اكيد
........
ام بالنسبة لاحمد متخافيش مش هيزعل والله والمفروض انه عقله متحرك اوى يعنى هو فاهم محور الكلام وانه مش مقصود بيه حاجة خلاص
.......
طب انا بقة وربنا وربنا وربنا بسيب لحضريتك اوووووووووف كتير اوى على الاميل علشان اطمن على حضريتك ولما بدخل مش بلاقى تعليقات بقول اكيد دا النت وشكل معتدتش هعملها وهحتل المدونه لانها موثقة شوية عن الاميل والرسايل بتظهر فيها
المهم بى الله عليكى يا امى تطمنينى على حضريتك لانى مقلق وكل مدخل مكانتش بلاقى حاجة
امى العزيزة دمتِ بكل حب و ود يااااااااااارب ديما وفى رعاية الله وحفظة دائما
بجد وحشتنى اوى وربنا ووووى
ومعلش لو مقصر او بقصر المشكلة ضغط الشغل بيزيد بس وبكرة هيكون اجازة وان شا ءالله هحاول اكون موجود علشان اطمن على حضريتك

غير معرف يقول...

الى احمـــــــــــــــــد
احمــــــــــــــــــــد
صدقنى يا احمد اقسم بربى انا عارفة انك بتهزر والله انا عارفة
ومـــــــــــــــتامتى الغالية
بحبك جداااااااااااااا يا امى

ُثنـــــــــــــــــــدر
انا عارفة انكم بتهزروا
ولو انا مش معتبراكم اخواتى مكنتش دخلت هنا وهزرت معاكم



احمد على فكرة انا كنت غايبة لانى مشغولة فى الامتحانات ادعيلى ادعولى كلكم بالله عليكم




بحبكم جدااااااااااااا


اختكم هناء


ابنتك هناء
بحبك يا امى

اسماء واحلام فى وجدانى يقول...

ان شاء الله يا هناء ربنا هيوفقك وينجحك باذنه
وباشكرك جدا جدا على ردك ده

غير معرف يقول...

ربنا يكرمك يا احمد يارب ويوفقك فى حياتك

عابرة السبيل يقول...

يا سلااااااااااام على الناس اللى بنتحايل عليهم يكتبو وما يقفلوش المدونة بتاعتهم

يا بختهم

ما انا المدونة بتاعتى متلقحة اهى وقربت تبور وتعنس جنب منى

يللا مش مهم

المهم انك يا ماما الفراغ بخير الحمد لله

الفراغ يقول...

بنتى ..عابرة السبيل
اهلا بيكى..ومبروك وحمد لله على سلامة مصطفى
وبجد انا مبسوطه برجوعك لنا بالسلامه

بالنسبه لمدونتك انا بروح كتير مش بلاقى حاجه جديده
اكتبى جديد واحنا نتابعك
بس انا عارفه اكيد مصطفى واخد كل وقتك ..ربنا معاكى
ووانا عن نفسى هاعملك دعاية مجانيه عنك..واللى يحب يزورك ..مش عايزينه يرجع بخفى حنين
شجعى زوارك بالكتابه

فى رعاية الله

همس الاحباب يقول...

فعلا لا تعليق
لان حضرتك قولتى كل حاجة باسلوبك الرائع
ولا يسعنا الا السمع والطاعة لحضرتك

اسف جدا لتاخيرى بس حضرتك عارفة ظروف السفر
تحياتى

اسماء واحلام فى وجدانى يقول...

امى الحبيبة

ازيك وعاملة ايه النهاردة

كلام على بلاطة يقول...

احرص على التعلم من كل الناس حتى الســـــيئين منهم
فبســــوئهم تكره الســـــوء وتبتعد بعيــدا عنهم
الافاقين رافعين شعار الشــــــرف وهتلاقى القرف منهم
الذين يدقوا الاوتاد فى طريق العباد وده عمل يشينهم
وبيدينوا كل الناس ومش لاقـــيين حد يرجعهم ويدينهم
وتعلم من الطيبين الخيرين كل ما يجملــــــهم ويزينهم
على قدر المستطاع تكون واحد ماشى على دليلهــــــم
وتكون عامل مساعد وواخد بيد ضعيفهــــــم وعليلهم
وتعلم من غير هؤلاء الاعتدال والبساطة وخليك فى ديلهم
واجعل التعلم والتعليم اسلوب حياة لان الجهلة ياويلهم
وتكون بقعة ضوء تنير ظلام ايامهـــــــم وليلهـــــم

كلام على بلاطة يقول...

احرص على التعلم من كل الناس حتى الســـــيئين منهم
فبســــوئهم تكره الســـــوء وتبتعد بعيــدا عنهم
الافاقين رافعين شعار الشــــــرف وهتلاقى القرف منهم
الذين يدقوا الاوتاد فى طريق العباد وده عمل يشينهم
وبيدينوا كل الناس ومش لاقـــيين حد يرجعهم ويدينهم
وتعلم من الطيبين الخيرين كل ما يجملــــــهم ويزينهم
على قدر المستطاع تكون واحد ماشى على دليلهــــــم
وتكون عامل مساعد وواخد بيد ضعيفهــــــم وعليلهم
وتعلم من غير هؤلاء الاعتدال والبساطة وخليك فى ديلهم
واجعل التعلم والتعليم اسلوب حياة لان الجهلة ياويلهم
وتكون بقعة ضوء تنير ظلام ايامهـــــــم وليلهـــــم

akeed يقول...

بصرحة ديه اول زيارة للمدونة فعلاً شخصية جديرة بالاحترام والتقدير


دمتى بخير


ادعوكِ لزيارة مدونتى أكيـــــــــــد

thunder يقول...

امى العزيزة حضريتك فين ويارب تكونى بخير يارب ويكون النت هو اللى فاصل
علشان خاطرى ياامى طمنينى عليكى
ويارب تكون بخير دائما يارب

اسماء واحلام فى وجدانى يقول...

يا ترا ايه الجديد اللى يخليكى تغيبى علينا اوى كده
اكيد موضوع كبير اوى

لا بجد فينك

وحشتينا اوى

HaMaDa 3aFshA يقول...

السلام عليكم
امى اردت الاطمئنان عليكى قبلما سفرى
ساتغيب فترة الامتحانات لاننى اكون بعيدا عن المنزل واستقر فى المدينة ارجو الا تحرمينى دعائك بالنجاح والتوفيق والهداية
واسأل الله العلى العظيم ان يحفك بالخير والصحة والسلامة
دعواتك امى
الى لقاء ان شاء الله
تحياتى

الفراغ يقول...

اكيد
نورت عندى..والتعليقات منوره بيك
اكيد هازورك..واشكرك على الدعوه الجميله دى

الفراغ يقول...

كلام على بلاطه
شرفت مدونتى..
وكلامك 100&..مظبوط ودعوه حلوه باسلوب جميل
ربنا يهدينا جميعا
واسمحلى انى اكتبها عندى فى المدونه باسمك
اكيد سمحتلى
شكرا
ماتحرمناش من زيارتك ودعواتك الجميله

الفراغ يقول...

حبايبى ..ثندر واسماء واحلام
منورين يا رجاله
انا بخير الحمد لله دلوقتى..بس كانوا شوية تعب صغيرين على شوية زهق متوسطين مع شوية قرف من بلدنا كبار قوى..
بس عدوا الحمد لله
انتم كويسين؟
ربنا معاك يا ثندر ويقويك على شغلك..الله يكون فى عونك
بس على فكره يا ثندر ماوصلنيش اى اوف لاين منك خالص

وانت يا احمد ربنا معاك..وطمنى عليك
وياريت تكتب علطول ..وتعبر عن اللى جواك دايما
انت بتكتب حلو قوى

الفراغ يقول...

ابنى حماده
ربنا معاك ويوفقك
منتظرين عودتك بالسلامه..
ماتقلقش علينا ..احنا بخير وبندعيلك بالنجاح والتوفيق
ترجع بالف سلامه

الفراغ يقول...

ابنى ..خالد
حمدا لله على سلامتك وعودتك من الصعيد
بس بسرعه انفض تراب السفر وعود الينا
نريد ان نستمتع بذكريات السفر
وحكاوى الاحبه
كلنا ازان صاغيه
ها..اللهم صلى عليك يانبى..ها وبعديـــــــن

اسماء واحلام فى وجدانى يقول...

نحن فى انتظار جديدك المتجدد دائما

ولو ان وجودك بدون مواضيع اجمل واجمل

فاين انتى

اين انتى

اين انتى